MENU

खेल

Ncell Axiata

फिलिपिन्ससँगको खेलका लागि नेपाली टिमको घोषणा, को को परे टिममा ?

काठमाडौं, कात्तिक २७ – एसिया कप फुटबलको छनौट अन्तर्गत मंगलबार फिलिपिन्ससँग हुने खेलको लागि अनिल गुरुङको कप्तानीमा २३ सदस्यीय नेपाली टोलीको घोषणा भएको छ । चोटका कारण देवेन्द्र तामाङ र आदित्य चौधरी टिममा अटाएका छैनन् । 

टोलीमा अनिल गुरुङ र जगजित श्रेष्ठले पुनरागमन गरेका छन् । ५० औं अन्तर्राष्ट्रिय खेल खेल्न लागेका अनिलले फिलिपिन्ससँगको खेलपछि सन्यास लिँदै छन् । टोलीको गोलकिपरमा किरण लिम्बु, विकेश कुथु र विशाल श्रेष्ठ रहेका छन् । 

यस्तै डिफेन्डरमा विराज महर्जन रोहित चन्द, अनन्त तामाङ, कमल श्रेष्ठ, जितेन्द्र कार्की, राजेन्द्र रावल र दिनेश राजवंशी रहेका छन् । मिडफिल्डमा सुजल श्रेष्ठ, विशाल राइ, विक्रम लामा, अञ्जन विष्ट, जगजित श्रेष्ठ, हेमन गुरुङ, हेमन्त थापा र सुनिल वल रहेका छन् । फरवार्डमा भने भरत खवास, बिमल घर्ती मगर, अनिल गुरुङ, नवयुग श्रेष्ठ र जर्जप्रिन्स कार्की परेका छन् । 

कमजोरी सुधारेर राम्रो प्रदर्शन गर्ने लक्ष्य

फिलिपिन्ससँग हुने खेलमा पहिलेका कमजोरी सुधारेर राम्रो खेल दिने नेपालका मुख्य प्रशिक्षक ग्योटुकी कोजीले बताएका छन् । फिलिपिन्स निकै बलियो टिम भए पनि नेपालले सक्दो मेहेनेत गरेर सके जित नसके बराबरी खेल्ने कप्तान अनिल गुरुङले बताए । 

एन्फा कम्प्लेक्स सातदोबाटोमा भएको पत्रकार सम्मेलनमा फिलिपिन्सका प्रशिक्षक थोमल डोड्लेले नेपालसँग प्रसस्तै युवा खेलाडी रहेको र पछिल्लो समयमा खेल सुधार्दै लगेकोले नेपाललाइ कमजोर नठानेको बताए ।

चार खेलबाट फिलिफिन्सले ८ अंक बटुलेको छ भने नेपाल १ अंकसहित तालिकाको पुछारमा छ । फिलिपिन्सको घरेलु मैदानमा भएको पहिलो खेलमा नेपाल ४–१ ले पराजित भएको थियो । 

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया