MENU

समाज

Ncell Axiata
sagun

पुनर्निर्माणको प्रगति अनुगमन र सहजीकरण गर्न चार कार्यकारी सदस्यलाई जिम्मेवारी

काठमाडौं, कात्तिक २७ – राष्ट्रिय पुनर्निर्माण प्राधिकरणले भूकम्प प्रभावित ३१ जिल्लाको पुनर्निर्माण कार्य अनुमगन तथा सहजीकरण गर्न कार्यकारी समिति सदस्यलाई जिम्मेवारी दिएको छ । 

प्रमुख कार्यकारी अधिकृत युवराज भुसालले अनुगमन कार्य क्षेत्र छुट्टाएर कार्यकारी समिति सदस्यहरु डा. चन्द्रबहादुर श्रेष्ठ, धुव्रप्रसाद शर्मा, डा. हरिराम पराजुली र डा. विष्णु बहादुर भण्डारीलाई  भूकम्प प्रभावित ३१ जिल्लामा हुने र भैरहेका पुनर्निर्माणसँग सम्बन्धित समग्र कार्यहरुको अनुगमन तथा सहजीकरण गर्ने जिम्मेवारी दिनुभएको हो । 

कार्यकारी समिति सदस्य डा. हरिराम पराजुलीलाई गोरखा, धादिङ, नुवाकोट, रसुवा, पर्वत, बाग्लुङ, म्याग्दी र चितवनको जिम्मेवारी दिइएको छ । 

यसैगरी कार्यकारी समिति सदस्य धुव्रप्रसाद शर्मालाई सिन्धुपाल्चोक, दोलखा, काठमाण्डौ, कास्की, लमजुङ, तनँहु , स्याङजा र अर्का कार्यकारी सदस्य डा. बिष्णु बहादुर भण्डारीलाई रामेछाप, ओखलढुंगा, सिन्धुली, भक्तपुर, धनकुटा, संखुवासभा, भोजपुर, सोलुखुम्बु र खोटाङको जिम्मेवारी तोकिएको छ । 

यस्तै कार्यकारी सदस्य डा. चन्द्रबहादुर श्रेष्ठलाई मकवानपुर, ललितपुर, काभ्रे, गुल्मी, अर्घाखाँची, पाल्पा र नवलपरासी हेर्ने गरि जिम्मेवारी तोकिएको छ ।  

प्राधिकरणको कार्यलाई थप तीव्रता दिई कार्य समितिबाट भएका पूर्व निर्णयलाई तोकिएकै समयमा कार्य सम्पन्न गर्न÷गराउन लागि भूकम्प प्रभावित ३१ जिल्लामा हुने र भइरहेका निजी आवास निर्माण, बस्ती स्थानान्तरण, सम्पदा पुनर्निर्माण, पुर्वाधार निर्माण, जिविकोपार्जन, गैरसरकारी संस्थाको कार्यसम्पदान, सीप विकास लगायतका कामहरुको कार्यान्वयन तथा निरन्तर अनुगमन गरी कार्यक्षेत्रको जिल्ला र त्यसभित्र पर्ने  नगरपालिका, गाँउपालिका तथा वडामा भइरहेको समग्र कार्यहरुको अनुगमन तथा सहजीकरण गरि प्रतिवेदन पेश गर्न भनिएको छ । 

प्रमुख कार्यकारी अधिकृत भूसालले भूकम्प प्रभावित जिल्लामा समग्र पुनर्निर्माणको अनुगमन र त्यस क्रममा देखिएका समस्याहरु यथास्थानमै  सहजीकरण गरी समाधान गर्ने/गराउने तथा प्रगति हुन नसकिरहेको खण्डमा प्राधिकरणमा छलफलका लागि प्रतिवेदन समेत पेश गर्ने गरी जिम्मेवारी दिएकाले  पुनर्निर्माणको गतिलाई थप तीव्रता दिने बताउनुभयो ।

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया