MENU

साहित्य/ कला

कविता - मेरो ओठमा हाँसो सुहाउँछ

                                        -बिनु सुवेदी 

             

 

                                                         तिमीले पहिलो प्रेमपत्रको,

                                                          पहिलो हरफमा व्याख्या गरेझेँ,

   धान झुलेको गैरीटारजस्तै थियो मेरो कपाल

कालान्तरमा तारेभिरको खर भन्ठान्यौ

मेरा सुनकेस्रालाई,

र हाल्यौ फनफनी घुम्ने रोटेपिङ

 

तिमीले प्रशंशाको दोस्रो हरफमा

ब्याख्यागरेको पिपलपाते ओठसँग

के सौदा थियोहँ ?

बर्खामा कोदो गोड्न गएकी युवतीको

तिघ्रा चुसेर ढाडिएको जुका झैँ बनायौ

जुका त अरूलाई चुसेर ढाडियो

आफ‌‌ै चुसिएर ढाडिनुपर्ने यो ओठको

भाग्य......!

 

तिमीले प्रशंसाको तेस्रो हरफमा व्याख्या गरेको

आँखा हेर त,

आजकल यी गाजलु रहेनन ।

कालो हुनु भनेको गाजलु हुनु हैन रहेछ

प्रिय

आँखाको धब्बा यसरी गाढा बन्दै छ नि,

कालोलाई झन अँध्यारो बनाउन म गाजल

किन लगाउँ हँ ?

 

छाम्छु चिरा-चिरा परेको मुटु

सम्झन्छु खडेरीले धाँजा फाटेको गैरीखेत

खेत त पानी पाएपछि आफ्नै लयमा

फर्कियो

तर, आँशुले सिँचेको मुटु झन रुखो हुँदोरैछ

त्यसैले त तिमीले छुने बित्तिकै

खङ्ग्रङ्ग हुन्छ मेरो मन

र पट्ट फुट्छ पसिनाको मूल

 

एकदिन कटक्क पेट काटेको बेला

पटक्कै सहन नसकेर

मैले सिरानी हालेको तिम्रो देब्रे पाखुरा...

म अवाक छु कपास फुल्नुपर्ने ठाउँमा

कसरी काँडा पलायो !

तिनै काँडाहरूले जबरजस्ती चिथोरेपछि

असह्य पीडा भएर

जब मैले प्रतिवाद गरेँ नि,

त्यतिबेला झर्नै आँटेको वीर्य

पाइपनलीमै अड्किँदा

कसरी छटपटाएका थियौ तिमी?

 

हो, त्यो भन्दा कैयौँ पीडा हुन्छ मलाई

झर्नै खोजेको आँशु

 फेरि भित्र धकेलेर

फिस्स मुस्कुराउनु पर्दा !

तर तिमी अझै भन्छौ

मेरो ओठमा हाँसो सुहाउँछ !

 

 
Mitsubishi

प्रतिक्रिया दिनुहोस

सम्बन्धित सामग्रीहरु

  • ​साहित्य यात्रा सगरमाथा सँगसँगै : सगरमाथा हेर्दै रचना वाचन

    ओखलढुंगा, चैत २९– नयाँ वर्षको पूर्व सन्ध्यामा नयाँ वर्ष मनाउनेहरुका विभिन्न कार्यक्रमका सूची तयारी भैसके । घुमफिर, भेटघाट, वनभोज, सांस्कृतिक कार्यक्रमको आयोजनाजस्ता कार्यक्रममा नेपालीहरु व्यस्त हुन्छन् ।

  • प्याकुरेलको कथा सङ्ग्रह ‘झुल्या कागत’ विमोचन

    काठमाडौं चैत २५ – कथाकार प्रमोद प्याकुरेलको पहिलो कथा सङ्ग्रह ‘झुल्याकागत’ विमोचन भएको छ ।

  • राजा सिद्धीनरसिंह मल्लले लेखेका गीतको एल्बम सार्वजनिक

    काठमाडौं, चैत २४ – राजा सिद्धीनरसिंह मल्लले लेखेका ३६ वटा गीत संग्रहित गीति एल्बमको शनिबार लोकार्पण गरिएको छ ।

  • कुहिराे

    मैले लगाएको चोट खप्न नसकेर आमा मैलो मजेत्रोले अाँसु पुछ्नुहुन्थ्यो । क्षयरोग सर्ने डरले व्यथा किटान भएदेखि नै आमाका लुगाहरूसम्म कसैले धुने आँट गरेनन् । सानै उमेरदेखि मेरो स्वभाव एकलकाटे थियो । साथीहरू कोहीसँग पनि घनिष्ट सम्बन्ध बनाउन सकिनँ मैले । मैले भनेको कुरामा साथीहरू असहमत हुँदा पटक पटक सिँगौरी खेलेको छु मैले ।

  • कम्युनिस्ट हुन रक्सी पिउँदा‍...

    प्रतिदिनजस्तै भेट्ने, एउटा न एउटा कार्यक्रममा लैजाने, भाषण गर्न लगाउने, पुस्तक पढ्न दिने, रेस्टुराँमा लगरे ख्वाउने, अनि आत्मीयता प्रदर्शन गरेर वशीभूत पार्ने प्रयास गरिरहनुहुन्थ्यो । तर कतिपय कुरामा मेरो आफ्नै तौरतरिका र अडान रहन्थे । कहिलेकाहीँ तर्क गरेर उहाँका कुरा काट्ने, केही शास्त्रीय विचारका अडान राख्ने गर्दथेँ । पतलुन लाउँदैनथेँ, मदिरा पिउँदैनथेँ

सबै हेर्नुहोस
Skill Training
पछिल्ला समाचारहरु

सोसल मिडिया