MENU

साहित्य/ कला

ujyaalo forign call inside

नेपाल कलाभूषण चन्द्रराज शर्माको निधन

काठमाडौं, पुस ६ – संगीतकर्मी नेपाल कलाभूषण चन्द्रराज शर्माको निधन भएको छ । झण्डै ९ सय गीतमा संगीत दिनुभएका नेपाल कलाभूषण शर्मामा बिहीबार बिहान त्रिवि शिक्षण अस्पतलामा उपचारको क्रममा निधन भएको साहित्यकार प्रकाश सायमीले जानकारी दिनुभएको हो ।

विंस २००० असार २४ गते काठमाडौंको डिल्लिबजारमा शर्माको जन्म भएको हो । उहाँका बुवा यज्ञराज शर्मा संगीत शिरोमणी हुनुहुन्थ्यो । आमा हेमकुमारीको कोखबाट माइलो सन्तानको रुपमा जन्मिनु भएका चन्द्रराज शर्माले २०२० सालमा भारतको इलाहवादको प्रयाग संगीतबाट संगीतमा प्रभाकर गर्नुभएको हो ।

उहाँलाई २०२२ मा रेडियो नेपालमा भएको शास्त्रीय संगीत सम्मेलनमा तत्कालीन राजा महेन्द्रले नेपाल कलाभूषण उपाधि प्रदान गर्नुभएको थियो । उहाँले २०३६ सालदेखि सँस्कृति विभागमा संगीत निर्देशकको रुपमा काम गर्नुभएको थियो । उहाँले नेपालको पहिलो रंगिन चलचित्र कुमारीमा संगीत निर्देशन गर्नु भएको छ । यस्तै उहाँले श्रीस्वस्थानी र महाकवी देवकोटासहित चलचित्रमा पनि संगीत दिनुभएको छ ।

गीतिनाटक मुनामदन, सत्यनाग, क्रसमा टाँगिएको जिन्दगीमा पनि संगीत निर्देशन गर्नुभएको छ । उहाँले संगीत भरेको तथा नारायणगोपालले गाएको ‘म मरे पनि मलाई मेरो देशको माया छ’ तथा ‘मुटुको हरेक नशा नशामा’, ‘मनमा माया तनमा माया’ सहितका गीत चर्चित छन् ।

उहाँको पार्थिव शरीरलाई अन्तिम श्रद्धाञ्जलीका लागि बिहान ११ बजेदेखि दिउँसो साढे १ बजेसम्म पशुपति आर्यघाटमा राखिने छ । उहाँको आजै आर्यघाटमा अन्तिम शंस्कार गरिने परिवारका सदस्यले बताएका छन् । शर्माका श्रीमती, दुई छोरा र एक छोरी छन् । 

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया