MENU

साहित्य/ कला

ujyaalo forign call inside

जल शाहकी आमा साहित्यकार प्रेमा शाहको निधन

काठमाडौं, पुस ६ – साहित्यकार प्रेमा शाहको ७२ वर्षको उमेरमा निधन भएको छ । नेपाली साहित्यमा यौनका विषयमा लेखिएको कथा ‘पहेँलो गुलाफ’ बाट निकै चर्चित हुनुभएकी कथाकार तथा उपन्यासकार शाहको बिहीबार बिहान अमेरिकामा निधन भएको हो ।

कथाकार शाह केही वर्षदेखि अमेरिकामा बस्दै आउनुभएको थियो । २००२ साल मंसिर २५ गते वीरगञ्जको श्रीपुरमा जन्मनु भएकी शाहको साल्ट सिटीमा रहेको इन्टर माउन्टेन हस्पिटलमा उपचारको क्रममा निधन भएको हो । कथाकार शाहका पहेँलो गुलाफ (२०२३), विषयान्तर (२०२८), मन्टुको बजैको कथाको पेटारो (बालकथा संग्रह, २०३८) सहितका कथा संग्रह प्रकाशित छन् ।

यस्तै उहाँ नेपालमा पहिलो पटक १० जना मिलेर लेखिएको संयुक्त उपन्यास ‘आकाश विभाजित छ’ को लेखक मध्ये एक हुनुहुन्छ । उहाँले उपन्यास मम्मी २०४० सालमा प्रकाशित भएको थियो ।

उहाँले २०४५ सालमा मैनाली कथा पुरस्कार तथा २०५९ मा मैना कथा पुरस्कार पाउनुभएको छ । नेपाली कथा तथा बालसाहित्यमा विशेष योगदान गर्नुभएकी शाह अभिनेत्री जल शाहकी आमा हुनुहुन्छ ।

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया