MENU

साहित्य/ कला

​भक्तपुरमा पहिलो पटक नारायण गोपाल स्मृति साँझ

रमेश गिरी/उज्यालो ।

भक्तपुर, पुस १०  –भक्तपुरमा पहिलो पटक स्वरसम्राट नारायण गोपाल स्मृति साँझ हुने भएको छ । भक्तपुर सांगीतिक समाजको आयोजनामा सूर्यविनायकमा यही पुस २२ गते शनिबार नारायण गोपाल स्मृति साँझ–२०७४ हुने भएको हो ।

सोमबार समाजले आयोजना गरेको पत्रकार सम्मेलनमा यसबारे जानकारी दिँदै समाजका उपाध्यक्ष कपिल कसपालले गायक कर्णदासलगायत राष्ट्रिस्तरका कलाकारदेखि स्थानीय नयाँ गायकले समेत नारायण गोपालका गीतहरु गाउने जानकारी दिनुभयो ।

भक्तपुरमा रहेका रचनाकार, गायक तथा संगीतकारहरुलाई गोलबद्ध गर्दै जाने उदेश्यका साथ एक महिना अगाडि स्थापना भएको समाजको उक्त कार्यक्रममा नारायण गोपालका मन छुने गीतहरुलाई करिब एक दर्जन कलाकारले गाउने उहाँले जानकारी दिनुभयो ।

पत्रकार सम्मेलनमा समाजका अध्यक्ष प्रविन शाहीले कार्यक्रममा करिब आठ लाख रुपैयाँ खर्च हुने बताउनुभयो । समाजको पहिलो कार्यक्रममा भक्तपुरमा पनि सांगीतिक क्षेत्रको विकासमा टेवा पुग्ने उहाँको भनाई थियो ।

कार्यक्रममा वरिष्ठ रचनाकार सुवासचन्द्र ढुङ्गेल, साहित्यकार धु्रव मढीकर्मी, नेपाल पत्रकार महासंघ भक्तपुरका अध्यक्ष पुष्करराज बुढाथोकी, समाजसेवी श्यामसुन्दर धौभडेले भक्तपुरमा पनि सांगीतिक क्षेत्रले फड्को मार्ने बताउनुभयो । 

Mitsubishi

प्रतिक्रिया दिनुहोस

सम्बन्धित सामग्रीहरु

  • ​साहित्य यात्रा सगरमाथा सँगसँगै : सगरमाथा हेर्दै रचना वाचन

    ओखलढुंगा, चैत २९– नयाँ वर्षको पूर्व सन्ध्यामा नयाँ वर्ष मनाउनेहरुका विभिन्न कार्यक्रमका सूची तयारी भैसके । घुमफिर, भेटघाट, वनभोज, सांस्कृतिक कार्यक्रमको आयोजनाजस्ता कार्यक्रममा नेपालीहरु व्यस्त हुन्छन् ।

  • प्याकुरेलको कथा सङ्ग्रह ‘झुल्या कागत’ विमोचन

    काठमाडौं चैत २५ – कथाकार प्रमोद प्याकुरेलको पहिलो कथा सङ्ग्रह ‘झुल्याकागत’ विमोचन भएको छ ।

  • राजा सिद्धीनरसिंह मल्लले लेखेका गीतको एल्बम सार्वजनिक

    काठमाडौं, चैत २४ – राजा सिद्धीनरसिंह मल्लले लेखेका ३६ वटा गीत संग्रहित गीति एल्बमको शनिबार लोकार्पण गरिएको छ ।

  • कुहिराे

    मैले लगाएको चोट खप्न नसकेर आमा मैलो मजेत्रोले अाँसु पुछ्नुहुन्थ्यो । क्षयरोग सर्ने डरले व्यथा किटान भएदेखि नै आमाका लुगाहरूसम्म कसैले धुने आँट गरेनन् । सानै उमेरदेखि मेरो स्वभाव एकलकाटे थियो । साथीहरू कोहीसँग पनि घनिष्ट सम्बन्ध बनाउन सकिनँ मैले । मैले भनेको कुरामा साथीहरू असहमत हुँदा पटक पटक सिँगौरी खेलेको छु मैले ।

  • कम्युनिस्ट हुन रक्सी पिउँदा‍...

    प्रतिदिनजस्तै भेट्ने, एउटा न एउटा कार्यक्रममा लैजाने, भाषण गर्न लगाउने, पुस्तक पढ्न दिने, रेस्टुराँमा लगरे ख्वाउने, अनि आत्मीयता प्रदर्शन गरेर वशीभूत पार्ने प्रयास गरिरहनुहुन्थ्यो । तर कतिपय कुरामा मेरो आफ्नै तौरतरिका र अडान रहन्थे । कहिलेकाहीँ तर्क गरेर उहाँका कुरा काट्ने, केही शास्त्रीय विचारका अडान राख्ने गर्दथेँ । पतलुन लाउँदैनथेँ, मदिरा पिउँदैनथेँ

सबै हेर्नुहोस
Skill Training
पछिल्ला समाचारहरु

सोसल मिडिया