MENU

अन्तर्राष्ट्रिय

Ncell Axiata
NIC Asia

​सिरिया युद्वमा प्रभावितको उद्धार सुरु

पुस १२- सिरिया युद्वबाट प्रभावितहरुको बुधबारदेखि उद्धार र उपचार सुरु गरिएको छ । अन्तर्राष्ट्रिय रेडक्रसले सिरियाको पूर्वी गुटादेखि दमासकससम्मका घाइतेहरुलाई उपचारकाे लागि उद्धार गरिएको जनाएको छ ।

सयुक्त राष्ट्रसंघ र मानवअधिकार संस्थाहरुले सिरियालाई युद्वबाट प्रभावित ५०० भन्दा बढी नागरिक, बालबालिका र क्यान्सर पीडितहरुको पुनर्उत्थान र उपचार गर्ने वातावरण बनाइदिन अपील गरेका छन् । सिरियामा ४ लाख नागरिक युद्वबाट प्रभावित भएका छन् । 

सिरियन अमेरिकन मेडिकल सोसाइटीले सिरियाको दमसकससमा २९ जना गम्भीर बिरामीमध्ये ४ जनालाई उपचारका लागि अस्पताल भर्ना गरिएको  र अरुलाई उपचार गर्दै जाने जनाएको छ ।

सिरियाको मानवअधिकारवादी संस्था ‘द सिरियन रेड क्रिसेन्ट’ले धेरै लामो वार्तापछि युद्वबाट प्रभावितको उपचार गर्ने वातावरण बनेको बताएको छ ।
आइतबार टर्कीका राष्ट्रपति टाइपीड इर्डोगनले युद्वमा प्रभावितको लागि रसियासँग मिलेर काम गर्ने बताएका थिए ।

अघिल्लो हप्ता संयुक्त राष्ट्रसंघका मानवअधिकारका सचेतक जान इगेल्याण्डले सिरियामा ४ सय ९४ जना मानिस उपचारको पर्खाइमा रहेको बताएका थिए । 
‘त्यो सङ्ख्या क्रमशः घट्दै गएको छ,’ इगेल्याण्डले भनेका थिए, ‘त्यो सङ्ख्या मानिसहरुले उपचार पाएर घटेको होइन्, उनीहरुले उपचार नपाएर ज्यान गुमाएका कारण घटेको हो ।’

सिरियामा राष्ट्रपति बसर अल असद बिरुद्व उहाँँका विपक्षीले प्रदर्शन गर्दै आएको छ ।  

प्रतिक्रिया दिनुहोस

सम्बन्धित सामग्रीहरु

  • अमेरिकामा बजेट सम्बन्धी विधेयक असफल, संघीय निकाय बन्द

    माघ ६ – अमेरिकाको सिनेटमा नयाँ बजेट सम्बन्धी विधेयक असफल भएपछि संघीय निकायहरु बन्द हुन थालेका छन् । रिपब्लिकन र डेमोक्र्याटिक पार्टीबिच अन्तिम समयमा संयुक्त छलफल भए पनि सरकारी कार्यसञ्चालनका लागि आउँदो फेब्रुअरी १६ सम्म खर्च उपलब्ध गराउने सम्बन्धी राष्ट्रपति डोनाल्ड ट्रम्प प्रशासनको विधेयक सिनेटमा असफल भएको हो ।

  • अमेरिकाका लागि चरमपन्थी भन्दा रुस र चीनबाट खतरा

    माघ ६ – अमेरिकी रक्षामन्त्री जेम्स म्याटिसले अमेरिकी सेनाको रणनीतिक परिवर्तनमा जोड दिनुभएको छ । अमेरिकी सेनाको प्राथमिकता अब चरपन्थीसँग लड्नुको साटो रुस र चीन जस्ता प्रतिस्पर्धीको तुलनामा शक्तिशाली बन्न तर्फ हुनुपर्नेमा उहाँले जोड दिनुभएको छ ।

  • दिल्ली सरकारलाई झट्का, केजरीवालले २० सांसद गुमाउने सम्भावना !

    दिल्लीमा आम आदमी पार्टीका २० जना विधायकलाई संसदीय सचिव बनाएको विषयले भारतीय राजनीति फेरि तातेको छ । संसदीय सचिवको पदमा बसेका आम आदमी पार्टीका २० विधायकको सदस्यता रद्द गर्न चुनाव आयोगले राष्ट्रपतिसमक्ष सिफारिस गरेको छ ।

  • ​न्यूजिल्याण्डकी प्रधानमन्त्री गर्भवती भएको खुलासा

    माघ ५ –न्यूजिल्याण्डकी प्रधानमन्त्री जसिण्डा आर्डेनले आफू गर्भवती भएको खुलासा गर्नुभएको छ । आर्डेन र उहाँका पति क्लार्क गेइफोर्डले आउँदो जुन महिनामा नयाँ सन्तानलाई स्वागत गर्ने खुलासा गरेका हुन् ।

  • दुई सन्तान अनुमति दिइए पनि चीनमा जन्मदर घट्यो

    बेइजिङ, माघ ५ - चीनमा जन्म दर घटेको समाचार छ । चीन सरकारले यहाँका सबै दम्पत्ति लाई दुई सन्तान जन्माउने अनुमति दिइएको भए पनि जन्म दरमा भने झनै कमी आएको समाचारमा जनाइएको छ ।

सबै हेर्नुहोस
Skill Training
पछिल्ला समाचारहरु

सोसल मिडिया