MENU

बातावरण-कृषि

Ncell Axiata
NIC Asia

धान उत्पादन घट्यो, तथ्यांक सार्वजनिक गर्न ढिलाई

अशोक कोइराला/उज्यालो ।

काठमाडौं, पुस १४ –चालु आर्थिक वर्षमा धान उत्पादन घटेको छ । कृषि विकास मन्त्रालयका अनुसार गएको आर्थिक वर्षमा भन्दा चालु आर्थिक वर्षमा ६० देखि ७० हजार टनसम्म धान उत्पादनमा कमी आएको छ ।

कृषि विकास मन्त्रालयका सहप्रवक्ता शंकर सापकोटाले गएको वर्षको तुलनामा यो वर्ष धानको उत्पादन बढाउने अपेक्षा सरकारले राखेको भए पनि अपेक्षा अनुसारको उत्पादन वृद्वि हुन नसकेको जानकारी दिनुभयो । तर अहिलेसम्म कृषि विकास मन्त्रालयले आर्थिक वर्ष २०७४/७५ मा धान उत्पादन भएको कुनै तथ्यांक सार्वजनीक गरेको छैन ।

धान उत्पादनको तथ्याङ्क आउन ढिलाईबारे मन्त्रालयका सहप्रवक्ता सापकोटाले अहिलेसम्म सबै जिल्लाका रिपोर्टहरु आइसकेको र छिट्टै नै मन्त्रालयले यसबारे जानकारी दिने जानकारी गराउनुभयो । कृषि मन्त्रालयले तराईमा आएको बाढीपछि पनि धान उत्पादनमा कमी नआउने जानकारी दिँदै आएको थियो ।  आर्थिक वर्ष २०७३ / ७४ मा ५२ लाख ३० हजार धान उत्पादन भएको थियो । यो अहिलेसम्मकै सबैभन्दा बढी धान उत्पादन भएको वर्ष हो ।

सरकारले आर्थिक वर्ष २०७४/७५ मा गएको आर्थिक वर्षको भन्दा २ लाख टन धान वृद्धि गर्ने र ५४ लाख टन धान उत्पादन गर्ने लक्ष्य राखेको थियो । तर पनि सरकारले राखेको लक्ष्य अनुरुप उत्पादनमा वृद्धि ल्याउन सकेन ।

सरकारले धान उत्पादनमा वृद्धि ल्याउनका लागि प्रधानमन्त्री कृषि परियोजना कार्यक्रम अन्तर्गत कृषि विकास मन्त्रालयले साना व्यवसायिक कृषि उत्पादन केन्द्र (पकेट), व्यवसायिक कृषि उत्पादन केन्द्र (व्लक), व्यवसायिक कृषि उत्पादन तथा प्रशोधन केन्द्र (जोन) र कृषि औद्योगिक क्षेत्र (सुपर जोन)का रूपमा जिल्लाहरूलाई वर्गीकरण गरी कृषिसम्बन्धी कार्यक्रम सञ्चालनमा ल्याइरहेको छ । नेपालमा झन्डै १४ देखि १५ लाख हेक्टरमा धान उत्पादन गरिँदै आएको छ । 

प्रतिक्रिया दिनुहोस

सम्बन्धित सामग्रीहरु

  • रेन्बो ट्राउट उत्पादन केन्द्र बनाइने

    खोटाङ, माघ ४ – खोटाङको रुपाकोट मझुवागढी नगरपालिकाले रेन्बो ट्राउट माछा उत्पादन केन्द्र बनाउने तयारी गरेको छ ।

  • हिउँदे वर्षा नहुँदा प्रदुषण बढ्यो

    काठमाडौं, माघ ४ – हिउँदे वर्षा नहुँदा काठमाडौंमा प्रदुषण बढेको छ । मंसिर १५ देखि अहिलेसम्म काठमाडौंमा जम्मा शून्य दशमलव १ मिलिमिटर मात्र पानी परेको परेको मौसम पूर्वानुमान महाशाखाले जनाएको छ । मौसमविद शान्ति कँडेलका अनुसार जनवरी महिनाभरिमा १० दशमलव ४ मिलिमिटर पानी पर्नुपर्ने हो ।

  • ​गुल्मीमा सुन्तला उत्पादन घट्याे

    गुल्मी, माघ २ – गुल्मीमा यो वर्ष सुन्तला उत्पादनमा कमी आएको छ । जिल्लामा यस वर्ष २ हजार २ सय ५ मेट्रिक टन सुन्तला उत्पादन भएको छ ।

  • मौसमविद् भन्छन् : अब चिसो हुँदैन

    काठमाडौं, माघ २ – पुसको अन्तिम साता ह्वात्तै बढेको चिसो माघ महिना लागेसँगै घटेको छ । अधिकतम र न्यूनतम तापक्रममा बृद्धि आएपछि उपत्यका तातो बन्दै गएको छ । उपत्यकामा पुसको अन्तिम साता न्युनतम तापक्रम शून्य डिग्रीमा झरेको थियो ।

  • ​विषादीको कारण मौरी मर्न थालेपछि सर्लाहीका मौरीपालक किसान मर्कामा

    सलाही, पुस ३० -तोरीमा लाग्ने लाइकीरा मार्न प्रयोग गरिएको रसायनिक विषादीको प्रयोगबाट सर्लाहीमा धमाधम मौरी मर्न थालेको छ।

सबै हेर्नुहोस
Skill Training
पछिल्ला समाचारहरु

सोसल मिडिया