MENU

बातावरण-कृषि

‘लोप हुन लागेको चौँरी व्यवसाय जोगाउन इलाम झरेँ’

इलाम ,  पुस १४ – पाँचथरमा चौँरीपालन व्यवसाय लोप हुँदै गएको थाहा पाएपछि पाँचथरका चौँरी व्यवसायी इलाममा आएका छन् ।

इलाममा चौरी व्यवसाय लोप हुँदै गएको सुनेर पाँचथर प्राङ्बुङबाट चाँैरी व्यवसाय गर्न इलाम आएको व्यवसायी नरबहादुर मगरले बताउनुभयो । उहाँले भन्नुभयो, ‘पाँचथरमा चौँरीपालन लोप हुन लागिसक्यो, नयाँ तरिकाले चौँरी पाल्न इलामको सन्दकपुर गाउँपालिका आएको छु । चौँरीपालन व्यवसायलाई म जोगाउन चाहन्छु ।’

इलाम र पाँचथरको सीमावर्ती र भारतसँग सीमा जोडिएको सन्दकपुर गाउँपालिकाको सन्दकपुर पाँचथरबाट नजिक भएकाले पनि इलाम आउन र व्यवसाय गर्न सहज हुने मगरको भनाई छ ।

चौँरीको दूधबाट बनेको घिउ र छुर्पी गाई र भैँसीको भन्दा महँगोमा बिक्री हुने मगरले बताउनुभयो ।  उहाँका अनुसार पहिला–पहिला भारतको विभिन्न बजारमा बिक्री हुने घिउ र छुर्पी हिजोआज स्वदेशमै बिक्री वितरण हुने गरेको छ । छुर्पी भने अमेरिकामा समेत निर्यात हुने गरेको छ ।

एक सयभन्दा बढी संख्यामा रहेका चौँरीका गोठ अहिले करिब दुई दर्जनको हाराहारीमा मात्र रहेका छन् । सामुदायिक वनमा चौँरी चरण गर्न नपाइने , चौँरीलाई आवश्यक दाना र पोषणयुक्त खाना पुर्याउन निकै कठिनाई हुने जस्ता कारणले व्यवसाय गर्न समस्या भएको सन्दकपुरका चौँरी व्यवसायीको गुनासो छ । 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया