MENU

मनोरञ्जन

Ncell Axiata
NIC Asia

‘टाइगर जिन्दा हे’ को बक्स अफिसमा धमाका, एक हप्तामा झण्डै ३०० करोड व्यापार

पुस १४ –चलचित्रको समीक्षा आए पनि सुपरस्टार सलमान खान स्टारर चलचित्र ‘टाइगर जिन्दा हे’ ले बक्स अफिसमा धमाका मच्चाइराखेको छ ।

सार्वजनिक भएको ६ दिनमै चलचित्रले भारतीय सिनेमा घर तथा विदेशमा समेत गरेर २ सय ५० करोड भारतीय रुपैयाँको कारोबार गरेको छ । मिडिया रिपोर्टका अनुसार बिहीबारको समेत कारोबारलाई जोड्ने हो यसले झण्ढै ३०० करोडको व्यापार गरेको छ ।

एक दुई दिनको व्यापारलाई समेत जोड्दा चलचित्र ३०० करोड कल्बमा प्रवेश गर्नेछ । भारतीय बक्स अफिसमा ‘टाइगर जिन्दा हे’ रिलिज भएको दिन ३४.१० करोड, शनिबार ३५.३० करोड, आइतबार ४५.५३ करोड, सोमबार २१.६० करोड, बुधबार १७.५५ करोड कमाएको थियो । बुधबारसम्मकै मात्र हिसाब गर्ने हो भने यस फिल्मले १९० करोड भारतीय रुप्रैयाँको कारोबार गरेको छ । बिहीबारको कारोबारको आधिकारिक सूचना भने सार्वजनिक भएको छैन । 

भारतमा मात्रै होइन सलमान र कैटरीना कैफ अभिनित यस चलचित्रले विदेशमा पनि राम्रो व्यापार  गरेको छ । सोमबारसम्म चलचित्रले विदेशमा ५४ करोडभन्दा बढी व्यापार गरेको छ ।

सन् २०१७ मा इदको अवसर पारेर रिलिज भएको ‘ट्यूबलाइट’ले बक्स अफिसमा खासै उज्यालो ल्याएन । साथै चलचित्रले दर्शकलाई पनि निराश बनाएको बताइन्छ । तर यस वर्ष सलमान खानले बक्स अफिस र दर्शक दुवैलाई नयाँ वर्षमा खुशी बनाउने अपेक्षा गरिएको छ । चलचित्रको समीक्षा पनि सकारात्मक नै आइरहेकाले चलचित्रको प्रदर्शन राम्रै हुने आंकलन गर्न सकिन्छ ।  दर्शकहरु चलचित्रको एक्सन, रोमान्स, कथा तथा क्लाइमेक्स एकदमै मन पराएको बताउँछन् । 

यो चलचित्र पाँच वर्षअघि रिलिज भएको चलचित्र ‘एक था टाइगर’ को सिक्वेल हो । जसले बक्स अफिसमा ३०० करोडभन्दा बढी व्यापार गर्दै आमिर आनको चलचित्र ‘गजनी’ को रेकर्ड तोडेको थियो । ‘एक था टाइगर।’ ७५ करोडको बजेटमा निर्माण भएको थियो । चलचित्रले झण्डै ३२० करोड कमाएको थियो ।

सलमान खानको पारिश्रमिकलाई छोडेर ‘टाइगर जिन्दा हे’ को बजेट १५० करोड भएको बताइन्छ । अली अब्बास जफरको निर्देशन रहेको यस चलचित्रमा कटरिना कैप सलमानको को–स्टारको रुपमा अभिनय गरेकी छिन् । चलचित्रमा उनले एक पाकिस्तानी आइएस एजेन्टको भूमिका निर्वाह गरेकी छिन् ।
 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया