MENU

खेल

ujyaalo forign call inside

इपिएल फाइनल : विराटनगरले पहिले ब्याटिङ गर्दै

काठमाडौं, पुस १५ – एभरेष्ट प्रिमियर लिग क्रिकेटको उपाधिका लागि विराटनगर वारियर्स र भैरहवा ग्लाडिएटर्स खेल्दैछन् । कीर्तिपुरमा टस जितेर विराटनगरले पहिले ब्याटिङ गर्ने भएको छ । 

राष्ट्रिय टोलीका कप्तान पारस खड्का कप्तान रहेको विराटनगर प्रतियोगितामा अहिलेसम्मकै अपराजित टोली हो । त्यस्तै राष्ट्रिय टोलीका प्रभावशाली खेलाडी शरद भेषावकर कप्तान रहेको भैरहवाले प्रतियोगितामा २ खेल मात्र हारेको छ । उसले दुवै खेल विराटनगरसँग हारेको थियो ।

भैरहवा विराटनगरसँग समूह चरणमा ३५ रनले र पहिलो क्वालिफायरमा ८ विकेटले पराजित भएको थियो । क्वालिफायरमा पाति भए पनि भैरहवाले इलिमिनेटरमा ललितपुरलाई हराउँदै फाइनलमा विराटनगरसँगको भेट पक्का गरेको हो । विराटनगरका लागि कप्तान पारससँगै बसन्त रेग्मी तथा हङ्कङ्गका खेलाडी बाबर हायत र अंशुमन रथले उत्कृष्ट प्रदर्शन गर्दै आएका छन् । 

बाबर र अशुंमन प्रतियोगितामा धेरै रन बनाउने खेलाडीको शीर्ष स्थानमा छन् । भैरहवाका लागि कप्तान भेषावकरसँगै आरिफ शेख, रोहितकुमार पौडेल, दिपेश श्रेष्ठ भारतीय खेलाडी पुनित मिश्रा र पुनित विष्ट, हरिशंकर साह लगायतले राम्रो प्रदर्शन गर्दै आएका छन् । 

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया