MENU

खेल

ujyaalo forign call inside

डिबालाले गरे पाँच मिनेटमा दुई गोल, युभेन्टसले जित्यो

पुस १६  पाउलो डिबालाको उत्कृष्ट दुई गोलको सहयोगमा जित निकाल्दै युभेन्टसले नापोलीसँगको अंक दूरी १ मा झारेको छ ।

इटालियन सिरी ए फुटबल अन्तर्गत शनिबार राति अवे मैदानमा भएको खेलमा युभेन्टसले वेरोनालाई ३–१ ले हरायो । छटौँ मिनेटमा ब्लेज माट्युडीले गोल गर्दै युभेन्टसलाई सुरुवाति अग्रता दिलाए ।

गोन्जालो हेगुनले गरेको प्रहार रिबाउण्ड भएर फर्किएका बेला माट्युडीले त्यसलाई गोलमा परिणत गरेका हुन् । पहिलो हाफमा १–० ले पछि परेको वेरोनाका लागि ५९ औँ मिनेटमा मार्टिन कासरेसले बराबरी गोल फर्काए ।

तर त्यसपछि युभेन्टसका लागि डिबालाले दुई गोल गरे । ७२ औँ मिनेटमा व्यक्तिगत पहिलो गोल गर्दै युभेन्टसलाई फेरि अग्रता दिलाएका डिबालले त्यसको पाँच मिनेटपछि व्यक्तिगत दोस्रो गोल गर्दै टिमलाई ३–१ को जित दिलाए । जितपछि दोस्रो स्थानको युभेन्टसको १९ खेलबाट ४७ अंक भएको छ ।

शुक्रबार राति भएको खेलमा क्रोतोनेलाई १–० ले हराएको शीर्ष स्थानको नापोलीको ४८ अंक छ । शनिबार राति भएका अरु खेलमा इन्टर मिलान लाजिओसँग गोलरहित तथा रोमा सासुओलोसँग १–१ को बराबरीमा रोकियो । यस्तै एसी मिलान पनि फियोरेन्टिनासँग १–१ को बराबरीमै रोकिएर अंक बाँड्न बाध्य भयो । 

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया