MENU

समाज

Ncell Axiata
NIC Asia

​धुर्मुस सुन्तलीद्धारा सर्लाहीमा चिसो प्रभावितलाई कम्बल वितरण

सर्लाही, पुुस १७– धुर्मुस–सुन्तली फाउण्डेसनले सोमबार सर्लाहीको विभिन्न स्थानमा चिसो प्रभावित परिवारलाई कम्बल वितरण गरेको छ ।

एनआरएनए आरसी चाइनाको सहयोगमा फाउण्डेसनले लालबन्दी नगरपालिका र बागमती नगरपालिकाको विभिन्न वडामा चिसोबाट प्रभावित मुसहर, विपन्न र दलित परिवारलाई प्रति परिवार दुई थानका दरले कम्बल वितरण गरेको हो । यस्तै फाउण्डेसनले सर्लाहीको घुर्कौलीमा रहेको द्वन्द्व पीडित बालगृह र हरिवनमा रहेको सर्भिस फरपिस नेपाल सुखेपोखरीद्वारा सञ्चालित बालगृहमा पनि कम्बल वितरण गरेको छ ।

कलाकार एवं सामाजिक अभियन्ता द्धोय सीताराम कट्टेल ‘धुर्मुस’ र कुञ्जना घिमिरे ‘सुन्तली’ आफै उपस्थित भई चिसो प्रभावितलाई कम्बल वितरण गर्नु भएको हो । लालबन्दी नगरपालिका–५, रञ्जितपुरमा मुसहरहरुलाई कम्बल वितरण गर्दै समाजिक अभियन्ता धुर्मुसले समस्यामा परेका विपन्न परिवारलाई यसरी सहयोग गर्न पाउँदा खुशी लागेको बताउनुभयो ।

फाउण्डेसनले सर्लाहीमा चिसोबाट प्रभावित भैरहेका करिब साढे ४ सय परिवारलाई कम्बल वितरण गर्ने योजना बनाएको छ ।  

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया