MENU

बातावरण-कृषि

ujyaalo forign call inside

पानी नपरेपछि गहुँ छर्न पाएनन् किसानले

बैतडी, पुस १७ –बैतडी र दार्चुलाका खेतीयोग्य जमिन लामो समयदेखि पानी नपर्दा बाँझै रहेका छन् । सिँचाई सुविधा भएका ठाउँमा गहुँ छरिसकेको भए पनि सिँचाई सुविधा नभएको ठाउँमा पानी नपर्दा जमिन बाँझै रहेको हो । 

बैतडीको दोगडाकेदार, सुर्नयालगायतका केही क्षेत्रमा गहुँ छर्न नसकेको किसानहरुले बताएका छन् । दार्चुलाको लेकम गाउँपालिकामा पनि सिँचाई सुविधा नहुँदा गहुँ छर्न सकिएको छैन् । लेकम गाउँपालिका –१ सेजालीमा केही खेतीयोग्य जमिनमा गहुँ छर्न बाँकी रहेको स्थानीय मानबहादुर कार्कीले बताउनुभयो । सिँचाई सुविधा भएको क्षेत्रमा गहुँ छरेको भए पनि केही स्थानमा खेतबारी बाँझै रहेको उहाँले बताउनुभयो । आधा पुस जाँदा समेत पानी नपर्दा गहुँ छर्न बाँकी रहेकोले यस बर्ष गहुँ उत्पादनमा कमी आउने देखिएको छ । 

दार्चुलाको ५ हजार ९ सय ६५ हेक्टर क्षेत्रफलमा गहुँ खेती गरिने भए पनि अझै ४ सय ७७ हेक्टर जमिनमा गहुँ छर्न नसकेको जिल्ला कृषि विकास कार्यालय दार्चुलाले जनाएको छ । बैतडी र दार्चुलामा अधिकांश क्षेत्रमा सिँचाई सुविधा नहुँदा यहाँका किसानले आकासे पानीको भर पर्नुपर्ने बाध्यता रहेको छ ।

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया