MENU

अन्तर्राष्ट्रिय

यौनहिंसा विरुद्ध हलिवुडका महिलाको नयाँ अभियान ‘टाइम्स अप’

पुस १८ – चलचित्र उद्योग र अरु कार्यक्षेत्रमा हुने गरेको यौनजन्य हिंसा तथा दुर्व्यवहार विरुद्ध लड्न तथा समस्यामा परेका व्यक्तिलाई सहयोग गर्नका लागि हलिवुडका महिलाले अभियान सुरु गरेका छन् । तीन सय भन्दा बढी हलिवुड अभिनेत्री, लेखिका तथा निर्देशकले यौनजन्य हिंसा विरुद्ध लड्न ‘टाइम्स अप’ परियोजना सुरु गरेका हुन् । न्युर्योक टाइम्स पत्रिका पूर्ण पृष्ठको विज्ञापन प्रकाशित गरेर हलिवुडका महिलाले यो अभियान सुरु भएको घोषणा गरेका हुन् ।

मनोरञ्जन उद्योगका महिलाबाट सुरु भएको परिवर्तनको लहर अरु क्षेत्रमा काम गर्ने महिलालाई पनि एकीकृत गर्ने उद्देश्यले यो हलिवुड अभियान सुरु गरिएको हो । सन् २०१७ मा हलिवुड चलचित्र निर्माता हार्वी वाइन्स्टिनमाथि हाइ प्रोफाइल अभिनेत्रीहरुले यौनदुर्व्यहारको आरोप लगाएपछि यौनहिंसा विरुद्ध बोल्ने बाहिर आउने क्रम सुरु भएको छ । त्यसको परिणाम स्वरुप अहिले हलिवुड मात्रै नभएर टेलिभिजन तथा खेलकुद क्षेत्रका महिला पनि यौनहिंसा विरुद्ध बोल्न थालेका छन् ।

नाटाली पोर्टम्यान, रीसे विदरस्पुन, केट ब्लान्चेट, इभा लङगोरिया, एम्मा स्टोनसहितका अभिनेत्रीको साथ रहेको टाइम्स अप अभियानले यौनहिंसामा परेका सबै क्षेत्रका महिलालाई सहयोग गर्ने उद्देश्य लिएको छ ।

अभियानले अहिलेसम्म १३ मिलियन अमेरिकी डलर भन्दा बढी रकम संकलन गरिसकेको छ । अभियानले १५ मिलियन डलरको कोष बनाउने लक्ष्य लिएको छ । यौनहिंसामा परेका महिलालाई कानुनी उपचारमा सहयोग गर्ने अभियानले जनाएको छ । 

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया