MENU

खेल

Ncell Axiata
NIC Asia

​नेत्रहीन विश्वकप खेल्न जाने नेपाली टोलीको बिदाई

काठमाडौं, पुस १८ –पाँचौ एकदिवसीय नेत्रहीन विश्वकप क्रिकेट खेल्ने नेपाली टोलीको बिदाई गरिएको छ  ।  

पुस २४ गतेदेखि पाकिस्तान र दुवइमा हुने प्रतियोगिता खेल्ने १४ जना खेलाडीसहितको नेपाली टोलीलाई खेलकुद राज्यमन्त्री तेजुलाल चौधरी, नेपाली राष्ट्रिय क्रिकेट टोलीका मुख्य प्रशिक्षक जगत टमाटालगायतले बिदाइ गर्नुभएको हो । 

नेपालले पुस २४ गते बंगलादेशसंग २५ गते  भारतसँग, २६ गते पाकिस्तानसँग, २९ गते अष्ट्रेलियासँग र माघ १ गते श्रीलंकासँग खेल्नेछ । बिदाइ कार्यक्रममा नेपाली टोलीका कप्तान कृतन श्रेष्ठ दुवालले नेपाली टोलीले राम्रो अभ्यास गरेकोले उपाधिको आशा राखेको बताए ।

अघिल्ला संस्करणमा यस प्रतियोगितामा १० देशले  सहभागिता जनाए पनि यो वर्ष भने ६ वटा देशमात्रै खेल्ने भएका छन् । गत वर्ष भएको दोस्रो ट्वेन्टी–ट्वेन्टी नेत्रहीन विश्वकपमा नेपालले दक्षिण अफ्रिका र न्यूजिल्याण्डलाई हराएको थियो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया