MENU

अन्तर्राष्ट्रिय

Ncell Axiata
NIC Asia

हरियाणामा ‘साइको किलर’ को ताण्डव, रडले हानेर ६ जनाको हत्या

पुस १८ –भारतको हरियाणा राज्यको पलवलमा मंगलबार ६ जनको अलग–अलग तरिकाले निर्मम हत्या भयो ।

        -सांकेतिक तस्बिर

हरियाणा प्रहरीले सबै शवलाई पोस्टमार्टमका लागि पठाएको छ । प्रहरीका अनुसार हत्यारालाई पक्राउ गरिएको छ । हत्या गर्ने व्यक्ति पूर्व सरकारी कर्मचारी भएको प्रहरीले जानकारी दिएको छ । जसको उमेर ४०देखि ४५ वर्षको बीचमा रहेको छ । 

घटनामा आधारित एक सीसीटीभी फेला परेको छ, जसको हातमा एउटा रड देखिएको छ । दक्षिणी क्षेत्रका प्रहरी महानिर्देशक सीएस रावले बीबीसी हिन्दीसँग कुरा गर्दै भनेका छन्, ‘यस घटनामा गिरफ्तार भएका व्यक्तिको साइको एनालिसिस गरिनेछ । हत्याराले रातिको दुई बजेबाट ४ बजेसम्म नजिक–नजिक रहेका ६ जनालाई फलामको छडले हानेर हत्या गरेका छन् ।’ 

अहिलेसम्म हत्याको कारण र हत्यारा र मृतकको बीचको सम्बन्ध बाहिर आएको छैन । मारिनेमा एक महिला र पाँच पुरुष रहेका छन् । मारिनेमा ३ जना पुरुष सुरक्षा गार्डसमेत रहेका छन् ।

एनडीटीभीका अनुसार अभियुक्तको पहिचान नरेश नामको पूर्व सैनिकका रुपमा भएको छ । नरेश कुमार नाम गरेका ती अभियुक्त सेनामा क्याप्टेनका रुपमा कार्यरत थिए । अहिले उनी हरियाणा कृषि विभागमा काम गरेको बताइन्छ । उनले सबैभन्दा पहिले एक अस्पतालमा एक ३५ वर्षीया महिलाको हत्या गरेको बताइएको छ । त्यसपछि पलवलमा पाँच जना पुरुषको हत्या गरेका थिए । 

एनडीटीभीका अनुसार मृतक महिला आफ्नी बहिनीको डेलिभरीको अपरेसनका लागि अस्पताल आएकी थिइन् । उनको हत्या अस्पतालको आइसियूकै अगाडि भएको थियो । अभियुक्तले प्रहरीमाथि पनि हमला गर्ने प्रयास गरेका थिए ।

 

प्रतिक्रिया दिनुहोस

सम्बन्धित सामग्रीहरु

  • अमेरिकामा बजेट सम्बन्धी विधेयक असफल, संघीय निकाय बन्द

    माघ ६ – अमेरिकाको सिनेटमा नयाँ बजेट सम्बन्धी विधेयक असफल भएपछि संघीय निकायहरु बन्द हुन थालेका छन् । रिपब्लिकन र डेमोक्र्याटिक पार्टीबिच अन्तिम समयमा संयुक्त छलफल भए पनि सरकारी कार्यसञ्चालनका लागि आउँदो फेब्रुअरी १६ सम्म खर्च उपलब्ध गराउने सम्बन्धी राष्ट्रपति डोनाल्ड ट्रम्प प्रशासनको विधेयक सिनेटमा असफल भएको हो ।

  • अमेरिकाका लागि चरमपन्थी भन्दा रुस र चीनबाट खतरा

    माघ ६ – अमेरिकी रक्षामन्त्री जेम्स म्याटिसले अमेरिकी सेनाको रणनीतिक परिवर्तनमा जोड दिनुभएको छ । अमेरिकी सेनाको प्राथमिकता अब चरपन्थीसँग लड्नुको साटो रुस र चीन जस्ता प्रतिस्पर्धीको तुलनामा शक्तिशाली बन्न तर्फ हुनुपर्नेमा उहाँले जोड दिनुभएको छ ।

  • दिल्ली सरकारलाई झट्का, केजरीवालले २० सांसद गुमाउने सम्भावना !

    दिल्लीमा आम आदमी पार्टीका २० जना विधायकलाई संसदीय सचिव बनाएको विषयले भारतीय राजनीति फेरि तातेको छ । संसदीय सचिवको पदमा बसेका आम आदमी पार्टीका २० विधायकको सदस्यता रद्द गर्न चुनाव आयोगले राष्ट्रपतिसमक्ष सिफारिस गरेको छ ।

  • ​न्यूजिल्याण्डकी प्रधानमन्त्री गर्भवती भएको खुलासा

    माघ ५ –न्यूजिल्याण्डकी प्रधानमन्त्री जसिण्डा आर्डेनले आफू गर्भवती भएको खुलासा गर्नुभएको छ । आर्डेन र उहाँका पति क्लार्क गेइफोर्डले आउँदो जुन महिनामा नयाँ सन्तानलाई स्वागत गर्ने खुलासा गरेका हुन् ।

  • दुई सन्तान अनुमति दिइए पनि चीनमा जन्मदर घट्यो

    बेइजिङ, माघ ५ - चीनमा जन्म दर घटेको समाचार छ । चीन सरकारले यहाँका सबै दम्पत्ति लाई दुई सन्तान जन्माउने अनुमति दिइएको भए पनि जन्म दरमा भने झनै कमी आएको समाचारमा जनाइएको छ ।

सबै हेर्नुहोस
Skill Training
पछिल्ला समाचारहरु

सोसल मिडिया