MENU

यो पनि समाचार

Ncell Axiata
NIC Asia

छोराले आमासँगको सम्झौता कमाउने भएपछि बिर्से : अब १० लाख डलर तिर्नु पर्ने

पुस १९ – ताइवानको उच्च अदालतले एक व्यक्तिलाई आफ्नी आमालाई १० लाख अमेरिकी डलर जरिवाना तिर्न आदेश दिएको छ । आफूलाई हुर्काएको तथा दन्त चिकित्सक बनाउनका लागि गरेको खर्च बापतको रकम आमालाई बुझाउन अदालतले आदेश दिएको हो ।

सन् १९९७ मा आमाले छोरोसँग दन्त चिकित्सक अध्ययनका लागि खर्च लगाउनु पूर्व पढेर कमाइ गर्ने भएपछि आम्दानीको ६० प्रतिशत आफूलाई दिनु पर्ने करार गरेकी थिइन् । त्यसबेला छोराको उमेर २० वर्षको थियो । तर पछि कमाउने भएपछि छोराले करार अनुसार पैसा नदिएको भन्दै आमाले अदालतमा मुद्दा दायर गरेकी हुन् ।

छोराले सन्तान हुर्काएको तथा उसलाई पढाएको खर्च फिर्ता माग्नु गलत भएको दाबी गरेका थिए । तर अदालतले करार मान्य भएकाले जरिवाना बुझाउनु पर्ने फैसला गरेको हो । अब ति व्यक्तिले करारमा भने अनुसार आफ्नो आम्दानीको ६० प्रतिशत व्याजसहित आमालाई फिर्ता गर्नुपर्ने भएको छ ।

लुओ थर भएकी महिलाले आफ्ना दुवै छोरालाई श्रीमानसँग सम्बन्ध बिच्छेद भएपछि एक्लै हुर्काएकी थिइन् । आफूले दुवै छोरालाई हुर्काउन तथा उनीहरुको पढाइमा करौडौँ रकम खर्चिएको तर उनीहरु आफूलाई बृद्ध अवस्थामा स्याहार गर्ने पक्षमा नदेखिएको लुओले बताएकी छन् । उनले दुवै छोरासँग करार गरेकी थिइन् ।

स्थानीय सञ्चारमाध्यमका अनुसार जेठो छोराले उनीसँग सहमति गरेर सानो रकममा कुरा मिलाएका थिए । तर कान्छो छोरा जो अहिले दन्त चिकित्सक छन्, उनले नमानेपछि अदालती प्रक्रिया सुरु भएको हो ।

लुओले कान्छो छोराको पढाइमा १७ लाख अमेरिकी डलर खर्च भएको दाबी गरेकाले त्यसको ६० प्रतिशत व्याजसहित बुझाउनु पर्ने भएको हो ।

कान्छो छोरा चुले करार गर्दा आफ्नो उमेर सानो रहेकाले त्यसलाई अमान्य घोषित गर्न माग गरेका थिए । अदालतले भने उमेर पुगेर करार भएकाले अमान्य घोषित गर्न नमिल्ने भन्दै आमाको पक्षमा फैसला गरेको हो । 

 

प्रतिक्रिया दिनुहोस

सम्बन्धित सामग्रीहरु

  • हप्तौँसम्म मृत मालिकको छेउमा कुरुवा कुकुर

    पुस २२ – हंगेरीमा एउटा कुकुरले निधन भएकी मालिकको छेउमा बसेर हप्तौँ बिताएको छ । बुडापेस्टमा रहेको फ्ल्याटमा जाजा नाम गरेको ९ वर्षको कुकुर निधन भएकी आफ्नी मालिक्नीको छेउमा बसेको अवस्थामा बुधबार भेटिएको हो ।

  • ठगलाई १३,२७५ वर्ष जेल सजाय

    पुस १५ – थाइल्याण्डमा एकजनालाई जालसाजी तथा ठगीको आरोपमा १३ हजार २ सय ७५ वर्षको जेल सजाय सुनाइएको छ । थाइ अदालले जालसाजीको आरोपमा ३४ वर्षका पुदित किट्टिहराडिल्कोलाई उच्च आर्थिक लाभ दिने भन्दै स्किम चलाएर ठगेको आरोपमा १३ हजार वर्ष भन्दा बढीको जेल सजाय सुनाएको हो ।

  • १०७ वर्षकी हजुरआमाको ‘ह्याण्डसम’ राहुल गान्धीसँगको प्रेमकथा

    पुस ११ – एकतिर १०७ वर्षकी हजुरआमा, जसले समयको लामो बाटो तय गरेकी छन् । अर्कोतर छन्, ४७ वर्षका कांग्रेसका युवा अध्यक्ष राहुल गान्धी । दुईबिचको उमेरको फरक ६० वर्ष ।

सबै हेर्नुहोस
Skill Training
पछिल्ला समाचारहरु

सोसल मिडिया