MENU

अन्तर्राष्ट्रिय

Ncell Axiata

दुई कोरियाबिच दुई वर्षमा पहिलोपटक उच्चस्तरीय वार्ता हुँदै

पुस २५ – उत्तर कोरिया र दक्षिण कोरियाबिच मंगलबार उच्चस्तरीय वार्ता हुँदैछ । दक्षिण कोरियाको प्रस्तावमा दुई देशबिचको सीमा क्षेत्रमा वार्ता हुने तय भएको हो । पछिल्लो दुई वर्षमा दुई कोरियाबिच पहिलो पटक उच्चस्तरीय वार्ता हुन लागेको हो ।

नयाँ वर्षको शुभकामना सन्देश दिने क्रममा उत्तर कोरियाका नेता किम जोङ–उनले दक्षिण कोरियासँग सम्बन्ध सु्धार गर्न चाहेको संकेत गर्दै आउँदो फेब्रुअरीमा सिओलमा हुने विन्टर ओलम्पिकमा आफ्नो देशका खेलाडी सहभागी गराउन तयार रहेको बताउनुभएको थियो ।

त्यसपछि दक्षिण कोरियाले विन्टर ओलम्पिकमा उत्तर कोरियाका खेलाडीको सहभागिताको विषयमा छलफल गर्न उच्चस्तरीय वार्ताको प्रस्ताव गरेको थियो । वार्ता प्रस्ताव उत्तर कोरियाले स्वीकार गरेसँगै दुई कोरियाबिच पछिल्लो दुई वर्षमा पहिलो पटक छलफल हुन लागेको हो ।

दुई कोरियाका उच्च अधिकारीबिच मंगलबार बिहान पौने सात बजे वार्ता सुरु हुनेछ । यो वार्ताले दुई कोरियाबिचको सम्बन्ध सुधारमा सहयोग पुग्ने अपेक्षा गरिएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस