MENU

बातावरण-कृषि

ujyaalo forign call inside

सामुदायिक वन उपभोक्ता समूहकै अध्यक्षको काठ मिलमा भेटियो अवैध काठ

सुमित्रा कोइराला उज्यालो । 

उदयपुर, पुस २८ – उदयपुरको सदरमुकाम गाईघाटको सामुदायिक वन उपभोक्ता समूहका अध्यक्षको काठ मिलबाट ठूलो परिमाणमा अवैध काठ बरामद भएको छ । 
 
उदयपुरको त्रियुगा नगरपालिका–६, मा रहेको लालपत्ता सामुमायिक वन उपभोक्ता समूहका अध्यक्ष महेन्द्र राउतको काठ मिलबाट काठ बरामद भएको हो । 
 
राउतले सञ्चालन गरेको शिवम् स मिलबाट श्रोत नखुलेको झण्डै दुईसय क्यू फिट सिसौको काठ फेला परेको जिल्ला वन कार्यालयले जनाएको छ । उक्त काठको सम्बन्धमा जिल्ला वन कार्यालयले आवश्यक अनुसन्धान सुरु गरेको जिल्ला वन अधिकृत विष्णुप्रसाद भण्डारीले बताउनुभयो । ‘अवैध काठ रहेको सूचना प्राप्त हुना साथ हामीले सहायक वन अधिकृत शत्रुधन ठाकुरलाई अनुसन्धान अधिकृत तोकेर छानविन सुरु गरेका छौँ’, भण्डारीले बताउनुभयो । 
 
काठ मिल सञ्चालक राउतले नम्बरी आवादी जग्गाको काठ भन्दै दावी गरेका छन् । ठाकुरले भन्नुभयो, ‘स मिलमा रहेको काठहरु नाप जाँच गरेर सिल गरिएको छ ।’
 
अवैध काठ वरामद भएपछि मिल संचालकलाई नियन्त्रणमा नराखी अनुसन्धान सुरु गरेको स्थानीयले गुनासो छ । सहायक वन अधिकृत शत्रुधन ठाकुरको मिलेमतोमा काठ मिलसम्म पुर्याइएको स्थानीयको आरोप छ । 
Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया