MENU

साहित्य/ कला

ujyaalo forign call inside

‘न्यूरोड ग्याङ’ द्वारा नयनराजको ‘यार’ विमोचन

काठमाडौं, पुस २९ –साहित्यकार नयनराज पाण्डे संस्मरणात्मक पुस्तक ‘यार’ लिएर पाठकमाझ आएका छन् । 

शनिबार प्रज्ञा प्रतिष्ठानको डबलीमा आफ्ना थुप्रै यारहरुलाई साक्षी राखेर उनको संस्मरणको विमोचन  भएको छ । उनको पुस्तकको विमोचन पनि उनकै यारहरुले गरेका थिए । ‘न्यूरोड ग्याङ’ मा आवद्ध उनका साथी तथा अन्य अग्रज साहित्यकारले ‘यार’ को विमोचन गरेका हुन् । कुनै समयमा नयनराज पाण्डेलगायतका समूह काठमाडौंको न्यूरोडमा भेला हुन्थे । त्यो समूह न्यूरोड ग्याङका नामले चिनिन्थ्यो । विमोचन गर्नेहरुमा थिए, लेखक पाण्डेले विभिन्न समयखण्डमा यार बनाएका व्यक्तिहरु पुरुषोत्तम सुवेदी, श्यामल, जय हमाल, राजव तथा शादूर्ल भट्टराई ।

जीवनका विभिन्न क्षणमा आफ्ना साथीभाइसँगका तिता मिठा सम्बन्धलाई उनले आफ्नो संस्मरणमा समेटेको बताए । आफूले इमान्दार भएर नै संस्मरण लेखेको बताउँदै पाण्डेले भने, ‘यारमा कुनै बनावटी कुरा लेखेको छैन, साथीभाइका कमजोरी मात्रै होइन, आफ्नै कमजोरीलाई पनि मैले प्रस्तुत गरेको छु ।’ संस्मरणमा कथा तथा उपन्यासमा भन्दा इमानदार बन्न सकिने भएकैले आफूले आफ्ना भोगाइहरुलाई संस्मरणमा उतारेको पाण्डेले बताए । 

त्यस्तै पाण्डेले आफ्नो संस्मरणमा धेरैका पोल खोलेको बताए । अरुको पोल खोल्ने क्रममा आफ्नै पनि पोल खालेको उनको स्वीकारोक्ति थियो । उनले संस्मरणमा २५ वटा विभिन्न उपशीर्षक दिएका छन् । तीमध्ये ‘धराप’ लेख्न आफूलाई कठिन भएको उनले बताए । ‘धराप’ मा आफू पारिवारिक र व्यक्तिगत कुरामा केन्द्रित भएकाले पनि यो खण्ड पूरा गर्न कठिन भएको बताए । ‘धराप’ मा श्रीमतीसँगका कुरा र आफ्ना प्रेम प्रसंगहरु पनि भएकाले आफूले सबैभन्दा पहिले श्रीमतीलाई पढ्न दिएको बताए । आफूलाई संस्मरण लेख्न श्रीमतीले निकै सघाएको पनि उनले छुटाएनन् ।  

शिवानीसिंह थारुको अर्को प्रश्नमा उनले आफूलाई समकालिन लेखकको इष्र्या लाग्ने पनि बताए ।  उनले भने, ‘बुद्धिसागरको इष्र्या लाग्छ तर उनको पुस्तक विमोचनको दिन मैले घडीको सुई घुमाइदिएको त छैन । मलाई  अमर, राजव, नारायण ढकाललगायतका लेखकको इष्र्या लाग्छ  ।’ 

समकालिन साहित्यमा अग्रस्थानमा रहेका नयनराज पाण्डेका उपन्यास ‘उलार’को प्रकाशन भएको २० वर्ष नाघिसक्दा पनि पाठकहरुमाझ उत्तिकै लोकप्रिय छ । त्यस्तै उनका अन्य उपन्यासहरु ‘लू’, ‘घामकिरी’, ‘सल्लीपिर’ तथा कथासंग्रह ‘चकलेट’ पनि उत्तिकै लोकप्रिय छन् । 

नयनराज पाण्डेको संस्मरण ‘यार’ फाइनप्रिन्ट बुक्सले प्रकाशन गरेको हो । २४० पृष्ठ रहेको यस पुस्तकको मूल्य ४७५ रुपैयाँ रहेको छ ।

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया