MENU

अर्थ

ujyaalo forign call inside

सूचना तथा प्रविधि मेला सुरु

काठमाडौँ, ११ माघ  सूचना तथा प्रविधि मेलाको २४ औँ संस्करण ‘क्यान इन्फोटेक’ बिहीबारदेखि भृकुटीमण्डपमा सुरु भएको छ । 

माघ १६ गतेसम्म हुने यो मेलामा १ सय ५५ भन्दा बढी सूचना, सञ्चार तथा प्रविधिसित सम्बन्धित कम्पनी उत्पादनलाई प्रदर्शनीमा राखिएको छ । प्रदर्शनीलाई चार लाख दर्शकले अवलोकन गर्ने आयोजकको दाबी छ । 

सूचना प्रविधिसित सम्बन्धित विभिन्न कम्पनीद्वारा संयुक्त रुपमा आयोजित सो मेलाको सूचना तथा सञ्चारमन्त्री मोहनबहादुर बस्नेतले शुभारम्भ गर्दै सामुदायिक विद्यालयका कम्प्युटर शिक्षालाई अझ प्रभावकारी बनाउन सातवटै प्रदेशका दुई/दुई विद्यालयमा निःशुल्क सूचना प्रविधि पुर्‍याउन लागिएको जानकारी दिनुभयो । उहाँले आर्थिक समृद्धि हासिल गर्न सूचना प्रविधिलाई समुदायस्तरसम्म विस्तार गर्नुपर्ने खाँचो औँल्याउँदै यसका लागि सरकार र निजी क्षेत्रबीचको थप सहकार्य आवश्यक रहेकामा जोड दिनुभयो । 

सूचना तथा सञ्चारमन्त्री बस्नेतले भन्नुभयो, ‘संविधान कार्यान्वयनका क्रममा स्थानीय निकाय, प्रदेश तथा प्रतिनिधिसभाको निर्वाचन सफल रुपमा सम्पन्न भए देशले राजनीतिक स्थायित्व प्राप्त गरेको छ, अब आर्थिक समृद्धिमा लाग्नुपर्छ ।’ नेपाल उद्योग वाणिज्य महासंघका उपाध्यक्ष उमेशलाल श्रेष्ठले सूचना प्रविधिको विकासमा सरकारी लगानी वृद्धि गरिनुपर्ने बताउनुभयो । रासस

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया