MENU

विचार/अनुभूति

ujyaalo forign call inside

प्याड कसरी प्रयोग गर्दा सुरक्षित हुन्छ ?

डा. स्वस्ती शर्मा

हिजोआज धेरै महिलाले महिनावारीको बेलामा कपडाको सट्टामा स्यानिटरी प्याड प्रयोग गर्छन् । गाउँका महिलाले यसको धेरै प्रयोग नगरे पनि सहरमा सबै महिलाको भरपर्दो सामान हो प्याड । प्याडले महिनावारीको समयलाई सजिलो र सरल बनाउँछ, प्रयोग गर्न जानेन भने यसबाट सुविधा हैन असुरक्षा धेरै हुन्छ । 

के गर्नु पर्छ ?

प्रत्येक चार घण्टामा प्याड फेर्नुपर्छ,

धेरै रगत भएमा, प्याड भिजेको अनुभव हुने वित्तिकै फेर्नुपर्छ,

दिनहुँ नुहाउनु पर्छ । 

कसरी असुरक्षित हुन्छ ?

महिलाहरुले स्यानिटरी प्याड प्रयोग गर्दा जब सम्म भिजेको हुँदैन तब सम्म फेर्दैनन् तर यो असुरक्षित हो ।

२४ घण्टा प्रयोग गर्ने बानी

कम गुणस्तरको प्याड प्रयोग गर्नाले के हुन्छ ? 

स्यानीटरी प्याडमा प्रयोग हुने कपास खेतबाट ल्याइने हो, त्यसमा रसायनको प्रयोग पनि हुन सक्छ । पछिल्लो समय स्यानिटरी प्याडमा डायअक्सिन केहि मात्रामा भेटिएको पाइएको छ । स्यानिटरी प्याड किन्दा लेबल हेरेर मात्र किन्नुपर्छ । के के प्रयोग भएका छन्, कहिले बनेको हो भनेर हेर्नु बुद्धिमानी हो । इन्टरनेटमा खोजेर पनि यसको बारेमा थाहा पाउन सकिन्छ । 

महिनावारीका बेलामा गर्नुपर्ने सरसफाई अर्थात् मेन्सुरेसन हाइजिनको कुरामा पनि हाम्रो साँस्कृतिक पाटो अलि नकारात्मक छ । महिनावारी भएको बेलामा गोठमा सुताउने, तीन दिनमा अथवा चार दिनमा मात्र नुहाउने नियम छ तर महिनावारी हुँदा दिनहुँ नुहाउनु पर्छ । महिनावारी हुँदा देखा पर्ने रगत किटाणुलाई संक्रमण हुन सजिलो हुने खालको हुन्छ ।

देखापर्ने समस्या 

यौनांगमा संक्रमण

चिलाउने

नराम्रो गन्ध आउने

सरसफाईमा ध्यान दिन सकिएन भने पछि पाठेघरको मुखको क्यान्सर पनि हुन्छ ।

कुन बेला कस्तो प्याड प्रयोग गर्ने ?

रगत धेरै भएको बेलामा प्याकेटमा नाम हेरेर बाक्लो प्याड (हेभी फ्लो) लगाउने

राती सुत्ने बेलामा अलिकति लामो आकारको (एक्स्ट्रा लार्ज) प्याड लगाउने

लामो यात्रामा निस्कनु छ अथवा काममा भाग दौड धेरै गर्नु छ भने विङ्स प्याड लगाउने 

प्याडमात्र प्रयोग गर्ने मात्र होइन, राम्रो सुतीको कपडा पनि प्रयोग गर्न सकिन्छ । यसलाई राम्ररी धोएर घाममा सुकाए पछि प्रयोग गर्नु हुन्छ । धेरै रगत हुन्छ भने बाक्लो र कम मात्र रगत हुन्छ भने पातलो कपडा प्रयोग गर्नुपर्छ । यो पनि जम्मा चार पाँच पटक भन्दा धेरै हुनुहुँदैन । \

नयाँ प्रविधि 

विकसित देशमा अहिले महिनावारीको समयमा प्याडको सट्टामा कपको प्रयोग हुन थालेको छ । यसलाई मेन्स्ट्रोल कप भनिन्छ । यसलाई योनीको बाटो हुँदै पाठेघरको मुखसम्म पुग्ने गरी राख्नु पर्छ । कप भरिएपछि सफा गरेर यसलाई पुन प्रयोग गर्न सकिन्छ । 

समस्या नआओस् भन्ने सबैभन्दा उत्तम उपाय भनेको सरसफाई नै हो । महिनावारीको बेलामा मात्र होइन अरु बेलामा पनि यौनांगको सरसफाईमा ध्यान दिनु आवश्यक छ । यौनांग जहिले पनि सुख्खा राख्नुपर्ने भएकोले पिसाब गरेपछि टिस्यु पेपरले पुछ्ने, दिशा गरेपछि सधै अगाडिबाट पछाडि हात लगेर धुनुपर्छ । जुन पायो त्यहि साबुनको प्रयोग गर्नुहुँदैन र सधै सुतीको कट्टु प्रयोग गर्ने गर्नुपर्छ । यसबाट पिसाब सम्बन्धि संक्रमणबाट पनि बच्न सकिन्छ ।

(ग्रीन सिटी अस्पातालका गाइनोकोलोजिस्ट डाक्टर स्वस्ती शर्मासँग सुजाता खत्रीले गरेको कुराकानीमा आधारित)

 

Mitsubishi

प्रतिक्रिया दिनुहोस

सम्बन्धित सामग्रीहरु

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

  • सरकारका सय दिन : कुरा ठूला, खुट्टा लुला !

    कम्तीमा पनि सरकारले बितेका सय दिनमा सडकका खाल्डाखुल्डी पुर्न सक्थ्यो । काम भैरहेका ठाउँमा धुलो कम गर्न ठेकदारलाई बाध्य पार्न सक्थ्यो । काठमाडौंबाट नागढुंगा पुुग्ने, हेटौडा जाने जस्ता सयौं असजिला सडकलाई गिटी हालेर वा माटो पेलेर सहज बनाउन सक्थ्यो ।

  • ​कोरियामा धन देखेर मन हराएकाहरु

    हिजोआज दक्षिण कोरियामा रहेका नेपालीमाझ सामाजिक सञ्जालमार्फत नेपालीले नेपालीमाथि गरेको अमानवीय दुव्र्यवहारको चर्चा एकाएक चुलिएको छ ।

  • मुख्यमन्त्री शेरधन राईलाई खुल्ला पत्र

    सबैलाई एकजुट बनाउनुस् जनता छन् जागेका, हेर्न मन छ मिक्लाजुङ चढ्न पर्यटक ताँती लागेका । सुनसरीमा खेती सनपाट र केराको, खान पाइयोस् चामल डिहिटार र सेराको । लेगुवाका माछा गुद्रीमा बिकुन्, प्रदेश हाम्रो हेरी अरुले सिकुन् ।

  • ​कम्युनिष्ट मन्त्रीको सम्पत्तिमा दम्पती विवरण !

    हुन त उनी दाइजोका कट्टर विरोधी हुन् । बिहे पनि जनवादी ढंगले भएको हो । प्रगतिशील मान्छेको जनवादी बिहेमा दाइजो आउने कुरा भएन । तर बिहेको दिन नआएर के भयो ! श्रीमतीकै बाआमाले दाइजो दिनुपर्छ भन्ने के छ ? यो त परम्परावादी सोच भयो ।

सबै हेर्नुहोस
Skill Training
पछिल्ला समाचारहरु

सोसल मिडिया