MENU

अन्तर्राष्ट्रिय

ujyaalo forign call inside

​दाइजो नपाएको भन्दै श्रीमानले चोरे किड्नी

माघ २५ – एक जना भारतीय महिलाले श्रीमानले आफ्नो किड्नी चोरेको आरोप लगाएकी छिन् । दाइजो नल्याएको भन्दै श्रीमानले किड्नी चोरेको उजुरी गरेपछि प्रहरीले उनका श्रीमान र श्रीमानका भाइलाई पक्राउ गरेको छ ।

Rita Sarkar has alleged that her husband and his family would torture her regularly as their demand for Rs 2 lakh dowry was not met.

भारतको पश्चिम बङ्गालकी २८ वर्षीय रीता सरकारले दुई वर्ष अगाडि पेट दुखेको बेलामा श्रीमान विश्वजितले अस्पतालमा लगेर उनको किड्नी चोरेको बताएकी छिन् । सन् २०१७ को अन्त्यतिर रीतालाई सञ्चो नभएपछि उनका परिवारका सदस्यले अस्पताल पुर्याएका थिए ।

अस्पतालमा जाँच गर्ने क्रममा उनको दाँयातिरको किड्नी नभएको पत्ता लागेको थियो । ति महिलाले श्रीमानले आफूसँग पटक–पटक दाइजो माग्ने गरेको बताएकी छिन् ।

भारतीय सञ्चार माध्यमका अनुसार पीडित महिला रीता सरकारले आफू दाइजोका कारण धेरै वर्षदेखि पटक–पटक घरेलु हिंसाको शिकारमा परेको बताएकी छिन् ।
‘मेरा श्रीमानले मलाई कलकत्ताको नीजी नर्सिङ अस्पतालमा लैजानुभयो’ पीडित महिलाले भनेकी छिन, ‘जहाँ श्रीमान र अस्पतालका स्टाफले मलाई मेरो पेटमा रहेको एपेन्डिक्सलाई सर्जरी गरेर हटाएपछि सञ्चो हुन्छ भने’, हिन्दुस्तान टायम्सले उनको भनाईलाई कोट गरेको छ, ‘मेरा श्रीमानले मलाई अपरेशन गरेको खुलासा नगर्न चेतावनी दिनुभएको थियो ।’

महिना बित्दै गएपछि उनलाई बिसञ्चो हुँदै गयो र उनलाई अस्पताल पुर्याएपछि शरिरको स्क्यान गरिएको थियो । स्क्यान गर्दा आफ्नो दाहिने किड्नी नभएको पत्ता लागेको ति महिलाले बताएकी छिन् ।

‘अनि मैले कोलकत्तामा भएको सर्जरीपछि मेरा श्रीमानले भनेको कुरा सम्झिँए’, हिन्दुस्तान टायम्सले लेखेको छ, ‘उहाँले मेरो किड्नी बेचिदिनुभयो किनकी उहाँको माग मेरो माइतीपक्षले पूरा गर्न सक्दैनथ्यो ।’ श्रीमानलाई २ लाख दाइजो नदिएका कारण श्रीमान र उनका भाई मिलेर किड्नी चोरेको पीडित महिलाले बताएकी छिन् ।

पीडित महिलाले उजुरी दिएपछि उनका श्रीमान र श्रीमानका भाईलाई प्रहरप्ले नियन्त्रणमा लिएको छ । भारतमा सन् १९६१ देखि दाइजो प्रथालाई बन्द गरिएको छ । उनीहरुलाई मानव अंग प्रत्यारोपण अनुसारको कानून बमोजिम कार्वाही हुने प्रहरीले जनाएको छ ।

भारतमा मानव अंग चोरीका घटना निक्कै बढ्दै गएको जनाइएको छ ।

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया