MENU

विचार/अनुभूति

जनयुद्व दिवस : पार्टी छिन्नभिन्न, कार्यकर्ता खिन्न !

लक्ष्मण शर्मा/उज्यालो । 

काठमाडौं, फागुन १ – आज जनयुद्व दिवस विभिन्न पार्टीमा विभक्त माओवादीहरुले आफ्ना आफ्नै ढंगले कार्यक्रम गरेर मनाएका छन् । कुनै समय काठमाडौंको खुला मञ्चमा लाखौ कार्यक्रता उतारेर कार्यक्रम गर्ने माओवादी आज विभक्त भएर पार्टी कार्यालयमा कार्यक्रम गर्न वाध्य भएको छ ।

लामो संघर्ष र १० वर्षे जनयुद्वमा सँगसँगै रहेका माओवादी आजको दिनसम्म आउँदा फुटेर टुक्राटुक्रा भएका छन् । माओवादीमा आएको फुटले १० वर्षे युद्वमा समाहित भएका माओवादी कार्यकर्ता भने निराश देखिन्छन । 

माओवादी केन्द्रले वाइसियलको सक्रियतामा पार्टी केन्द्रीय कार्यालय पेरिसडाँडामा जनयुद्व दिवसको कार्यक्रम गर्दा माओवादीका अर्को समूह सम्हालेर बसेका मोहन वैद्यले नेतृत्व गरेको नेकपा माओवादीले भने काठमाडौंको राष्ट्रियसभा गृहमा कार्यक्रम गरेको थियो ।

माओवादी जनयुद्वका अर्का नेता बाबुराम भट्टराई तथा नयाँ शक्ति पार्टीले भने जनयुद्व दिवसमा कही कतै कार्यक्रम गरेनन् ।  बाबुराम भट्टराई त अब सिद्धान्तमै पनि कम्युनिष्ट नभएको बताउँछन् ।

माओवादी जनयुद्वका अर्का योद्वाले नेतृत्व गरेको विप्लव माओवादीले पनि जनयुद्व दिवसमा कार्यक्रम गरेन । बरु आज विप्लवले नेतृत्व गरेको समूहले ठाउँ–ठाउँमा एनसेलको टावरमा आगजनी गरेको समाचार आइरहेका छन् । नयाँ विद्रोह गर्ने बताइरहेको विप्लव समूहले कस्तो क्रान्ति गर्ने हो त्यो भने स्पष्ट रुपमा बताएको छ्रैन । 

जनयुद्व, जनआन्दोलन, शान्तिसम्झौता हुँदै राजनीतिमा आएको माओवादीको बलले गर्दा नेपालमा गणतन्त्र आउन सम्भव भयो । नेपालमा गणतन्त्र ल्याउन र राजतन्त्रलाई बिदाई गर्न महत्वपूर्ण भूमिका खेलेको माओवादीको सम्मान स्वरुप ०६४ सालमा भएको पहिलो संविधानसभा चुनावमा पहिलो पार्टी भएको थियो । गणतन्त्र नेपालको पहिलो प्रधानमन्त्री १० वर्षे जनयुद्वको नेतृत्व गरेका माओवादी अध्यक्ष प्रचण्ड नै हुनुभयो । त्यसपछि माओवादीमा खटपट सुरु भएको थियो । 

तत्कालिन माओवादी नेता मोहन वैद्यले माउ पार्टीलाइ विभाजन गरेर नेपाल कम्यूनिष्ट पार्टी, माओवादीको स्थापना गर्नुभयो । त्यो पार्टीको नेतृत्व मोहन वैद्यले गर्नुभयो । वैद्य पक्षले प्रचण्डको नेतृत्व जनविरोधी, दक्षिणपन्थी भएको ठहर गर्दै नयाँ पार्टी  गठन गरेको थियो । शान्ति प्रक्रियामा आएर कुनै उपलब्धि नभएको भन्दै उनीहरुले जनविद्रोहको कार्यदिशामा अघि बढ्ने निर्णय गरेका थिए । 

माओवादी फुटको प्रभाव  दोस्रो संविधानसभा चुनावमा स्पष्ट देखियो । पहिलो चुनावमा झन्डै बहुमतको नजिक पुगेर पहिलो पार्टी भएको माओवादी ५ वर्षपछि भएको दोस्रो संविधानसभा चुनावमा तेस्रो पार्टीमा खुम्चिन पुग्यो । 

दोस्रो संविधानसभा चुनावले नेपालमा संविधान निर्माण गर्यो । नेपालको संविधानप्रति असन्तुष्टि देखाउदै माओवादीका नेता बाबुराम भट्टराइले पनि माओवादी छोडेर नयाँ शक्ति पार्टी गठन गर्नुभयो । उहाँले कम्यूनिष्ट सिद्धान्त नै त्यागेर प्रजातान्त्रिक बाटोमा लाग्ने समेत भन्न भ्याउनुभयो । 

माओवादीको अर्को टुक्रा नेत्रविक्रम चन्द ‘विप्लव’ले गरे । माउ पार्टी आफ्नो सिद्धान्त नै भूलेर गलत बाटोमा हिँडेको भन्दै विप्लवको नेतृत्वमा माओवादी अर्को फुटमा गयो । 

सशस्त्र जनयुद्वको सुरुवात भएको दिनको सभ्झनामा मनाइने जनयुद्व दिवसमा माओवादीले आफ्नो युद्वमा सहादत प्राप्त गरेका योद्वालाई सम्झने गर्दछ । शान्ति प्रकृयामा आउँदा लाखौँ कार्यक्रता खुला मञ्चमा उतारेर मनाउने जनयुद्व दिवस सयौ कार्यक्रताको माझ पार्टी कार्यालयमा मनाउनु पर्दा माओवादीका नेतालाई कस्तो अनुभूति हुन्छ होला ? तर ज्यानको बाजी दिएर परिवर्तनका लागि लडेका माओवादी कार्यक्रता भने एउटै युद्वमा समाहित नेता फरकफरक कार्यक्रम गरेर एकअर्का विरुद्व खनिँदा मन खिन्न बनाएका छन् । 

२३ औं जनयुद्व दिवसको अवसरमा पार्टी कार्यालयमा आयोजित कार्यक्रममा प्रचण्डले  पार्टीको कार्यदिशामा मन नपराएर अर्कै पार्टी खोलेको पूर्व सहकर्मी मोहन वैद्य र नेत्रविक्रम चन्द विप्लवलाई रहरले क्रान्ति नहुने बताइरहँदा वैद्यले भने युद्वबाट नै नेपालमा परिवर्तन सम्भव रहेको र माओवादी केन्द आफ्नो सिद्धान्तबाट बाहिर गएको बताउनुभयो । माओवादी केन्द्रले आयोजना गरेको कार्यक्रममा प्रचण्डले ‘विप्लव’ र ‘वैद्य’लाई निकै कटा्क्ष गर्नुभएको थियो । 

आज संयोग यस्तो पनि परेको छ कि सेना दिवस र जनयुद्ध दिवस एकै दिन । पहिले एक अर्का विरुद्ध लडेका नेपाली सेना र तत्कालीन माओवादी सेनाले आज सँगै सेना दिवस मनाएका छन् । नेपाली सेनामा समायोजन भएको माओवादीको सानै समूहले भए पनि सेना दिवस मनाएको छ । 

लामो समय एउटै पार्टीमा रहेर नेपालको परिवर्तनलाई संस्थागत गर्न सफल भएको माओवादीले जनयुद्व दिवसलाई प्राथमिकता नदिएको कार्यक्रताले आरोप लगाइरहदा फूट भएका माओवादी नेता भने एकअर्का प्रति कटा्क्षमा नै रमाए । खुला मञ्चको कार्यक्रम पार्टी कार्यालयमा लगेर मनाउदा माओवादीको युद्वलाई आफ्नो ज्यान आहुती दिएका र दिन तयार भएर जनयुद्वमा सहभागी भएका कार्यक्रता भने निराश भएर कटा्क्ष सुन्न बाध्य भएका छन् । 

 

Mitsubishi

प्रतिक्रिया दिनुहोस

सम्बन्धित सामग्रीहरु

  • सिन्डिकेट एक्सप्रेस : घोक्राएर खाँद्छ, उफार्दै लान्छ

    सिट मात्र भरिएर हुँदैन, टेक्ने र झुण्डिने ठाउँ समेत नभर्दासम्म गाडीवालाको चित्त बुझ्दैन । नत्र बस साहुको खल्ती भरिँदैन । सुरुमा रित्तै रहेको बस जसरी पनि बसवालाले भर्छ । केही लागेन भने घण्टौं पर्खाउँछ । वर आएर पनि फेरि पहिल्यैकै ठाउँमा फर्काउँछ । बोकेर, उचालेर, झ्याँकुटी पारेर, लोभ्याएर, फकाएर जसरी पनि मान्छे खाँद्छ ।

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

सबै हेर्नुहोस
Skill Training
पछिल्ला समाचारहरु

सोसल मिडिया