MENU

मनोरञ्जन

ujyaalo forign call inside

तरकारीवाली पनि फिल्मको पोस्टरमा !

काठमाडौं, फागुन ३ – आउँदो वैशाख २८ मा रिलिज हुने तयारीमा रहेको नेपाली चलचित्र ’लम्फू’का पोस्टरहरु सार्वजनिक भएका छन् । सार्वजनिक तीन पोस्टरहरु फरक–फरक प्रकारका रहेका छन् ।

तीनवटै पोस्टरमा नवनायक कबिर खड्का रहेका छन् । एक पोस्टरमा कबिर एक्लै देखिएका छन् । अन्य दुई पोस्टरमा भने कबिरको साथमा अन्य कलाकारहरु छन् । अर्को पोस्टरमा तरकारीवालीको नामले सामाजिक सञ्जालमा निकै नै भाइरल बनेकी कुशुम श्रेष्ठ पनि छिन् । पोस्टरमा कुशुमले हातमा सेतो गुलाबको फूल लिएकी छन् । उनीसँगै नायिकाद्वय मरिस्का पोखरेल र चाँदनी शर्मा साथै अभिनेता सलोन बस्नेत पोस्टरमा देखिन्छन् । यो पोस्टरमा कबिर र मरिस्का रोमान्टिक क्षणमा देखिएका छन् ।

तेश्रो पोस्टरमा भने तीन अभिनेताहरु मात्र छन् । कबिरको साथमा सलोन र सञ्जित भण्डारी रहेका छन् । ’लम्फू’का पोस्टरहरु टौवा क्रियसनले तयार पारेको हो ।चलचित्रले एक युवाको जीवनमा आइपर्ने अकल्पनीय घटनाहरु प्रस्तुत गर्छ । यो चलचित्र समय र परिस्थितिले मानिसलाई नायक र खलनायक दुवै बनाउँछ भन्ने कथामा बनेको निर्देशक गोपालचन्द्र लामिछानेले बताएका छन् ।

यो चलचित्रमा भूपतिको लेखन रहेको छ । दिपक बज्राचार्यको छायांकन रहेको ‘लम्फू’मा हरि सिलवालको सम्पादन, अष्ट महर्जनको द्वन्द्व, रामजी लामिछाने र शिव बिकको कोरियोग्राफी रहेको छ । चलचित्रमा बालकलाकार कुशाग्र भट्टराईको पनि अभिनय रहेको छ ।

यसअघि नै अर्जुन पोखरेलको संगीत रहेका यो चलचित्रका चार गीत अडियो भर्सनमा एकसाथ सार्वजनिक भएका थिए । सार्वजनिक सबै गीतलाई सकारात्मक प्रतिक्रिया प्राप्त भएको संगीतकार पोखरेलले बताए । अब छिट्टै ‘सँगै जिउने सँगै मर्ने’ बोलको गीतको भिडियो सार्वजनिक गरिने निर्माण पक्षले जनाएको छ ।

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया