MENU

विचार/अनुभूति

‘नक्कली’ प्रमाणपत्रले लग्यो पराजुलीको कुर्सी

-पुष्प घलान

काठमाडौं, चैत १ – चार वर्षअघि सरकारले बर्खास्त गरेका डिन डा. शशि शर्माको पदावधि चार दिन मात्रै बाँकी रहेको बेला पुनर्बहाली गर्नुपर्ने आदेश जारी गरेपछि प्रधानन्यायाधीश गोपाल पराजुली विवादमा तानिनुभयो । 

मेडिकल माफियाको स्वार्थ र साँठगाँठमा सुनियोजित रुपमा पराजुलीले फैसला सुनाएको भन्दै २०७४ पुस २४ गते चिकित्सा शिक्षा अभियन्ता डा. गोविन्द केसी अनसन बस्नुभयो । पछि डा.केसीले प्रधानन्यायाधीश पराजुलीको नागरिकता र शैक्षिक प्रमाणपत्र छानबिन गर्न माग गर्नुभयो । बिस्तारै प्रधानन्यायाधीशको नागरिकता र शैक्षिक प्रमाणपत्रको विवाद सतहमा आयो । 

जन्ममितिको विवादलाई लिएर सडकदेखि सर्वाेच्चसम्म व्यापक आलोचना हुँदासमेत प्रधानन्यायाधीश पराजुलीले सत्यतथ्य ल्याउने प्रयास गर्नु भएन । आफूमाथिको आरोप नसुने झैँ गरी नियमित काममा व्यस्त रहनुभयो । 

पछिल्लो समय सर्वाेच्चका न्यायाधीशहरुले नै पराजुलीको जन्ममितिलाई लिएर इजलास बहिष्कार गर्न थालेपछि प्रधानन्यायाधीशको विवाद छताछुल्ल भयो ।

तीन चौथाइ बहुमतसहित बनेको सरकारका नेतृत्वकर्ता प्रधानमन्त्री केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’ले उहाँलाई न्यायालयको विवाद समाधान गर्न सुझाए । तर उहाँले ओली र प्रचण्डको सुझावलाई समेत बेवास्ता गरेको समाचार बाहिरियो । 

विवादित प्रधानन्यायाधीशबाट राष्ट्रपतिलाई शपथ खुवाउने कि नखुवाउने भन्ने विषयले राजनीतिक वृतमा बहस सिर्जना गरेको थियो । अन्ततः राष्ट्रपतिलाई शपथ खुवाउन शितल निवास पुगेका प्रधानन्यायाधीशको हातमा न्यायापरिषदबाट पदमुक्त भएको पत्र पर्‍यो । अप्रत्याशित रुपमा आएको न्यायापरिषदको पत्रले पराजुली मात्र नभई देशमै ठूलो हलचल मच्चियो । 

पाँच पटक जन्मे पराजुली

जन्ममिति विवादमा आएका प्रधानन्यायाधीश गोपाल पराजुलीको पाँचवटा जन्ममिति देखिएको छ 

  • २०३० सालमा पहिलो नारिकता लिँदा कायम जन्ममिति न्यायपरिषदको कतिपय बुलेटिनमा २००९ साल भदौ २१ गते उल्लेख छ । 
  • २०२८ साल जेठ २५ गते जारी स्थानान्तरण प्रमाणपत्रमा उल्लेखित उमेरका आधारमा हिसाब गर्दा कायम हुने जन्ममितिमा २००९ साल चैत १५ गते उल्लेख छ । यो प्रमाणपत्रको प्रमाणित प्रति सर्वाेच्च अदालतमा पनि पुगेको छ । 
  • न्यायपरिषदका विभिन्न बुलेटिन र कर्मचारी सञ्चयकोष अभिलेखमा २०१० साल बैशाख १३ गतेको जन्ममिति उल्लेख छ । 
  • प्रमाणपत्र र स्नातक तहमा उल्लेखित जन्ममिति २०१० साल बैशाख १६ गते उल्लेख छ । न्यायपरिषदले यही जन्ममितिलाई आधिकारिकता दिएको छ । 
  • शिक्षा मन्त्रालयले दिएको प्रवेशिका परीक्षामा २०११ साल बैशाख १३ गते उल्लेख छ । 

प्रधानन्यायाधीश पराजुलीको न्याय सेवामा प्रवेश गर्दा उल्लेख गरेको जन्ममिति र शैक्षिक प्रमाणपत्रको जन्ममिति कुनलाई आधार मान्ने भन्नेबारे विवाद छ । 

विवादको निराकरण भन्दा विजारोपण

सर्वाेच्च अदालतमा पछिल्लो समय देखिएको विवादले न्यायालयको प्रतिष्ठामा आशंका उब्जिएको छ । न्यायलय जस्तो गरिमामय ठाउँमा भएका अपवित्र कामले सिंगो देशको छविमा आँच पु¥याउने काम गरेको छ । 

लामो समयदेखि जन्ममितिको विषय विवाद बढ्दासमेत पराजुलीले समस्याको निराकरण भन्दा पनि विजारोपण गर्न लागेको देखिन्छ । चौतर्फी आवाज उठेपछि उहाँले सम्बन्धित निकायदेखि नागरिकलाई आफ्नो जन्ममितिबारे सत्यतथ्य भन्न सक्नुपर्ने थियो । यसमा उहाँ चुकेको देखिन्छ । 

सार्वजनिक पदभार ग्रहण गरेको व्यक्तिले आफ्नाविरुद्ध उठेका सवालको स्पष्ट पार्न सक्नुपर्दछ । उहाँले यस विषयलाई गम्भीर रुपमा लिएर आफूमाथि लागेको दागलाई हटाउन सक्नु पर्नेथ्यो । आफूमाथि लागेको दागलाई हटाउनुको सट्टा उहाँले टार्नुभो, जसले अहिलेको परिस्थितिलाई जन्माएको हो । 

चौतर्फी विरोध भएपछि राजीनामा दिएर मार्ग प्रशस्त गरेको भए पराजुली नेपालको सफल प्रधानन्यायाधीशमा सूचीकृत हुनुहुन्थ्यो । त्यो अवसर पराजुली आफैले गुमाउनुभएको छ । त्यसैको परिणामस्वरुप अहिले पराजुलीको अपमानित तरिकाले बहिर्गमन भएको छ । जुन न्यायालयकै लागिसमेत दुर्भाग्य हो । 

 

 

Mitsubishi

प्रतिक्रिया दिनुहोस

सम्बन्धित सामग्रीहरु

  • सिन्डिकेट एक्सप्रेस : घोक्राएर खाँद्छ, उफार्दै लान्छ

    सिट मात्र भरिएर हुँदैन, टेक्ने र झुण्डिने ठाउँ समेत नभर्दासम्म गाडीवालाको चित्त बुझ्दैन । नत्र बस साहुको खल्ती भरिँदैन । सुरुमा रित्तै रहेको बस जसरी पनि बसवालाले भर्छ । केही लागेन भने घण्टौं पर्खाउँछ । वर आएर पनि फेरि पहिल्यैकै ठाउँमा फर्काउँछ । बोकेर, उचालेर, झ्याँकुटी पारेर, लोभ्याएर, फकाएर जसरी पनि मान्छे खाँद्छ ।

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

सबै हेर्नुहोस
Skill Training
पछिल्ला समाचारहरु

सोसल मिडिया