MENU

विज्ञान प्रविधि

काठमाडौंका सडकमा अत्याधुनिक ट्राफिक लाइट : पैदलयात्रुलाई अलमलसँगै सजिलो

काठमाडौं, चैत १५ – अनामनगरका शिवकुमार रम्तेललाई बानेश्वर चोकमा सडक पार गर्नु थियो । उहाँ ट्राफिकको इशारा कुरेर बसेको १५ मिनेट भैसकेको रहेछ ।

सडकमा ट्राफिकलाइट जडान गरिएको उहाँलाई बल्ल थाहा भयो । ट्राफिकलाइटले देखाएबमोजिम सडक वारपार गर्नुपर्छ भन्ने थाहा पाएपछि उहाँले संकेत हेरेर सडक पार गर्नुभयो । 

१० वर्षपछि ट्राफिकलाइट बल्दा रम्तेलजस्तै धेरै पैदलयात्रु र गाडी चालक पहिलोपटक यसैगरी अलमलमा पर्ने गरेका छन् । ट्राफिक प्रहरीका हवल्दार रामनारायण ढुंगेलले भर्खरैमात्र ट्राफिकलाइट सन्चालनमा आएकाले यात्रु र गाडीचालक अलमलिए पनि चाँडै सहज व्यवस्थापन हुने बताउनुभयो । 

अत्याधुनिक प्रविधि

अहिले काठमाडौं महानगरभित्रका मुख्य सडकचोकहरुमा अत्याधुनिक ट्राफिकलाइट जडान गरिएको छ । ट्राफिक व्यवस्थापनलाई सहज बनाउन महानगर र सडक विभागले ट्राफिक महाशाखासँगको समन्वयमा ट्राफिकलाइट राख्न थालेका हुन् ।

मंगलबार अत्याधुनिक २ ट्राफिकलाइट नयाँ बानेश्वर चोक र महाराजगञ्ज चोकमा जडान गरी सञ्चालनमा ल्याइएको छ । साथै सात ठाउँमा रहेको ट्राफिकलाइटलाई मर्मत गरी सञ्चालन गरिएको महानगरीय ट्राफिक महाशाखाले जनाएको छ । 

पद्मोदयमोड, नारायणहिटिको दक्षिणगेट, महानगरपालिकाको कार्यालय अगाडि बागदरबार, सिंहदरबार, सोल्टीमोड लगायतका ठाउँमा मर्मत गरी सन्चालनमा ल्याईएको हो । बानेश्वर र महाराजगन्जचोकमा राखिएको ट्राफिकलाइट वायरलेस र रिमोट कन्ट्रोलबाट सञ्चालन हुनेछ ।

ती सडकमा राखिएको ट्राफिकलाइट महानगरीय ट्राफिक प्रहरी महाशाखाको कन्ट्रोल रुमबाट निगरानी र नियन्त्रण गर्न सकिने महानगरीय ट्राफिक प्रहरी महाशाखाले जनाएको छ । 

ट्राफिकलाइट राख्ने ठेक्का यार्सा टेक्नोलोजी प्रालिले लिएको थियो । सोलारबाट सञ्चालन हुने ट्राफिकलाइट नेपाली प्रविधिमा आधारित रहेको ठेकेदार कम्पनीले जनाएको छ ।

सबै चोकहरुमा जडान गरिएको ट्राफिकलाइटहरुमा एकअर्कामा कनेक्सन गर्न सकिन्छ । तर अहिले भने जडान गरिएको छैन । विशिष्ठ व्यक्तिहरुको सवारी हुँदा तथा एम्बुलेन्स दमकल लगायत महत्वपूर्ण सवारीलाई सहज रुपमा सञ्चालन गर्न ट्राफिकलाइटलाई रिमोट मार्फत नियन्त्रण गर्न सकिन्छ । 

महाराजगञ्जमा राखिएको अत्याधुनिक प्रविधिले कति र कस्ता गाडी गुडे र सवारी नियम उलंघन गरे भन्ने समेतको तथ्यांक राख्ने छ । भिडियो सामग्री नै सुरक्षित रहने भएकाले ट्राफिक प्रहरीले सवारी नियम उलंघन गर्नेको पहिचान पनि गर्न सक्छ । 

उपत्यकाको मुख्य सडकहरुमा रहेको ३५ चोक र भित्रीसडकहरुमा रहेको चोकमा समेत तत्काल नै ट्राफिकलाइट आवश्यक रहेको महानगरीय ट्राफिक प्रहरी महाशाखा प्रमुख सर्वेन्द्र खनालले उज्यालोलाई बताउनुभयो ।

महानगरपालिकाका प्रवक्ता ज्ञानेन्द्र कार्कीले सडक सहज बनाउन विभागसँग समन्वय गरी सबै ठाउँमा ट्राफिकलाइट सन्चालन गरिने जानकारी दिनुभएको छ । ट्राफिक प्रहरी महाशाखा प्रमुख खनालका अनुसार सडकमा ट्राफिकलाइट ब्यवस्थापन भए झण्डै आधा जनशक्तिले ट्राफिक व्यवस्थापन हुन सक्छ ।

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया