MENU

विचार/अनुभूति

​प्रधानमन्त्री ओलीको भारत भ्रमण : आफू अनुकूल निर्णय गराउन सफल

हिरण्यलाल श्रेष्ठ 

प्रधानमन्त्री केपी शर्मा ओलीको भारत भ्रमण समग्रमा भन्नुपर्दा नेपालले जे चाहेको थियो, त्यस्तै भयो । भ्रमणको पेरिफेरि समृद्धिका लागि आर्थिक कुटनीतिमै केन्द्रित रह्यो । दुबै देशका प्रमुखहरुले गरेका सहमति सम्झौताहरु कुनैपनि नेपालको अहित हुने छैन ।

भएका सहमतिलाई क्यास गर्न सके नेपाललाई फाइदै फाइदा हुने छ । तर अब नेपाल फर्केपछि ओली नेतृत्वको सरकारले सहमतिलाई कुन गतिमा अगाडी बढाउन सक्छ त्यसैमा सबैकुरा निर्भर रहन्छ ।  

आर्थिक समृद्धिका लागि कृषिको आधुनिकिकरण, सहज पारवहनका लागि जलमार्ग र रेलमार्ग निर्माण, व्यापार घाटा कम गर्न नेपाली उत्पादनको सहज निर्यात जस्ता कुरा भ्रमणको देखिने उपलब्धि हुन् ।  

चुनावपछि शक्तिशाली र स्थिर सरकारको नेतृत्व गर्दै समकक्षी नरेन्द्र मोदीको निम्तोमा भारत पुग्नुभएका प्रधानमन्त्री ओलीको भ्रमण विशुद्ध परस्पर समानता र सम्बन्ध सुदृढिकरणमै केन्द्रित रह्यो । कुनैपनि राजनैतिक सल्लाह सुझावमा अल्झनु परेन । 

यसअघिका भ्रमण केलाउने हो भने भारतको अनुकुलका आधारमा सहमति हुन्थे । त्यसैनुरुपका वक्तव्यवाजी हुन्थे । भारत सामु नेपाली नेतृत्वकर्ता निरीह देखिन्थे । 
भ्रमणको सुरुवात नै भारतीय उद्योग व्यवसायीसँगको वार्ता र छलफलबाट गर्नु भएका ओलीको पुरै भ्रमण देशको समृद्धिमै केन्द्रित भयो ।

 

यसअघि हुने गरेका भ्रमण राजनीतिक भेटवार्ताबाट शुरु हुन्थ्यो । नेपालबाट भारत जाँदै गर्दा देशको समृद्धि र विकासका लागि मात्रै आफ्नो भ्रमण केन्द्रित हुनेछ भनेर प्रतिबद्धता जनाउनुभएका ओलीले बोलेको कुरा पूरा गर्नुभएको छ । 

देशमा आर्थिक लगानी भित्र्याउन भारतीय लगानीकर्तालाई आवश्यक लगानी सुरक्षा गर्ने प्रतिबद्धता सहितको आग्रहले त्याहाका व्यवसायीमा पनि उत्साह छाएको छ ।  

सहमति कर्यान्वयन गर्ने चुनौती 

समकक्षी मोदीसँगै रहेर संयुक्त पत्रकार सम्मेलनमा वक्तव्य जारी गर्दै गर्दा बोलेका कुराहरु पूरा गरेर देखाउने चुनौती अब ओलीका लागि छ । विगतका प्राक्टिस हेर्दा भारतले विभिन्न परियोजनामा सहमति गर्ने, वक्तव्य जारी गर्ने तर सहमति गरेका योजनाहरुलाई तिब्रता दिने सवालमा भने उदासिन रहने गरेका उदाहरणहरु छन् ।

कतिपय सवालमा नेपालकै प्रयास नहुँदा सहमति भएका सम्झौताले सुरुवात नै नपाएका पनि देखिए । तर, अब झण्डै दुई तिहाई भन्दा बढी समर्थनको स्थायी सरकारको नेतृत्वकर्ता रहनुभएका ओलीले छिमेकीसँग भएका सहमति र सम्झौता अक्षरस कार्यान्वयन गर्ने र आफ्ना प्रतिबद्धताहरु पूरा गरेर देखाउनुहुनेछ भन्ने विश्वास नागरिकले लिएका छन् ।  

अब आर्थिक विकास र समृद्धिद्वारा नागरिकलाई राम्रो नतिजा दिनुपर्छ भन्नेमा ओली पनि सचेत हुनुहुन्छ भन्ने मलाई लाग्छ । एक बर्षभित्रमा काठमाडौँ जोड्ने रेलमार्गको डिपिआर तयार पार्ने कुरा छ । डिपिआर तयार भएपछि भने यो सरकारमाथिको विश्वास अझै बढेर जाने छ ।  

समृद्धिको प्रयास 

अब गर्नुपर्ने काम भनेको आयात होइन, निर्यात हो । त्यसैले ओलीले दुबै देश कृषिमा आधारित रहेकाले कृषिमा आधुनिकिकरण गर्ने सम्झौता गर्नुभयो । नेपालका अधिकांस खाली जग्गाहरु अहिले बाँझो बारीका रुपमा छन् । खेति भइरहेका जग्गामा पनि आधुनिक खेति हुन सकेको छैन । परम्परागत रुपमा भए गरेका खेतिबाट कृषकको मेहनत खेर जानुका साथै लगानि समेत डुब्ने गरेको छ । 

कृषिमा वैज्ञानिकिकरण, आधुनिकिकरण गर्दै कृषिमा आत्मनिर्भर बन्न सके मात्रै खाद्यान्न आयातमा कटौती हुनसक्छ । अर्बौँको खाद्यान्न आयात रोक्न सक्ने जमिन हामीसँग छ, पानी छ तर आधुनिकिकरण हुन नसक्दा कृषि कर्मलाई पेशाको रुपमा अँगाल्न सक्ने वातावरण अझै बनिसकेको छैन ।

यस्तो अवस्थामा दुवै देशबीच भएको कृषिको आधुनिकिकरण गर्ने सम्झौता उत्साहजनक छ । भारतमा प्रयोगमा आएका आधुनिक प्रविधि नेपाल भित्र्याएर कृषि क्षेत्रमा प्रयोग गर्न सके देशका लागि, नागरिकका लागि फाइदा हुने छ । 

अब निर्यात गरेर अन्तशुल्कमा जानुपर्ने छ । त्यसका लागि तयारीमा लाग्नुपर्ने छ । यसपटकको भ्रमण समृद्धिका विषयमा कुराकानी भए । दुवै देशकाबीच बढी विश्वास आर्जन गर्ने मौका मिल्यो । यसपाली नेपालले मात्र नभईकन भारतले नै ओलीको भ्रमणका लागि शुरुदेखि नै निकै मेहनत गरेको थियो । 

नेपाल फर्कन प्रवासीलाई आग्रह

भ्रमणमा प्रवासी नेपालीसँगको भेटमा प्रधानमन्त्री ओलीले अब नेपाल फर्केर देशको विकासमा श्रम खर्चन आग्रह गर्नुभयो । यस्तो आग्रह गर्ने पहिलो प्रधानमन्त्री ओली नै हुनुहुन्छ भन्ने लाग्छ मलाई । यसअघिका सरकार प्रमुखहरु रेमिट्यान्सबाट देश चलाउने कुरा गर्थे ।

तर, ओलीले नेपालीको श्रम नेपालकै विकासमा लगाउनु पर्ने भन्दै नेपालमा जन्मेर बल रहँदा सम्म विदेशमा श्रम खर्च गर्ने अवस्थाको अन्त्य गर्ने प्रतिवद्धता जनाउनुले विकास र समृद्धिको खाका कोर्दै समृद्ध बनाउने बाटोमा ओली लम्कनेछन् भन्ने विश्वास दिलाउँछ ।  

विगतभन्दा फरक ओलीको भारत भ्रमण 

आफ्नो अनुकूल भ्रमण सफल पार्नु नै ओलीको भ्रमण विगतको निरन्तरतामा क्रमभंग हो । विगतका सरकार प्रमुखहरु भारतको अनुकूलमा रहेर सहमति सम्झौता गर्ने गरेका परम्परालाई यो पटक ब्रेक भएको छ । सुखी नेपाली, समृद्ध नेपाल भन्ने नारा लिएर सरकार सञ्चालन गरिरहनुभएका प्रधानमन्त्री ओलीले भ्रमणका क्रममा पनि विकास र समृद्धिकै मुद्धामा सहमति र सम्झौता गर्नुभयो । आर्थिक कुटनीतिलाई मात्रै अगाडि बढाउन सक्नु ओलीको खुबी हो । 

यसअघि नै भारतले विदेशमन्त्री सुष्मा स्वराजलाई पठाएर सपथग्रहण अघि नै भारतले पुरानो तिक्ततालाई विर्सेर सम्बन्धलाई अगाडि बढाउन तयार छौँ भन्ने सन्देश दिएको थियो । 

अन्त्यमा ओलीको भ्रमण समग्रमा सफल देखिन्छ । तथापी पहिलो भ्रमण भारतबाटै गरेर म भारत निकटकै हुँ भन्ने विश्वास दिलाउने प्रयास ओलीले पनि देखाउन खोजेको प्रष्ट हुन्छ ।  

(कुराकानीमा आधारित)

Mitsubishi

प्रतिक्रिया दिनुहोस

सम्बन्धित सामग्रीहरु

  • सिन्डिकेट एक्सप्रेस : घोक्राएर खाँद्छ, उफार्दै लान्छ

    सिट मात्र भरिएर हुँदैन, टेक्ने र झुण्डिने ठाउँ समेत नभर्दासम्म गाडीवालाको चित्त बुझ्दैन । नत्र बस साहुको खल्ती भरिँदैन । सुरुमा रित्तै रहेको बस जसरी पनि बसवालाले भर्छ । केही लागेन भने घण्टौं पर्खाउँछ । वर आएर पनि फेरि पहिल्यैकै ठाउँमा फर्काउँछ । बोकेर, उचालेर, झ्याँकुटी पारेर, लोभ्याएर, फकाएर जसरी पनि मान्छे खाँद्छ ।

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

सबै हेर्नुहोस
Skill Training
पछिल्ला समाचारहरु

सोसल मिडिया