MENU

राजनीति

ujyaalo forign call inside

वामपन्थीको सरकार लामो समय टिक्दैन : महामन्त्री कोइराला

 

काठमाडौं, चैत ३० – नेपाली कांग्रेसका महामन्त्री डा. शशांक कोइरालाले नेताहरुको गुट उपगुटले पार्टीलाई कमजोर बनाएको बताउनुभएको छ । 

नेपाल तरुण दल केन्द्रीय समितिले बिहीबार वीरगन्जमा आयोजना गरेको दुईदिने प्रदेशस्तरीय प्रशिक्षण कार्यक्रमको उद्घाटन गर्दै उहाँले ठूला नेताहरुले आ–आफनो गुट उपगुट बनाएकै कारण तीनै तहको निर्वाचनमा पार्टीले हार व्यहाेर्नु परेको बताउनुभयो । 

महामन्त्री डा. कोइरालाले कांग्रेसले जनताका पक्षमा गरिएको राम्रा कामबारे जनतालाई बताउन नसकेको र पार्टीभित्रको विवादले नै निर्वाचनमा पार्टीले हार व्यहोर्नु परेकाले चार वर्षपछि हुने निर्वाचनकालागि अहिलेदेखि नै तयारीमा लाग्न नेता कार्यकर्तालाई निर्देशन दिनुभयो । 

कांग्रेसका केन्द्रीय सदस्य बालकृष्ण खाँणले जातीय, धार्मिक, सांस्कृतिक, भौगोलिक विविधता रहेको नेपालमा सबैलाई मिलाएर हिँड्ने दक्षता वामपन्थीमा नरहेकाले वामपन्थीको सरकार लामो समय नटिक्ने दावी गर्नुभयो । 

– रासस 

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया