MENU

खेल

एन्फा चुनाव गराउन लागि रिले अनसन बस्ने तयारी

काठमाडौं, वैशाख २ – अखिल नेपाल फुटबल संघ एन्फाको चुनावका लागि दवाव दिन परिवर्तन पक्षधरले रिले अनसन गर्ने भएका छन् ।

अदालती प्रकृयाका कारण एन्फाको चुनाव नहुने निश्चित भएपछि कर्माछिरिङ शेर्पा नेतृत्वको परिवर्तन पक्षधरले ५ गतेदेखि एन्फा कार्यालय हाताभित्रै रिले अनसन बस्ने भएका हुन् । यसअघि तय भएको चुनाव दुई जिल्लाले दायर गरेको मुद्धाका कारण सम्पन्न हुन सकेको थिएन । विवाद भएका दुई जिल्लामा समेत चुनाव भइसकेको अवस्थामा अदालतको जवाफ नदिएकोमा एन्फा चुनावलाई आलटाल गर्ने मनसाय भएको भन्दै रिले अनसन सुरु गरिने भएको परिवर्तन पक्षधरले बताएका छन् ।

परिवर्तन पक्षधरका नेता तथा अध्यक्षका प्रत्यासी कर्माछिरिङ शेर्पाले भने, ‘जिल्लाको विवाद समाधान भइसक्यो, मद्धा दायर गर्नेहरुले फिर्ता पनि नलिने र एन्फाले पनि समयमा जवाफ नदिनुले उसको मनसाय रहस्यमय देखिन्छ ।’

‘एन्फाको कार्यसमितिको समयावधि ७ गतेसम्मका लागि हो । त्यसभित्र पनि चुनाव मार्फत नयाँ कार्यसमिति आउन नसके फिफाबाट नेपाल प्रतिबन्धमा पर्ने सक्नेछ’, एन्फा अध्यक्ष नरेन्द्र श्रेष्ठले भने, ‘चुनाव गराउन आफू छलफलमा ब्यस्त रहेको छु ।’

अष्ट्रेलियाबाट शनिबारमात्र नेपाल आइपुगेका अध्यक्ष श्रेष्ठले आफ्नो नेतृत्वमा समयमा नै चुनाव गराउने प्रतिवद्धता ब्यक्त गरे । सोमबार भक्तपुर र मकवानपुरलाई मुद्धा फिर्ता गराउनका लागि छलफल गर्ने प्रतिक्रिया अध्यक्ष श्रेष्ठले दिएका छन् ।

Mitsubishi

प्रतिक्रिया दिनुहोस

सम्बन्धित सामग्रीहरु

  • एन्फाको चुनाव वैशाख २२ गते हुने

    काठमाडौं, वैशाख ८ – अखिल नेपाल फुटबल संघ एन्फाको चुनाव वैशाख २२ गते शनिबार काठमाडौंमा हुने भएको छ । एन्फाको निर्वाचन समितिले आइतबार चुनावको मिति तोकेको हो ।

  • जापानमा सम्पन्न तेक्वान्दोमा नेपाललाई तीन स्वर्ण

    वैशाख ९ – जापानमा सम्पन्न १६ औँ डब्ल्यूएटीए ओपन अन्तर्राष्ट्रिय तेक्वान्दो च्याम्पियनसीपमा नेपालले तीन वटा स्वर्ण पदक जितेको छ ।

  • दक्षिण एशियाली जुडोमा भारतको बर्चश्व

    वैशाख ९ – आठौं दक्षिण एशियाली जुडो प्रतियोगितामा दक्षिण एशियाली महारथी भारतले एकछत्र बर्चश्व कायम गरेको छ ।

  • नेपाली तेक्वान्दोकाे विवाद उत्कर्षमा

    काठमाडौं, वैशाख ९ – खेलकुद ऐन र अन्तर्राष्ट्रिय मान्यता लत्याउँदै राष्ट्रिय खेलकुद परिषदले तेक्वान्दोका दुई संघलाई राष्ट्रिय मान्यता दिएका कारण सुरु भएको नेपाली तेक्वान्दोको विवाद उत्कर्षमा पुगेको छ ।

  • ​स्वारेजलाई फापेको बार्सिलोना

    वैशाख ९ – आइतबार राति भएको कोपा डेल रे को फाइनलमा सेभियाविरुद्ध बार्सिलोनाले गरेको ५ मध्ये २ गोल गरेका स्पेनिस क्लब बार्सिलोनाका स्टार स्ट्राइकर लुइस स्वारेजले सन् २०१४ मा बार्सिलोनामा आवद्ध भएपछि बार्सिलोना फाइनलमा पुगेको सबै खेलहरुमा गोल गरेका छन् ।

सबै हेर्नुहोस
Skill Training
पछिल्ला समाचारहरु

सोसल मिडिया