राजनीति
कर्मचारी अभावमा गाउँपालिकाको काम ठप्प, जनप्रतिनिधि भन्छन ‘हामीप्रति नागरिकको विश्वास घट्यो’
- Monday, Apr 16, 2018
- 16:02 PM ( 5 months ago )
- Total Views: 1.5 K
दीपक भट्ट/उज्यालो ।
रामेछाप, वैशाख २ – स्थानीय निकायको चुनाव भएको एक वर्ष पुग्नै लागि सक्दा पनि सरकारले कर्मचारी खटाउन नसक्दा रामेछापका अधिकांश गाउँपालिकाहरुबाट सम्पादन हुने सबैजसो कामहरु ठप्प भएका छन् ।
नयाँ सरकारको गठन र प्रदेशसरकारको आगमनसँगै उत्साहित बनेका जनप्रतिनिधिहरु सरकारको काम गर्ने प्रक्रिया र स्थानीय निकाय सञ्चालनको लागि आवश्यक कर्मचारीको व्यवस्था हुन नसकेपछि पालिकास्तरबाट सञ्चालन हुने अधिकांश कामममा बाधा पुगेको खाँडादेवी गाउँपालिकाका प्रमुख प्रेम तामाङले बताउनुभयो ।
साविकको गाउँविकास समितिलाई वडा कार्यालयमा गाभेपछि अहिले उक्त वडाबाट हुने काम कारवाहीको दायरा बढेको छ । विकास निमार्णका गतिविधिदेखि स्वास्थ्य र शिक्षाको सवालमा पनि वडासम्मलाई अधिकार दिएको छ । तर, प्रदान गरिएको अधिकार कार्यान्वयनमा भने कर्मचारी अभावले समस्या भएको गाउँपालिकाका अध्यक्ष तामाङ बताउनुहुन्छ ।
तत्काल सरकारले यसको समाधान गर्न नसक्ने हो भने कर्मचारीको अभावमा विकास निमार्ण लगायत नागरिकहरुसँग सरोकार राख्ने कामको गतिमा निकै ढिलासुस्ती आउने अध्यक्षको भनाइ छ । पालिकास्तरमा मात्र नभएर वडामा काम गर्ने सचिवहरुको समेत त्यतिकै अभाव रहेको अध्यक्ष तामाङले बताउनुभयो ।
पटक–पटक स्थानीय विकास मन्त्रालय पुगेर आफूले कर्मचारीको व्यवस्था गर्न अनुरोध गर्दा पनि त्यसको कार्यान्वयन अहिलेसम्म हुन नसकेको तामाङले गुनासो गर्नुभयो ।
रामेछापमा २ वटा नगरपालिका र ६ वटा गाउँपालिका गरी ८ वटा स्थानीय निकाय रहेका छन् । ती सबै निकायहरुमा कर्मचारी अभाव रहेको छ । त्यसमध्येमा पनि गाउँपालिकाहरुको अवस्था झनै दयनिय रहेको जनप्रतिनिधिले गुनासो गरेका छन् ।
अहिले केवल ३ जना कर्मचारीको भरमा आफूले गाउँपालिका चलाइरहेको तामाङको भनाइ छ । नागरिकको काम प्रभावकारी नभएपछि आफूहरुप्रति नै नागरिकको विश्वास घटेको तामाङ बताउनुहुन्छ ।
खाँडादेवीका प्रेम तामाङ मात्रै हैन गोकुलगंगा गाउँपालिकाका अध्यक्ष खड्गबहादुर सुनुवार पनि सरकारी रवैयाबाट वाकदिक्क भएका छन् । एकातिर जनस्तरमा पालिकाको नयाँ अनुभव अर्कातिर पालिका र वडाहरुबाट हुने काममा कर्मचारीको अभाव भएपछि जनस्तरमा हुने अधिकांश काममा अवरोध पुगेको उहाँको भनाइ छ ।
वडा र पालिकास्तरमा हुने कामको ढिलाईले जनस्तरमा संघियता विरुद्ध मनस्थीतीपो उत्पन्न हुने होकी भन्ने आंशका पैदा भएको सुनुवारको अनुभव छ । वडास्तरमा भएका वडा सचिवहरु पहुँचको आधारमा मन्त्रालय र अन्य मालवाला कार्यालयहरुमा काजमा वस्ने परम्परा अहिले पनि तोडिन सकेको छैन् । जसका कारण आफ्नो गाउँपालिकामा पनि सचिवहरुको खडेरी परेको सुनुवारको भनाई रहेको छ ।
अहिले वडा र पालिकास्तरमा देखिएको कर्मचारी अभाव नहटेसम्म संघीयता कार्यान्वयन र सरकारी लक्ष्य अनुसारको कामको तामेलीमा अपेक्षाकृत सुधार हुने अवस्था देखिएको छैन् ।
सम्बन्धित सामग्रीहरु
-
सांसद गजेन्द्रले भने : म रोएको होइन, मेरो आवाज नै त्यस्तो हो
काठमाडौं, जेठ १७ – नेपाल कम्युनिष्ट पार्टी (नेकपा) जुम्लाका सांसद गजेन्द्रबहादुर महतले आफू रोएको भनेर सञ्चारमाध्यममा आएको खबर गलत भएको बताउनुभएको छ ।
-
अर्थमन्त्रीले औंलो ठड्याएर निजी क्षेत्रलाई धम्क्याउनुभयो : सांसद विश्वकर्मा
काठमाडौं, जेठ १७ – नेपाली कांग्रेसका सांसद मीनबहादुर विश्वकर्माले अर्थमन्त्रीले निजी क्षेत्रलाई धम्क्याउने काम गरेको आरोप लगाउनुभएको छ ।
-
सांसदलाई तह लगाउने बजेट आएको भन्दै संसदमै रोए सांसद
काठमाडौं, जेठ १७ – सांसद गजेन्द्रबहादुर महतले अर्थमन्त्रीले सांसदहरुको अपमान गर्ने काम गरेको भन्दै प्रतिनिधिसभा बैठकमा नै रुनुभएको छ ।
-
सुन तस्करीका अभियुक्त एसएसपी खत्रीले गरे अदालतमा आत्मसमर्पण
काठमाडौं, जेठ १७ – ३३ किलो सुन तस्करीमा संलग्न रहेको अभियोग लागेका प्रहरी बरिष्ठ उपरीक्षक श्याम खत्रीले अदालतमा आत्मसमर्पण गरेका छन् ।
-
नेकपाको नामबाट अण्डरलाइन हट्ने
काठमाडौं, जेठ १७ – एमाले र माओवादी मिलेर बनेको नेपाल कम्युनिष्ट पार्टीले आफ्नो नाम संशोधन गर्ने भएको छ ।
-
साढे ३३ किलो सुन तस्करी प्रकरण : एसएसपी खत्री जेल चलान
मोरङ, जेठ १७ – साढे ३३ किलो सुनसँग जोडिएका एसएसपी श्याम खत्रीलाई अदालतले पुर्पक्षको लागि जेल चलान गरेको छ ।
- प्रधानमन्त्री कप क्रिकेट : आर्मीले प्रदेश दुईलाई ५५ रनले हरायो
- एनसेलले दियो इञ्जिनियरिङका विद्यार्थीलाई छात्रवृत्ति
- छुवाछूत उन्मूलन दिवस मनाउने तयारी
- सांसद गजेन्द्रले भने : म रोएको होइन, मेरो आवाज नै त्यस्तो हो
- रियल मड्रिडका प्रशिक्षक जिदानले अचानक दिए राजीनामा
- २० जना विद्यार्थीमा मास हिस्टेरियाको समस्या, विद्यालय बन्द
- जबरजस्ती करणी गर्नेलाई पाँच वर्ष कैद
- अर्थमन्त्रीले औंलो ठड्याएर निजी क्षेत्रलाई धम्क्याउनुभयो : सांसद विश्वकर्मा
- घुससहित मालपोतका नासु र सहयोगी पक्राउ
प्रतिक्रिया दिनुहोस