MENU
ujyaalo forign call inside

राजनीति

  • दलहरुवीच छलफल चल्दै

    काठमाडौ, बैशाख १०– प्रमुख तीन दल र मधेसी मोर्चाबीचको बैठक नयाँ बानेश्वरमा चलिरहेको छ । बैठकमा संविधान निर्माणमा देखिएका विवादका विषयमा सहमति खोज्ने प्रयास भैरहेको छ । दलहरुबीच अहिले द्विपक्षीय र बहुपक्षीय वार्ता भैरहेको छ ।

  • फ्रेन्च मोडलको शाशकीय स्वरुपमा सहमति भइसक्यो : मन्त्री पुन फ्रेन्च मोडलको शाशकीय स्वरुपमा सहमति भइसक्यो : मन्त्री पुन

    बागलुङ, बैशाख १० – अर्थमन्त्री एवं माओवादी नेता वर्षमान पुन अनन्तले प्रत्यक्ष निर्वाचित राष्ट्रपति र संसदबाट चुनिएको प्रधानमन्त्री हुने गरी शासकीय स्वरुपमा दलहरुबीच सहमति भैसकेको बताउनुभएको छ ।

  • पार्टी र क्रान्तिलाई एउटै हिसाबले अघि बढाउन सकिदैन : प्रचण्ड पार्टी र क्रान्तिलाई एउटै हिसाबले अघि बढाउन सकिदैन : प्रचण्ड

    काठमाडौ, बैशाख १० – एकीकृत नेकपा माओवादीका अध्यक्ष पुष्पकमल दाहाल प्रचण्डले समय अनुसार पार्टी र क्रान्तिको स्वरुप फेरिने बताउनुभएको छ । कम्युनष्ट पार्टी स्थापना दिवसको अवसरमा काठमाडौमा आइतबार आयोजित कार्यक्रममा अध्यक्ष प्रचण्डले सधै एउटै हिसावले पार्टी र क्रान्तिलाई अघि बढाउन नसकिने धारणा राख्नुभयो ।

  • प्रक्रिया छोट्याउन संविधान संसोधन विधेयक दर्ता

    काठमाडौ, बैशाख १० –सरकारले प्रक्रिया छोट्याएर संविधान छिटो बनाउन संसद सचिवालयमा अन्तरिम संविधान संशोधन विधेयक दर्ता गरेको छ । कानून मन्त्री बृजेश कुमार गुप्ताले विधेयक दर्ता गराउनुभएको हो ।

  • अपराधी छुटाउन दबाब नदिनुस् : प्रधानमन्त्री अपराधी छुटाउन दबाब नदिनुस् : प्रधानमन्त्री

    काठमाडौ, बैशाख १०– प्रधानमन्त्री डाक्टर बावुराम भट्टराईले अपराधी छुटाउनका लागि दबाब नदिन राजनीतिक दलका शीर्ष नेतासँग आग्रह गर्नुभएको छ । प्रमुख दलका शीर्ष नेताको बैठकमा छुट्टा–छुट्टै छलफल गरी प्रधानमन्त्रीले राजनीतिक आवरणमा हुने गुण्डागर्दी वा अपराधमा संलग्न जो कोहीलाई पनि कारवाही हुने भन्दै छुटाउनका लागि दबाब नदिन आग्रह गर्नुभएको हो ।

  • आज रातीसम्म सहमतिको प्रयास गरिने

    काठमाडौ, बैशाख १० – प्रमुख तीन दल र मधेसी मोर्चाले आइतबार राति अबेरसम्म बसेर भए पनि सहमतिको प्रयास गर्ने भएका छन् । सहमतिका जुटाउन पाएको अन्तिम दिन आइतबार पटक पटक दुई पक्षीय र त्रिपक्षीय छलफल गरेर राति अबेरसम्म बसेर भए पनि सहमतिको प्रयास गर्ने नेताहरुले बताएका छन् ।

  • सहमति छिट्टै हुन्छ : प्रधानमन्त्री सहमति छिट्टै हुन्छ : प्रधानमन्त्री

    काठमाडौ, बैशाख १०– प्रधानमन्त्री डा. बावुराम भट्टराईले संविधान बनाउनका लागि दलहरुबीच छिटै सहमति हुने बताउनुभएको छ । पासाङ्ग ल्हामु पर्वतारोहण प्रतिष्ठानले आइतबार बिहान काठमाडौम गरेको कार्यक्रममा सम्बोधन गर्दै उहाँले यस्तो बताउनुभएको छ ।

  • संवैधानिक समितिको बैठक स्थगित

    काठमाडौं, बैशाख १० - संविधान लेखनका क्रममा देखिएका विवाद कायमै रहेपछि दलहरुको आग्रहमा संवैधानिक समितिको आइतवारको बैठक स्थगित गरिएको छ । सहमतिको आइतवार अन्तिम दिन भएकाले रातभर  बसेर भए पनि सहमति कायम गर्ने भन्दै नेताहरुको आग्रहमा बैठक स्थगित गरिएको समितिका सभापति निलाम्बर आचार्यले जानकारी दिनुभयो ।

  • क्याम्पस अगाडीका सडकमा चक्काजाम

    काठमाडौं, बैशाख १० - काठमाडौंको पशुपति क्याम्पसमा विहीवार विद्यार्थीमाथि आक्रमण गर्नेलाई कारवाही गर्न माग गर्दै नेपाल विद्यार्थी संघले आइतवार बिहान काठमाडौंका सरकारी क्याम्पसहरु अगाडी १ घण्टा चक्काजाम गरेको छ । विहान ९ बजेदेखि १० बजेसम्म सवै सरकारी क्याम्पस अगाडीका सडकमा चक्काजाम गरेको नेविसंघले घटनाको विरोधमा आज दिनभरी क्याम्पस अगाडीका सडकमा सरकारी गाडी चल्न नदिने बताएको छ ।

  • कम्युनिष्ट पार्टीको स्थापना दिवस मनाइँदै कम्युनिष्ट पार्टीको स्थापना दिवस मनाइँदै

    काठमाडौं, बैशाख १० - आज नेपाल कम्युनिष्ट पार्टीको स्थापना दिवसमा विभिन्न कार्यक्रम हुँदैछन । विक्रम संवत २००६ साल वैशाख १० गते तत्कालिन राणा शासन विरुद्ध आन्दोलनका लागि भारत पुगेर पुष्पलाल श्रेष्ठ, नारायणविलास जोशी, नरबहादुर कर्माचार्य  र निरञ्जन गोविन्द वैद्यले नेपाल कम्युनिष्ट पार्टीको स्थापना गर्नु भएको थियो । अहिले नरबहादुर कर्माचार्य मात्र जीवित हुनुहुन्छ । सर्वहारावादी आन्दोलनलाई अगाडी बढाउने र स्वतन्त्र, लोकजनवादी नेपाल स्थापना गर्ने उद्देश्य सहित कम्युनिष्ट पार्टी स्थापना भएको हो ।...

  • दलहरुको बैठक विना निश्कर्ष सकियो

    काठमाडौ, बैशाख ९ – राजनीतिक सहमतिको खोजीका लागि शनिवार बसेका मुख्य ४ राजनीतिक पक्षबीचको छलफल विना निष्कर्ष सकिएको छ । संविधानसभा भवन नयाँ बानेश्वरमा भएको छलफलमा संवैधानिक अदालत तथा नागरिकताको विषयमा छलफल भएपनि सहमतिमा पुग्न नसकिएको नेताहरुले बताएका छन् ।

  • ‘प्रचण्ड नयाँ तानाशाह बन्दैछन्’ ‘प्रचण्ड नयाँ तानाशाह बन्दैछन्’

    मोहन बस्याल/उज्यालो । चितवन, बैशाख ९ – माओवादीमा संस्थापन पक्ष र बैद्यपक्षले एक अर्कालाई आरोप लगाउनु सामान्य जस्तै हुन थालेको छ । बैद्य पक्षले संस्थापन  पक्षलाई साम्राज्य र विस्तारवादीको दलाल, संस्थापन पक्षले बैद्यपक्षलाई राजावादी भनेर आरोप त यसअघि नै लगाइसके । यस्तैमा बैद्य पक्षीय नेता देव गुरुङले शनिवार चितवनको एक कार्यक्रममा आफ्नै पार्टीको अध्यक्ष पुष्पकमल दाहाल प्रचण्डलाई अर्को तानाशाह हुन खोजेको आरोप लगाउनुभयो । जनआन्दोलन र जनताको चाहनालाई कुल्चदै पार्टीको लाइन विपरित एकल निर्णय...

  • थारुहरु तराई बहुप्रदेशको पक्षमा

    चितवन, बैशाख ९– थारुहरुले राज्य पुनसंरचना गर्दा तराईमा बहुप्रदेश बनाउनुपर्नेमा जोड दिएका छन् । थारुजातिसंग सम्बन्धित बिभिन्न संघ संगठन र राजनीतिक दलहरुको चितवनमा भएको सम्मेलनका सहभागीहरुले तराईमा वहुप्रदेश हुनुपर्ने बताएका हुन् ।

  • सहमति जुटाउन दलहरु छलफलमा

    काठमाडौ, बैशाख ९ – संविधान निर्माणका क्रममा देखिएका विवादका विषयमा सहमति जुटाउन प्रमुख दलहरुबीच छलफल चलिरहेको छ । संविधान सभा भवन नयाँ बानेश्वरमा माओवादी, काँग्रेस, एमाले र मोर्चाका शीर्ष नेताबीच राज्य पूनसंचरना, शासकीय स्वरुप, न्याय प्रणाली र चुनाव प्रणालीका विषयमा छलफल चलिरहेको छ ।

  • सडक बिद्रोह गरेरै भएपनि किराँत राज्य बनाइ छाड्छौ : मन्त्री किराँती सडक बिद्रोह गरेरै भएपनि किराँत राज्य बनाइ छाड्छौ : मन्त्री किराँती

    सुमन पुरी/उज्यालो । सुनसरी, बैशाख ९ – संघीय मामिला संसदीय व्यबस्था, संबिधान सभा र सस्कृती मन्त्री गोपाल किराँतीले सडकबाट बिद्रोह गरेरै भएपनि किराँत राज्य स्थापना गर्ने चेतावनी दिनुभएको छ ।

  • जातीय संघीयतामा गए हामीलाई पनि चाहिन्छ : क्षेत्री समाज

    काठमाडौ, बैशाख ९ – जातीय क्षेत्री समाजले जातीय आधारमा राज्य नबनाउन राजनीतिक दललाई आग्रह गरेको छ । काठमाडौमा शनिवार पत्रकार सम्मेलन गरी समाजले जातीय आधारमा संघीयतामा गए सवै जातजातिका लागि राज्य दिनुपर्ने तर्क गरेको हो ।

  • विवादित विषयमा समान धारणा बनाउने माओवादी र मोर्चाको निर्णय

    काठमाडौ, बैशाख ९ – एकीकृत नेकपा माओवादी र मधेशी मोर्चाबीच संविधान निर्माणका विवादित विषयमा एक भएर जाने सहमति भएको छ । प्रधानमन्त्रीको सरकारी निवास बालुवाटारमा शनिवार भएको छलफलमा संविधान निर्माणका विवादित विषयमा साझा धारणा तय गर्ने र त्यसै अनुसार अघि बढ्ने सहमति भएको फोरम गणतान्त्रिकका कार्यवाहक अध्यक्ष राजकिशोर यादवले जानकारी दिनुभयो ।

  • नेपालको शान्ति र समृद्धि भारतको चाहना : भारतीय नेताहरु

    नेपाल भ्रमणमा रहेका भारतीय नेताहरुले  नेपालको शान्ति, लोकतान्त्रिक संविधान, विकास र समृद्धि भारतको चाहना रहेको बताएका छन् । रिपोटर्स क्लवले काठमाडौमा शनिवार गरेको कार्यक्रममा भारतीय जनता पार्टीका बिदेश बिभाग प्रमुख एवं प्रवक्ता विजय जोलीले नेपालको शान्ति प्रक्रिया सकारात्मक रुपमा अघि बढेको उल्लेख गर्दै निर्धारित मितिमै संविधान जारी हुने  विश्वास ब्यक्त गर्नुभयो ।

  • संघीयताको विषय तीन दिनमा टुंगिन्छ : नेपाल संघीयताको विषय तीन दिनमा टुंगिन्छ : नेपाल

    हेटौडा, बैशाख ९ – नेकपा एमालेका बरिष्ठ नेता माधबकुमार नेपालले तीनदलको छलफलले अबको तीनदिनमा संघीयताको बिषय टुङ्ग्याईने बताउनुभएको छ । दलहरुवीच दिनदिनै संघीयताको विषयमा छलफल र बहस भइरहेकाले संघीयताको विषय छिट्टै टुंगिने उहाँको विश्वास छ ।

  • हिमाल र तराई जोड्नेगरी प्रदेश बनाउन चुरे भावरको माग

    काठमाडौ, बैशाख ९ – चुरे भावर राष्ट्रिय एकता पार्टी नेपालले हिमालदेखि तराई जोड्नेगरी संघीयता लागु गर्नुपर्ने बताएको छ । पार्टीका महासचिव भूमिराज निरौलाले विज्ञप्ती निकालेर राज्यपुनर्संरचना आयोगको सुझाबका आधारमा देशलाई संघीय संरचनामा लगिए आफूहरुलाई मान्य नहुने बताउनुभएको छ ।

  • धादिङलाई नटुक्र्याउन सात दलको आग्रह

    धादिङ, बैशाख ९– राजनीतिक दलका नेताहरुले राज्य पुनसंरचना गर्दा धादिङलाई नटुक्र्याउन आग्रह गरेका छन् । शनिवार संयुक्त विज्ञप्ति जारी गरी उनीहरुले संघीयतामा जाँदा जिल्लाको कुनैपनि संरचना नटुक्र्याउन आग्रह गरेका हुन् । राज्य पुर्नसंरचना सुझाव आयोगले बुझाएको अल्पमत र बहुमतको प्रतिवेदनमा धादिङ जिल्लाको अहिलेको सरचनालाई तीन वा चार भागमा विभाजन गर्ने उल्लेख गरिएको छ ।

  • संविधान निर्माणबारे माओवादी र काँग्रेसबीच छलफल

    काठमाडौं, बैशाख ९ - संविधान निर्माणका क्रममा देखिएका विवादीत विषय र राष्ट्रिय सहमतिको सरकार गठनबारे एकीकृत नेकपा माओवादी र नेपाली काँग्रेसबीच छलफल भएको छ । माओवादी अध्यक्ष पुष्पकमल दाहाल प्रचण्डको निवास लाजिम्पाटमा बिहान झण्डै दुईघन्टा चलेको दुई पार्टीबीचको छलफलमा एजेण्डाका विषयमा आआफ्नो धारणा राखेपनि सहमति नभएको नेताहरुले बताएका छन ।

  • संघीयता बिनाको संविधान मान्य हुँदैन : महतो संघीयता बिनाको संविधान मान्य हुँदैन : महतो

    जनकपुरधाम, बैशाख ९ - स्वास्थ्य मन्त्री एवंम सदभावना पार्टीका अध्यक्ष राजेन्द्र महतोले सामर्थ्य र पहिचानको आधारमा संघीयता सहितको संबिधान निर्माण नभए आफ्नो पार्टीलाई मान्य नहुने बताउनु भएको छ । बैशाख २२ गतेदेखि जनकपुरमा हुने सदभावना पार्टीको पाँचौं राष्ट्रिय महाधिवेशन तयारी सम्बन्धमा जानकारी दिन आयोजित पत्रकार सम्मेलनमा संघीयता सहितकै संबिधान जारी हुने दावी गर्दै अध्यक्ष महतोले त्यसमा तलमाथि भए आफूहरुलाई मान्य नहुने बताउनुभयो  ।

  • मुख्य ३ दलबीच आज पनि छलफल

    काठमाडौं, बैशाख ९ - शान्ति, संविधान र सहमतिको सरकार गठनका विषयमा मुख्य दलहरुबीच शनिवार पनि छलफल हुँदैछ । दिउँसो चार बजे सिंहदरबारमा हुने छलफलमा एकीकृत नेकपा माओवादी, नेपाली काँग्रेस, नेकपा एमाले र संयुक्त लोकतान्त्रिक मधेसी मोर्चाका शीर्ष नेता सहभागी हुने कार्यक्रम छ ।

  • पूर्व गृह राज्यमन्त्री ३ घण्टा थुनिए

    काठमाडौं, बैशाख ८ - प्रहरीले पूर्व गृहराज्यमन्त्री एवं एमाले सभासद् रिजवान अन्सारी सहित २७ जनालाई पक्राउ गरेको छ । निषेधित क्षेत्रमा पदर्शन गर्न खोजेको भन्दै प्रहरीले सभासद् रिजवान, सद्रुल मियाँ हक, इस्लाम मिया र नजिर मिया सहित अरु २७ जनालाई पक्रेको थियो । राष्ट्रिय मुस्लिम संघर्ष समितिले नयाँ संविधानमा मुस्लिकका हक अधिकार सुनिश्चित गर्न माग गर्दै काठमाडौंको भद्रकालीमा प्रदर्शन गरेको थियो ।

  • बहुमतीयमा नतिजा नआए फेरी संवैधानिक समितिमा बहुमतीयमा नतिजा नआए फेरी संवैधानिक समितिमा

    काठमाडौं, बैशाख ८ - संविधानका सहमति नभएका विषयमा बहुमतीय प्रकृयामा जाँदा कुनै पनि विषयमा बहुमत नआए सहमतीका लागि फेरी संवैधानिक समितिमा पठाइने भएको छ । नियमावली संसोधनका बारेमा संविधानसभाका अध्यक्ष, मुख्य तीन दलका प्रमुख सचेतक र नियमावली मस्यौदा समितिका सदस्यहरुबीच भएको छलफलमा यस्तो सहमती भएको हो । यसअघि माओवादीले बहुमत नआए धेरै मत ल्याउने प्रस्तावमा फेरी मतदान गर्नु पर्ने अडान राखेको थियो ।

  • लेबी नबुझाउनेलाई एमालेले कतै पनि नियुक्ती नगर्ने लेबी नबुझाउनेलाई एमालेले कतै पनि नियुक्ती नगर्ने

    काठमाडौं, बैशाख ८ - नेकपा एमालेले पार्टीलाई लेबी नबुझाउने ब्यक्तिहरुलाई सरकारी निकायमा राजनीतिक नियुक्ती नगर्ने भएको छ । पार्टी मुख्यालय बल्खुमा शुक्रवार बसेको एमाले केन्द्रीय लेखापरीक्षण आयोगको १२ औं बैठकले राजनीतिक नियुक्ति पाएका र विदेश भ्रमणमा गएका व्यक्तिहरुले पार्टीलाइ बुझाउनु पर्ने रकम नबुझाए त्यस्ता ब्यक्तिहरुलाइ पुनः सार्बजनिक पदमा नियुक्ती नगर्ने निर्णय गरेको हो ।

  • संघीयताका बिषयमा सहमति भैसकेको गच्छदारको दावी संघीयताका बिषयमा सहमति भैसकेको गच्छदारको दावी

    चितवन, बैशाख ८ -  उपप्रधान मन्त्री तथा गृह मन्त्री बिजयकुमार गच्छदारले जातीय संस्कृति र  ऐतिहासिक पहिचान सहितको संघीयता निर्माणका लागि हात्तिबन बैठकमा प्रमुखदलहरु बीच सहमति भैसकेको बताउनु भएको छ । चितवनमा पत्रकारसित कुरा गर्दै मधेसी जनअधिकार फोरम लोकतान्त्रिका अध्यक्ष समेत रहेका गच्छदारले मधेशमा बहुप्रदेश हुनु पर्ने बताउनुभयो ।

  • विवादित विषयमा माओवादी र कांग्रेसको छलफल सकारात्मक

    काठमाडौ, बैशाख ८ – एकीकृत नेकपा माओवादी र नेपाली कांग्रेसबीच संविधान बनेपछि पनि राष्ट्रिय सहमति गरेर अघि बढ्ने सैद्धान्तिक सहमति भएको छ ।  संविधान बनेपछि चुनावमा पनि सहमतिकै आधारमा अघि बढ्ने विषयमा दुई दलबीच सहमति भएको नेपाली कांग्रेसका नेता रामशरण महतले जानकारी दिनुभयो ।

  • कांग्रेस संघीयता विरोधी होइन : कोइराला कांग्रेस संघीयता विरोधी होइन : कोइराला

    काठमाडौ, बैशाख ८ – नेपाली कांग्रेसका सभापति सुशील कोईरालाले कांग्रेस संघीयता विरोधी नभएको भन्दै संघीयताबारे अनावश्यक आंशका नगर्न आग्रह गर्नुभएको छ । जातीय पहिचान सहितको संघीयता माग्दै नेपाल आदिवासी जनजाति महासंघले बुझाएको ज्ञापनपत्र बुझ्दै कोईरालाले काँग्रेसका बारेमा अनावश्यक शकां र प्रचारबाजी गरिएको  बताउनुभयो ।

  • एमाले नेताहरुलाई पोखरामा कालोझण्डा देखाइयो

    पोखरा, वैशाख ८ – जनआन्दोलनका घाइते तथा परिवारले नेकपा एमालेका अध्यक्ष झलनाथ खनाल र बरिष्ठ नेता माधवकुमार नेपाललाई पोखरामा कालोझण्डा देखाएका छन् । अखिल नेपाल महिला संघको छैठौं राष्ट्रिय सम्मेलनको उद्घाटनमा गएका नेताहरुलाई विमानस्थलमा कालोझण्डा देखाएका हुन् ।

  • १४ प्रदेश बनाउन माग गर्दै प्रचण्डलाई ज्ञापनपत्र

    काठमाडौ, बैशाख ८ – संघीयता कार्यान्वयन लिम्बुवान संघर्ष समितिले १४ प्रदेश बनाउन माग गर्दै माओवादी अध्यक्ष पुष्पकमल दाहाल प्रचण्डलाई ज्ञापनपत्र बुझाएको छ । विजय सुब्बा संयोजकत्वको टोलीले राज्य पूनर्संरचना तथा राज्य शक्तिको बाँडफाँड समितिले प्रस्ताव गरेको १४ प्रदेशको अडान नछोड्न प्रचण्डलाई दबाब दिएको हो ।

  • माओवादी र कांग्रेसवीच छलफल हुँदै

    काठमाडौ, बैशाख ८ – एकीकृत नेकपा माओवादी र नेपाली काँग्रेसबीच शुक्रवार छलफल हुँदैछ । विहान ११ बजे प्रचण्ड निवास लाजिम्पाटमा हुने छलफल संविधान निर्माणका विवादका विषयमा केन्द्रीत हुनेछ ।

  • संविधानको धारा ७० संशोधन गर्ने सरकारको निर्णय

    काठमाडौं, बैशाख ७ - सरकारले छिटो संविधान बनाउन अन्तरिम संविधानको धारा ७० संशोधन गर्ने निर्णय गरेको छ । विहीवार बेलुकी बसेको मन्त्रीपरिषद बैठकले धारा ७० का ७ वटा उपधारा हटाई ५ वटा उपधारा थप गर्ने निर्णय गरेको स्थानीय विकास मन्त्री टोपवहादुर रायमाझीले जानकारी दिनुभयो ।

  • शर्माको स्वास्थ्यमा सुधार शर्माको स्वास्थ्यमा सुधार

    काठमाडौं, बैशाख ७ - भारतको हरियाणामा उपचार गराईरहेका माओवादी नेता जनार्दन शर्मा प्रभाकरको स्वास्थ्यमा सुधार आएको छ । गुडगाउँको मेदान्त अस्पतालमा जापनीज ईन्सेफ्लाईटिसको उपचार गराई रहेका शर्माले परिवारसित कुरा गरेको र केही दिनपछि फर्कने बताएको उहाँका भाई ओपेन्द्र शर्माले जानकारी दिनुभयो ।

  • समग्र मधेस एक प्रदेश हुनु पर्ने मधेसी सभासदको माग

    काठमाडौं, बैशाख ७  - शान्ति र संविधानका लागि गठित मधेशी सभासदको दबाब समुहले समग्र मधेश एक प्रदेशको माग गरेको छ । दबाब समुहको वैठकले आत्मनिर्र्णयको अधिकार सहितको स्वायत्त प्रदेश प्राप्तिका लागि आन्दोलन गर्ने निर्णय गरेको सभासद मोहम्मद इस्तियाक राईले जानकारी दिनुभयो । बैठकले गरेका ७ बुदे निर्णय संविधानसभा, अरु राजनीतिक दलसम्म लैजानेृ पनि उहाँले बताउनुभयो ।

  • लडाकुले घेरे माओवादी कार्यालय लडाकुले घेरे माओवादी कार्यालय

    काठमाडौं, बैशाख ७ - एकीकृत नेकपा माओवादीको पार्टी कार्यालयमा बर्हिगमित लडाकुले धर्ना र नाराबाजी गरेका छन् । स्वेच्छिक अवकाशमा जाने लडाकु सरह आफूहरुले पनि रकम पाउनु पर्ने माग गर्दै बर्हिगमित लडाकुले पार्टी कार्यालयमा नाराबाजी गरेका हुन् ।

  • मन्त्री थापाको २१ लाख ऋण छोरा बुहारीले तिर्दै

    काठमाडौं, ७ वैशाख - श्रम तथा यातायात व्यवस्थामन्त्री मालवरसिंह थापाले आफ्नो सम्पत्ति विवरण सार्वजनिक गर्नुभएको छ ।  मन्त्रिपरिषद् कार्यालयमा पेस गर्नुभएको सम्पत्ति विवरणअनुसार मन्त्री थापाको पोखरा उपमहानगरपालिका– १७ मा ५ आना २ पैसा क्षेत्रफलमा बनाइएको घर छ ।

  • सत्य निरुपण र वेपत्ता आयोग एउटै बनाउने सहमति

    काठमाडौ, बैशाख ७ – मुख्य ३ राजनीतिक दल सत्य निरुपण तथा मेलमिलाप र वेपत्ता खोजविन आयोग एउटै बनाउने सहमतिमा पुगेका छन् । दलहरुवीच सिंहदरबारमा चलिरहेको बैठकमा दुवै कामका लागि एउटै आयोग बनाएउने सहमति भएको नेपाली कांग्रेसका वरिष्ठ नेता शेरवहादुर देउवाले जानकारी दिनुभयो ।

  • पाँच दिनमा इतिहास रच्ने खनालको दावी पाँच दिनमा इतिहास रच्ने खनालको दावी

    काठमाडौ, वैशाख ७ – नेकपा एमालेका अध्यक्ष झलनाथ खनालले अबको पाँच दिनमा ईतिहास रच्ने  दावी गर्नुभएको छ । शान्ति र संबिधन निर्माणमा सुझाब लिन बिहीबार बिहान पाँचरथरका वासिन्दासंग कुराकानी गर्दै खनालले संबिधानसभाको कार्यब्यबस्था समितिले दिएको  पाँच दिनको समयभित्र बिबादित बिषयमा राष्ट्रिय  सहमती बन्ने बिश्वास ब्यक्त गर्नुभयो ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया