MENU
ujyaalo forign call inside

राजनीति

  • मन्त्री शर्मा पनि बन्दको मारमा मन्त्री शर्मा पनि बन्दको मारमा

    दुर्गाप्रसाद शर्मा/उज्यालो । पर्वत, बैशाख ३ - राष्ट्रिय जनमुक्ति पार्टी नेपालले आयोजना गरेको बन्दको प्रभाव शिक्षा मन्त्री दिनानाथ शर्मालाई पनि परेको छ । गृहजिल्ला बागलुङ्गमा पुगेका मन्त्री शर्मा बन्दले बिहान त्यही रोकिनु परेको छ । बागलुङ्गमा रोकिएका शिक्षा मन्त्री शर्मालाई प्रहरीले दिउँसो कडा सुरक्षा दिएर पर्वत हुँदै पोखरा पठाएको छ । मन्त्री शर्मालाई जनपद र शसस्त्र प्रहरीले स्कर्टिङ्ग गरेर पोखरा पुर्‍याएका हुन ।

  • सहमति जुटाउन दलका नेताहरु हात्तिबन रिसोर्टमा

    हिम विष्ट/उज्यालो । काठमाडौं, बैशाख ३ - संविधान निर्माणका विवादित विषयमा सहमति जुटाउन मुख्य तीन दल र मधेसी मोर्चाबीच छलफल शुरु भएको छ । छलफलका लागि दलका नेताहरु काठमाडौंको फर्पिङ्ग नजिकैको हात्तीवन रिसोर्टमा पुगेका छन् । सेना समायोजनमा सहमति जुटाएका दलहरुले आइतवारदेखि एकान्तमा बसेर संविधान निर्माणका विवादित विषयमा सहमति जुटाउने तयारी गरेका हुन् ।

  • सेना समायोजनमा सहमति भएकोमा राष्ट्रसंघको स्वागत सेना समायोजनमा सहमति भएकोमा राष्ट्रसंघको स्वागत

    काठमाडौं, बैशाख ३ - संयुक्त राष्ट्रसंघका महासचिव बानकी मूनले नेपालका माओवादी लडाकुको पुर्नस्थापना र राष्ट्रिय सेनामा समायोजन गर्ने काममा भएको प्रगतिको सराहना गर्नुभएको छ । उहाँले समायोजन र पुर्नस्थापनको प्रक्रिया सहज रुपमा सम्पन्नहुने विश्वास समेत व्यक्त गर्नुभएको छ ।

  • जनमुक्ति पार्टीलाई वार्तामा आउन सरकारको आह्वान

    काठमाडौं, बैशाख ३ - सरकारले बन्द आव्हान गरेको राष्ट्रिय जनमुक्ति पार्टीलाई वार्तामा बोलाएको छ । दिउँसो वार्तामा आउन निम्तो आएको पार्टीका उपाध्यक्ष केपी पालुङवा लिम्वुले जानकारी दिनुभयो । सरकारले बन्द फिर्ता लिन आह्वान गरेपनि सरकारमै रहेको जनमुक्ति पार्टीले जातीय पहिचान सहितको संविधान आउनुपर्ने माग गर्दै नेपाल बन्द गरेको छ ।

  • संविधान नबनेसम्म बन्द हड्ताल नगर्न सरकारको आग्रह

    काठमाडौं, बैशाख ३ - संविधान नबनेसम्म बन्द हडताल नगर्न सरकारले सबै राजनीतिक दललाई आग्रह गरेको छ । शान्ति प्रक्रिया टुंगिन लागेको र संविधान निर्माणको वातावरण बनाउनको लागि पनि बन्द हडताल नगर्न सरकारले आग्रह गरेको हो । आइतवार बिहान बसेको मन्त्रिपरिषदको बैठकले संविधान निर्माणलाई प्राथमिकता दिन पनि दलहरुलाई आग्रह गरेको हो ।

  • दलहरु अडानमै रहे जेठ १४ मा संविधन बन्न नसक्ने : खनाल दलहरु अडानमै रहे जेठ १४ मा संविधन बन्न नसक्ने : खनाल

    काठमाडौं, बैशाख ३ - नेकपा एमालेका अध्यक्ष झलनाथ खनालले संविधान निर्माणका विवादित विषयमा दलहरु आआफ्नै अडानमा रहे जेठ १४ मा संविधान बन्न नसक्ने बताउनु भएको छ । जेठ १४ मा संविधान निर्माण गर्न दलहरुले आआफ्ना अडानबाट पछि हट्नु पर्ने खनालको भनाई छ ।

  • निर्वाचन आयोगद्वारा फोटो सहितको मतदाता नामावली प्रकाशन शुरु

    काठमाडौं, बैशाख ३ - निर्वाचन आयोगले फोटो सहितको मतदाता नामावलीमा नाम दर्ता गराएकाको विवरण प्रकाशन शुरु गरेको छ ।  गाउँ विकास समितिको कार्यालय तथा नगरपालिकाका वडा कार्यालयहरुमा नामावली प्रकाशन शुरु भएको आयोगले जनाएको छ ।

  • पूर्व राजालाई जेल हाल्ने नेपालको चेतावनी पूर्व राजालाई जेल हाल्ने नेपालको चेतावनी

    काठमाडौं, बैशाख २ - नेकपा एमालेका वरिष्ठ नेता माधव कुमार नेपालले लोकतन्त्र विरुद्ध चलखेल नरोके पूर्व राजा ज्ञानेन्द्रलाई जेल हाल्ने चेतावनी दिनुभएको छ । एमालेले काठमाडौंमा गरेको कार्यक्रममा नेपालले पूर्वराजाले प्रतिगामी गतिविधि नरोके सशस्त्र प्रहरी पनि हटाएर सिधै जेल हाल्ने चेतावनी दिनुभएको हो ।

  • शान्ति र संविधान बिथोल्ने हैसियत कसैको छैनः मन्त्री रायमाझी शान्ति र संविधान बिथोल्ने हैसियत कसैको छैनः मन्त्री रायमाझी

    विद्रोही गिरी/ उज्यालो । नवलपरासी, बैशाख २ – स्थानीय विकास मन्त्री टोपबहादुर रायमाझीले शान्ति र संविधान बिथोल्न कसैले नसक्ने बताउनुभएको छ । नवलपरासीको रजहरमा मन्त्री रायमाझीले पार्टीमा विचारको संघर्ष भएपनि शान्ति र संवधान पक्षधरको बिचार बलियो भएको बताउनुभयो ।

  • तरुण दल र महिला संघलाई पूर्णता (नामावली सहित) तरुण दल र महिला संघलाई पूर्णता (नामावली सहित)

    काठमाडौं, बैशाख २ – नेपाली काँग्रेसले आफ्ना भातृसंगठन नेपाल तरुण दल र नेपाल महिला संघको तदर्थ समितिलाई पूर्णता दिएको छ । संयोजक तोकेको अढाई महिना पछि काँग्रेसले तदर्थ समितिलाई पूर्णता दिएको हो ।

  • सेना समायोजनमा जुट्यो सहमति सेना समायोजनमा जुट्यो सहमति

    हिम बिष्ट/ उज्यालो । काठमाडौं, बैशाख २ – सेना समयोजनका धेरैजसो विवादित विषयमा दलहरुबीच सहमति जुटेको छ । सेना समायोजन सम्बन्धिविशेष समितिको वैठकले समायोजनका लागि छनोट समिति, तालिम अवधि लगायतका विषयमा सहमति गरेको हो । वैठकले यसअघि कार्यदलले तयार पारेको सहमतिलाई पारित गर्दै ७ बुँदे सहमति गरेको समितिका सदस्य भीम रावलले जानकारी दिनुभयो । ‘महानिर्देशनालयको संरचना र नेतृत्व माओवादी लडाकूको छनोट प्रकृया अन्तिममा पुगेपछि तोकिने सहमति भएको छ’, रावलले भन्नुभयो, ‘कुन निर्देशनालयमा क...

  • पूर्व राजाको सुरक्षामा रहेका सेना फिर्ता गरेकोमा थापाको आपत्ति पूर्व राजाको सुरक्षामा रहेका सेना फिर्ता गरेकोमा थापाको आपत्ति

    मकवानपुर, बैशाख २ - राप्रपा नेपालका अध्यक्ष कमल थापाले पुर्ब राजा ज्ञानेन्द्र शाहको सुरक्षार्थ खटिएका नेपाली सेनालाई सरकारले फिर्ता बोलाएकोमा आपत्ति जनाउनुभएको छ । नेपाली सेनाका पूर्व प्रधानसेनापतिको सुरक्षाका लागि सेना नै खटाउने गरेपनि पूर्व परमाधिपति रहिसकेका पूर्वराजाको सुरक्षामा खटिएका सेना फिर्ता बोलाउनु पक्षपातिपूर्ण काम भएको थापाको तर्क छ ।

  • शक्तिप्रदर्शन गर्न एमालेले कार्यकर्तालाई तीनदिन हिँडाउने

    दुर्गाप्रसाद शर्मा/ उज्यालो । पर्वत, बैशाख २ – राजनीतिक दलले शक्ति प्रदर्शन गर्न के गर्छन ? सभा । सम्मेलन । र्‍याली वा यस्तै अन्य कार्यक्रम । तर नेकपा एमालेले भने शक्ति प्रदर्शन गर्न कार्यकर्तालाई तीन दिन पैदल यात्रा गराउने भएको छ ।

  • सरकारले घाइते र अशक्त लडाकुको माग संबोधन गर्ने

    काठमाडै, बैशाख २ – सरकारले गंभीर र अशक्त लडाकूका माग सम्बोधन गर्ने भएको छ । घाईते तथा अपाङ्ग लडाकूसितको छलफलमा प्रधानमन्त्री बाबुराम भट्टराईले उपचारको व्यवस्था गर्ने, बाँच्ने आधार बनाउने र रेखदेखको व्यवस्था गर्ने प्रतिवद्धता जनाउँदै तत्काल काम अघि बढाउने बताउनुभएको हो ।

  • नेतृत्वलाई विश्वास गर्न प्रधानमन्त्री र प्रचण्डको कमाण्डरलाई आग्रह :

    काठमाडौ, बैशाख २ – प्रधानमन्त्री डा. बाबुराम भट्टराई र माओवादी अध्यक्ष पुष्पकमल दाहाल प्रचण्डले लडाकू कमाण्डरसित संयुक्त रुपमा छलफल गर्नुभएको छ । प्रधानमन्त्री निवास बालुवाटारमा शनिवार भएको छलफल समायोजन विधि प्रक्रिया, लडाकुले पाउने पद र शिविरमा सेना प्रवेश गरेपछिको विषयमा केन्द्रीत थियो ।

  • समयमै संविधान ल्याउन राष्ट्रिय सरकार : खनाल समयमै संविधान ल्याउन राष्ट्रिय सरकार : खनाल

    काठमाडौ, वैशाख २ – नेकपा एमालेका अध्यक्ष  झलनाथ खनालले निर्धारित समयमै नयाँ संबिधान ल्याउन राष्ट्रिय सहमतिको सरकार अनिबार्य भएको बताउनुभएको छ । दलहरुवीच भएको सात बुँदे सहमतिलाई तत्काल कार्यान्वयन गरी राष्ट्रिय सहमतिको सरकार निर्माण गर्नुपर्ने उहाँको भनाई छ ।

  • संविधान लेख्ने आधार बन्यो : कोइराला संविधान लेख्ने आधार बन्यो : कोइराला

    काठमाडौ, बैशाख २ – नेपाली कांग्रेसका सभापति सुशील कोइरालाले संविधान लेख्ने आधार तयार भएको बताउनुभएको छ । पार्टीको काठमाडौ महानगर समिति वडा नम्बर ५ ले शनिवार बिहान गरेको कार्यक्रममा उहाँले शान्ति प्रकृयाले सकारात्मक मोड लिएकोले संविधान बन्ने आधार तयार भएको बताउनुभएको हो ।

  • लेनदेन गरेर विवाद मिलाउनुपर्छ : महामन्त्री सिंह लेनदेन गरेर विवाद मिलाउनुपर्छ : महामन्त्री सिंह

    काठमाडौ, बैशाख २ – नेपाली कांग्रेसका महामन्त्री प्रकाशमान सिंहले संविधान निर्माणका क्रममा देखिएका विवादित विषय लेनदेनका आधारमा टुंगो लगाउनुपर्ने बताउनुभएको छ । नेपाली कांग्रेस काठमाडौ क्षेत्र नम्बर एकले गरेको शुभकामना आदान कार्यक्रमलाई सम्बोधन गर्दै महामन्त्री सिंहले विवादित विषयमा सहमति गर्नुको विकल्प नभएको बताउनुभयो ।

  • पहिचानसहितको संघीयतामा माओवादी र मधेशी मोर्चा एक हुने

    काठमाडौ, बैशाख २ – एकीकृत नेकपा माओवादी र संयुक्त लोकतान्त्रिक मधेसी मोर्चाबीच विवादित विषयलाई टुंगो लगाउँदा परिवर्तनका मुद्दामा एक भएर लाग्ने सहमति भएको छ । शनिवार बिहान प्रधानमन्त्री निवास बालुवाटारमा बसेको माओवादी र मोर्चाको बैठकमा संविधान बनाउँदा परिवर्तनका मुद्दामा एक भएर जाने सहमति भएको फोरम गणतान्त्रिकका नेता राजकिशोर यादवले जानकारी दिनुभयो ।

  • सेना समायोजनको बाँकी विषयमा आज सहमति खोजिने

    काठमाडौ, बैशाख २ – सेना समायोजनका बाँकी विवादीत विषयमा सहमति खोज्न शनिवार सेना समायोजन विशेष समितिको बैठक बस्दैछ । दिउँसो दुई बजे बस्ने बैठकमा शीर्ष नेताहरुले बनाएको कार्यदलको प्रतिवेदनका विषयमा छलफल हुने एमालेका तर्फबाट विशेष समिति सदस्य एवं कार्यदल सदस्य भीम रावलले जानकारी दिनुभयो ।

  • शान्ति प्रकृया अब पछाडी फर्कन सक्दैनः खनाल शान्ति प्रकृया अब पछाडी फर्कन सक्दैनः खनाल

    काठमाडौं, बैशाख १ – नेकपा एमालेका अध्यक्ष झलनाथ खनालले शान्ति प्रकृया अब पछि नफर्कने अवस्थामा पुगेको बताउनु भएको छ । नयाँ वर्षका अवसरमा शुक्रबार पार्टी कार्यालय बल्खुमा भएको शुभकामना आदान प्रदान तथा पत्रकार भेटघाट कार्यक्रममा अध्यक्ष खनालले शान्ति प्रकृया अघि बढे लगत्तै संविधान बन्ने आधार तयार भएको बताउनु भयो ।

  • कांग्रेसको नेतृत्वमा संविधान जारी हुन्छ : महामन्त्री सिंह कांग्रेसको नेतृत्वमा संविधान जारी हुन्छ : महामन्त्री सिंह

    काभ्रे, बैशाख १– नेपाली कांग्रेसका महामन्त्री प्रकाशमान सिंहले कांग्रेसकै नेतृत्वमा लोकतान्त्रिक संविधान जारी हुने दावी गर्नुभएको छ । काभ्रेको बनेपामा शुक्रवार भएको कार्यक्रममा महामन्त्री सिंहले शान्ति प्रक्रिया कांग्रेसकै नेतृत्वमा शुरु भएको र संविधान पनि कांग्रेसकै नेतृत्वमा जारी हुने बताउनुभयो ।

  • देश बिखण्डन हुनेगरी संविधान बने हस्ताक्षर गर्दिन : राष्ट्रपति देश बिखण्डन हुनेगरी संविधान बने हस्ताक्षर गर्दिन : राष्ट्रपति

    काभ्रे, बैशाख १ – राष्ट्रपति डाक्टर रामवरण यादवले देश विखण्डन हुनेगरी संविधान जारी हुने अवस्था आएमा आफूले हस्ताक्षर नगर्ने बताउनु भएको छ । शुक्रवार बिहान काभ्रेको कानपुरमा रहेको कालिकादेवी मन्दिर भवन उद्घाटन गर्दै राष्ट्रपति यादवले राष्ट्रिय अखण्डतामा खलल पुग्ने अवस्था आएमा आफूले संविधान प्रमाणिकरणको लागि हस्ताक्षर नगर्ने बताउनुभएको हो । नयाँ बन्ने संविधान सबै जातजाति धर्म र भाषाका नागरिकलाई मान्य हुनुपर्ने राष्ट्रपति यादवको भनाई छ । राष्ट्रपति यादवले नयाँ बन्ने संविधानले धर्मलाई सम्मान ग...

  • संविधान माग्दै शान्ति र्‍याली

    काठमाडौ, बैशाख १ – समयमा शान्ति र संविधानको काम पुरा गर्न माग गर्दै काठमाडौमा शुक्रवार बिहान शान्ति र्‍याली निकालिएको छ । ग्लोबल पिस एशोशिएसनको अगुवाईमा खुलामञ्चबाट निकालिएको र्‍याली रत्नपार्क, भृकुटीमण्डप, शहिद गेट, न्यूरोड गेट हुँदै बसन्तपुर पुगेर सकिएको थियो ।

  • ‘संघीयताबाट पछि हटे मुलुक द्वन्द्वको खाडलमा’ (प्रधानमन्त्रीको सम्बोधनको पूर्ण पाठ सहित) ‘संघीयताबाट पछि हटे मुलुक द्वन्द्वको खाडलमा’ (प्रधानमन्त्रीको सम्बोधनको पूर्ण पाठ सहित)

    काठमाडौं, चैत ३० – प्रधानमन्त्री डा. बाबुराम भट्टराईले संघीयताको मूल आधार पहिचान र सामर्थ्य भएको भन्दै त्यसबाट पछि हटे मुलुक ठूलो द्वन्द्वको खाडलमा फँस्ने बताउनुभएको छ । बिहीबार राष्ट्रका नाममा सम्बोधन गर्दै प्रधानमन्त्रीले अधूरो संविधान वा संघीयता विनाको संविधान आउने वजारिया हल्लाको पछाडि नलाग्न आग्रह गर्नुभयो ।

  • फौजी लडाईँ सकियो, अब राजनितिक लडार्इँ: शिक्षामन्त्री शर्मा फौजी लडाईँ सकियो, अब राजनितिक लडार्इँ: शिक्षामन्त्री शर्मा

    दिल शिरीष/ उज्यालो । बागलुङ, चैत ३० – शिक्षामन्त्री दिनानाथ शर्माले फौजी लडाई सकिएकाले अब राजनीतिक लडाई लड्ने बताउनुभएको छ । जनयुद्धको थालनीदेखी भएको फौजी लडाई सेना समायोजनको सहमतिसँगै सकिएकाले अब राजनीतिक लडाई लड्ने बेला आएको बताउनुभयो ।

  • बैद्य पक्षद्वारा सरकार बिरुद्ध एक महिने आन्दोलनको घोषणा

    काठमाडौं, चैत ३० – एकीकृत नेकपा माओवादीको मोहन बैद्य पक्ष सहितका विभिन्न १२ राजनीतिक दल सम्बद्ध संयुक्त राष्ट्रिय जनआन्दोलन समिति नेपालले दोश्रो चरणको आन्दोलन घोषणा गरेको छ । बिहीबार काठमाडौंमा पत्रकार सम्मेलन गरि समितिले सरकार विरुद्ध कडा आन्दोलन गर्ने चेतावनी दिएको छ ।

  • बैद्य पक्षको पूर्व राजा ज्ञानेन्द्रसित साँठगाँठः प्रचण्ड बैद्य पक्षको पूर्व राजा ज्ञानेन्द्रसित साँठगाँठः प्रचण्ड

    काठमाडौं, चैत ३० – एकीकृत नेकपा माओवादीका अध्यक्ष पुष्पकमल दाहाल ‘प्रचण्ड’ले बैद्य पक्षको पूर्व राजा ज्ञानेन्द्रसित साँठगाँठ रहेको आरोप लगाउनुभएको छ । ललितपुरको बालकुमारीमा बिहीबार कार्यकर्तालाई प्रशिक्षण दिँदै प्रचण्डले आफूहरुलाई राजावादी र भारतपरस्त भन्ने वैद्य पक्षले भारतीय गुप्तचर संस्थाका सदस्यलाई गोप्य रुपमा भेट्ने गरेको र पूर्व राजा ज्ञानेन्द्रसँग साँठगाँठ रहेको आरोप लगाउनुभयो । ‘एकातिर क्रान्ति र राष्ट्रिय स्वाधीनताको कुरा गर्ने अर्कोतिर ज्ञानेन्द्र र रअका मान्छे...

  • समायोजनका नाममा प्रचण्डले आत्मसमर्पण गरेः बैद्य पक्ष समायोजनका नाममा प्रचण्डले आत्मसमर्पण गरेः बैद्य पक्ष

    सेन्छेलुङ लिम्बु/ उज्यालो । काठमाडौं, चैत ३० – एकीकृत नेकपा माओवादीको मोहन बैद्य पक्षले सेना समायोजनका नाममा अध्यक्ष पष्पकमल दाहाल प्रचण्डले आत्मसमर्पण गरेको आरोप लगाएको छ । सेना समायोजनका नाममा अध्यक्ष प्रचण्ड नाङ्गो रुपमा प्रस्तुत भएर क्रान्ति प्रति घात गरेको बैद्य पक्षको आरोप छ ।

  • बैशाख ५ भित्र विवादित विषय टुङ्गिन्छः नेम्वाङ बैशाख ५ भित्र विवादित विषय टुङ्गिन्छः नेम्वाङ

    काठमाडौं, चैत ३० – संविधान सभाका अध्यक्ष सुवास नेम्वाङले बैशाख ५ गतेभित्र संविधानका विवादित विषयमा दलहरुबीच सहमति बन्ने विश्वास व्यक्त गर्नुभएको छ । मुख्य दलका शीर्ष नेताले प्रतिवद्धता अनुसार सेना समायोजनको काम अगाडि बढाएको भन्दै नेम्वाङले यही गतिमा अघि बढे बैशाख ५ गतेभित्रै संविधानका विवादित विषयमा सहमति बन्ने दावी गर्नुभयो ।

  • समायोजनको विवादित विषय सहमति नजिक

    काठमाडौ, चैत ३० – सेना समायोजनमा देखिएका विवाद मिलाउन गठित कार्यदलको बैठक सकिएको छ । सेना समायोजन विशेष समितिको सचिवालय नयाँ बानेश्वरमा बिहीबार बसेको बैठकमा सेना समायोजनपछि बन्ने महानिर्देशनालयको संरचना, छनौट समिति, दर्जा निर्धारण र तालिम अवधि बारे छलफल भएको नेताहरुले बताएका छन् ।

  • अब चाहेर पनि राजतन्त्र फर्कदैन : थापा अब चाहेर पनि राजतन्त्र फर्कदैन : थापा

    महोत्तरी, चैत ३० – राष्ट्रिय प्रजातन्त्र पार्टी नेपालका अध्यक्ष कमल थापाले आफूहरुले चाहेर पनि देशमा फेरी राजतन्त्र फर्किन नसक्ने बताउनु भएको छ । नयाँ बन्ने संविधानले कसैलाई पनि निषेध गर्न नहुने उहाँको भनाई छ ।

  • सेना समायोजनको बाँकी विषय आज टुंगिने

    काठमाडौ, चैत ३० – सेना समायोजनमा देखिएका विवाद मिलाउन गठित कार्यदलले बिहीबार सहमति हुँन बाँकी विषयको टुंगो लगाउने भएको छ । सेना समायोजन विशेष समितिको सचिवालय नयाँ बानेश्वरमा बस्ने बैठकमा सेना समायोजनपछि बन्ने महानिर्देशनालयको संरचना, छनौट समिति, दर्जा निर्धारण र तालिम अवधिमा सहमति खोजिने छ ।

  • प्रधानमन्त्रीले राष्ट्रका नाममा सम्बोधन गर्ने प्रधानमन्त्रीले राष्ट्रका नाममा सम्बोधन गर्ने

    काठमाडौं, चैत २९ – प्रधानमन्त्री डा. बाबुराम भट्टराईले बिहीबार साँझ राष्ट्रका नाममा सम्बोधन गर्नुहुने भएको छ । प्रधानमन्त्री कार्यालय सिंहदरबारबाट साँझ ६ बजे प्रधानमन्त्रीले राष्ट्रका नाममा सम्बोधन गर्ने उहाँको नीजि सचिवालयले जनाएको छ ।

  • जनसेना बिसर्जन गरेको भन्दै वैद्य पक्षद्वारा देशभर बिरोध प्रदर्शन जनसेना बिसर्जन गरेको भन्दै वैद्य पक्षद्वारा देशभर बिरोध प्रदर्शन

    काठमाडौं, चैत २९ – पार्टी नेतृत्व र सरकारले जनसेना बिसर्जन गरेको भन्दै एकीकृत नेकपा माओवादीको मोहन वैद्य पक्षले काठमाण्डू सहित देशका बिभिन्न ठाउँमा बिरोध प्रदर्शन गरेको छ । बुधबार बिहान एक घण्टा चक्का जाम गरेको बैद्य पक्षले बेलुका मसाल जुलुस र पुत्ला दहन गरेको छ ।

  • ‘मुलुकको हितका लागि शान्ति प्रक्रियामा जोखिमपूर्ण निर्णय’ ‘मुलुकको हितका लागि शान्ति प्रक्रियामा जोखिमपूर्ण निर्णय’

    काठमाडौं, चैत २९ – एकीकृत नेकपा माओवादीका अध्यक्ष पुष्पकमल दाहाल ‘प्रचण्ड’ले मुलुकको हितका लागि शान्ति प्रक्रियामा जोखिमपूर्ण निर्णय गरेको बताउनुभएको छ । बुधबार काठमाण्डूमा भएको कार्यक्रममा प्रचण्डले नागरिकताको चाहना अनुसार सेना समयोजनमा आफूले निर्णय गरेको बताउनुभयो । २३ वर्षदेखि पार्टीको नेतृत्वमा रहेको र बेला बेलामा राष्ट्र र नागरिकका लागि जोखिम पूर्ण निर्णय लिने गरेकोले सेना समायोजनबारे मंगलबारको निर्णय पनि त्यस्तै भएको उहाँले बताउनुभयो । उहाँले शान्ति प्रकृयामा मंगलबार भएक...

  • सेना समायोजन विशेष समितिबाट सोनामको राजीनामा सेना समायोजन विशेष समितिबाट सोनामको राजीनामा

    हेमराज शर्मा/ उज्यालो । दाङ, चैत २९ – एकीकृत नेकपा माओवादीका पोलिटब्यूरो सदस्य एवं सेना समायोजन विशेष समितिका सदस्य कुलबहादुर केसी ‘सोनाम’ले सेना समायोजन विशेष समितिबाट राजीनामा दिनु भएको छ  । सोनामले जनसेनालाई नेपाली सेना मातहत लैजाने मंगलबारको निर्णयप्रति असन्तुष्टि जनाउँदै राजीनामा दिनुभएको हो ।

  • माओवादीले जे गर्‍यो, ठिक गर्‍योः कोइराला माओवादीले जे गर्‍यो, ठिक गर्‍योः कोइराला

    काठमाडौं, चैत २९ – नेपाली काँग्रेसका सभापति सुशील कोइरालाले माओवादी लडाकु, हतियार र शिविर नेपाली सेनालाई जिम्मामा दिने विशेष समितिको निर्णय जारी शान्ति प्रकृयाका लागि ‘ब्रेक थ्रु’ भएको बताउनुभएको छ । सभापति कोइरालाले माओवादीले यो निर्णय  गर्न ढिला गरेकोले मुलुकमा अहिलेको जटिल परिस्थिति आएको दावी गर्नुभयो ।

  • लडाकु समायोजन सम्बन्धि निर्णय सम्मानजनकः महरा लडाकु समायोजन सम्बन्धि निर्णय सम्मानजनकः महरा

    काठमाडौं, चैत २९ – एकीकृत नेकपा माओवादीका नेता कृष्णबहादुर महराले लडाकु समायोजन सम्बन्धि निर्णय सम्मानजनक भएको बताउनुभएको छ । नेपाल राष्ट्रिय उद्योग ब्यापार महासंघले बुधबार काठमाडौंमा गरेको कार्यक्रममा महराले निर्णय आत्मसमर्पण नभएको बताउनुभयो ।

  • संविधान निर्माणका लागि बाटो खुल्योः पौडेल संविधान निर्माणका लागि बाटो खुल्योः पौडेल

    काठमाडौं, चैत २९ – नेपाली काँग्रेसका उपसभापति रामचन्द्र पौडेलले माओवादी लडाकु नेपाली सेनाको मातहत गएपछि संविधान निर्माणका लागि बाटो खुलेको बताउनुभएको छ । उज्यालो अनलाइनसँग कुरा गर्दै उपसभापति पौडेलले शासकीय स्वरुप, राज्य पुनर्संरचना लगायतका विषयमा केही अनौपचारिक सहमति भएको भए पनि ति सहमति अधुरा भन्दै छिट्टै छलफल गरी विवादका विषय समाधान गरिने बताउनुभयो ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया