MENU
ujyaalo forign call inside

राजनीति

  • ३ दलले संघीयता बिनाको संविधान जारी गर्ने षडयन्त्र गरे : यादव ३ दलले संघीयता बिनाको संविधान जारी गर्ने षडयन्त्र गरे : यादव

    धर्बेन्द्र झा/उज्यालो । जनकपुरधाम,  चैत २३ - मधेशी जनअधिकार फोरम नेपालका अध्यक्ष उपेन्द्र यादवले प्रमुख तीन दलले बिभिन्न बखेडा गरी संघीयता बिनाको संबिधान जारी गर्ने षडयन्त्र गरिरहेको आरोप लगाउनु भएको छ । शुक्रबारदेखि जनकपुरमा सुरु हुने पार्टीको राष्ट्रिय सम्मेलनमा सहभागि हुन जनकपुर आएका अध्यक्ष यादवले विहीवार भएको पत्रकार सम्मेलनमा माओवादी, कांग्रेस र एमालेले संघीयता नचाहेको दावी गर्नुभयो ।

  • विवादका विषय मतदान बाटै भएपनि टुङ्ग्याइने विवादका विषय मतदान बाटै भएपनि टुङ्ग्याइने

    काठमाडौं, चैत २३ - प्रमुख दलहरुबीच संविधान निर्माणमा देखिएका विवादका विषय मतदान बाटै भएपनि टुङ्ग्याउने सहमति भएको छ । माओवादी, काँग्रेस, एमाले र फोरम लोकतान्त्रिकबीच विवादका विषयमा वैशाख ५ गतेसम्म पनि सहमति हुन नसके मतदानमा लगेर टुंगो लगाउने सहमति भएको हो ।

  • समायोजनमा नेपाली सेनाको भुमिकाको प्रधानमन्त्रीद्वारा स्वागत

    काठमाडौ, चैत २३ – प्रधानमन्त्री डाक्टर बाबुराम भट्टराईले सेना समायोजन प्रक्रिया सफल हुने बताउनुभएको छ । प्रधानमन्त्री भट्टराईले सेना समायोजनमा नेपाली सेनाले सकारात्मक भूमिका खेलेकाले समायोजन प्रक्रिया सफल हुने बताउनु भएको हो ।

  • संविधानको विवादित विषयमा बैशाख ५ भित्र सहमति हुने

    काठमाडौ, चैत २३ – मूख्य दलका नेताहरु संविधानका विवादका विषयमा बैशाख ५ गते भित्र सहमति कायम गर्न सहमत भएका छन् । चैत मसान्त सम्म राजनीतिक सहमति कायम गर्ने र बैशाख ५ गते भित्र विवादित विषय टुङ्गयाउन सहमत भएका हुन् ।

  • टेलिफोन सम्बादमा झलनाथ खनाल टेलिफोन सम्बादमा झलनाथ खनाल

    काठमाडौ, चैत २३ –  नेकपा एमालेका अध्यक्ष झलनाथ खनालले शान्ति र संबिधानका विषयमा जिल्लाका दलका प्रतिनिधि, नागरिक समाजका प्रतिनिधिहरुसंग टेलिफोन संवाद गरी सुझाव लिन थाल्नुभएको छ ।

  • राजतन्त्र फाल्न भारतले ८० करोड खर्च गर्‍यो : कमल थापा राजतन्त्र फाल्न भारतले ८० करोड खर्च गर्‍यो : कमल थापा

    एलवि मगर/उज्यालो । रोल्पा, चैत्र २३ – राष्ट्रिय प्रजातन्त्र पार्टी नेपालका अध्यक्ष कमल थापाले भारतले नेपालमा राजतन्त्र फाल्न ८० करोड भारतीय रुपैया खर्च गरेको आरोप लगाउनुभएको छ । उहाँले दलहरुको इशारामा भारतले नेपालको आन्तरिक मामिलामा भारतले हस्तक्षेप गर्दै आएको पनि दावी गर्नुभयो ।

  • प्रधानमन्त्री र अमेरिकी उपविदेशमन्त्रीवीच भेटवार्ता प्रधानमन्त्री र अमेरिकी उपविदेशमन्त्रीवीच भेटवार्ता

    काठमाडौ, चैत २३ – प्रधानमन्त्री डा. बाबुराम भट्टराई र राजनीतिक मामिलाका लागि अमेरिकी उपविदेशमन्त्री वेण्डी आर शेरमानबीच बिहीबार बिहान सिंहदरबारमा भेटवार्ता भएको छ । भेटमा प्रधानमन्त्रीले चैत मसान्तसम्म शान्ति प्रक्रिया टुंगोमा पुग्ने बताउनुभएको उहाँको नीजि सचिवालयले जनाएको छ ।

  • संबिधान नल्याई सुखै छैन : मन्त्री त्रिपाठी संबिधान नल्याई सुखै छैन : मन्त्री त्रिपाठी

    देब पचभैया/उज्यालो । पाल्पा, चैत २३ – भौतिक योजना तथा निर्माण मन्त्री हृदयस त्रिपाठीले संबिधान जारी नगरे सम्म राजनीतिक दलहरुले सुखै नपाउने बताउनुभएको छ । सहमतिको नाउमा धेरै समय खर्चिएकाले सम्झौता गरेरै भएपनि प्रकृया छोट्याएर जेठ १४ भित्र संबिधान जारी गर्नुपर्ने उहाँको भनाई छ ।

  • राष्ट्रिय स्वयं सेवा अभियान शुरु राष्ट्रिय स्वयं सेवा अभियान शुरु

    काठमाडौ, चैत २३ – राष्ट्रिय स्वयं सेवा अभियान–२०६८ अन्तरगत प्रधानमन्त्री डा. बाबुराम भट्टराईले सफा काठमाडौ हाम्रो काठमाडौ अभियान शुरु गर्नुभएको छ । बिहीबार बिहान सिंहदरबारमा सरसफाई गरेर प्रधानमन्त्री भट्टराईले अभियान शुरु गर्नुभएको हो ।  राष्ट्रिय स्वयं सेवा अभियान–२०६८ अन्तरगत शुक्रवारदेखि एक हप्तासम्म  काठमाडौ महानगरपालिकाले सरसफाई अभियान सुरु गर्दै छ ।

  • शान्ति र संविधान सुनिश्चित हुने संकेत : कोइराला शान्ति र संविधान सुनिश्चित हुने संकेत : कोइराला

    महोत्तरी, चैत २३ – नेपाली कांग्रेसका सभापति सुशील कोइरालाले लडाकु समायोजनको विषयमा दलहरुबीच भएको सहमतिले शान्ति र सँविधान सुनिश्चित हुने संकेत गरेको बताउनुभएको छ । तर एकीकृत माओवादी इमान्दार र जिम्मेवार नहुने हो भने सहमतिको मात्रै अर्थ नहुने उहाँको भनाई छ ।

  • एक हजार ५ सय कर्मचारीको सरुवा

    काठमाडौ, चैत २३ – गएको माघमा भएको कर्मचारी सरुवाको निर्णयलाई बदर गरेको सामान्य प्रशासन मन्त्रालयले चैतको मिति राखेर कर्मचारीलाई सरुवा गरेको रहस्य खुलेको छ । चैतको विभिन्न मिति राखेर एक हजार पाँच सय कर्मचारीको सरुवा भएको श्रोतले जनाएको छ ।

  • ‘अध्यक्षले जान्न भने, महासचिव चुप लागे’ ‘अध्यक्षले जान्न भने, महासचिव चुप लागे’

    हिम बिष्ट/ उज्यालो । काठमाडौं, चैत २२ – एमाले नेताहरु पार्टीको क्षेत्रीय सभामा भाग लिन मंगलबार नेपालगञ्ज गएका थिए । शान्ति र संविधानका लागि वार्तामा बस्न छोडेर एमालेका वरिष्ठ नेता माधवकुमार नेपाल उपाध्यक्ष विद्यादेवी भण्डारी, महासचिव ईश्वर पोख्रेल नेपालगञ्ज गएपछि बुधबार पार्टीकै सभासदहरुले अध्यक्ष झलनाथ खनालसँग गुनासो गर्न पुगे ।

  • प्रकृया नछोट्याए संविधान बन्दैनः मन्त्री त्रिपाठी प्रकृया नछोट्याए संविधान बन्दैनः मन्त्री त्रिपाठी

    देब पचभैया/ उज्यालो । पाल्पा, चैत २२ – भौतिक योजना तथा निर्माण मन्त्री हृदयस त्रिपाठीले प्रकृया नछोट्याए जेठ १४ मा संविधान जारी गर्न नसकिने बताउनुभएको छ । सरकारद्वारा संचालित खानेपानीको व्यवस्थापन उपभोक्ता समितिलाई हस्तान्तरण गर्न पाल्पाको तानसेनमा आएका मन्त्री त्रिपाठीले यथास्थितिमा निर्धारित समयमा संविधान जारी गर्न असम्भव भएको बताउनु भयो ।

  • कार्यव्यवस्था समितिले शीर्ष नेतालाई बोलायो कार्यव्यवस्था समितिले शीर्ष नेतालाई बोलायो

    माधव दुलाल/ उज्यालो । काठमाडौं, चैत २२ – संविधानसभाको कार्यव्यवस्था परामर्श समितिले मूख्य चार दलका नेतासँग छलफल गर्ने भएको छ । पटकपटक समय थप्दा पनि संबैधानिक समितिमा सहमति हुन नसकेपछि कार्यव्यवस्था परामर्श समितिको बुधबारको बैठकले संविधानका विवादित विषयमा मूख्य दलका नेताहरुसँग छलफल गर्ने निर्णय गरेको छ ।

  • संविधान लेखनको विषयमा प्रचण्ड र आचार्यवीच छलफल संविधान लेखनको विषयमा प्रचण्ड र आचार्यवीच छलफल

    काठमाडौ, चैत २२ – एकीकृत नेकपा माओवादीका अध्यक्ष पुष्पकमल दाहाल प्रचण्ड र संवैधानिक समितिका सभापति निलाम्बर आचार्यवीच बुधवार भेटवार्ता भएको छ । प्रचण्ड निवास लाजिम्पाटमा भएको भेटमा संविधान लेखन प्रकृयाका विषयमा छलफल भएको छ ।

  • सेना समायोजनमा एमालेले बखेडा झिक्यो : पौडेल सेना समायोजनमा एमालेले बखेडा झिक्यो : पौडेल

    बुटवल, चैत २२– प्रधानमन्त्रीका प्रमुख राजनीतिक सल्लाहकार देवेन्द्र पौडेलले सेना समायोजनमा एमालेले बखेडा झिकिरहेको आरोप लगाउनुभएको छ । बुधवार बिहान बुटवलमा भएको कार्यक्रमलाई सम्बोधन गर्दै उहाँले सेना समायोजनमा कांग्रेस लचिलो भएपनि एमालेको अडानका कारण शान्ति प्रकृया अघि बढ्न नसकेको बताउनुभयो ।

  • शान्ति र संविधानको बाधक माओवादी नै हो : कोइराला शान्ति र संविधानको बाधक माओवादी नै हो : कोइराला

    धर्वेन्द्र झा/उज्यालो । जनकपुरधाम, चैत २१ – नेपाली कांग्रेसका सभापति सुशील कोईरालाले शान्ति र संबिधानको मुख्य बाधक माओवादी नै रहेको आरोप लगाउनुभएको छ । पटक पटक बिभिन्न सम्झौता गरेर कार्यान्वयनमा आलटाल गरेकै कारण शान्ति र संबिधानको समय लम्बिदै गएको कोइरालाले बताउनुभयो ।

  • ‘माओवादी इमान्दार बने एकै दिनमा शान्ति प्रकृया टुंगिन्छ’

    नेपालगन्ज, चैत २२ – नेकपा एमालेका वरिष्ठ नेता माधवकुमार नेपालले माओवादी इमान्दार वन्ने हो भने एकदिनमै शान्ति प्रकृया पुरा हुने वताउनुभएको छ । प्रेस चौतारी वाँकेले बुधवार विहान नेपालगञ्जमा आयोजना गरेको पत्रकार सम्मेलनमा नेपालले माओवादी निशस्त्र नभएसम्म नयाँ संविधान वन्न नसक्ने दावी गर्नुभयो ।

  • प्रचण्ड र प्रधानमन्त्रीवीच छलफल प्रचण्ड र प्रधानमन्त्रीवीच छलफल

    काठमाडौ, चैत २२ – शान्ति र संविधान निर्माणको विषयमा एकीकृत नेकपा माओवादीका अध्यक्ष पुष्पकमल दाहाल प्रचण्ड र उपाध्यक्ष समेत रहेका प्रधानमन्त्री डाक्टर बाबुराम भट्टराईबीच छलफल भएको छ ।

  • सेना समायोजनको कार्यबिधि पारित गर्न बैठक बस्दै

    काठमाडौ, चैत २२ – सेना समायोजन विशेष समितिको सचिवालयले तयार गरेको कार्यविधि पारित गर्नका लागि बुधवार सेना समायोजन विशेष समितिको बैठक बस्दैछ । बेलुकी बस्ने बैठकमा सचिवालयले तयार पारेको कार्यविधिका विषयमा छलफल हुने समिति सदस्य भीम रावलले जानकारी दिनुभयो ।

  • कार्यकर्तालाई  बैद्य पक्ष बिरुद्ध उत्रिन प्रचण्डको निर्देशन कार्यकर्तालाई बैद्य पक्ष बिरुद्ध उत्रिन प्रचण्डको निर्देशन

    देब पचभैया/ उज्यालो । पाल्पा, चैत २१ – एकीकृत नेकपा माओवादीका अध्यक्ष पुष्पकमल दाहाल प्रचण्डले वैद्य पक्ष बिरुद्ध उत्रिन कार्यकर्तालाई निर्देशन दिनुभएको छ । रोल्पाको थवाङबाट काठमाडौं जानेक्रममा पाल्पाको तानसेन आएका अध्यक्ष प्रचण्डले बैद्य पक्ष पार्टी नीति विपरित गएको भन्दै बिरोधमा उत्रिन कार्यकर्तालाई निर्देशन दिनुभएको हो ।

  • मधेसका नाममा जातीय राजनीतिः कोइराला मधेसका नाममा जातीय राजनीतिः कोइराला

    धर्बेन्द्र झा/ उज्यालो । जनकपुर, चैत २१ – नेपाली काँग्रेसका सभापति सुशील कोइरालाले काँग्रेस संघीयता प्रति प्रतिबद्ध रहेपनि एक मधेश एक प्रदेश कुनै पनि हालतमा स्वीकार नगर्ने बताउनुभएको छ । मंगलबार जनकपुरमा भएको आमसभामा कोइरालाले आफुलाई मधेशवादी भन्ने नेताहरुले संघीयताको नाममा जातीय राजनीति गरेको आरोप लगाउनुभयो ।

  • भट्टराईकै नेतृत्वमा शान्ति र संविधानः भारतीय बुद्धिजीवी मुनी भट्टराईकै नेतृत्वमा शान्ति र संविधानः भारतीय बुद्धिजीवी मुनी

    काठमाडौ, चैत २१ - भारतीय बुद्धिजीवी डा. एसडी मुनीले प्रधानमन्त्री डा. बाबुराम भट्टराईकै नेतृत्वमा नेपालको शान्ति र संविधान निर्माणको काम सम्पन्न हुने विश्वास व्यक्त गर्नुभएको छ । काँग्रेस एमाले लगायतका प्रतिपक्षी दल र माओवादीकै वैद्य पक्षले प्रधानमन्त्रीको राजिनामा मागिरहेका बेला मुनीले भट्टराईकै नेतृत्वमा संविधान निर्माण हुने बताउनुभएको हो ।

  • प्रचण्ड चढेको हेलिकप्टरको आकस्मिक अवतरण प्रचण्ड चढेको हेलिकप्टरको आकस्मिक अवतरण

    पाल्पा, चैत २१ - एकीकृत नेकपा माओवादीका अध्यक्ष पुष्पकमल दाहाल प्रचण्ड चढेको हेलिकोप्टर पाल्पाको टुँडिखेल मैदानमा आकस्मिक अवतरण गरिएको छ । रोल्पाबाट काठमाडौं फर्किने क्रममा अन्तर्राष्ट्रिय विमानस्थल काठमाडौंको मौसम सफा नभएपछि प्रचण्ड चढेको हेलिकोप्टर पाल्पामा आकस्मिक अवतरण गरिएको हो ।

  • चैतभित्र सेना समायोजन नगरे प्रधानमन्त्रीको हैसियत समाप्त: रावल चैतभित्र सेना समायोजन नगरे प्रधानमन्त्रीको हैसियत समाप्त: रावल

    काठमाडौ, चैत २१ – सेना समायोजन विशेष समितिका सदस्य एवं एमाले नेता भीम रावलले चैत ३० गतेसम्म सेना समायोजनको काम सुरु नगरे प्रधानमन्त्री डा. बाबुराम भट्टराईले सरकारको नेतृत्व गर्ने हैसियत गुमाउने बताउनुभएको छ ।

  • पूर्व प्रहरी प्रमुख मोतिलाल बोहरा भ्रष्टाचारी ठहर,  डेढ वर्ष कैद सजायँ पूर्व प्रहरी प्रमुख मोतिलाल बोहरा भ्रष्टाचारी ठहर, डेढ वर्ष कैद सजायँ

    काठमाडौं, चैत २१ – विशेष अदालतले पूर्व प्रहरी महानिरीक्षक मोतीलाल बोहरालाई भ्रष्टाचारी ठहर गर्दै डेढ वर्ष कैद सजाय सुनाएको छ । पदमा बहाल रहँदा गैरकानूनी ढंगले सम्पत्ति जोडेको भन्दै अख्तियार दुरुपयोग अनुसन्धान आयोगले दायर गरेको मुद्दामा विशेष अदालतले पूर्व प्रहरी महानिरीक्षक बोहोरालाई दोषी ठहर गरेको हो । अदालतका अध्यक्ष गौरीबहादुर कार्की तथा सदस्यहरु केदारप्रसाद चालिसे र ओमप्रकाश शर्माको इजलासले बोहराको सम्पत्तिमध्ये २६ लाख ८३ हजार ४ सय ८५ रुपैया ७८ पैसाको श्रोत नखुलेको ठहर गरेको हो । अदाल...

  • पार्टी फुटाउन खोज्नेप्रति सचेत रहन प्रचण्डको आग्रह पार्टी फुटाउन खोज्नेप्रति सचेत रहन प्रचण्डको आग्रह

    रोल्पा, चैत २१ – एकीकृत नेकपा माओवादीका अध्यक्ष पुष्पकमल दाहाल प्रचण्डले नेतृत्वमाथी आरोप लगाउने र पार्टी फुटाउन खोज्नेहरु प्रति सचेत रहन पार्टी कार्यकर्ताहरुसँग आग्रह गर्नु भएको छ । त्रिभुवन विश्वविद्यालयले रोल्पाको थवाङमा शुरु गरेको टर्पल अनुसन्धान परियोजनाको उदघाटन गर्दै प्रचण्डले केहि ब्यक्तिहरु पार्टी फुटाउन लागि परेको भन्दै सचेत रहन आग्रह गर्नुभयो ।

  • बैद्य र बादलको आरोप : प्रचण्ड र बाबुराम दक्षिणपन्थी अवसरवादी बैद्य र बादलको आरोप : प्रचण्ड र बाबुराम दक्षिणपन्थी अवसरवादी

    काठमाडौ, चैत २१ – एकीकृत नेकपा माओवादीको वैद्य पक्षले अध्यक्ष पुष्पकमल दाहाल प्रचण्ड र उपाध्यक्ष बाबुराम भट्टराई दक्षिणपन्थी अवसरवादी भएको आरोप लगाएको छ । वरिष्ठ उपाध्यक्ष मोहन वैद्य किरण र महासचिव रामबहादुर थापाले संयुक्त रुपमा विज्ञप्ति निकालेर प्रचण्ड र बाबुरामले पार्टीलाई फूटतिर धकेलेको आरोप लगाउनुभएको छ । पार्टीको मुख्य नेतृत्वकै कारण पार्टीमा अभिजात वर्गको जन्मभएको भन्दै विज्ञप्तिमा प्रचण्डले फूटको चर्को कुरा गरेर पार्टी भित्रको फरक मतलाई तर्साउन खोजेको उल्लेख गरिएको छ । उहाँहरुले प...

  • कांग्रेसको कार्यालयमा नेविसंघको धर्ना

    काठमाडौ, चैत २१ – अधिबेशन नगर्न षड्यन्त्र भएको ठहर सहित नेपाल विद्यार्थी संघको सँस्थापन पक्षकै नेताहरुले पार्टी नेतृत्वप्रति असन्तुष्टि जनाउँदै मंगलवार पार्टी कार्यालयमा धर्ना दिएका छन् । संघभित्र देखिएको विवाद मिलाएर तत्काल अधिबेशन गर्नुपर्ने माग सहित धर्ना दिएकोे संघका पूर्व सहमहामन्त्री निलकण्ठ रिजालले जानकारी दिनुभयो ।

  • शान्ति र संविधान छाडेर नेताहरु पार्टीको काममा

    काठमाडौ, चैत २१ – शान्ति र संविधान निर्माणको काम छाडेर तीन दलका शीर्ष नेताहरु आआफ्नै पार्टीको काममा काठमाडौ बाहिर व्यस्त भएका छन् । एकीकृत नेकपा माओवादीका अध्यक्ष पुष्पकमल दाहाल प्रचण्ड सोमबार रोल्पा पुग्नुभएको छ । नेपाली कांग्रेसका सभापति सुशील कोइराला र उपसभापति रामचन्द्र पौडेल लगायतका नेताहरु पार्टी कामको लागि पूर्वाञ्चलमा छन् ।

  • महिला प्रहरीको संख्या बढाउने प्रधानमन्त्रीको भनाई महिला प्रहरीको संख्या बढाउने प्रधानमन्त्रीको भनाई

    काठमाडौ, चैत २१ – प्रधानमन्त्री डाक्टर बावुराम भट्टराइले महिला हिंसालाई कानुनी दायरामा ल्याउन महिला प्रहरीको संख्या बढाउन लागेको बताउनुभएको छ । उहाँले लैंगिक हिंसाका उजुरी चौविस घण्टा भित्र अनुसन्धान र कारवाही गर्न महिला प्रहरीको संख्या थप गर्न निर्देशन दिएको समेत बताउनुभयो ।  

  • नेपालगञ्जमा एमालेको जनसभा

    गोविन्द शर्मा/उज्यालो । नेपालगञ्ज, चैत २१ – नेकपा एमालेले मंगलवार नेपालगञ्जमा क्षेत्रीयस्तरको जनसभा गर्दैछ । शान्ति र संविधानका लागि जनदवाव अभियान अन्तर्गत मध्यान्ह १२ वजेपछि हुने सभालाई पार्टीका शीर्ष नेताहरुले सम्वोधन गर्नेछन् ।

  • स्वयं सेवा अभियानबारे प्रधानमन्त्रीले छलफल गर्दै स्वयं सेवा अभियानबारे प्रधानमन्त्रीले छलफल गर्दै

    काठमाडौ, चैत २१ – राष्ट्रिय स्वयंसेवा अभियानमा गर्ने काम र तयारीको विषयमा प्रधानमन्त्री डाक्टर बाबुराम भट्टराईले मंगलवार छलफल गर्दै हुनुहुन्छ । आफ्नै कार्यालय सिंहदरबारमा उहाँले दिउँसो २ बजेदेखि कलाकर्मी, संचारकर्मी, विद्यार्थी तथा बिभिन्न राजनीतिक दलका प्रतिनिधिसित छलफल गर्न लाग्नुभएको हो ।

  • नेविसंघमा विवाद बढ्यो

    काठमाडौ, चैत २१ – अधिबेशन तयारी समिति गठन सँगै बढेको नेपाल विद्यार्थी संघ भित्रको विवाद चुलिँदै गएको छ । अधिबेशन नगर्न षड्यन्त्र भएको ठहर सहित संस्थापन पक्षकै विद्यार्थीहरुले नेतृत्वप्रति असन्तुष्टि जनाउँदै मंगलवार पार्टी कार्यालयमा धर्ना दिने भएका छन् ।

  • शीर्ष दलका नेताहरु बैठक छाडेर अन्तै

    काठमाडौ, चैत २१ – संविधानसभाको म्याद सकिन ५५ दिन मात्र बाँकी रहेको अवस्थामा दलहरु सहमतिका लागि छलफलमा बस्न छोडेका छन् । काठमाडौको बसेर बैठक र छलफल गर्ने बताएका शीर्ष नेताहरु फेरि लाखापाखा लागेका छन् ।

  • सेनासित सहकार्य गरेर अघि बढ्न लडाकुलाई प्रधानमन्त्री र प्रचण्डको निर्देशन सेनासित सहकार्य गरेर अघि बढ्न लडाकुलाई प्रधानमन्त्री र प्रचण्डको निर्देशन

    काठमाडौं, चैत २० - एकीकृत नेकपा माओवादीका अध्यक्ष पुष्पकमल दाहाल प्रचण्ड र प्रधानमन्त्री डाक्टर बाबुराम भट्टराइले नेपाली सेनासित सहकार्य गरेर अघि बढ्नका लागि तयार रहन लडाकुलाई निर्देशन दिनुभएको छ । लडाकू कमाण्डरसित सेना समायोजनबारे छलफल गर्दै माओवादी अध्यक्ष प्रचण्ड र प्रधानमन्त्री भट्टराईले विगतका तीता कुरा बिर्सेर सेना सित हातेमालो गरेर अघि बढ्न निर्देशन दिनुभएको हो ।

  • सभासदको धर्नाका कारण पौडेलको प्लेन छुट्यो सभासदको धर्नाका कारण पौडेलको प्लेन छुट्यो

    काठमाडौं, चैत २० - समयमै संविधान बनाउन दबाब थालेका सभासद्ले धर्ना दिएका कारण काँग्रेस संसदीय दलका नेता रामचन्द्र पौडेलको सिरहा जाने कार्यक्रम स्थगित भएको छ । संबैधानिक समितिको सोमवारको बैठकलाई फलदायी बनाउन माग गर्दै युवा सभासदले बैठकस्थल बाहिर धर्ना दिएका थिए ।

  • दोलखामा वैद्यको क्रान्तिकारी विचार समुह गठन दोलखामा वैद्यको क्रान्तिकारी विचार समुह गठन

    चरिकोट, चैत २० - एकिकृत नेकपा माओवादीका वरिष्ठ उपाध्यक्ष मोहन बैद्य समुहले दोलखामा पनि क्रान्तीकारी विचार समुह गठन गरेर  राजनीतिक अभियान सुरु गरेको छ । समुहको तर्फबाट सोमवार पत्रकार सम्मेलनको आयोजना गर्दै पार्टी जिल्ला कमिटीले गरेका विभिन्न गतिविधी विरुद्ध ९ बुँदे आरोप सार्वजनिक गरेको छ ।

  • दार्चुलामा माओवादीको समानान्तर जिल्ला कमिटी गठन दार्चुलामा माओवादीको समानान्तर जिल्ला कमिटी गठन

    शंकर धामी/उज्यालो ।  दार्चुला, चैत २० - दार्चुलामा एकीकृत नेकपा माओवादीको समानान्तर जिल्ला कमिटी गठन भएको छ । मोहन वैद्य ‘किरण’ पक्षधरले जिल्लामा समानान्तर कमिटी गठन गरेको बताएको छ । फागुन १५ गते धनगढीमा सम्पन्न वैद्य पक्षधरहरुको सेती महाकाली राज्य समिति बैठकले दार्चुलामा जिल्ला सचिवको जिम्मेवारी गणेशसिह खत्री ‘पावेल’लाई दिएको छ । ‘पार्टीमा चरम अन्तरसंघर्ष सिर्जना भएको र क्रान्तिकारीहरुले समानान्तर जिल्ला कमिटी निर्माण गरेको’ खत्रीले बताउनुभयो ।

  • सेना समायोजनमा प्रधानमन्त्री बाधक : एमाले सेना समायोजनमा प्रधानमन्त्री बाधक : एमाले

    काठमाडौं, चैत २० - नेकपा एमालेले सेना समायोजन सम्बन्धी सचिवालयको प्रस्तावमा प्रधानमन्त्रीले छलफल गर्न नचाहेकोले समायोजनको काम अघि बढ्न नसकेको आरोप लगाएको छ । एमाले स्थायी समिति बैठकले माओवादीले आफुलाई लाभ हुने कुरामा सहमति गरिहाल्ने र अरु बिषयमा बखेडा झिक्ने गरेकोले शान्ति र सबिधानको काम रोकिएको निश्कर्ष निकालेको सचिब शंकर पोखरेलले जानकारी दिनुभयो ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया