MENU

अर्थ

  • बिल तिर्न जाँदा बिल रकमको तेब्बर खर्च

    भोजपुर, साउन १८ - भोजपुरका विद्युत उपभोक्ता महशुल तिर्नका लागि बिल रकमभन्दा तेब्बर बढी खर्च गरेर छिमेकी जिल्ला संखुवासभाको खाँदबारी धाउन वाध्य छन् । प्राधिकरणलाई पटकपटक अनुरोध गर्दा पनि स्थानीयस्तरमा महशुल काउण्टर नराखे पछि ग्राहकहरुले बढी सास्ती पाएका हुन् । भोजपुरको उत्तरी दिङ्गला, देउराली, साङ्गपाङ्ग, बोया, किमालुङ्गका वासिन्दाहरु न्युनतम महशुल तिर्न महिनैपिच्छे खाँदबारी जाने गरेका छन् ।

  • स्याङ्जामा मालपोतको राजश्व बढ्यो

    राधाकृष्ण डुम्रे/उज्यालो । स्याङजा, साउन १८ – जिल्ला मालपोत कार्यालयले आर्थिक वर्ष २०६८/०६९ मा दुई करोड ३१ लाख १० हजार १२ रुपैयाँ राजश्व संकलन गरेको छ । यो रकम अघिल्लो वर्षभन्दा झण्डै ६० लाख रुपैयाँ बढी भएको मालपोत कार्यालयले जनाएको छ । आर्थिक वर्ष ०६७/६८ मा एक करोड ७१ लाख ९४ हजार चार सय १६ रुपैयाँ राजश्व संकलन गरेको थियो ।

  • दूरसञ्चार प्राधिकरणका अध्यक्ष कँडेलद्वारा राजिनामा

    काठमाडौं, साउन १६ - दूरसञ्चार प्राधिकरणका अध्यक्ष भेषराज कँडेलले राजिनामा दिनुभएको छ । सरकारले अनावश्यक हस्तक्षेप गरेको भन्दै कँडेलले मंगलवार राजिनामा दिनुभएको हो । संचारमन्त्री राजकिशोर यादवसमक्ष राजिनामा पेश गरेपछि कँडेलले त्यस्को जानकारी प्राधिकरणका कर्मचारीलाई दिएको प्रवक्ता कैलाश न्यौपानेले जानकारी दिनुभयो ।

  • यो वर्ष ३७ अर्ब नाफा गर्ने टेलिकमको लक्ष्य

    काठमाडौं, साउन १६ - नेपाल टेलिकमले यो आर्थिक बर्षका लागि नयाँ योजना सार्वजनिक गरेको छ । काठमाडौंमा मंगलवार पत्रकार सम्मेलन गरि टेलिकमका प्रवक्ता सुरेन्द्र थिकेले चालु आर्थिक बर्षमा ३६ अर्ब ८१ लाख ५८ हजार रुपैया नाफा गर्ने लक्ष्य लिइएको जानकारी दिनुभयो । यो नाफा गएको आर्थिक बर्षको तुलनामा ६ दशमलव ८४ प्रतिशत बढि हो ।

  • गुल्मीको हुग्दीखोला जलविद्युत कार्तिकदेखि निर्माण हुने

    गुल्मी, साउन १६ – गुल्मीको हुग्दी खोला जलविद्युत् आयोजना आउने कार्तिक महिनादेखि निर्माण हुने भएको छ । साहस हाइड्रोपावर कम्पनी र रुरु जलविद्युत् परियोजनाले संयुक्तरुपमा प्रवद्र्धन गरेको ५ मेगावाट क्षमताको आयोजना निर्माण हुन लागेको हो ।

  • कालिमाटीमै तरकारीको जथाभावी भाउ

    काठमाडौ, साउन १६ – बजारमा वर्षे तरकारी प्रशस्त भित्रिए पनि तरकारीको भाउ घट्न सकेको छैन । किसानले सस्तोमा बेचेपनि उपभोक्ताले भने व्यापारीबाट चर्को मूल्यमा तरकारी किन्नुपरेको छ । कालिमाटी फलफूल तथा तरकारी बजार विकास समितिले व्यापारीहरुले फरक फरक भाउमा तरकारी बिक्री गरिरहेकाले उपभोक्ता ठगिएको जनाएको छ ।

  • गण्डकी हाइड्रोवापरले प्राकृतिक श्रोत उपयोग शुल्क तिरेन

    पोखरा, साउन १५ - कास्की जिल्लाको मर्दीखोलाको पानी प्रयोग गरी जलविद्युत उत्पादन गर्दै आएको गण्डकी हाइड्रोवापरले ल्वाङ्गघलेल गाँउ विकास समितिलाई प्राकृतिक श्रोत उपयोग शुल्क नतिरेपछि गाँउ विकास समितिले जिल्ला प्रशासन कार्यालय कास्कीमा उजुरी दिएको छ । गण्डकी हाइड्रोवापरले प्राकृतिक श्रोत उपभोग गरे वापतमा ल्वाङ्गघलेल गाँउ विकास समितिलाई बार्षिक ३ लाख रुपैयाँ सहयोग दिने सम्झौता गरेको छ ।

  • ग्याँस उद्योग संघले ग्याँसमा दोहोरो मुल्य कायम गर्न नदिने

    काठमाडौं, साउन १५ - नेपाल एलपी ग्याँस उद्योग संघले ग्याँसमा दोहोरो मुल्य कायम गर्ने सरकारको निर्णय नमान्ने जनाएको छ । काठमाडौंमा राष्ट्रिय भेला गर्दै संघले ग्याँसको दोहारो मुल्य र रङले विकृति बढ्ने बताउँदै कार्यान्वयन गर्न खोजिए आन्दोलन गर्ने चेतावनी दिएको छ ।

  • नेप्से ४ सयको हाराहारीमा

    काठमाडौं, साउन १५ - नेपाल स्टक एक्सचेन्जको शेयर मुल्य परिसुचक नेप्से सामान्य घटबढ हुदै ४ सय अंकको हाराहारीमा कायम रहेको छ । आइतवार साढे ५ अंकले घटेको नेप्से सोमवार फेरि झण्डै ५ अंकले बढेको छ । सोमवार कारोबार भएका बाणिज्य बैकसहित अन्य, बिमा र जलबिद्युत समुह सुधार आएपछि समग्रमा नेप्से ४ दशमलब ५७ अंकले बढेर ४ सय दशमलब ५९ अंकमा पुगेको छ ।

  • सवारी कर उठाउन नदिएको विरोधमा तीन दिनदेखि विरगञ्ज ठप्प

    विरगञ्ज, साउन १५ – सवारी कर असुलीमा अवरोध भएको भन्दै विरगन्ज उपमहानगरपालिका कार्यालयका कर्मचारीले सोमबार तेश्रो दिन पनि हड्ताल जारी राखेका छन् । कर्मचारीको हड्तालका कारण शहरको फोहोर नउठाइँदा नगरको मुख्य बजार क्षेत्रमा फोहोरको थुप्रो लागेको छ । आदर्शनगर, अलखिया मठ, बिर्ता, माईस्थान, घडिअर्वा, घण्टाघर, मेनरोड क्षेत्रमा फोहोर थुप्रिएको छ ।

  • मुद्रा सटही संबन्धि नेपाल र बंगालादेशवीच वार्ता

    काठमाडौ, साउन १५ – नेपाल र बंगलादेशबीच दुई देशको मुद्रा सटही गर्न सकिने विषयमा सोमबार छलफल हुने भएको छ । काठमाडौमा आइतबारदेखि शुरु भएको दुई देशको वाणिज्य सचिवस्तरीय बार्तामा नेपाली रुपैयाँ र बंगलादेशको टाँकाबीच विनिमयदर कायम गर्ने विषयमा छलफल भैरहेको हो ।

  • सानो गोलभेँडाको भाउ दिनदिनै बढ्दो

    काठमाडौ, साउन १५ – काठमाडौको कालीमाटी थोक बजारमा सानो गोलभेडाको भाउ बढ्दै गएको छ । उत्पादनस्थलबाट भारत निर्यात हुने क्रम नरोकिएपछि भाउ बढेको व्यवसायीहरुको भनाई छ । भदौको दोस्रो हप्तापछि मात्र सानो गोलभेडाको भाउ केहि घट्न सक्ने बिक्रेताहरुले बताएका छन् ।

  • सिट क्षमता १ सय ९०, टिकट बेचिन्छ २ सय १५ सिट क्षमता १ सय ९०, टिकट बेचिन्छ २ सय १५

    सूर्यकुमार क्षेत्री/उज्यालो । काठमाडौं, साउन १४ - एक सय ९० सिट क्षमताको जहाज हुने विमान कम्पनीले एक उडानका लागि कतिवटा टिकट बेच्ला ? पक्कै पनि त्यो कम्पनीले बढीमा १ सय ९० वटा टिकट बेच्छ । तपाई पनि यस्तै सोच्नुहुन्छ भने तपाई गलत हुनु हुने छ । किनकी नेपालको राष्ट्रिय ध्वजावाकह नेपाल वायु सेवा निगमले आफैलाई घाटा हुने गरी सिट संख्या भन्दा धेरै यात्रुलाई टिकट बेच्ने गरेको खुलासा भएको । निगमले १ सय ९० सिट क्षमता भएको जहाजका लागि २ सय १५ जनाको टिकट विक्री गर्दै आएको पाईएको छ । निगमले केहीदिनअघि मात्र...

  • १४ हजारले घुमे लाङटाङ

    बलराम घिमिरे/उज्यालो । रसुवा, साउन १४ - रसुवाको पर्यटकीय क्षेत्र लाङटाङ भ्रमण गर्ने पर्यटकको संख्या बढ्दै गएको छ ।  आर्थिक वर्ष २०६८/६९ मा मात्र १४ हजार ३ सय १५ जना पर्यटकहरुले लाङटाङ क्षेत्रको भ्रमण गरेका छन् । आर्थिक वर्ष २०६७/६८ मा मात्र ११ हजार १ सय ७३ जना पर्यटकहरुले लाङटाङ क्षेत्रको भ्रमण गरेका थिए ।

  • आपसी विवादका कारण उपत्यकाका सैलुनमा फरक फरक मूल्य

    काठमाडौं, साउन १४ – काठमाडौंका सबै सैलुनहरुमा एउटै मूल्यसूची राख्ने सहमति भएपनि आपसी विवादका कारण कार्यान्वयन हुन सकेको छैन । मूल्यमा एकरुपता ल्याउन भन्दै २ वर्ष अघि अखिल नेपाल राष्ट्रिय नाई मजदुर संगठन, नेपाल नाई ट्रेड युनियन, नेपाल नाई संघ र नेपाल राष्ट्रिय नाई संघले उपत्यका नाई श्रम संगठन समिति गठन गरेका थिए ।

  • धादिङका ११ लघु जलबिद्युत आयोजना वाढीले प्रभावित

    धादिङ, साउन १३ - लगातारको बर्षापछि आएको वाढी पहिरोले धादिङ जिल्लाका ११ वटा लघुजल बिद्युत आयोजनालाई क्षती पुर्‍याएपछि २ हजार घर परिवार बिद्युत सेवा उपभोग गर्नबाट बञ्चित भएका छन ।  जिल्लाको उत्तरी भेगको मुलपानी र बुढाथुम गाविसको सिमानामा रहेको मनपाङ खोलामा निर्माण गरिएका सात वटा लघु जलबिद्युत्त आयोजनामा बर्षालेसबैभन्दा बढि क्षती पुर्‍याएपछि यस भेगका १ हजार घर परिवार प्रभावित भएका छन ।

  • गोरखामा राजस्व संकलनमा वृद्धि

    गोरखा, साउन १२ - गोरखा जिल्लामा राजस्व संकलनमा वृद्धि भएको छ । विगतका आर्थिक वर्षमा भन्दा गत आर्थिक वर्षमा झण्डै साढे तीन करोड रुपैयाँ वृद्धि भएको हो । आर्थिक वर्ष ०६७/६८ मा ५ करोड ७ लाख ६७ हजार राजस्व संकलन भएकोलमा गत आर्थिक वर्ष ०६८/६९ मा ८ करोड ५० लाख ४८ हजार ९८ रुपियाँ राजस्व संकलन भएको कोष तथा लेखा नियन्त्रक कार्यालय गोरखाले जनाएको छ ।

  • दिक्तेल–जयरामघाट सडक सञ्चालनमा

    खोटाङ, साउन १२ - माथिबाट झरेको ढुंगा सडकमा बसेपछि अवरुद्ध बनेको खोटाङको दिक्तेल–जयरामघाट सडकलाई बैकल्पिक बाटो निर्माण गरेर सञ्चालनमा ल्याईएको छ । ठूलो ढुंगा बसेको सडकमुनिबाट पर्खाल लगाएर सवारी साधान पार गर्न सक्ने बाटो बनाएर अवरुद्ध सडकलाई सञ्चालनमा ल्याईएको व्यवसायी संघ खोटाङका उपाध्यक्ष गणेश शाहीले बताउनुभयो ।

  • पोखरामा सवारी दर्ता घट्यो

    पोखरा, साउन १२ - गण्डकी अञ्चल यातायात व्यवस्था कार्यालय पोखरामा यातायातका साधन दर्ता हुने क्रम घटेको छ । कार्यालयमा गत आर्थिक वर्ष २०६८।६९ मा ९ हजार ४ सय २१ वटा यातायातका साधन दर्ता भएका छन् । जुन अघिल्लो आर्थिक वर्षको भन्दा ६ सय ५० वटा कम हो । कार्यालयमा आर्थिक वर्ष ०६७।६८ मा १० हजार ७१ वटा यातायातका साधन दर्ता भएका थिए ।

  • करै नलाग्ने बस्तुमा कर छुट दियो सरकारले

    काठमाडौं, साउन १२ - सरकारले शुक्रवार एउटा अनौठो निर्णय गरेको छ । प्रधानमन्त्री तथा मन्त्रीपरिषदको शुक्रवार विहान बसेको बैठकले भ्याट नै नलाग्ने मट्टितेलमा भ्याट छुट दिने निर्णय गरेको छ । बैठकका निर्णय जानकारी दिँदै अर्थमन्त्री वर्षमान पुन अनन्तले भन्नुभएको थियो ‘आजको मन्त्रीपरिषदको बैठकले मट्टितेलमा लाग्दै आएको मुल्यअधिवृद्धि कर (भ्याट) आजैका मितिदेखि छुट दिने निर्णय भएको छ ।&rsquo

  • ठमेलका होटल राती अवेरसम्म सञ्चालन गर्ने तयारी

    काठमाडौं, साउन १२ - काठमाडौंको ठमेलमा आउने पर्यटकहरुको सुविधाका लागि भन्दै ठमेल पर्यटन विकास परिषद्ले राती अबेरसम्म होटेल, रेष्टुरेन्ट र डान्सबार सञ्चालन गर्ने तयारी गरेको छ । त्यसका लागि परिषद्ले पर्यटनसंग सम्बन्धित व्यवसायीहरुसित छलफल अगाडी बढाएको छ । स्थानिय व्यवसायीले रातको २ बजेसम्म रेष्टुरेन्ट चलाउन पाउनुपर्ने माग गरेपछि यस विषयमा छलफल भईरहेको परिषद्का उपाध्यक्ष रामशरण थपलियाले बताउनुभयो ।

  • लगानीको वातावरण नहुँदा पुँजी पलायन बढ्ने चेतावनी

    काठमाडौं, साउन ११ – निजी क्षेत्रका प्रतिनिधि र अर्थशास्त्रीहरुले लगानीको वातावरण नभएकोले अबका दिनमा पुँजी पलायन बढ्ने चेतावनी दिएका छन् । नेपाल राष्ट्र बैंकले मौद्रिक नीति मार्फत नेपालीलाई विदेशमा लगानी गर्न दिने प्रक्रिया अघि बढाउने व्यवस्था गरेपछि झन् पूँजी पलायनको बाटो खुलेको उनीहरुले बताएका छन् ।

  • १३ औँ पञ्चवर्षीय योजनाको प्रारम्भिक मस्यौदाको तयारी

    काठमाडौं, साउन ११ – सरकार १३ औँ पञ्चवर्षीय योजनाको प्रारम्भिक मस्यौदाको तयारीमा जुटेको छ । अहिलेको त्रिवर्षीय योजनाको मध्यावधि मूल्याङ्कन गर्दै १३ औँ योजना निर्माणको काम पनि थालिएको योजना आयोगका सचिव युवराज भुसालले बताउनुभयो ।

  • ठेक्का सम्झौता नहुँदै खोलाबाट मनपरी ढुंगा गिट्टी निकासी

    विद्रोही गिरी/ उज्यालो । नवलपरासी, साउन ११ – ठेक्का सम्झौता नहुँदै तस्करहरुले नवलपरासीका विभिन्न खोलाबाट मनपरी ढुंगा गिट्टी तथा बालुवा निकासी गर्न थालेका छन् । जिल्ला विकास समिति नवलपरासीले खोलाको ठेक्का सम्झौता नगर्दै विभिनन समिति तथा ठेकोदारको नाममा अवैध निकासी हुन थालेको हो ।

  • सुन तोलामा साँढे ५ सय बढ्यो

    काठमाडौ, साउन ११ – सुन तोलामा एकै दिन ५ सय ५० रुपैँयाले बढेको छ । बिहीबार सुन तोलाको ५७ हजार १ सय रुपैंयामा कारोबार भईरहेको नेपाल सुनचाँदी व्यासायी संघले जनाएको छ । बुधवार सुनको भाऊ तोलाको ५६ हजार ५ सय ५० रुपैंया थियो ।

  • विद्युत उपभोक्ता महासंघको महाधिवेशन शुरु

    काठमाडौ, साउन ११ – सामुदायिक बिद्युत उपभोक्ता महासंघको सातौ वार्षिक उत्सब तथा तेश्रो महाधिबेशन ललितपुरमा शुरु भएको छ । दुईदिने महाधिबेशनको उद्घाटन गर्दै राष्ट्रिय योजना आयोगका उपाध्यक्ष दीपेन्द्रबहादुर क्षत्रीले राष्ट्रियताको चर्को कुरा गर्ने तर राष्ट्रहितको काम हुन नदिने प्रबृत्तिका कारण बिद्युत विकास हुन नसकेको बताउनुभयो ।

  • कृषिवालीको विमा गर्ने ब्यवस्था प्रभावकारी बनाइने

    काठमाडौ, साउन ११ – नेपाल राष्ट्र बैङ्कले कृषि क्षेत्रमा कर्जा विस्तारका लागि विमा गर्ने व्यवस्था गरेको छ । राष्ट्र बैङ्कले जारी गरेको मौद्रिक नीतिमा कृषि क्षेत्रमा जाने कर्जा विस्तारका लागि बालीको विमा गर्ने व्यवस्थालाई प्रभावकारी रुपमा लागु गर्ने उल्लेख गरिएको छ ।

  • मौद्रिक नीति सार्वजनिक मौद्रिक नीति सार्वजनिक

    कमल पराजुली/उज्यालो । काठमाडौं, साउन १० - नेपाल राष्ट्र बैकले आर्थिक बृद्धिदर साढे पाँच प्रतिशत पुर्‍याउने र मुल्यबृद्धि साढे सात प्रतिशतमा राख्ने सरकारी लक्ष्यलाई सघाउने उद्देश्यसहित चालु आर्थिक बर्षको लागि मौद्रिक नीति सार्वजनिक गरेको छ । राष्ट्र बैकका गभर्नर डाक्टर युवराज खतिवडाले मौद्रिक नीति सार्वजनिक गर्दै पुर्ण बजेटको अभावमा पनि मौद्रिक नीतिले उत्पादनमुलक क्षेत्रमा लगानी बढाउदै अर्थतन्त्रलाई सहि बाटो दिन सघाउने बिश्वास दिलाउनुभयो ।

  • मालढुंगा–बेनी सडकमा भाडादर आधा घट्यो

    दुर्गाप्रसाद शर्मा/ उज्यालो । पर्वत, साउन १० – पर्वतको मालढुंगादेखि म्याग्दीको सदरमुकाम बेनीबजार जोड्ने मालढुंगा–बेनी सडकमा सार्वजनिक सवारी साधनमा भाडादर आधा घटेको छ । पर्वत, बागलुङ र म्याग्दीका सुरक्षा निकायका प्रमुख तथा यातयात व्यावसायीको बुधबार बसेको संयुक्त बैठकले भाडादर समायोजन गरेको हो ।

  • स्थानीय कर संकलन नरोक्न माग

    के.सी.लामिछाने/ उज्यालो । वीरगञ्ज, साउन १० – वीरगन्ज उपमहानगरपालिकाले स्थानीय कर संकलन नरोक्न माग गरेको छ । प्रमुख जिल्ला अधिकारी शम्भू कोईरालाले गएको आईतबारदेखि शंकराचार्यद्धारमा कर उठाउन रोक लगाएपछि उपमहानगरपालिकाका कर्मचारी विरोधमा उत्रिएका छन् भने उपमहानगरपालिकाले ठेकदारलाई कर संकलन नरोक्न आग्रह गरेको छ ।

  • कुखुराका चल्ला नष्ट

    चितवन, साउन १० - भारतबाट काठमाडौ लैजादै गरिएको कुखुराका २ हजार वटा चल्ला वुधवार चितवनमा नियन्त्रणमा लिएर नष्ट गरिएको छ । सुपरहिना गोरखपुर लेखिएको प्याकमा राखिएका ती चल्ला बिना कागजात काठमाडौ लैजादै गरेको अवस्थामा ईलाका प्रहरी कार्यालय मुग्लिनले नियन्त्रणमा लिएर जिल्ला पशु सेवा कार्यालय चितवनलाई बुझाएको थियो ।

  • पर्वतमा १ सय ५३ उद्योग थपिए

    दुर्गाप्रसाद शर्मा/उज्यालो । पर्वत, साउन १० – पर्वतमा आर्थिक वर्ष ०६८/०६९ मा १ सय ५३ नयाँ उद्योग थपिएका छन् । जिल्ला सदरमुकाम र ग्रामीण क्षेत्रमा उत्पादनमुलक, वनजन्य, पर्यटनमुलक, सेवामुलक र निर्माणमुलक उद्योगहरु थपिएका घरेलु तथा साना उद्योग विकास समितिले जनाएको छ ।

  • सुनको भाउ दिनदिनै बढ्दै

    काठमाडौ, साउन १० – सुनको भाउ बुधवार पनि बढेको छ । आईतबारदेखि लगातार बढेको सुनको भाउ बुधवार ३ सय ५० रुपैयाँले बढेर ५६ हजार ५ सय ५० रुपैंया पुगेको छ । अन्तर्राष्ट्रिय बजारमा भाउ बढेकाले स्थानीय बजार पनि प्रभावित भएको नेपाल सुनचाँदी व्यवसायी संघले जनाएको छ ।

  • तरकारीको भाउ एकै वर्षमा ६० प्रतिशत वृद्धि

    काठमाडौ, साउन १० – प्रशस्त उत्पादन भएपनि तरकारीको भाउ बढ्ने क्रम रोकिएको छैन । झण्डै एक वर्षयता तरकारीको भाउ ६० प्रतिशतले बढेको पाइएको छ । उत्पादनस्थल आसपासमा सस्तोमा किनबेच भएपनि काठमाडौको थोकबजारसम्म आइपुग्दा तरकारीको मूल्य दोब्बर भन्दा बढीले बढ्छ ।

  • पश्चिम सेती थ्री गर्जेजको मुख्य कम्पनीलाई नै

    सेन्छेलुङ्ग लिम्बु/उज्यालो । साउन ९ - बहुचर्चित पश्चिम सेती जलविद्युत् आयोजना, थ्री गर्जेजको मुख्य कम्पनीलाई नै दिने तयारी सुरु भएको छ । यसअघि थ्री गर्जेजको सहायक कम्पनी चाईना थ्री गर्जेज ईन्टरनेशनल सिटिजिआइसँग पश्चिमसेती बनाउन समझदारी एमओयू भएपनि लगानी बोर्डले मुख्य कम्पनीलाई नै दिने तयारी सुरु गरेको हो ।

  • राजस्व असुली २२ प्रतिशतले बढ्यो

    कमल पराजुली/ उज्यालो । काठमाडौं, साउन ९ – गएको आर्थिक बर्षमा राजस्व वृद्धिदर २२ प्रतिशत नाघेको छ । अर्थ मन्त्रालयका अनुसार गत बर्ष २ खर्ब ४४ अर्ब १४ करोड ४२ लाख रुपैयाँ राजस्व संकलन भएको छ । यो लक्ष्यको तुलनामा २ अर्ब ३७ करोड र गत बर्षको तुलनामा २२ दशमलब २ प्रतिशत धेरै हो ।

  • मुस्ताङका स्याऊ किसान आन्दोलित

    दुर्गाप्रसाद शर्मा/उज्यालो । पर्वत, साउन ९ - नदिकटान र पहिरोले जोमसोम बेनी सडक खण्ड अबरुद्ध भएपछि हिमाली जिल्ला मुस्ताङका स्याउ किसान आन्दोलित भएका छन् । म्याग्दी जिल्लाको दोबा, हिस्तान गाविसमा पर्ने भिरकाटेमा करिब १ सय ५० मिटर सडक कालीगण्डकी नदीमा बगेपछि मुस्ताङमा उत्पादित स्याउले बजार नपाउने भन्दै किसानहरु आन्दोलित भएका हुन ।

  • नेप्से घट्यो

    काठमाडौं, साउन ९ - हप्ताको पहिलो दुई दिन सुधार आएको शेयर बजार परिसुचक नेप्से मंगलवार फेरी घटेको छ । सोमवार ४ अंकले बढेको नेप्से मंगलवार भने २ दशमलब ०७ अंकले घटेर ४ सय ६ दशमल २८ अंकमा पुगेको छ । मंगलवार करोबार भएका होटल बाहेक सबै समुहको परिसुचक घटेपछि समग्र नेप्सेमा पनि गिरावट आएको हो ।

  • चमेलियाको सुरुङ्ग रि-डिजाईन गरिने चमेलियाको सुरुङ्ग रि-डिजाईन गरिने

    सेन्छेलुङ लिम्बु/उज्यालो । काठमाडौं, साउन ८ - चमेलिया जलविद्युत् आयोजनाको खनिसकेको सुरुङ्गको माथिल्लो भाग धसिने तथा भत्किने समस्या आएपछि पुनः योजना रि–डिजाईन गर्नुपर्ने भएको छ । ४ किलोमिटर लामो सुरुङ्गको  ५ सय ५० मिटर भाग साँघुरिए पछि रि–डिजाईन गरेर काम अघि बढाउनुपर्ने भएको हो । निर्माण पूरा भएको सुरुङ्गमा नयाँ समस्या देखिए पछि स्थलगत अध्ययन गरेको ईटालियन प्राविधिक टोलीले रि–डिजाईन गरेर सुरुङ्ग बनाउनुपर्ने सिफारिश गरेको नेपाल विद्युत् प्राधिकरणका महाप्रबन्धक रामचन्द्र पाण...

  • बैंकहरुमा मर्जरको लहर बैंकहरुमा मर्जरको लहर

    कमल पराजुली/उज्यालो । काठमाडौं, साउन ८ - राष्ट्र बैंकले व्यवस्था गरेको २०७० सालसम्म पुँजी बृद्धि गर्नुपर्ने प्रावधान पुरा गर्न नसक्ने भएपछि बैंक तथा बित्तीय संस्थाहरुबीच एक अर्कामा गाभिने क्रम ह्वात्तै बढेको छ । यसक्रममा सुर्खेतमा केन्द्रीय कार्यालय रहेको क्षेत्रीय स्तरको रारा बिकास बैक, पोखराको अपि फाईनान्स र काठमाडौंको रोयल मर्चेन्ट बैकिङ तथा फाईनान्सले सोमवार एक अर्कामा गाभिने सम्झौता गरेका छन् ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया