MENU
ujyaalo forign call inside

अर्थ

  • पशु कर्जाबिमा किसानसम्म पुगेन

    काठमाडौ, बैशाख २१– किसानको सहज पहँुचमा पुग्न नसक्दा पशु कर्जा बिमा प्रभावकारी बन्न सकेको छैन । बित्तीय संस्थाले गाई, भैंसी, बाख्रा लगायतका पशु किन्न किसानलाई दिने ऋण सरकारी स्वामित्वको कर्जा तथा निक्षेप सुरक्षण निगममा बिमा गराउने ब्यबस्था छ ।

  • वालिङ उद्योग वाणिज्य संघमा अर्याल

    स्याङ्जा, बैशाख २१ – वालिङ उद्योग वाणिज्य संघको अध्यक्षमा पूण्यप्रसाद अर्याल निर्वाचित हुनुभएको छ । बिहीबार विहान मतगणना अनुसार अर्यालले ३ सय २९ मत ल्याएर निर्वाचित हुनुभएको हो । उहाँका प्रत्याशी चेतनारायण श्रेष्ठले ३१७ मत ल्याउनुभएको छ ।

  • लमजुङ–मनाङ छिचोल्न १ किलोमिटर मात्रै बाँकी

    आश गुरुङ/उज्यालो । लमजुङ, बैशाख २० - बहु प्रतीक्षित वेसीशहर–चामे सडकको निर्माणकार्य पुरा हुन अब १ किलो मिटर मात्रै बाँकी रहेको छ । बाँकी रहेको मोटरवाटो निर्माणकार्य आगामी २ महिनाभित्र सक्ने सडक निर्माण गरिरहेको नेपाली सेनाले जनाएको छ । सडक निर्माण पुरा भएसंगै हिमालपारीको जिल्ला मनाङका वासिन्दाको मोटर चढ्ने सपना समेत छिट्टै पुरा हुने छ ।

  • भक्तपुरमा दूध बिक्न छाड्यो

    रमेश गिरी/उज्यालो । भक्तपुर, बैशाख २० – भक्तपुरमा मिठाई तथा गुदपाक पसलमा दूधको खपत कम भएपछि पशुपालनमा लागेका किसानको दूध बिक्री हुन छाडेको छ । ग्रामीण क्षेत्रका कृषकको दूध संकलन गरेर बिक्रीका लागि भक्तपुर, काठमाडौ र ललितपुरका विभिन्न मिठाई तथा गुदपाक पसलमा लैजादै आएका दूध संकलक र ठेकेदारले किसानबाट दूध समेत संकलन गर्न छाडेपछि किसान मर्कामा परेका हुन् ।

  • तेल अभावले देशभरी सवारी साधन प्रभावित

    काठमाडौ, बैशाख २० – पेट्रोलियम पदार्थको अभाबका कारण देशभर चल्ने सवारी साधन प्रभावित भएका छन् । देशका कुनै पनि ठाँउमा तेल पाउन नसिकएको यायातात ब्यबसायीले बताएका छन् । तेल अभाबका कारण अहिले सडकमा नियमित चल्ने सवारीको २५ प्रतिशत पनि चल्न नसकेको यातायात ब्याबसायी राष्ट्रिय महासंघका कोषाध्यक्ष सरोज सिटौलाले बताउनुभयो ।

  • चारवटा पक्कीपुल निर्माण शुरु

    रमेश गिरी/उज्यालो । भक्तपुर, बैशाख २०– डिभिजन सडक कार्यालय भक्तपुरले यसवर्ष भक्तपुर जिल्लामा चारवटा ठूला पुल निर्माण सुरु गरेको छ । भक्तपुरको चाँगुनारायणबाट काठमाडौको साँखु जोडने मनोहरा पुल निर्माण कार्य तीब्र भएको कार्यालयका प्रमुख अशोक तिवारीले बताउनुभयो ।

  • आजदेखि उपभोक्तालाई ग्याँस कार्ड वितरण

    काठमाडौ, बैशाख २०– ग्याँसको आपूर्ति सहज बनाउन उपभोक्ताको बिबरण संकलन गर्ने प्रयोजनको लागि बुधवारदेखि ग्याँस उपभोक्ता कार्ड बितरण शुरु हुदैछ । काठमाडौ उपत्यकामा रहेका बिभिन्न कम्पनीका डिलरहरुले ग्याँस उपभोक्ता कार्डको लागि फारम बितरण शुरु गर्ने ग्याँस डिलर महासंघका उपाध्यक्ष चन्द्र थापाले बताउनुभयो ।

  • आर्थिक पत्रकार समाज दोलखाको अध्यक्षमा दिलवहादुर केसी

    चरिकोट, वैशाख १९ - दोलखामा रहेर आर्थिक क्षेत्रमा कलम चलाउने पत्रकारहरुलाई सहयोग गर्नका लागि दोलखामा पनि आर्थिक पत्रकार समाज गठन भएको छ । सदरमुकाम चरिकोटमा मङलवार पत्रकारहरुको एक भेलाले कारोवार दैनिकका पत्रकार दिलवहादुर केशीको अध्यक्षतामा नौ सदस्यीय कार्यसमिति चयन गरेको हो ।

  • एकैसाथ ११ वटा लघु जलविद्युत आयोजना निर्माण हुँदै

    दमन राई/उज्यालो । खोटाङ्ग, बैसाख १९ - खोटाङमा एकैसाथ ११ वटा लघुजलविद्युत आयोजनाहरु निर्माण भइरहेका छन् । जिल्लाको बाक्सिलामा सय किलोवाट क्षमताको रावा खोला, राखाबाङ्देलमा ७० किलोवाट क्षमताको नावालिदीङ खोला, बाकाचोलमा ७० किलोवाटकै सिन्दुरेढुंगा लिदिङ खोला, पाथेकामा ६० किलोवाटको नाखाम खोला, खार्ताम्छामा ६९ किलोवाटको तापखोला दोश्रो, सुङ्देलमा ५० किलोवाटको चेर्खे खोला लघुजलविद्युत आयोजनाहरु निर्माण भइरहेका छन् ।

  • अनुगमन टोलीद्वारा खानेपानी र दूध डेरीमा छापा

    रमेश गिरी/उज्यालो । भक्तपुर, बैशाख १८ - जिल्ला प्रशासन कार्यालय भक्तपुरको नेतृत्वमा गएको अनुगमन टोलीले सोमवार भक्तपुरको झौखेल गाविसमा संचालित खानेपानी अर्थात मिनिरल वाटर उद्योग र खरिपाटी तथा वागेश्वरीमा संचालित दूध डेरीहरुमा छापा मारेको छ ।    जिल्ला प्रशासन कार्यालय, खाद्य प्रविधि तथा गुण नियन्त्रण विभाग, खानेपानी कार्यालय, नापतौल तथा गुणस्तर विभाग, उपभोक्ता मञ्च र पत्रकार सहितको टोलीले छापा मारी सरकारी नीति नियम पुरा नगर्ने कम्पनीलाई कारबाही प्रक्रिया अगाडि बढाएको छ ।

  • बुद्ध एयरमा गुणस्तरहिन खाद्य वस्तु वितरण

    नेपालगन्ज, बैशाख १८ गते - बुद्ध एयरले आफ्ना यात्रुलाई गुणस्तरहिन खाद्य वस्तु वितरण गर्ने गरेको पाईएको छ । बाणिज्य विभागको टोलीले मंगलवार दिउसो बुद्ध एयरको उडिरहेको विमानमा आकस्मिक निरीक्षण गर्दा यस्तो पाईएको हो । बिभागका महानिर्देशक नारायण प्रसाद बिडारी नेतृत्वको टोलीले काठमाडौंबाट नेपालगन्जका लागि उडेको बिमानमा आकस्मिक निरिक्षण गरेको थियो  ।

  • नेप्से झण्डै १९ अंकले घट्यो

    काठमाडौं, बैशाख १८ - अघिल्लो हप्ता लगातार बढे पनि नेपाल स्टक एक्सचेन्जको शेयर मुल्य परिसुचक नेप्से यो हप्ता भन्दा भने लगातार ओरालो लागेको छ । हप्ताको  पहिलो दिन आइतवार २ दशमलव ४७ अंकले घटेको नेप्से सोमवार १८ दशमलव २६ अंकले घट्दै ४ सय ४ दशमलव ७३ अंकमा पुगेको छ । नेप्से लगातार घटेपछि सोमवार २ पटक सर्किट ब्रेकर लगाउनु परेको छ ।

  • घरधनी कार्ड वितरण गरिने

    काठमाडौ, बैशाख १८ – सरकारले घरवहाल कर प्रभाबकारी रुपमा उठाउन सोमबारदेखि देशभरीमा घरबहालमा लगाउने घरधनीलाई कार्ड बितरण गर्ने भएको छ । काठमाडौ उपत्यका लगायत देशभरीका शहरहरुमा अधिकांश घर बहालमा लगाईएपनि कर उठ्न नसकेपछि अर्थमन्त्रालयले घरबहाल कार्ड बितरण गर्न लागेको हो ।

  • रकमान्तर रोक्ने अख्तियारको निर्देशनले ठूला आयोजनामा बजेट अभाव

    काठमाडौ, बैशाख १८– बिभिन्न मन्त्रालयहरुले खर्च गर्न नसकेको आयोजनाको रकम रकमान्तर गरी महत्वपुर्ण आयोजनामा दिने अर्थमन्त्रालयको तयारी अख्तियारको रोकावटपछि अलपत्र भएको छ । लामो समयसम्म ताकेता गर्दा पनि बजेट खर्च हुन नसकेको आयोजनाको रकम अरु आयोजनामा सार्ने काम अर्थ मन्त्राललयले शुरु गरिसकेको थियो ।

  • जापानले २६ करोड रुपैयाँ अनुदान दिने

    काठमाडौं, बैशाख १७ - जापानले नेपालको कृषि क्षेत्रमा झण्डै २६ करोड रुपैयाँ अनुदान सहयोग गर्ने भएको छ । प्रधानमन्त्री डाक्टर बाबुराम भट्टराइ र नेपाल भ्रमणमा रहेका जापानी विदेशमन्त्री कोईचिरो गेम्बाबीच बिहान भएको भेटवार्तामा सहयोग नेपालको कृषि क्षेत्रको बिकासमा खर्च गर्ने विषयमा कुराकानी भएको प्रधानमन्त्रीका प्रेस सल्लाहकार रामरिझन यादवले बताउनु भयो ।

  • परिसूचक सकारात्मक भएपनि नीजि क्षेत्रको लगानी बढेन

    काठमाडौ, बैशाख १६– सरकारले अधिकांश आर्थिक परिसुचकहरु सकारात्मक भएकोले समग्र अर्थतन्त्र उत्साहजनक रहेको बताए पनि अर्थतन्त्र सुधारको लागि अनिबार्य मानिएको नीजि क्षेत्रको लगानी भने घट्दो क्रममा देखिएको छ ।

  • २० दिनमा पशुपतिको भेटी ३६ लाख

    काठमाडौ, बैशाख १६– पशुपतिनाथ मन्दिरमा चैत २६ गतेदेखि शनिवारसम्म ३६ लाख १६ हजार ६ सय ८१ रुपैयाँ ६० पैसा भेटी संकलन भएको छ । दर्शनार्थीबाट शनिवारसम्म पशुपतिनाथ, बासुकी मन्दीरमा चढाएको भेटी जुत्ता चप्पल लगायतबाट यो रकम संकलन भएको पशुपति क्षेत्र विकास कोषका लेखापाल नारायण भट्टराईले जानकारी दिनुभयो ।

  • श्रमिक दिवशमा रक्तदान

    काठमाडौ, बैशाख १६– १ सय २३ औं अन्र्तराष्ट्रिय श्रमिक दिबसको सन्दर्भ पारी नेपाल ट्रेड युनियन महासंघ जिफन्ट बाग्मती अञ्चल कमिटिले शनिवार रक्तदान कार्यक्रम गरेको छ । जिफन्टको केन्द्रीय कार्यालय पुतलीसडकमा भएको कार्यक्रममा १ सय १० जनाले रक्तदान गरेका वागती अञ्चल कमिटिका उपाध्यक्ष रामहरी नेपालले जानकारी दिनुभयो ।

  • व्यवसायजन्य सुरक्षा र स्वास्थ्य दिवस मनाईंदैं

    काठमाडौं, बैशाख १६ - कामको सिलसिलामा ज्यान गुमाएका श्रमिकहरुको सम्झनामा शनिवार व्यवसायजन्य सुरक्षा र स्वास्थ्य दिवस मनाईंदैछ । अन्तर्राष्ट्रिय श्रम संगठनको आह्वानमा अप्रिल २८ तारिखमा विश्वभरी नै यो दिवस मनाउन थालिएको हो । कामको सिलसिलामा धेरै श्रमिकको ज्यान जाने, अपांग हुने तथा स्वास्थ्यमा असर पुर्याउने घटना बढ्दै जाँदा सुरक्षा र स्वास्थ्यमा जोड दिंदै दिवस मनाईने गरिन्छ ।

  • पेट्रोल अझै सहज भएन

    काठमाडौं, बैशाख १६ - नेपाल आयल निगमले पेट्रोलिय पदार्थको आपूर्ति सहज भएको दावी गरे पनि उपभोक्ताले सजिलै पेट्रोल पाउन सकेका छैनन । काठमाडौंका अधिकांस निजी पेट्रोल पम्प बन्द छन् । पेट्रोलिय पदार्थ वितरण गरिरहेका साझा, नेपाली सेना र प्रहरीले सञ्चालन गरेका पेट्रोल पम्पमा भने तेल भर्न बिहानैदेखि गाडी र मोटरसाईकलको लाईन छ ।

  • डिजेल अभावमा उद्योगको उत्पादन कटौती

    सुनसरी, बैशाख १५– डिजेलको अभाव भएसँगै मोरङ्ग–सुनसरी औद्योगिक कोरिडोरमा संचालित उद्योगले उत्पादनमा कटौती गर्न थालेका छन् । लोडसेडिङ्गको मार खेपिरहेका उद्योगले डिजेल पाउन छाडेपछि उत्पादनमा कटौती गर्न थालेका हुन् ।

  • सुनचाँदीको भाउ बढ्यो

    काठमाडौ, बैशाख १५– सुनचाँदीको भाउ बढेको छ । बिहीबार ५५ हजार रुपैया तोलामा किनबेच भएको सुन शुक्रवार दुई सय रुपैया बढेर ५५ हजार २ सय रुपैयामा किनबेच भइरहेको नेपाल सुनचाँदी व्यवसायी संघले जनाएको छ । त्यस्तै चाँदी पनि बिहीबारको भाउमा ५ रुपैया बढेर १ हजार ८० रुपैयामा किनबेच भइरहेको छ ।

  • एकै दिनमा २७ करोडको शेयर किनबेच

    काठमाडौ, बैशाख १४–नेपाल स्टक एक्स्चेन्जमा बिहीबार एकै दिन २७ करोड भन्दा धेरैको शेयर किनबेच भएको छ । केहिदिन यता निरन्तर उकालो लागेको शेयर बजारमा बिहीबार एकै दिन यति ठूलो कारोवार भएको हो ।

  • घाटा रकमको ब्यवस्थापमा सरकार गम्भीर भएन : आयल निगम

    काठमाडौ, बैशाख १४– पेट्रोलियम पदार्थ बेच्दा भएको घाटा रकमको ब्यवस्थापनमा सरकार गम्भीर नहुँदा समस्या भएको नेपाल आयल निगमले जनाएको छ । पेट्रोलियम पदार्थ बेचे वापत निगमलाई महिनाको एक अर्ब ५६ करोड रुपैंया घाटा छ । यसमा थप २५ करोड रुपैंया भ्याटमा तिर्नुपर्छ ।

  • पाल्पामा दालचिनी महोत्सव

    देब पचभैया/पाल्पा, बैशाख १४– पाल्पाको दोभान गाबिस बेरुवा गाउमा बैशाख १८ गते हुने दालचिनी महोत्सवको तयारी पुरा भएको छ । ‘ऋणमुक्त गाउ“को शान, दालचिनीको महत्व र पहिचान’ भन्ने नारा साकार पार्न महोत्सव गर्न लागिएको हो ।

  • सुनको भाउ बढ्यो

    काठमाडौं, बैशाख १४ - दुई दिन लगातार स्थिर रहेको सुनको भाउ विहीवार भने बढेको छ । वुधवारको भाउमा २ सय रुपैंया बढेर सुन विहीवार तोलाको ५५ हजार रुपैंयामा किनबेच भएको नेपाल सुनचाँदी व्यवसायी संघले जनाएको छ ।  यसअघि वुधवार र मंगलवार सुनको भाउ ५४ हजार ८ सय रुपैंया थियो । चाँदीको भाउमा भने कुनै उतारचढाव भएको छैन ।

  • सरकार गम्भीर नहुँदा पेट्रोलमा समस्या भएको निगमको भनाई

    काठमाडौं, बैशाख १४ - पेट्रोलियम पदार्थ बेच्दा भएको घाटा रकमको ब्यवस्थापनमा सरकार गम्भीर नहुँदा समस्या भएको नेपाल आयल निगमले जनाएको छ । पेट्रोलियम पदार्थ बेचे वापत निगमलाई महिनाको एक अर्ब ५६ करोड रुपैंया घाटा छ । यसमा थप २५ करोड रुपैंया भ्याटमा तिर्नुपर्छ । सरकारले घाटा रकम समयमा निकासा पनि नगर्ने र आयात सजिलो बनाउन अन्य उपाय पनि नदिँदा समस्या जटिल बनेको निगमका कायममुकायम कार्यकारी निर्देशक सुरेश कुमार अग्रवालले गुनासो गर्नुभयो ।

  • सुपारी किसान पनि सडक सङ्घर्षमा उत्रने

    काठमाडौं, बैशाख १३  - नेपाल सुपारी खेती विकास संस्थाले नेपालमा उत्पादन भई भारततर्फ निकासी हुने सुपारीको उत्पतिको प्रमाण पत्र जारी गर्ने काममा साविकको व्यवस्थालाई निरन्तरता दिनुपर्ने माग गरेको छ । संस्थाले सुपारीको उत्पतिको प्रमाण पत्रजारी गर्ने सम्बन्धमा नेपाल सरकार वाणिज्य तथा आपूर्ति मन्त्रालयले आफैले स्वीकृत गरेको कार्यविधि विपरित चारवटा व्यापारिक फर्म र एक व्यापारिक संस्थालाई ८ हजार ३ सय मेट्रिक टन सुपारी उत्पत्तीको प्रमाणपत्र जारी गर्न स्वीकृति प्रदान गरेको भन्दै विरोध जनाएको छ ।

  • पेट्रोलियम पदार्थको अभाव बढ्दै

    काठमाडौ, बैशाख १३ – पेट्रोलियम पदार्थको सहज आपूर्तिका लागि नेपाल आयल निगमले ऋण तथा अनुदान माग गरेको ३ हप्ता बितिसक्दा पनि अर्थ मन्त्रालयले कुनै निर्णय गरेको छैन । आयल निगमले इण्डियन आयल कर्पोरेशन आइओसीको बक्यौता रकम तिर्न नसक्दा पेट्रोलियम पदार्थको चर्को अभाव छ ।

  • भ्याट छली गर्नेको नाम सार्वजनिक गर्न लेखा समितिको निर्देशन

    काठमाडौं, बैशाख १२ - संसदको लेखा समितिले नक्कली विल प्रयोग गरेर भ्याट छलीमा संलग्नको नाम सात दिनभित्र सार्वजनिक गर्न अर्थमन्त्रालयलाई निर्देशन दिएको छ । समितिको मंगलवार बसेको बैठकले भ्याट छल्ने काममा संलग्न कर्मचारीलाई यससम्वन्धी मुद्धा हेर्ने कार्यालयमा सरुवा नगर्न पनि निर्देशन दिएको छ ।

  • नेप्से २० अंकले बढ्यो, कारोवार नै स्थगित

    काठमाडौं, बैशाख १२ - नेपाल स्टक एक्सचेन्जको शेयर मुल्य सुचकांक नेप्से मंगलवार झण्डै २० अंकले बढेको छ । ३ पटक सर्किट ब्रेकर लगाउँदा पनि नेप्से बढ्ने क्रम नरोकिए पछि मंगलवार दिउँसो १ बजेर २५ मिनेटमा नेप्सेको कारोवार स्थगित गरिएको छ । नेप्सेको परिसुचक ५ प्रतिशतले घटबढ भएमा कारोवार नै रोक्ने व्यवस्था भए अनुसार नेप्सेको कारोवार स्थागित भएको हो ।

  • सुनको भाउ बढ्यो

    काठमाडौ, बैशाख १२ – तीन दिनसम्म स्थिर रहेको सुनको भाउ आज बढेको छ । चाँदीको भाउ भने घटेको छ । मंगलवार सुन तोलाको ५४ हजार ८ सय रुपैंयामा कारोबार भैरहेको नेपाल सुनचाँदी व्यवसायी संघले जनाएको छ ।

  • मर्स्याङ्दीमा र्‍याफ्टिङ शून्य मर्स्याङ्दीमा र्‍याफ्टिङ शून्य

    आश गुरुङ/उज्यालो । लमजुङ, बैशाख १२ – ५ वर्षयता लमजुङको मर्स्याङ्दी नदीमा र्‍याफ्टिङ ब्यवसाय बन्द भएको छ । नदीको पानी विद्युत आयोजनामा लगिएको र नदीमा धेरै ढुंगाहरु थुप्रिएकाले र्‍याफ्टिङ ब्यवसाय गर्नेहरुले छाडेका छन् ।

  • पश्चिम सेतीको एमओयू मन्त्रीपरिषद् पठाइने

    सेन्छेलुङ लिम्बु/उज्यालो । काठमाडौ, बैशाख १०– पश्चिम सेती जलविद्युत् आयोजनाको काम अघि बढाउन उर्जा मन्त्रालयले चाईना थ्री गर्जेज इन्टरनेशनल कर्पोरेशन सीटीजीआईसित भएको समझदारी एमओयू मन्त्रीपरिषद्मा पठाउने भएको छ । सीटीजीआई सित भएको एमओयू स्वीकृतिका लागि मन्त्रीपरिषद्मा पठाउन लागेको उर्जा मन्त्री पोष्टबहादुर बोगटीले जानकारी दिनुभयो ।

  • बाग्लुङमा खुल्यो करदाता सेवा कार्यालय

    बागलुङ, बैशाख १०– बागलुङमा आइतबारदेखि करदाता सेवा कार्यालय स्थापना भएको छ । कार्यालयको अर्थमन्त्री बर्षमान पुनले उद्घाटन गर्नुभयो । कर सेवा कार्यालयको उद्घाटन गर्दै अर्थमन्त्री पुनले दोहोरो अकंको आर्थिक बृद्धि हासिल गर्ने उद्धेश्यसहित आगामी बजेटमा राष्ट्रिय गौरवका आयोजनाका लागि लगानी छुट्याउने बताउनुभयो ।

  • सुनको भाउ स्थिर

    काठमाडौं, बैशाख १० - सुन आइतवार पनि शुक्रबार जस्तै तोलाको ५४ हजार ४ सय रुपैंयामा कारोबार भैरहेको छ । चाँदी भने तोलामा ५ रुपैंयाले घटेको छ । चाँदी आइतवार तोलाको एकहजार ९० रुपैंयामा कारोबार भैरहेको छ ।

  • विमा कम्पनीको बिक्री केन्द्र बन्द गर्न विमा समितिको निर्देशन

    पोखरा, बैशाख ९ – बिमा समितिका अध्यक्ष फत्तबहादुर केसीले बिमा कम्पनीको बिक्री केन्द्र बन्द गर्न निर्देशन दिनुभएको छ । बिमा कम्पनीहरुले अनुमति बिना नै विक्रि केन्द्र सञ्चालन गरिरहेकाले उहाँले यस्तो निर्देशन दिनुभएको हो ।

  • आउँदो वर्षको वजेट ४ खर्ब ३९ अर्बको हुने

    सरकारले आर्थिक वर्ष २०६९/०७० का लागि चार खर्ब ३९ अर्ब रुपैयाँसम्मको बजेट ल्याउने भएको छ । राजधानीमा शनिवार भएको कार्यक्रममा राष्ट्रिय योजना आयोगका उपाध्यक्ष दीपेन्द्रबहादुर क्षेत्रीले चार खर्ब ३९ अर्बभित्र रहेर बजेट ल्याउने तयारी भइरहेको जानकारी दिनुभयो ।

  • सुनको भाउ बढ्यो

    काठमाडौ, बैशाख ८ – हप्ताको अन्तिम दिन शुक्रवार सुन, तोलामा तीनसय रुपैंयाले बढेको छ । यसअघि लगातार ९ दिनसम्म स्थिर रहेको सुनको भाउ शुक्रवार बढेको हो । बिहीबारसम्म सुन तोलाको ५४ हजार एकसय रुपैंयामा कारोबार भएको थियो ।

  • काठमाडौमा डिजेलको अभाव

    काठमाडौ, बैशाख ८ – काठमाडौमा डिजलको अभाव भएपनि पेट्रोलको भने त्यति अभाव देखिएको छैन । काठमाडौमा  दैनिक साँढे ३ सय किलोलिटर पेट्रोलको माग रहेकोमा बिहीबार ३ सय ३० किलोलिटर तेल आयल निगमले उपलब्ध गराएको पेट्रोलियम डिलर्स एशोशिएसनले जनाएको छ ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया