MENU
Ncell Axiata
chhaka panja

समाज

  • बिरोधकैवीच सुन्दरीघाटमा सुकुम्बासीलाई टहरा बनाइदै

    काठमाडौ, असार २१ – स्थानीय बासिन्दाको विरोधका बाबजुत काठमाडौको थापाथलीबाट हटाइएका सुकुम्बासीका लागि ललितपुरको सुन्दरीघाटमा घर टहरा बनाउने काम अघि बढाईएको छ । बुधवार ६ वटा अस्थाई टहरा बनाइएको र बिहीबार थप टहरा बनाउने तयारी भएको अधिकार सम्पन्न बाग्मती सभ्यता एकीकृत विकास समितिका अध्यक्ष महेश बस्नेतले बताउनुभयो ।

  • बाढी पहिरोबाट सचेत हुन सरकारको आग्रह

    काठमाडौ, असार २१ – वर्षायाममा बाढी पहिरोको जोखिम हुने भएकाले सतर्क रहन सरकारले अनुरोध गरेको छ । पानी परेको बेला सचेत हुन र प्रकोपको संकेत पाउने बित्तिकै नजिकको प्रहरी कार्यालय या प्रशासनमा सूचना दिन अनुरोध गरिएको गृह मन्त्रालयले जनाएको छ ।

  • पहिरोले पुरिएर एकको ज्यान गयो, दुई घाइते

    गोरखा, असार २१ – गोरखाको उत्तरी क्षेत्रको केरौजा गाविसमा पहिरोले पुरिएर बुधवार एकजनाको ज्यान गएको छ । दुईजना घाइते भएका छन् । पहिरोले घर भत्किँदा पुरिएर केरौजा वडा नंबर ७ की ६० वर्षिया धनीमाया गुरुङको ज्यान गएको हो ।

  • चितवन साहित्य परिषद् प्रतिभा पुरस्कार अर्याललाई

    चितवन, असार २१ – यस वर्षको चितवन साहित्य परिषद् (चिसाप) प्रतिभा पुरस्कार कवि तथा सञ्चारकर्मी धर्मराज अर्याललाई प्रदान गरिने भएको छ । चितवन साहित्य परिषद्ले हरेक वर्ष प्रदान गर्दै आएको चिसाप प्रतिभा पुरस्कार चार दशक देखि साहित्यमा लागेका अर्याललाई दिन लागिएको हो ।

  • अवैध यौन कार्यमा संलग्न ३ बिदेशी सहित ८ जना पक्राउ

    पोखरा, असार २० – यौन क्रियाकलापमा संलग्न रहेको आरोपमा कास्की प्रहरीले ३ विदेशी सहित ८ जनालाई पक्रेको छ । वडा प्रहरी कार्यालय बैदामबाट खटिएको प्रहरी टोलीले पोखरा ६ लेकसाईडमा रहेका होटलहरु चेकजाँचका क्रममा ८ जना पक्राउ परेको प्रहरी जनाएको छ ।

  • पानी जमेको खाल्डोमा डुबेर ४ जना बालबालिकाको मृत्यु पानी जमेको खाल्डोमा डुबेर ४ जना बालबालिकाको मृत्यु

    कैलाली, असार २० – कैलालीको फुलवारी १ टाउन प्लानमा पानी जमेको खाल्डोमा डुवेर ४ जना बालबालिकाको ज्यान गएको छ । आकासबाट परेको पानी जमेको खाल्डोमा डुबेर फुलवारी १ की ६ बर्षीया सर्मिला बिक र लक्ष्मण भाट तथा ८ बर्षका गोविन्द बिक र रामबहादुर भाटको ज्यान गएको प्रहरीले जनाएको छ ।

  • १ सय २७ जना वालश्रमिकको उद्दार

    रमेश गिरी/ उज्यालो । भक्तपुर, असार २०– जिल्ला प्रशासन कार्यालय भक्तपुरले विभिन्न कारखानाका १ सय २७ जना बालश्रमिकको बुधवार उद्दार गरेको छ । प्रहरी तथा गैरसरकारी संस्थाको सहयोगमा मध्यपुरथिमीको बोडे क्षेत्रमा सञ्चालित कपडामा जरी भर्ने ३५ वटा कारखानामा छापा मारी उनीहरुको उद्दार गरिएको हो ।

  • आदिवासी जनजातिहरुको राष्ट्रिय सम्मेलन शुरु

    काठमाडौ, असार २० – आदिवासी जनजातिहरुको दुई दिने राष्ट्रिय सम्मेलन बुधवारदेखि काठमाडौमा शुरु भएको छ । वर्तमान राजनीतिक अवस्थाको विश्लेषण गरी साझा अवधारणा तय गर्न र जातिय पहिचान सहितको संविधान सुनिश्चितताका लागि भावी रणनीति तयार गर्न सम्मेलन आयोजना गरिएको आदिवासी जनजाति महासंघले जनाएको छ ।

  • काठमाडौमा वालकको शब भेटियो

    काठमाडौ, असार २० – काठमाडौको कपन गाबिस ४ मनकामना हाईटमा एक बालकको शव फेला परेको छ । मंगलवार बेलुकी ५ बजेदेखि हराएका ८ बर्षिय रदिप बिश्वकर्माको शव बुधवार बिहान फेला परेको हो ।

  • पहिरोले ४ घर बगायो

    पर्वत, असार २० – पर्वतको शालिग्राम गाविसमा पहिरोले ४ घर बगाएको छ । शालिग्राम – ९ गोलाङ्गका लक्ष्मीपति पौडेलका दुई वटा घर, नारायणप्रसाद भुसाल र अमरबहादुर थापाको एक एक वटाघर बगाएको हो । पीडित पौडेलले आफूहरु बिस्थापित भएर छिमेकीको शरण लिएको बताउनुभयो ।

  • नेपालगञ्जमा भारतीय सीमा नाका बन्द

    नेपालगञ्ज, असार २० गते । भारतको उत्तरप्रदेशमा स्थानीय निकायको निर्वाचन भएका कारण नेपालगन्जमा रहेको भारतीय सीमा नाका बुधवार विहानैदेखि बन्द गरिएको छ । बिहान ६ बजेदेखि सीमा नाका बन्द भएको बाँकेका निमित्त प्रमुख जिल्ला अधिकारी चक्रपाणि पाण्डेले जानकारी दिनुभयो ।

  • छुट्टाछुट्टै घटनामा दुईजनाको ज्यान गयो

    चितवन, असार २० – गैडाको आक्रमण र करेण्ट लागेर चितवनमा दुईजनाको ज्यान गएको छ । पश्चिम चितवनको शुक्रनगरमा गैडाको आक्रमणबाट ६५ वर्षिय दिलमाया थापा ज्यान गएको हो । घर नजिकैको जंगलमा घाँस काट्न गएकी थापाको गैडाको आक्रमणबाट मंगलवार साँझ घटनास्थलमा नै ज्यान गएको हो ।

  • सकुम्बासीका लागि सुन्दरीघाटमा टहरा बनाइदै

    काठमाडौ, असार २० – काठमाडौको थापाथलीबाट हटाइएका सुकुम्बासीको लागि शहरी विकास तथा भवन निर्माण विभागले अस्थायी टहरा बनाउने काम शुरु गरेको छ । स्थानीयबासीको विरोधका बाबजुद  विभागले ललितपुरको सुन्दरीघाटमा अस्थाई घर टहरा बनाउन लागेको हो ।

  • कुपन लिएका सबैले मल पाउने

    काठमाडौ, असार २० – कृषि सामग्री कम्पनीको मुख्य कार्यालय काठमाडौबाट कुपन लिएका सबै किसानले बुधवार मल पाउने भएका छन् । कम्पनीले बुधवार ३ हजारदेखि ३५ सयसम्म बोरा मल वितरण गर्ने जनाएको छ ।

  • सेतीले एउटा घर बगायो, ५० घर र राजमार्ग जोखिममा

    पोखरा, असार २० – अविरल बर्षासँगै आएको बाढीपछि सेती नदीले धार परिवर्तन गर्दा कास्की हेम्जामा एउटा घर बगाएको छ । जेठ ४ गतेको बाढीका कारण विस्थापित भएका ९ घरमध्ये कविता तिमिल्सिनाको घर बगाएको हो । मंगलवार रातीदेखि परेको पानीले सेतीमा बाढी आउँदा बस्तीतर्फ कटान सुरु भई पोखरा बाग्लुङ्ग जोड्ने राजमार्गको दुई सय मिटर सडक र आधा दर्जनभन्दा बढी बिजुलीका पोल बगाउने खतरा बढेको छ ।

  • वन लसुन खोज्दै मनाङ र लमजुङको लेकतिर

    आश गुरुङ/उज्यालो । लमजुङ, असार २० – हिमालपारीको जिल्ला मनाङ र लमजुङका लेकहरुमा हिजोआज वनलसुन नामक जडिबुटी खोज्नेहरुको भीड लागेको छ । मनाङको चामे, ताचैबगरछाप, धारापानी, थोँचे साथै लमजुङको वाहुनडाँडा, घेर्मू, घनपोखरा, भुलभुले लगायतका लेकहरुमा वनलसुन संकलन गर्नेहरुको भीड लागेको हो ।

  • पुस्तक पढ्ने युवाहरु बढे

    काठमाडौ, असार २० – पछिल्लो समयमा पुस्तक अध्ययनमा युवाहरुको आकर्षण बढ्दै गएको छ । पुस्तकालयमा पढ्ने अनुकुल वातावरण हुने भएकाले युवाहरुमा पुस्तक पढ्ने लहर चलेको नेपाल लाईबेरी एशोसिएशनका सचिव विश्व गौतमले बताउनुभयो ।

  • उच्च माविहरुको भर्ना र विज्ञापनको अनुगमन हुने

    काठमाडौ, असार २० – उच्च माध्यमिक विद्यालयहरुमा भर्ना र विज्ञापनको मापदण्डबारे अनुगमन हुने भएको छ । शिक्षा मन्त्रालय, उच्च माध्यमिक शिक्षा परिष्द र निजी विद्यालयहरुको छाता संगठन हिसानको अगुवाईमा अनुगमन हुन लागेको हो ।

  • प्रेस मैत्री बजेट ल्याउन पत्रकार महासंघको माग प्रेस मैत्री बजेट ल्याउन पत्रकार महासंघको माग

    काठमाडौं, असार १९ – नेपाल पत्रकार महासंघले प्रधानमन्त्री डा. बाबुराम भट्टराईसँग भेट गरी आगामी बजेट प्रेस मैत्री हुनुपर्ने माग गरेको छ । महासंघका अध्यक्ष शिव गाउँलेको नेतृत्वमा गएको पत्रकारहरुको प्रतिनिधिमण्डलले आगामी बजेटले नेपाली प्रेस जगतका मुद्दा सम्बोधन गर्नुपर्ने माग गरेको हो ।

  • न्याय सम्पादन चुनौतीपूर्णः प्रधानन्यायाधीश रेग्मी न्याय सम्पादन चुनौतीपूर्णः प्रधानन्यायाधीश रेग्मी

    रमेश गिरी/ उज्यालो । भक्तपुर, असार १९ – प्रधानन्यायाधीश खिलराज रेग्मीले समाजमा गम्भीर प्रकृतिका अपराध बढ्दै गएकाले न्याय सम्पादन चुनौतीपूर्ण बन्दै गएको बताउनुभएको छ ।

  • धम्क्याउँदै चन्दा माग्ने तीन युवा पेस्तोल सहित पक्राउ धम्क्याउँदै चन्दा माग्ने तीन युवा पेस्तोल सहित पक्राउ

    पुरुषोत्तम गिरी/ उज्यालो । सल्यान असार १९ – जवरजस्ती चन्दा माग्ने तीन जनालाई प्रहरीले हतियार सहित पक्रेको छ । सल्यानको कोटमौलाबाट हतियार देखाएर चन्दा संकलन गर्दै गरेको अवस्थामा प्रहरीले शमसेरगंज वाँकेका ३० वर्षिय हिमाल पाण्डे, पुरन्धारा ४ दाङका लिला विक र पाखापानी ७ रोल्पाका १९ वर्षिय मोहन वलीलाई पक्रेको हो ।

  • बस दुर्घटनामा ८ जनाको मृत्यु, २७ घाइते

    शंकर धामी/ उज्यालो । दार्चुला, असार १९ – धनगढीबाट दार्चुला सदरमुकाम खलंगा आउँदै गरेको सुदूरपश्चिम यातायातको ना ४ ख ६६०८ नम्बरको बस ग्वानी गाविस ५ बागजेबलामा दुर्घटना हुँदा ८ जनाको मृत्यु भएको छ ।

  • पहिरोले सल्यानमा २१ घरको उठिबास पहिरोले सल्यानमा २१ घरको उठिबास

    पुरुषोत्तम गिरी/ उज्यालो । सल्यान, असार १९ – अविरल वर्षापछि आएको वाढिपहिरोका कारण सल्यानको कोर्वाङझिम्पे गाविसका दुई गाउँका २१ घर परिवार उच्च जोखिममा परेका छन् । पहिरोका कारण वडा नम्वर ८ जयचौरका ६ घर र खर्सुबासका १५ घर पहिरोको उच्च जोखिममा छन् ।

  • सडक मजदुरको ज्याला लुटियो

    भोजपुर, असार १९ - भोजपुरमा सडक मजदुरहरुको झण्डै १० लाख रुपैयाँ लुटिएको छ । सदरमुकामस्थित राष्ट्रिय वाणिज्य बैंकबाट निकालेर लगिएको हिले भञ्ज्याङ्ग–दिङ्गला सडक खण्ड अन्तर्गत हेलौंछाका सडक निर्माण समूहको पैसा मंगलवार विहान भैसीपंखा र बोखिम गाविसको सीमाना सुन्तले छेउबाट लुटिएको हो ।

  • पत्रकार धम्क्याइएकोप्रति महासंघको खेद

    काठमाडौं, असार १९ – नेपाल पत्रकार महासंघले समाचार लेखेको विषयमा एकीकृत नेकपा माओवादीका कार्यकर्ताले पत्रकारलाई धम्की दिएकोमा खेद व्यक्त गरेको छ । मोरङको उर्लावारीबाट प्रकाशित निगरानी दैनिकका सम्पादक मिलन के राउत र सम्वाददाता तेजन खड्कालाई समाचार लेखेको विषयमा माओवादी कार्यकर्ताले दिएको धम्की दिएकोमा आपत्ति जनाउँदै खेद महासंघले खेद व्यक्त गरेको हो ।

  • दैबीप्रकोपमा उद्धार गर्न क्वीक रेस्पोन्स टिम

    दुर्गाप्रसाद शर्मा/ उज्यालो । पर्वत, असार १९ – बर्षायामसँगै बाढी पहिरो जस्ता दैवी प्रकोपका घटना र सरुवा रोगको महामारी फैलन सक्ने भएकाले तत्काल उद्धार कार्यमा खटिने गरी पर्वतमा क्वीक रेसपोन्स् टिम गठन गरिएको छ ।  दैवी प्रकोप उद्धार समितिको पहलमा स्वास्थ्यकर्मी र सुरक्षाकर्मीको क्वीक रेसपोन्स टिम गठन गरिएको हो । 

  • मापसे कारवाहीबाट ३ करोड राजस्व

    काठमाडौं, असार १९ - महानगरीय ट्राफिक प्रहरी महाशाखाले मादकपदार्थ सेवन(मापसे)विरुद्धको अभियान प्रारम्भ गरेपछि गत जेठ मसान्तसम्म करिब तीन करोड रुपैयाँ राजस्व असुली गरेको छ । महाशाखाले गत मङ्सिर १७ गतेदेखि जेठ मसान्तसम्म अभियान सुरु गरेपछि ३३ हजार ४ सय ९ जनालाई कारवाही गरी दुई करोड ८५ लाख १६ हजार रुपैयाँ राजस्व असुली गरेको हो ।

  • हुम्लामा दैनिक पत्रिका प्रकाशन शुरु

    रमेश ऐडी/उज्यालो । हुम्ला असार १९ –हुम्लामा पहिलो पटक दैनिक पत्रिका प्रकशन हुन थालेको छ । कैलाश मानसरोवर मिडिया प्रालीले अपसेट छापाखाना सहित ‘कर्णाली सरोवर’ दैनिक पत्रिकाको प्रकाशन शुरु गरेको हो ।

  • चट्याङ लागेर १ को ज्यान गयो

    बर्दिया, असार १९ – चट्याङ लागेर मंगलवार विहान बर्दियामा एक जनाको ज्यान गएको छ । विहान खेतमा जोतिरहेको बेला चट्याङ लागी राजापुर ८ तिघ्राका २५ बर्षिय रामप्रसाद थारुको ज्यान गएको हो ।

  • च्याउ खाँदा तीन बालकको ज्यान गयो

    देब पचभैया/उज्यालो । पाल्पा, असार १९ – जंगलबाट ल्याएको विषालु च्याउ खाँदा पाल्पामा एकै परिवारका दुई सहित तीन बालकको ज्यान गएको छ । ज्यान जानेमा हेक्लाङ गाविस ८ का ५ वर्षीय कुशल राना, ११ वर्षीय किरण सारु र १३ वर्षीय एकबहादुर सारु रहेको जिल्ला प्रहरी कार्यालय पाल्पाले जनाएको छ । घर नजिकैको जंगलबाट ल्याएको च्याउ शनिबार आफै पकाएर खाँदा बेहोस भएका उनीहरुको मिसन अस्पताल पाल्पामा उपचारका क्रममा ज्यान गएको हो । रानाको सोमबार राती साँढे १२ बजे र सारु दाजु भाईको मंगलवार विहान ज्यान गएको हो । तीन दि...

  • अखिल क्रान्तिकारीले लगाए स्कुलमा ताला

    पोखरा, असार १९– तत्काल छात्रवृत्ति वितरण गर्न माग गर्दै एकीकृत नेकपा माओवादी निकट विद्यार्थी संगठनले पोखरा रामबजारमा रहेको कालिका उच्च माविमा ताला लगाएका छन् । छात्रवृत्ति वितरण लगाए १९ बुँदे मागको सम्बोधन नभएको भन्दै अनेरास्ववियु क्रान्तिकारीले प्राचार्य झलप्रसाद अधिकारी र विद्यालय व्यवस्थापन समितिका अध्यक्ष सूर्य तिवारीको कार्यकक्षमा ताला लगाएका हुन् ।

  • भारीले किचिएर मजदुरको ज्यान गयो

    महोत्तरी, असार १९ – आफैले बोकेको दाउराको भारीले किचिएर महोत्तरीको बेलगाछी ९ मा एकजना मजदुरको ज्यान गएको छ । सागरनाथ वन विकास परियोजनाको जगंलबाट साइकलमा दाउरा राखेर घर फर्कदै गरेका भारत सीतामढी भगवतीपुर घर भएका ३५ बर्षिय लालबावु यादवको ज्यान गएको हो ।

  • खोलाले बगाउँदा एकजनाको ज्यान गयो

    धादिङ, असार १९ – खोलाले बगाउँदा धादिङको मुरलीभञ्ज्याङ गाविस २ कमेरेका ६१ बर्षिय देवीनारायण श्रेष्ठको ज्यान गएको छ । सोमवार विहानै घरवाट वाहिर निस्किएका श्रेष्ठ राती अबेरसम्म घर नफर्किएपछि आफन्त र छिमेकीले खोजी गर्दा मंगलवार विहान ६ वजेतिर मुरलीभञ्ज्याङ गाविस २ जलविरेमा थोपलखोलाको किनारमा शब फेला पारेका हुन् ।

  • छुट्टाछुट्टै घटनामा दुईको ज्यान गयो

    नुवाकोट, असार १९ – नुवाकोटमा छुट्टाछुट्टै घटनामा दुई जनाको ज्यान गएको छ । बेतेनी ७ ढोडेनीमा सोमबार राती चट्याङ लागेर ४२ बर्षिय बुधे तामाङको ज्यान गएको छ भने गेर्खु ९ रिठ्ठेघारीका ७५ वर्षिय गणेशबहादुर लामिछानेको भीरबाट लडेर ज्यान गएको छ ।

  • तीनै दाजुभाईले गरे अन्तरजातीय विवाह

    जनार्दन घिमिरे/उज्यालो । गुल्मी, असार १९ – गुल्मीमा एक दलित परिवारका तीनैजना छोराहरुले अन्तरजातीय विवाह गरेका छन् । ठरुलो लुम्पेक गाविस ३ का हिरालाल विश्वकर्माका तीन भाइ छोराहरुले अन्र्तजातीय विवाह गरेका हुन् ।

  • गुरुको सम्मानमा गुरुपुर्णिमा मनाइदै

    काठमाडौ, असार १९ – आफूलाई शिक्षा दिने गुरुप्रति आदर र सम्मान प्रकट गर्दै  मंगलवार गुरुपूर्णिमा मनाईंदैछ । विद्यालय, क्याम्पस लगायतका शिक्षालयहरुमा मंगलवार गुरुको सम्मानमा बिभिन्न कार्यक्रम हुँदैछन् । संस्कृत भाषामा गु को अर्थ अन्धकार र रु को अर्थ नष्ट गर्ने हुन्छ ।

  • वर्षायाममा पैदलयात्रीलाई सास्ती

    काठमाडौ, असार १९ – वर्षा लागेकाले काठमाडौका सडकमा हिँडडुल गर्न यात्रुहरुलाई सास्ती भएको छ । खाल्डा खुल्डी बाटो अनि सडकमा पानी जम्ने समस्याले हिँडडुल गर्र्नै समस्या भएको उनीहरुको भनाई छ ।

  • दार्चुलामा बस पल्टिँदा ७ जनाको ज्यान गयो

    दार्चुला, असार १९ – दार्चुलाको ग्वानी गाविस ५ मा मंगलवार बिहान बस पल्टिंदा ७ जनाको ज्यान गएको छ । ३१ जना घाईते भएका छन् । घाइते मध्ये १५ जनाको अवस्था गम्भीर छ । दुर्घटनामा एमालेका जिल्ला कमिटी सदस्य समेत रहेका दार्चुला सर्मलीका लक्ष्मीदत्त जोशी, जिल्ला भूसंरक्षण कार्यालय दार्चुलाका सबईन्जिनियर धनुषाका अमितकुमार पण्डित र ग्वानी १ का धवलसिंह धामीको ज्यान गएको छ ।

  • कान्छीको छोरीलाई जेठीको बनाउन खोजेपछि ...

    विद्रोही गिरी/उज्यालो । नवलपरासी, असार १९ – कान्छी श्रीमतीबाट जन्मिएकी छोरीलाई जेठीको छोरी बनाई जन्मदर्ता गराउने नवलपरासी रामग्राम नगरपालिका ४ का धनराज केवट प्रहरीको फन्दामा परेका छन् । स्थानीय महिलाहरुले जन्मदर्ता सच्याउन पटक पटक आग्रह गर्दा पनि नमानेपछि प्रहरीको जिम्मा लगाएका हुन् ।

  • पानी बढेपछि कालीगण्डकीमा स्टिमर बन्द पानी बढेपछि कालीगण्डकीमा स्टिमर बन्द

    दुर्गाप्रसाद शर्मा/उज्यालो । पर्वत, असार १९ – नदीमा पानीको बहाव बढेपछि पर्वतको शालीग्राम र स्याङ्जाको मिर्मी जोड्नेगरी कालीगण्डकी ‘ए’ जलबिद्युत आयोजनाको जलासयमा सञ्चालित स्टिमर (डुंगा) सेवा बन्द भएको छ ।

western union
पछिल्ला समाचारहरु

मेरो पनि भन्नु छ

  • मलेसियाका ५२ सहित ६२ वटा कम्पनीमा नेपाली कामदार नपठाउने निर्णय धेरै राम्रो लागेको छ । मलेसियाका कम्पनीले कामदारमाथि गर्ने दुव्र्यवहार र हेलचेक्र्याईले धेरै नेपालीको ज्यान गएको छ । उनीहरुको यस्तो मनोमानीका बारेमा सरकारले बेलैमा ध्यान दिन जरुरी छ ।

    ​बालाराम बि.क.
  • उम्मेदवार छान्ने विषयमा विवाद हुँदा सिरहा कांग्रेस कार्यकर्ताबिच कुटाकुट हुँदा १० जना घाइते भएको खबरले कांग्रेस गुटैगुट भएको पार्टी हो भन्ने पुष्टि गर्छ । पार्टी सभापति शेरबहादुर देउवाको गुट, रामचन्द्र पौडेल पक्षको गुट, भ्रष्टाचार गरेर जेल बसिसकेका खुमबहादुर खड्काको गुट । हिजो अस्ति गुट मात्रै भन्थे आज त गुटको झगडा नै भएछ ।

    सौहार्द
  • निर्वाचनमा सत्ता दुरुपयोग कसरी हुन्छ भन्ने कुरा पछिल्लो पटक भरतपुर १९ को सन्दर्भमा विकसित घटनाक्रमले प्रष्ट पारेको छ ।

    ​जयकृष्ण दुलाल
सबै हेर्नुहोस

सोसल मिडिया