MENU
Ncell Axiata

समाज

  • चितुवाको छाला सहित दुईजना पक्राऊ

    रमेश गिरी/उज्यालो । भक्तपुर चैत १५ – महानगरीय प्रहरी परिसर भक्तपुर र केन्द्रीय अनुसन्धान ब्यूरोबाट आएको प्रहरी टोलीले चितुवाको छाला सहित दुई जनालाई पक्रेको छ । काभ्रेपलाञ्चोकको र्याले गाविसका ४२ वर्षका पुर्णवहादुर तितुङ्ग र र्याले गाविस घर भई भक्तपुरको सिपाडोल बस्ने २४ वर्षका ध्रुव सापकोटालाई प्रहरीले पक्रेको हो । उनीहरुलाई पुच्छर सहितको चार फिट १० ईन्च लामो एक फिट दुई ईन्च चौडाई भएको छाला सहित पक्राऊ गरिएको महानगरीय प्रहरी परिसर भक्तपुरका एसपी नारायणसिंह खड्काले जानकारी दिनुभयो । सिपाडो...

  • घरघरै मोटरबाटो

    आश गुरुङ/उज्यालो । लमजुङ, चैत १५ – पूर्वी लमजुङको भलायखर्क गाविसको ४०० घरमा मोटरबाटो पुगेको छ । स्थानीय वासिन्दाले पैसा उठाएर घरैसम्म मोटरबाटो पुर्याएका हुन् । गाउँलेहरुले बाख्रापाठा, तरकारी तथा अन्नपात बेचेर सडक निर्माणमा सहयोग गरेका सडक निर्माण समितिका अध्यक्ष वामदेव पन्थीले जानकारी दिनुभयो ।

  • गाविस सचिव गम्भीर घाइते

    अमृत बास्कुने/उज्यालो । म्याग्दी चैत १५ – घरको तीन तलामाथिबाट खस्दा म्याग्दीको देविस्थान गाविसका सचिव लेखनाथ रेग्मी गम्भीर घाइते हुनुभएको छ ।

  • लोकतन्त्र दिवशमा विदा नहुने

    काठमाडौ, चैत १५ – सरकारले आउँदो बैशाख ११ गते लोकतन्त्र दिवसको दिन विदा नदिने भएको छ । राजपत्रमा प्रकाशित सूचनामा बैशाख ११ गते सार्वजनिक विदा उल्लेख छैन । राजपत्रमा प्रकाशित नभएपछि नयाँ वर्षको पात्रो र क्यालेण्डरमा पनि बैशाख ११ गते विदा समावेश गरिएको छैन ।

  • पूर्वमा भुकम्पको धक्का

    काठमाडौ, चैत १५ – देशका पूर्वी क्षेत्रमा बिहान भूकम्पको धक्का महसुस भएको छ । बुधवार बिहान पाँच बजेर २५ मिनेमा झापा र मोरङको भारतीय सीमावर्ती क्षेत्रमा केन्द्रविन्दु रहेको पाँच दशमलब २ रेक्टर स्केलको भूकम्प गएको भूकम्प मापन केन्द्र लैनचौरले जनाएको छ ।

  • १० लाख वायोग्याँस प्लान्टको संभावना

    विनोद ढकाल/उज्यालो । काठमाडौ, चैत १५ – गाइभैंसीको गोबरबाट खाना पकाउने ग्याँस निकाल्ने प्रबिधि (वायोग्याँस) नेपालमा १० लाख वटा बन्न सक्ने विज्ञहरुले बताएका छन् । पशुपालन गर्ने साँढे १२ लाख घरमध्ये अहिलेसम्म करिब २ लाख ६४ हजारले मात्र वायोग्याँस निर्माण गरेका वायोग्याँस कार्यक्रमको प्रमुख कार्यान्वयनकर्ता वायोग्याँस क्षेत्र साझेदारी कार्यक्रम (वीएसपी) नेपालले  जनाएको छ ।

  • छिमेकीको कुटाइबाट महिलाको मृत्यु

    एलबी थापा/उज्यालो । प्यूठान, चैत १४ - प्यूठानको स्वर्गद्वारी खालकी एक महिलाको छिमेकीको कुटाइबाट ज्यान गएको छ । खाल गाविस वडा नं ३ निवासी पबी रानाको छिमेकीको कुटाइबाट ज्यान गएको जिल्ला प्रहरी कार्यालय प्यूठानले जनाएको छ । ६५ वर्षिय रानाको उपचारको क्रममा भैरहवामा मंगलवार बिहान मृत्यु भएको हो । रानालाई छिमेकी मिन बहादुर बि.क.को १४ वर्षिय छोरी सुन्तली बि.क. र वर्ष १२ की डुमी बिकले सामान्य झगडामा लछार पछार गरी निर्घात कुटपिट गरेको प्रहरीले जनाएको छ ।

  • अपहरणको नाटक गरी आफ्नै परिवारसँग फिरौती माग्ने पक्राउ

    रमेश गिरी/उज्यालो । भक्तपर, चैत १४ - आफू अपहरणमा परेको भन्दै आफ्नै परिवारसंग ६ लाख रुपैया फिरौती माग गर्ने युवकसहित उनलाई सहयोग गर्ने अरु २ जनालाई भक्तपुरको गुण्डुबाट प्रहरीले पक्राऊ गरेको छ । काभ्रे राम्चे गाविस वडा नं. २ घर भई भक्तपुरको वागेश्वरी उच्च माध्यामिक विद्यालयमा कक्षा ११ मा पढ्ने १९ वर्षका देव भनिने सुन्दर लामाले आफ्नै योजनामा आफ्ना दुई जना साथी सहित आफू अपहरणमा परेको भन्दै सोमवारदेखि परिवारसंग फिरौती रकम माग गरेका थिए ।

  • एसएलसी दिने ४ जना खेताला पक्राउ

    जुम्ला, चैत १४ - जुम्लामा अरुको सट्टामा एसएलसी दिने ४ जना खेताला परिक्षार्थीलाई पक्राउ गरिएको छ । जुम्लाको जनता मावि महतगाउ केन्द्रवाट उनीहरुलाई पक्राउ गरिएको हो । मंगलवार विहान परीक्षा चलिरहेको वेला केन्द्राध्यक्ष हरिकृष्ण महत सहितको टोलीले अनुगमन गर्दा अर्कैको परीक्षा दिईरहेको अवस्थामा फेला परेका  ४ जनालाई प्रहरीले नियन्त्रणमा लिएको प्रहरी नायव उपरिक्षक दिपेन्द्र जीसीले जानकारी दिनु भयो ।

  • ट्याक्सी चलाउँदै गर्दा बेहोस भएर मृत्यु

    काठमाडौं, चैत १४ – काठमाडौंको लाजिम्पाटमा ट्याक्सी चलाउँदै गर्दा बेहोस भएका कृष्ण महर्जनको मंगलबार बिहान उपचारका क्रममा ज्यान गएको छ । बा १ ज ३४९८ नम्वरको ट्याक्सीका चालक महर्जन लाजिम्पाटमा ट्याक्सी चलाउँदै गर्दा बेहोस हुनु भएको थियो ।

  • भारत लैजान लागिएका दुई वालिकाको गेष्टहाउसबाट उद्दार

    काठमाडौं, चैत १४ – काठमाडौंको बालाजुको गण्डकी धौलागिरी गेष्ट हाउसबाट भारतमा लैजान लागिएका दुई जना बालिकाको प्रहरीले उद्दार गरेको छ । प्रहरीले गेष्ट हाउसबाट नुवाकोट शिखरवेसीकी ११ बर्षिया संगिता नेपाली र १० बर्षिया पार्वती नेपालीको उद्धार गरेको जनाएको छ ।

  • भैँसीको स्याहार नगरेको भन्दै श्रीमतीमाथि खुकुरी प्रहार भैँसीको स्याहार नगरेको भन्दै श्रीमतीमाथि खुकुरी प्रहार

    नवदीप अजनवी/ उज्यालो । नुवाकोट, चैत १४ – भैँसीको राम्रोसँग स्याहार नगरेको भन्दै नुवाकोटमा एक पुरुषले आफ्नै श्रीमतीमाथि खुकुरी प्रहार गरि गम्भीर घाइते बनाएका छन् । रसुवाको धैबुङ–८ घर भई नुवाकोटको विदुर ४ बट्टारमा डेरा गरी बस्ने लयुल तामाङले रक्सी खाएको अवस्थामा भैँसीको स्याहार नगरेको भन्दै आफ्नै श्रीमती ४० बर्षिय कान्छीलाई मंगलबार दिउसो खुकुरी प्रहार गरेका हुन् ।

  • सार्वजनिक जग्गा व्यक्तिको नाममा दर्ता गर्न खोजिएको भन्दै बिरोध

    विद्रोही गिरी/ उज्यालो । नवलपरासी, चैत १४ – सार्वजनिक जग्गा व्यक्तिको नाममा दर्ता गर्न लागिएको भन्दै नवलपरासीको हात्तीखोरका स्थानीयबासी बिरोधमा उत्रिएका छन् । नवलपरासीको शिवमन्दिर–८ हात्तीखोर कोइलापानीको करिब एक सय ५० बिगाहा जमिन व्यत्तिको नाममा दर्ता गर्ने षडयन्त्र भइरहेको स्थानीयबासीले आरोप लगाएका छन् ।

  • नक्कली परीक्षार्थी पक्राउ

    गोविन्द शर्मा/उज्यालो । नेपालगञ्ज, चैत १४ – बाँकेको रझेनामा रहेको सगरमाथा ज्ञानपुञ्ज  परीक्षा केन्द्रमा मंगलवार एकजना नक्कली परीक्षार्थी पक्राउ परेका छन् । जनसंख्या विषयको परीक्षामा कञ्चन पौडेलको नामबाट परीक्षा दिदै गरेका नौवस्ता ८ बानियाभारका युवराज धिताल पक्राउ परेका जिल्ला शिक्षा कार्यालयले जनाएको छ ।

  • यातायात मजदुरले बन्द गराए

    कालिकोट चैत १४ – बसभित्र शव फेला परेको बारेमा अनुसन्धान गर्न प्रहरीले नियन्त्रणमा लिएका चालक ओमकार गुप्ताको रिहाईको माग गर्दै कालिकोटका यातायात मजदूरले यातायात बन्द गरेका छन् ।

  • धादिङमा ८३ हजार अझै निरक्षर

    केशव अधिकारी/उज्यालो । धादिङ, चैत १४ – सरकारले सन् २०१५ सम्ममा सबैलाई साक्षर बनाउने लक्ष्य राखेपनि धादिङमा अझै ८३ हजार १ सय ७८ जना निरक्षर पाइएका छन् । शिक्षा कार्यालयले जिल्लाका बिभिन्न विद्यालयहरु मार्फत संकलन गरेको तथ्याङक अनुसार जिल्लाको ६ लाख २३ हजार ४ सय ४७ जनसंख्या मध्ये ८३ हजार १ सय ७८ जना निरक्षर पाइएका हुन् ।

  • आफ्नै हात काटेर पैसा लुटिएको नाटक

    दुर्गाप्रसाद शर्मा/उज्यालो । पर्वत, चैत १४ – पर्वतको पकुवा गाविसमा सञ्चालित साना किसान सहकारीमा कार्यरत एक कर्मचारीले आफ्नै हात काटेर पैसा लुटिएको नाटक गरेको खुलासा भएको छ ।

  • रथ बन्न नसक्दा विस्केट जात्रा प्रभावित हुने खतरा

    रमेश गिरी/उज्यालो भक्तपुर चैत १४ – यसवर्षको विस्केट जात्रा शुरु हुन १३ दिन बाँकी हुँदा समेत भैरब र भद्रकालीको रथ बनेको छैन । रथ बन्न नसक्दा भक्तपुरमा आठ रात नौ दिनसम्म मनाईने प्रसिद्घ बिस्केट जात्रा प्रभावित हुने भन्दै स्थानीयले चिन्ता गरेका छन् ।

  • पेट्रोलियम पदार्थको मुल्य फेरि बढ्यो

    काठमाडौ, चैत १४ – नेपाल आयल निगमले पेट्रोलियम पदार्थको मूल्य बढाएको छ । मंगलवार बिहानदेखि नै लागु हुनेगरी पेट्रोल, डिजेल र मट्टितेलको मुल्यमा प्रतिलिटर ४ रुपैयाँंका दरले बढाएको निगमका प्रवक्ता मुकुन्द ढंगेलले जानकारी दिनुभयो । निगम सञ्चालक समितिको सोमबार राती बसेको बैठकले मुल्य बृद्धिको निर्णय गरेको हो ।

  • आगलागीबाट घर जल्यो

    चितवन, चैत १४ – सोमबार राती भएको आगलागीबाट पूर्वी चितवनको रत्ननगर नगरपालिका वडा नंबर ७ सिंचाई गेट बस्ने अमरबहादुर मगरको घर जलेर नष्ट भएको छ । अन्नपात, भाँडाकुँडा, लत्ताकपडा र नगदसहित करिब २ लाख बराबरको क्षति भएको जिल्ला प्रहरी कार्यालय चितवनले जानकारी दिएको छ ।

  • भारतीय सुरक्षाकर्मीद्वारा १३ वर्षअघि वेपत्ता बनाईएका थारु अझै भेटिएनन्

    नेपालगन्ज, चैत १३ - वाँकेको वैजापुर ३ कुम्भरका हरिलाल थारुलाई भारतीय सुरक्षाकर्मीले पक्राउपछि वेपत्ता वनाएको १३ वर्ष पुगेको छ । सीमापारी वघौडास्थित वेफईवजारवाट थारुलाई ०५५ साल फागुन २५ गते भारतीय सुरक्षाकर्मीले पक्राउ गरेका थिए ।  त्यसवेला ४७ वर्षिय थारुलाई भारतीय सुरक्षा निकाय एसएसवीले पक्राउपछि वेपत्ता वनाएको परिवारको भनाई छ ।

  • जिप दुर्घटनामा ६ को मृत्यु

    बझाङ, चैत १३ - बझाङमा दिउँसो भएको जिप दुर्घटनामा ६ जनाको मृत्यु भएको छ । चैनपुरबाट तमेलतर्फ गईरहेको से १ ज ३५१ नम्बरको जिप रिठापाटा भन्ने ठाउँमा दुर्घटना हुँदा अरु १२ जना गम्भिर घाईते भएका छन् । बझाङको रिठापाता गाविस ६ मा पर्ने जयपृथ्बी बहादुर सिह राजमार्गमा जीप दुर्घटना भएको हो ।

  • चिट चोर्न नपाएको भन्दै नाराजुलुस

    नेपालगन्ज, चैत १३ - परीक्षा कडा भएको र चिट चोर्न नपाएको भन्दै वाँकेको सगरमाथा ज्ञानपुन्ज मावि परीक्षा केन्द्रका परिक्षार्थी विरोधमा उत्रिएका छन् । खुल्ला तर्फका परिक्षार्थीले चिट चोर्न दिनुपर्ने माग गर्दै परीक्षा हलमा प्रवेश नगरेपछि सोमवार सामाजिक विषयको परीक्षा एकघण्टा ढिलोसुरु भएको जिल्ला शिक्षा कार्यालयले जनाएको छ ।

  • खसीको भन्दै बाख्राको मासु बेचेपछि

    विराटनगर, चैत १३ - खसीको मासु भन्दै झुक्याएर बाख्राको मासु बेच्ने विराटनगर गुद्री बजारका  एक व्यापारी पक्राउ परेका छन्  । जिल्ला अनुगमन समिति मोरङले सोमवार विहान विराटनगरका विभिन्न मासुपसलमा अनुगमन गर्दा खसीको मासु भन्दै बाख्राको मासु बेचिरहेका मोहमद सहवानलाई पक्राउ गरेको हो ।

  • अर्काको एसएलसी दिँदै गरेका बुढा पक्राउ

    आदर्श केसी/उज्यालो । रुकुम, चैत १३ - रुकुमको बाँफीकोट केन्द्रमा अर्काको एसएलसी परीक्षा दिँदै गरेका एक जना परिक्षार्थीलाई पहरीले पक्रेको छ । तेजेन्द्र कुसारीको नाममा परीक्षा दिइरहेका दलबहादुर बुढालाई पक्राउ गरिएको जिल्ला प्रहरी कार्यालय रुकुमका प्रहरी नायव उपरीक्षक किसनसिंह थापाले जानकारी दिनुभयो ।

  • डेढ सय चरा मरे, बर्डफ्लुको आशंका

    प्रेमनारायण आचार्य/उज्यालो । अर्घाखाँची चैत १३ – अर्घाखाँचीको डिभर्ना गाविसमा रहेको भैसी थलामा तीन दिनयता १ सय ५० वटा सारौ चरा मरेको छ । आकाशमा उडदै गर्दा भुईमा खसेर चरा मरेपछि स्थानीय वासिन्दाले बर्ड फ्लुको आशंका गरेका छन् ।

  • १० महिनाअघि बनभोज जाँदा वेपत्ता भएका अझै भेटिएनन् १० महिनाअघि बनभोज जाँदा वेपत्ता भएका अझै भेटिएनन्

    भीमलाल श्रेष्ठ/उज्यालो । गोरखा, चैत १३ – १० महिनाअघि साथीहरुसंग वनभोज खान जाँदा हराएका धावा गाविस चौताराका ४१ वर्षीय शंकर भट्टको अझै अत्तोपत्तो छैन । असार १० गते गाउँ नजिकैको तान्द्राङ खोलामा स्थानीय हरेराम पन्त र सुवास भट्टराईको निम्तोमा वनभोज गएका शंकरको अवस्था थाहा नहुँदा परिवार चिन्तामा परेको छ ।

  • युवती वेच्न खोज्ने पक्राउ

    गोविन्द शर्मा/उज्यालो । नेपालगञ्ज, चैत १३ – महिलालाइ ललाइफकाई वेचविखनका लागि भारत लैजादै गरेको अवस्थामा दुइ जना पक्राउ परेका छन् । दैलेख गोगनपानीका दुइ युवतीलाई ललाइफकाई रोजगारीका लागि काठमाडौं लैजाने भन्दै दिल्लीतर्फ लैजान लागेका बर्दियाका विमला विक र मानवहादुर सार्की बाँकेको कोहलपुरवाट पक्राउ परेका प्रहरीले जनाएको छ ।

  • गाइ काट्ने पक्राउ

    काठमाडौ चैत १३ – गाई काटेको अभियोगमा ललितपुरको गोदामचौरबाट दुईजना पक्राउ परेका छन् । आइतबार बेलुकी गाउँमा गाई काटिरहेको अवस्थामा स्थानीयबासिन्दाको सहयोगमा लालबहादुर तामाङ र शनिश्वर घिसिङलाई पक्राउ गरिएको ललितपुर प्रहरीले जनाएको छ ।

  • बर्ड फ्लु लाग्ला है !

    काठमाडौ चैत १३ – बर्डफ्लुको संक्रमण सर्ने खतरा रहेकाले विशेष सावधानी अपनाउन विशेषज्ञहरुले सल्लाह दिएका छन् । कुखुरा फार्ममा काम गर्ने र फार्म वरपर बस्नेलाई भाइरस सर्ने खतरा हुने भएकाले विशेष चनाखो हुनुपर्ने इपिडिमियोलोजी तथा रोग नियन्त्रण महाशाखाका निर्देशक जीडी ठाकुरले बताउनुभयो ।

  • बाग्मती किनारमा बस्नेलाई हटाइने

    काठमाडौ चैत १३ – काठमाडौको बागमती नदी किनारको जग्गा ओगटेर बसेकाहरुलाई प्रति परिवार १५ हजार रुपैंया दिएर हटाईने भएको छ । पहिलो चरणमा थापाथलीदेखि टेकुसम्म नदी किनारामा बसेका मध्ये एक सय ९० जनालाई रकम दिईनेछ ।

  • आगलागीपछि तरकारी वजारको मर्मत भएन

    काठमाडौ चैच १३ – आगलागी भएको महिना दिन हुन लाग्दा समेत कालिमाटी तरकारी बजारको मर्मतको काम हुन सकेको छैन । सरकारले हप्ता दिनभित्र मर्मत गर्ने प्रतिबद्धता जनाएपनि त्यसो हुन नसकेको व्यापारीहरुले बताएका छन् ।

  • एकैदिन पाँच जनाको हत्याः रोकिएन आपराधिक मनोवृत्ति एकैदिन पाँच जनाको हत्याः रोकिएन आपराधिक मनोवृत्ति

    माधव दुलाल/ उज्यालो । काठमाडौं, चैत १२ – देशका विभिन्न ठाउँमा पाँच जनाको हत्या भएको छ । नवलपरासीमा किरीयापुत्रीले आफ्नै जेठानको हत्या गरेका छन् । रौटहटमा दुई जानको गोली हानेर हत्या भएको छ । काठमाडौंमा आफ्नै आमाले साढे तीन वर्षीया छोरीलाई कुचोले हानेर हत्या गरेकी छिन् भने प्यूठानमा श्रमितीसितको झगडामा श्रीमानको ज्यान गएको छ । खोटाङमा सासुले खुकुरी हानेर वुहारीलाई घाइते बनाएकी छिन् । नवलपरासीको गैंडाकोट ७ का देव सुनार र उनका भाइ रोमनले त्यही ठाउँका २४ बर्षीय धनबहादुर बि.कलाई कोदालोले हिर्का...

  • सासुको खुकुरी प्रहारबाट बुहारी घाईते

    दमन राई/ उज्यालो । खोटाङ, चैत्र १२ – आफ्नै सासुको खुकुरी प्रहारबाट खोटाङमा एक महिला घाईते भएकी छन् । ७३ वर्षीय सासु सञ्चहिरा राईको खुकुरी प्रहारबाट बाम्राङ–१ का ५१ वर्षीया बुहारी शिवकुमारी राई घाईते भएकी हुन् ।

  • ट्रकको ठक्करबाट दुईजनाको घटनास्थलमै ज्यान गयो

    धादिङ, चैत १२ – पृथ्वीराजमार्ग अन्तर्गत धादिङको थाक्रे ९ गणेशखोला नजिकै ट्रकले मोटरसाइकललाई ठक्कर दिँदा मोटरसाइकलमा सवार २ जनाको घटनास्थलमै  ज्यान गएको छ ।

  • खोटाङ्ग सेवा समाज मलेसियाको पाँचौ अधिवेशन सम्पन्न

    क्वालालम्पुर, चैत १२ – मलेशियामामा रहेका नेपालीको पुरानो सस्ंथा खोटाङ्ग सेवा समाजको पाँचौ अधिवेशन सम्पन्न भएको छ । मलेसियाको राजधानी क्वालालम्पुरमा सम्पन्न अधिवेशनमा मलेसियामा रहेर पत्रकारिता गरिरहेका नेपाली पत्रकार सम्मानित भएका छन् ।

  • ट्रयाक्टर दुर्घटनामा बालकको मृत्यु

    मकवानपुर, चैत १२ - मकवानपुरको सुकौँरा गाबिस जडा नंम्बर ४ देविटार ट्रयाक्टर दुर्घटना हुदा एक बालकको घटना स्थलमै ज्यान गएको छ भने अरु २ जना गम्भीर घाइते भएका छन । सुकौँरामा रहेको ढुङगा खानीतर्फ जादैँ गरेको ना ३ त ७०२१ नम्बर ट्रयाक्टर सडकबाट ३० फिट तल खस्दा सुकौँरा ४ बस्ने ९ बर्षिय सोम बहादुर वाइबाको घटना स्थलमा नै ज्यान गएको हो ।

  • डाक्टरको लापरबाहीले ज्यान गएको भन्दै पश्चिमाञ्चल क्षेत्रीय अस्पतालमा प्रदर्शन

    पोखरा, चैत १२ – पश्चिमाञ्चल क्षेत्रीय अस्पताल पोखरामा चिकित्सकको लापरबाहीका कारण विरामीको ज्यान गएको भन्दै मृतकका आफन्तले विरोध प्रदर्शन गरेका छन् । स्याङजा फापरथुम ५ पातीखोलाकी गँगा ढकालको चिकित्सकको लापरबाहीका कारण ज्यान भएको भन्दै आफन्तले पश्चिमाञ्चल क्षेत्रीय अस्पतालमा विरोध प्रदर्शन गरेका हुन् ।

  • किरिया बसेका ज्वाईँले जेठान मारे

    विद्रोही गिरी/उज्यालो । नवलपरासी, चैत १२ - किरिया बस्ने निहुँमा झगडा हुदा नवलपरासीको गैंडाकोटका २ युवाले आफ्नै जेठानको हत्या गरेका छन् ।  नवलपरासी गैंडाकोट ७ गैरीका २२ बर्षीय देव सुनार र उनका १६ बर्षीय भाइ रोमन सुनारले स्थानीय २४ बर्षीय धनबहादुर बिकलाई कोदालोले हानेर हत्या गरेको ईलाका प्रहरी कार्यालय गैंडाकोटले जनाएको छ ।     हत्या गरिएका धनबहादुर बि.क देव सुनारका जेठान हुन् ।

  • ललितपुरमा फेरी बर्ड फ्लु ललितपुरमा फेरी बर्ड फ्लु

    ललितपुर, चैत १२ - ललितपुरको भैसेपाटीमा फेरि वर्ड फ्लु भेटिएको छ । भैसेपाटीमा कमल घिमिरेको ब्रोइलर कुखुरा फर्मका कुखुरामा बर्डफ्लु भएको पुष्टि भएपछि कुखुरा नष्ट गरिएको जिल्ला पशु सेवा कार्यालय ललितपुरले जनाएको छ । घिमिरेको फर्मका २ हजार ५ सय ७४ वटा कुखुरा र ४ सय ५० किलो दाना नष्ट पारिएको पशु कार्यालयका प्रमुख डाक्टर मुगल शाहले जानकारी दिनुभयो ।

पछिल्ला समाचारहरु

मेरो पनि भन्नु छ

  • सरकारले मेचीदेखि महाकालीसम्म रेल चलाउने भन्थ्यो । कहिले बन्छ रेल्वे अनि कहिले गुड्छ रेल ?

    ​प्रिती चौधरी
  • श्रीमान श्रीमतीबिचको झगडामा चासो देखाउने मानव अधिकारवादी संस्था ११ वर्षे बालिका बलात्कृत भएर गर्भवती हुँदा समाजबाट बहिस्कृत भइ घरबाट निकालिँदा पनि किन बेखबर छ ? त्यसैले यस्ता संस्थाले तत्काल पहल गरुन् ।

    ​गोपाल अधिकारी
  • हाम्रो देशमा वर्षमा हजारौं इन्जिनियरहरु उत्पादन हुन्छन्, तैपनि देशको राजधानीकै बाटोको अवस्था नाजुक छ । यो दोष कसलाई दिने सरकार कि विश्वविद्यालयलाई ?

    ​सरिता भण्डारी
सबै हेर्नुहोस

सोसल मिडिया