MENU
Ncell Axiata
NIC Asia

समाज

  • अन्तरजातीय विवाहको १४ वर्षपछि अंश

    गुल्मी, पुस २ - विवाहको १४ वर्षसम्म एक्लै बस्दै आएकी  गुल्मी लिम्घाकी एक दलित महिलाले अन्तरजातीय विवाहको १४ वर्षपछि अंश पाएकी छन् । लिम्घा गाविस वडा नं १ खोरडाँडा निवासी वसन्ती सुनारले आफ्ना ससुरा नरबहादुर खप्तरीबाट अंश पाएकी हुन् ।  उहाँको १४ वर्षअघि स्थानीय दीपक खप्तरीसँग प्रेम विवाह भएको थियो ।

  • युवतीमाथि बलात्कार

    वीरगन्ज, पुस २ - पर्सा मिर्जापुर गाविसका एक युवती बलात्कृत भएकी छिन् । मिर्जापुर गाविस–२ झलमहियाका ३५ वर्षीय कैलाश यादव र विलास यादवले आइतवार राति सोही गाविसकी एक १६ वर्षीय युवतीलाई बलात्कार गरेको स्थानीयबासिन्दाले बताएका छन् । शौच गर्न घरबाहिर गएको अवस्थामा एक्लै देखेर ती दुवैजनाले उनलाई सामूहिक बलात्कार गरेको आरोप युवतीका आफन्तले लगाएका छन् ।

  • 'ध्रुवे'लाई मार्न दवाव दिँदै निकुञ्जको मुख्यालय घेराउ

    चितवन, पुस २ - माडीको गर्दीमा हात्तीको आक्रमणबाट ज्यान गुमाएका ब्यक्तिका परिवारलाई १० लाख रुपैयाँ दिनु पर्ने र आक्रमण गर्ने हात्ती 'ध्रुवे'लाई मार्नु पर्ने भन्दै  स्थानीयवासिन्दाले निकुञ्जको मुख्यालय घेराउ गरेका छन् । धनजनको क्षति गराउने हात्तीलाई तत्काल मार्नु पर्ने, भरतपुरबाट माडी जाने सडक २५ मिटर चौडा बनाउने पर्ने मागसहित उनीहरुले आन्दोलनको कार्यक्रम अगाडी बढाएको स्थानीय अशोक पौडेलले जानकारी दिनुभयो ।

  • वेबसाइटमार्फत चोरीका मोटरसाइकल बेच्ने १ पक्राउ

    काठमाडौं, पुस २ - मोटरसाइकल चोरी गरेर बेच्ने गिरोहका एक जनालाई प्रहरीले पक्रेको छ । हाम्रो बजार डट कम वेबसाइटमार्फत बाइक हराएमा सम्पर्क राख्न अनुरोध गरेर चोरीका मोटरसाइकल बेच्ने गिरोहका एकजनालाई प्रहरीले पक्रेको हो ।

  • प्यूठानमा पनि ‘मापसे’ जाँच

    प्यूठान, पुस २ – प्यूठानमा पनि मादक पदार्थ सेवन (मापसे) गरी सवारी साधन चलाउनेलाई कारबाही गर्न थालिएको छ । जिल्लामा पहिलो पटक ब्रेथलाइजर मेसिन ल्याएर चालकले जाँडरक्सी खाए/नखाएको जाँच गर्न थालिएको र खाएको पाइएमा कारबाही गरिने प्रहरी प्रमुख डम्बरबहादुर बिकले बताउनुभयो ।

  • हात्तीको आक्रमणमा मारिएकाको शब उठेन

    चितवन, पुस २ – आक्रमण गर्ने हात्ती मार्नुपर्ने भन्दै हात्तीको आक्रमणबाट आइतबार ज्यान गुमाएका चितवन माडीका दुईजनाको शब अझै उठाइएको छैन । मृतकका आफन्त र स्थानीयबासीले हात्ती मार्नुपर्ने माग गर्दै शब नउठाएका हुन् ।

  • ट्याक्टर दुर्घटनामा चालकको ज्यान गयो

    हेटौडा, पुस २ – मकवानपुरको मनहरी २ कत्लेखोलामा सोमबार बिहान ट्याक्टर दुर्घटना हुँदा चालकको ज्यान गएको छ । अनियन्त्रित भई पल्टँदा ट्याक्टरका चालक बिरगन्ज १० का १९ बर्षिय पुरुषोत्तम प्रसाद गुप्ताको घटनास्थलमानै ज्यान गएको प्रहरीले जनाएको छ ।

  • लागु औषध ओसार पसार गर्ने ३ जना पक्राउ

    रौतहट, पुस २ – रौतहटमा लागुऔषध ओसार पसारमा संलग्न तीन जना पक्राउ परेका छन् । आइतबार राती गौर नगरपालिकाको बरहवा पुल नजिकैबाट प्रहरीले दश थान कारेक्स र ३ सय थान डायजापाम, २० थान बेनाड्रिल सहित तीन जनालाई पक्रेको हो ।

  • बस ठोक्किँदा २ जनाको ज्यान गयो

    विद्रोही गिरी/उज्यालो नवलपरासी, पुस २ – पूर्वपश्चिम राजमार्ग अन्तर्गत नवलपरासीको डन्डा जंगलमा सोमबार बिहान दुईवटा बस एकआपसमा ठोक्किँदा दुईजनाको ज्यान गएको छ । १४ जना गम्भीर घाईते भएका छन् । ना ३ ख ५२२७ र  लु १ ख ४९७४ नम्बरको बस ठोक्किँदा रुपन्देही सिद्धार्थनगरका उजेल भुषालको ज्यान गएको हो ।

  • पढाई छोडेर स्कुले वालवालिका इँटाभट्टामा ब्यस्त

    रमेश गिरी/उज्यालो भक्तपुर, पुस २ – कापीकलम बोकेर स्कूल जानुपर्ने कलिला वालवालिका हिजोआज भक्तपुरका बिभिन्न इँटाभट्टामा काम गरिरहेका भेटिन्छन् । मंसिरदेखि भक्तपुरका इँटाभट्टामा इँटा बनाउने काम सुरु भएपछि काम खोज्दै परिवार र गाउँका मानिसहरुसंग बिभिन्न जिल्लाका गरिब परिवारका वालवालिका पनि आएका छन् ।

  • आज विवाह पञ्चमी आज विवाह पञ्चमी

    काठमाडौ, पुस २ – आज मंसिर शुक्लपक्षको विवाह पञ्चमी तिथि, राम र जानकीको स्वयंवर भएको विश्वासमा विवाह पञ्चमी मनाईंदैछ । जनकपुरको रामजानकी लगायत अरु राम मन्दिरहरुमा बिहानैदेखि मेला लागेको छ ।

  • कतारमा हत्या गरिएकाको परिवारलाई सहयोग

    दमन राई/उज्यालो खोटाङ, पुस २– पाँच महिनाअघि कतारमा हत्या गरिएका खोटाङ छितापोखरी–४ ढुसेनीका तीर्थ खड्काको परिवारलाई कुबेत–खोटाङ सम्पर्क मञ्चले ५० हजार ५ सय रुपैयाँ आर्थिक सहयोग गरेको छ । सहयोग रकम मञ्चका प्रचार बिभाग प्रमुख युवराज राईले मृतकका श्रीमति सुमित्रा खड्कालाई गाउँमै पुगेर हस्तान्तरण गर्नुभएको हो ।

  • मलेसियामा प्रवासी श्रमिक मञ्चको सम्मेलन मलेसियामा प्रवासी श्रमिक मञ्चको सम्मेलन

    भूमिराज पराजुली उज्यालो । क्वालालम्पुर, पुस १ प्रगतीशिल प्रवासी श्रमिक मञ्च मलेशियाको पाँचौ राष्ट्रिय सम्मेलन मलेशियाको राजधानी क्वालालम्पुरमा सम्पन्न भएको छ । कार्यक्रममा श्रम मन्त्री पोष्टबहादुर बोगटीलाई प्रमुख अतिथीको रुपमा निमन्त्रणा गरिएको भए पनि उहाँका सट्टा एकीकृत नेकपा माओवादीका नेता जनार्दन शर्माको उपस्थित हुनु भएको थियो ।

  • न्याय खोज्दै सदरमुकाम पुगेकी महिलाद्वारा आत्महत्या

    नेत्र शाही/उज्यालो | जुम्ला, पुस १ - घरेलुहिंसामा परेर न्यायको खोजी गर्दै जुम्ला सदरमुकाम पुगेकी जुम्लाको बड्की गाविस २ का बुनाया रोकायाले आत्महत्या गरेकी छन् । घरेलु हिंसा तथा यौनजन्य दुब्र्यवहारबाट पीडित महिलाका लागि बनाइएको महिला सेवा केन्द्रकै कोठामा झुण्डिएर रोकायाले आत्महत्या गरेकी हुन् ।

  • नुवाकोटमा भयो गोरु सम्मेलन

    नवदीप अजनवी/उज्यालो । नुवाकोट, पुस १ - मानिसको सम्मेलन त दिनदिनै सुनिन्छ । तर नुवाकोटको तारुकामा माघेसक्रान्तिमा जुधाउने गोरुको सम्मेलन गरिएको छ । आउदो माघे सक्रान्तिमा तारुकामा र काठमाडौमा माघ १९ र २० गते गर्न लागिएको गोरु जुधाई प्रतियोगिताको लागि  छनौट गर्न भन्दै गोरुधनी किसानहरुले आआफ्ना गोरु ल्याएर तारुका गाविसको चन्दनीमा आइतवार गोरु सम्मेलन गरेका हुन् ।

  • लागु औषधसहित दुईजना पक्राउ

    सिरहा, पुस १ - लागु औषधसहित सिरहाको भगवानपुरबाट प्रहरीले आइतबार दुईजनालाई पक्राउ गरेको छ । उदयपुरको त्रियुगा नगरपालिका – २ का १७ वर्षिय महेश महतो र रिक्सा चालक भारत मधुवनी जिल्ला लौकहा–१० का २१ ब्र्षिय दिलिप पासमानलाई प्रहरीले पक्राउ गरेको हो ।

  • बालिका बलत्कार गर्नेलाई १० वर्ष कैद

    मकवानपुर, पुस १ - बाह्र बर्षिया बालिकालाई बलत्कार गरेको अभियोगमा जिल्ला अदालत मकवानपुरले आइतवार एक जनालाई १० बर्ष कैद सजायँ सुनाएको छ । जिल्ला अदालत मकवानपुरका न्यायधिस टेकनारायण कुबरको ईजलासले  पीडित बालिकालाई २ लाख ५० हजार रुपैया पीडकबाट भराउने फैसला पनि गरेको छ ।

  • बालुवा खानी अनुगमन, दुईवटा खानी बन्द

    भक्तपुर, पुस १ - भक्तपुरका अबैध बालुवा खानी संचालकलाई कारबाहीको दायरामा ल्याउन जिल्ला प्रशासन कार्यालय भक्तपुरले यस्ता खानीको अनुगमन सुरु गरेको छ । दुवाकोटमा अबैध रुपमा संचालित एक बालुवा खानीमा गतहप्ता पुरिएर दुईजना मजदुरको ज्यान गएपछि प्रशासनले यस्ता खानीको अनुगमन सुरु गरेको हो ।

  • विद्यालयमै ११ छात्रा बेहोस

    नुवाकोट, पुस १ - नुवाकोटको एक विद्यालयमा छात्राहरु बेहोस हुने समस्या देखा परेको छ । विदुर नपा–७ पिपलटारस्थित चन्द्रज्योती माविका कक्षा ९ र १० मा अध्ययनरत छात्राहरु आज विद्यालयमा बेहोस भएका हुन् । ११ जना छात्राहरु बेहोस भए पछि विद्यालयमा आतंक फैलिएको छ ।

  • रेडियो पत्रकारको पक्राउप्रति पत्रकार महासंघको आपत्ति

    काठमाडौं, पुस १ - नेपाल पत्रकार महासंघले मुगु शाखाका उपाध्यक्ष एवं रेडियो मुगुका स्टेसन इन्चार्ज सुमन मल्ललाई जिल्ला प्रशासनको आदेशमा प्रहरीले पक्राउ गरी ५ घण्टा नियन्त्रणमा लिई छाडिएको घटनाप्रति ध्यानाकर्षण भएको जनाएको छ । रेडियोबाट प्रशारित भएको समाचारको विषयलाई लिएर मल्ललाई पक्राउ गरिएको भन्दै महासंघले विज्ञप्ति निकालेर त्यसको विरोध गरेको हो ।

  • पत्नीको हत्या गरी फरार

    भद्रपुर, पुस १ - झापाको सतासीधाम गाविस - १ बस्ने मानबहादुर नेपालीले शनिवार राति आफ्नै पत्नीलाई कुटपिट गरेर हत्या गरेका छन् ।   मानबहादुरकी पत्नी ५५ वर्षीया सुकलक्ष्मीको घटनास्थलमै ज्यान गएको इलाका प्रहरी कार्यालय झिलझिलेले जनाएको छ ।

  • रक्सी नखानु भन्ने श्रीमतीको जिऊमा तातोपानी रक्सी नखानु भन्ने श्रीमतीको जिऊमा तातोपानी

    निमेन्द्र शाही/उज्यालो । बाजुरा, पुस १ - बाजुरा सदरमुकाम मार्तडी गाविस ५ बाउली गाउँकी २५ वर्षिया पार्वती कुँवरलाई उहाँकै श्रीमान छिरिङ कुँवरले तातोपानी खन्याएका छन् । श्रीमानलाई ‘रक्सी नखानुस्’ भनेर सम्झाउन खोज्दा उल्टै चुल्होमा उम्लदै गरेको तातोपानी खन्याएको पार्वतीले बताउनुभयो ।

  • वेवारिसे अवस्थामा भेटियो ३ किलो सुन

    सिन्धुपाल्चोक, पुस १ - सिन्धुपाल्चोकमा पर्ने नेपाल चीन सिमाको तानोपानी भन्सार नाकामा तीन किलो सुन वेवारिसे अवस्थामा फेला परेको छ । भन्सार नाका परिषरमा वेवारिसे अवस्थामा शसस्त्र प्रहरीको गस्ती टोलीले बिहान तीन किलो सुन फेला पारेको हो ।

  • मुगुमा पुग्यो मोटर

    मुगु, पुष १ – मुगु सदरमुकाम गमगढीमा पहिलो पटक गाडी पुगेको छ । प्रधानमन्त्री डाक्टर बाबुराम भट्टराईले नाग्मसिंजा गमगढी राजमार्गको बिहान उदघाटन गर्नूभयो । कर्णाली राजमार्गको सहायक राजमार्गको रुपमा नाग्म सिंजा राजमार्ग हुँदै गमगढीमा गाडी पुगेको हो ।

  • जाजरकोटमा झण्डै ८ सय शिक्षक अपुग

    जाजरकोट, पुष १ – जाजरकोटमा झण्डै ८ सय शिक्षक अपुग रहेको एक तथ्यांकले देखाएको छ । विद्यार्थी संख्याको अनुपातमा ७ सय ४८ शिक्षक अपुग रहेको जिल्ला शिक्षा कार्यालयको तथ्यांकमा उल्लेख छ ।

  • भक्तपुरको दुवाकोट गाविस भवनमा चोरी

    रमेश गिरी/ उज्यालो । भक्तपुर, पुष १ –  भक्तपुरको दुवाकोट गाविस भवनमा शनिबार राती चोरी भएको छ । भवनको ताल्चा फोरेर तीन थान कम्युटर, तीन थान सिपियू, एक थान प्रिन्टर चोरी भएका महानगरीय प्रहरी बृत्त थिमिका प्रहरी निरिक्षक यादव ढकालले जानकारी दिनुभयो ।

  • शल्यक्रियापछि सुत्केरीको मृत्युः छानबिन प्रतिवेदन बुझाइँदै

    काठमाडौं, पुष १ – काठमाडौंको प्रसूती गृह थापाथलीमा एक सुत्केरी महिलाको शल्यक्रियापछि ज्यान गएपछि छानबिनका लागि गठित समितिले आज त्यसबारे प्रतिवेदन बुझाउँदैछ । अस्पतालको लापर्बाहीका कारण ज्यान गएको भन्दै सुत्केरीका आफन्त तथा परिवारले विरोध गरेपछि घटनाको छानबिनका लागि प्रमुख जिल्ला अधिकारी सहित बसेको बैठकले शुक्रबार छानबिनका लागि समिति गठन गरेको थियो ।

  • केएफसीले अवैध मासु ल्याउने गरेको खुलेपछि क्वारेन्टाइन चेकपोष्टमा कडाई

    काठमाडौं, पुष १ – अन्तर्राष्ट्रिय चेन रेष्टुरेन्ट केएफसीले अवैध रुपमा भारतबाट कुखुराको मासु ल्याउने गरेको तथ्य खुलेपछि क्वारेन्टाईन चेकपोष्टमा कडाई गरिएको छ । जेकजाँचलाई कडाई गर्न सम्बन्धित कार्यालयलाई हिजै निर्देशन दिइसकेको केन्द्रीय पशु क्वारेन्टाईन कार्यालयले जनाएको छ ।

  • आउँदो हप्तादेखि काठमाडौंमा सरसफाई अभियान

    काठमाडौं, पुष १ – काठमाडौं महानगरपालिकाले आउँदो हप्तादेखि सरसफाई अभियान सुरु गर्ने भएको छ । पहिलो चरणमा माईतीघर, जमल, दरबारमार्ग र त्रिपुरेश्वरसम्म सरसफाई गरिने महानगरपालिकाका कार्यकारी अधिकृत केदारबहादुर अधिकारीले उज्यालो अनलाइनलाई जानकारी दिनुभयो ।

  • जंगली हात्तीको आक्रमणबाट एकै परिवारका २ जनाको मृत्यु

    चितवन, पुष १ – चितवनको माडीमा शनिबार राति जंगली हात्तीको आक्रमणबाट एकै परिवारका २ जनाको ज्यान गएको छ । माडीको गर्दी ९ द्रोपदीनगरका ६५ बर्षीय बुद्धिराम बोट र उहाँकी श्रीमती जरिया बोटको ज्यान गएको हो ।

  • ठाउँपिच्छे बिहे गर्दै हिँड्ने प्रहरी जवानमाथि कारबाहीको माग

    रुकुम, मंसिर ३० – ठाउँपिच्छे बिहे गर्दै हिड्ने एक प्रहरी जवानलाई कारबाही गर्न रुकुमका महिलाले माग गरेको छ । बर्दिया स्थायी घर भै ईलाका प्रहरी कार्यालय लुहाम सल्यानमा कार्यरत प्रहरी जवान सचेतन लामिछानेलाई कारबाही गर्न अन्तरपार्टी महिला सञ्जाल रुकुमले माग गरेको हो ।

  • भारतबाट ल्याइएको ५१ क्वीन्टल कुखुराको मासु नष्ट

    धादिङ, मंसिर ३० – अवैध रुपमा भारतबाट कुखुराको मासु ढुवानी गरेको आरोप लगाउंदै धादिङ धार्केका किसानले दुई कन्टेनर कुखुरा नियन्त्रणमा लिएर नष्ट गरिदिएका छन् । प्रहरीको नियन्त्रणमा रहेका कुखुरा स्थानीयवासीले जवरजस्ती नष्ट गर्ने क्रममा प्रहरी र स्थानीयवासीबीच केहिबेर झडप हुँदा दुई जना घाइते भएका छन् ।

  • सशस्त्रको विवादित रासन ठेक्का स्वीकृतिको चरणमा रहेको खुलासा

    दमन राई/ उज्यालो । खोटाङ, मंसिर ३० – खोटाङको सशस्त्र प्रहरी बल हलेसी गुल्मको विवादित रासन ठेक्का स्वीकृतिको क्रममा रहेको खुलासा भएको छ । मिलेमतोमा ठेक्का पारिएको उजुरीपछि सशस्त्र हेडक्वाटर, पूर्वी कमाण्ड तथा स्थानीय प्रशासनले छानविन गरेपनि ठेक्काको प्रक्रिया मिलेको छानबीन प्रतिवेदनमा उल्लेख भएपछि ठेक्का स्वीकृतिको चरणमा रहेको खुलासा भएको हो ।

  • बोल्न नसक्ने दम्पत्तिद्वारा आत्महत्या

    भक्तपुर, मंसिर ३० - भक्तपुरको दुवाकोट गाविस वडा नं. १ तल्लो हाईटमा बोल्न नसक्ने एक बहिरा दम्पत्तीले आत्महत्या गरेका छन् । दुवाकोटकी सरिता कार्कीको घरमा भाडामा बस्दै आएका बोल्न नसक्ने दोलखा लाकुरीडाँडा वडा नं. ४ का वर्ष २६ का सुवास केसी र उनकी श्रीमती काभ्रे देवभूमी वालुवा वडा नं. २ की वर्ष २६ कै रमा केसीको शब उनीहरुकै कोठामा भेटिएको छ ।

  • दुई ट्याक्टर प्रतिबन्धित काठ सहित ७ जना पक्राउ

    भरत ईङ्नाम उज्यालो । तेह्रथुम, मंसिर ३० – तेह्रथुमको जल्जलेबाट सदरमुकाम म्याङ्लुङ ल्याउँदै गरेको दुई ट्याक्टर प्रतिबन्धित सखुवाको चिरान काठ सहित प्रहरीले ७ जनालाई पक्राउ गरेको छ । प्रहरीले को १ त ९६६५ नम्वरको ट्याक्टरबाट ७८ क्यूफिट सखुवाको चिरान काठ र को २ त २ नम्बरको ट्याक्टरबाट २७ क्युफिट जामुनाको काठ हलिमेलाबाट पक्राउ गरेको हो ।

  • केएफसीका लागि भारतबाट ल्याइएको मासु किसानको नियन्त्रणमा केएफसीका लागि भारतबाट ल्याइएको मासु किसानको नियन्त्रणमा

    धादिङ, मंसिर ३० – काठमाण्डौंमा सञ्चालनमा रहेको केएफसी रेस्टुरेन्टका लागि ल्याइएको दुई कन्टेनर कुखुराको मासु धादिङ धार्केका किसानले नियन्त्रणमा लिइ प्रहरीको जिम्मा लगाएका छन् । अवैध ढंगवाट ढुवानी गरेको आरोप लगाउंदै किसानले मासु बोकेका ट्रक नियन्त्रणमा लिएका हुन् ।

  • प्रहरीमा भर्ती गराउने भन्दै पैसा असुल्ने प्रहरी जवान कारबाहीमा

    भवानी भट्ट/ उज्यालो । महेन्द्रनगर, मंसिर ३० – प्रहरीमा भर्ती गराउन भनेर पैसा असुल्दै हिड्ने एक जना प्रहरी जवानलाई जिल्ला प्रहरी कार्यालय कञ्चनपुरले कार्वाही गरेको छ । प्रहरी चौकी झिलमिलामा दरबन्दी भई ईलाका प्रहरी कार्यालय त्रिभुवनबस्तीमा कार्यरत प्रहरी जवान दानसिंह ठगुन्नालाई कार्वाही गरिएको हो ।

  • गाँजा सहित ३ जना पक्राउ

    विरगञ्ज, मंसिर ३० – प्रहरीले पर्साको मिर्जापुरबाट शनिबार बिहाने लागुपदार्थ गाँजा सहित तीन जनालाइ पक्राउ गरेको छ । प्रहरी टोलीले मिर्जापुर गाविस १ मा खोला नजिकैबाट २७ किलोग्राम गाँजासहित पर्सा धोबिनी गाविस २ का ३५ वर्षिय गणेश साह, ४० वर्षिय मोहन साह र ५५ वर्षिय दली मियाँलाई पक्रेको हो ।

  • रुकुमका गाउँमा विष्फोटक पदार्थबारे चेतनामुलक कार्यक्रम

    आदर्श केसी/उज्यालो रुकुम, मंसिर ३० – सशस्त्र द्वन्द्वको समयमा बेवारिसे अवस्थामा छाडिएका बिष्फोटक पदार्थको संभावित खतराबाट बच्न नेपाली सेनाले ग्रामीण क्षेत्रमा जनचेतनामुलक कार्यक्रम गरेको छ । द्वन्द्वको समयमा रुकुममा राज्य र विद्रोही पक्षबाट गाडिएका माइन तथा बिष्फोटक पदार्थहरु बेलाबेला भेटिने गरेकाले सेनाले त्यसबाट बच्न चेतनामुलक कार्यक्रम गरेको हो ।

  • प्रहरीमा जागिर लगाइदिने भन्दै ठगी गर्ने पक्राउ

    बर्दिया, मंसिर  ३० – प्रहरीमा जागिर लगाईदिने भन्दै पैसा ठगी गरेको अभियोगमा बर्दियामा एक जना पक्राउ परेका छन् । गतवर्ष भर्ना खुलेको बेला प्रहरीमा जागिर लगाइदिने भन्दै दुई जनाबाट २ लाख ८३ हजार रुपैयाँ लिने बर्दिया पशुपतिनगर ९ का ४७ वर्षिय मदनसिंह नेगीलाई जिल्ला प्रहरी कार्यालय बर्दियाले पक्राउ गरेको हो ।

Skill Training

मेरो पनि भन्नु छ

  • वर्षेनी करोडौं रकम फ्रिज भएर जान्छ । तर बर्खामा बाढीपहिरो र हिउँदमा शितलहरले सयौंको ज्यान लिन्छ । बेलाबेलामा राहतको घोषणा गरेर नागरिकको आँखामा छारो हाल्नुको साटो विपत पीडितका लागि सरकारले एउटा स्थायी कोष खडा गर्न किन नसकेको होला ।

    ​सन्तोष पराजुली
  • डाक्टर केसीले व्यक्तिगत आरोप लगाउनु गलत थियो होला तर उहाँले उठाएका मुद्दा शतप्रतिशत सहि छन् । असोजयताका फैसला हेर्दा धेरै भष्ट्राचारी उम्किएका छन् ।

    ​केसी अनिल
  • काठमाडौंको ट्राफिक जाम, धुँवाधुलो, अस्तब्यस्त फुटपाथको राम्रोसँग व्यवस्था होस । अब बन्ने नयाँ सरकारले सडकका ट्राफिक लाइट नयाँ हालेर छरपस्ट रहेका तार मिलाएर सडकमा थुपारिएको फोहोर, जताततै टाँगिएका विज्ञापनका पोस्टरहरु हटाए मात्रै काठमाडौँलाई देशको राजधानी भन्न सुहाउँछ ।

    ​कपिल ज्ञवाली
सबै हेर्नुहोस

सोसल मिडिया