MENU
Ncell Axiata

समाज

  • बबरमहल वम पीडितद्वारा धादिङमा सडक बन्द

    धादिङ, बैशाख २३ – पृथ्वीराजमार्ग अन्तर्गत धादिङका बिभिन्न ठाउँमा शनिवार बिहानैदेखि सडक अवरुद्ध छ । बबरमहल बम विष्फोटमा ज्यान गुमाएकाका परिवारले राहतको माग गर्दै सडक अवरोध गरेका हुन् ।

  • जातीय सद्भाव नविगार्न थारु अगुवाको आग्रह

    नेपालगन्ज, बैशाख २२ – थारु अगुवाहरुले सामाजिक सद्भाव विथोल्ने कुनैपनि कार्य नगर्न आग्रह गरेका छन् । संयुक्त थारु लोकतान्त्रिक मोर्चाले शुक्रवार नेपालगन्जमा पत्रकार सम्मेलन गरि थारु अगुवाले अखण्ड सुदुरपश्चिमको नाममा सामाजिक सद्भाव विथोल्न खोजिएको आरोप लगाएका छन् ।

  • हत्याका आरोपी छोड्न प्रहरी निरिक्षकले घुस लिएको खुलासा हत्याका आरोपी छोड्न प्रहरी निरिक्षकले घुस लिएको खुलासा

    जयनारायण यादव/ उज्यालो । बारा, बैशाख २२ – बारामा कार्यरत रहँदा एक जना प्रहरी निरिक्षकले हत्याका आरोपीलाई छोडन साढे आठ लाख रुपैयाँ घुस लिएको खुलासा भएको छ । प्रहरी निरिक्षक मदन गिरीले हत्याका आरोपी बारा फेटा ६ का रिजमानुल्लाह देवानसँग गएको जेठमा पटक पटक गरि साढे आठ लाख रुपैयाँ घुस लिएको खुलासा भएको हो । हत्याको आरोपमा पक्राउ परेका देवानलाइ मुद्दा नचलाइ छोड्नका लागि प्रहरी निरिक्षक गिरिले रकम लिए पनि देवानलाइ अदालतले पुर्पक्षका लागि थुनामा पठाएपछि घुस रकम लिएको तथ्य सार्वजनीक भएको हो । देवा...

  • कृषि विकास कार्यालय महोत्तरीका प्रमुखको सडक दुर्घटनामा निधन

    महोत्तरी, बैशाख २२ – जिल्ला कृषि विकास कार्यालय महोत्तरीका प्रमुख श्याम सुन्दरलाल कर्णको सडक दुर्घटनामा निधन छ । सदरमुकाम जलेश्वरमा ट्रिपरको ठक्करबाट गम्भीर घाइते भएका कर्णको उपचारका क्रममा दिउँसो साढे ४ बजे नर्भिक अस्पताल काठमाडौंमा ज्यान गएको हो ।

  • आगलागीमा ३ वालवालिकाको मृत्यु आगलागीमा ३ वालवालिकाको मृत्यु

    रुकुम, बैशाख २२ – रुकुममा भएको आगलागीमा परि ३ जना बालबालिकाको ज्यान गएको छ । जिल्लाको विजेश्वरी गाविसको चौरजहारीमा रहेको एउटा कुखुरा फर्ममा आगो सल्किदा फर्मभित्र खेलिरहेका ३ जना बालबालिकाको ज्यान गएको प्रहरीले जनाएको छ ।

  • आगलागीमा ४ वटा घर जले, ४० लाख बराबारको क्षति आगलागीमा ४ वटा घर जले, ४० लाख बराबारको क्षति

    धनकुटा, बैशाख २२ – धनकुटाको बेलहरा गाविसको वडा  ९ मुलघाटमा शुक्रबार भएको आगलागीमा ४ परिवारको घर गोठ जलेको छ । आगलागिमा परेर दाताराम वस्ती, कमल श्रेष्ठ, नर्मदा वस्ती र कृष्णबहादुर वस्तीको घर जलेको सशस्त्र प्रहरी बल मुलघाट बेसक्यामका प्रहरी निरीक्षक ओरेन तामाङले बताउनुभयो ।

  • पेस्तोलले हिर्काउँदा व्यापारी घाइते

    काभ्रे, बैशाख २२ – काभ्रेको पाँचखालमा स्थानीय व्यापारीसँग पैसा उठाउन गएका दुई जनाले पेस्तोले हिर्काउँदा व्यापारी घाइते भएका छन् । स्थानीय व्यापारी सुधिर सापकोटासँग पैसा उठाउन गएका राकेश कामी र उत्तम लामाले सापकोटालाई पेस्तोलको बिँडले टाउँकोमा हानेका छन् ।

  • महिलाले ताने रातो मच्छिन्द्रनाथको रथ महिलाले ताने रातो मच्छिन्द्रनाथको रथ

    ललितपुर, बैशाख २२ – रातो मच्छिन्द्रनाथको रथयात्रा अन्तर्गत शुक्रबार लगनखेलको थट्टिटोलमा महिलाले रथ तानेका छन् । रथ तान्ने काममा पुरुष मात्रै संलग्न हुँदै आएपनि परम्परा जोगाउँदै महिलाले रथ तानेका हुन् ।

  • स्कुल बसको ठक्करले एकजनाको मृत्यू

    काठमाडौ, बैशाख २२ – काठमाडौको बुढानिलकण्ठमा शुक्रवार बिहान स्कूल बसको ठक्करबाट एकजनाको ज्यान गएको छ । चारजना घाइते भएका छन् । दुर्घटनामा बुढानिलकण्ठ बस्ने ३२ वर्षिया रिता रम्तेलको ज्यान गएको ट्राफिक प्रहरी महाशाखाले जनाएको छ ।

  • काठमाडौबाट लुम्बिनीसम्म साइकलयात्रा

    काठमाडौ, बैशाख २२ – पर्यटन प्रवद्र्धन र वातावरण संरक्षणमा जनचेतना जगाउन काठमाडौ–लुुम्बिनी साईकल यात्रा शुरु भएको छ । वल्र्ड साईक्लिस्ट फाउन्डेशनका अध्यक्ष पुष्कर शाहको अगुवाईमा बिहान ७ बजे काठमाण्डुको स्वयम्भूबाट यात्रा शुरु भएको यात्रा शुक्रवार चितवन, शनिवार बुटवल र पर्सी बुद्धपूर्णिमाका दिन बुद्ध जन्मस्थल लुम्बिनी पुगेर टुंगिने छ ।

  • अझै ४७ लाख थान पुस्तक छाप्न बाँकी

    रमेश गिरी/उज्यालो ।  भक्तपुर, बैशाख २२ –विद्यालय स्तरको पाठ्यपुस्तक प्रकाशन र वितरणको जिम्मा लिएको जनक शिक्षा सामाग्री केन्द्र लिमिटेडले अझै ४७ लाख थान पुस्तक छाप्न बाँकी रहेको छ । चालू शैक्षिक सत्रका लागि कूल दुई करोड ९७ लाख पुस्तक छपाई गर्नुपर्नेमा १ करोड ६६ लाख थानमात्रै छापेको छ ।

  • आधा भन्दा बढी विद्यार्थीले माध्यमिक तह पूरा गर्दैनन्

    काठमाडौ, बैशाख २२– मध्य र सुदुरपश्चिमका ५६ प्रतिशत बालबालिकाले माध्यमिक तह पुरा नगर्दै बिद्यालय छाड्ने गरेको पाईएको छ । केन्द्रीय तथ्याँक विभाग र राष्ट्रसंघीय बालकोष युनिसेफले सार्वजनिक गरेको नेपाल बहुसुचक सर्वेक्षणमा यो तथ्य पाईएको हो ।

  • बन्दले सुदूरपश्चिममा अभावै अभाव

    शिबराज भट्ट/उज्यालो । धनगढी २२ बैशाख –अखण्ड सुदूरपश्चिमको माग गर्दै ८ दिनदेखि सुदूरपश्चिमबासीले गरेको बन्दका कारण खाद्यान्न र तरकारीको भाउ आकाशिएको छ । बाजुरा, बझाङ र अछाम जिल्लामा ३० रुपैँयामा पाइने मोटा चामल ३५ रुपैँया भएको पुगेको छ  ।

  • जनकपुरको वम विस्फोटमा घाइतेको ज्यान गयो

    काठमाडौ, बैशाख २२– जनकपुरमा भएको बम विष्फोटमाा घाइते भएका दिपेन्द्र दासको बिहीबार  राती ज्यान गएको छ । शिक्षण अस्पताल महाराजगंजमा उपचारको क्रममा दासको ज्यान गएको हो । उहाँको बिहीबारराती ११ बजे ज्यान गएको अस्पतालमा रहेका बिरामी कुरुवा जीवनाथ चौधरीले उज्यालोलाई जानकारी दिनुभयो ।

  • गाई चराउन गएका महिलाको हत्या

    पाल्पा, बैशाख २२– पाल्पामा दुईजना महिलाको हत्या भएको छ । बिहीबार गाई चराउन गएका चिर्तुङ्गधाराका ६५ वर्षिय भुनिकला गाहा र सिपाही बजै भनेर चिनिने ६० वर्षिय कुमारी गाहाको तानसेन नगरपालिका १० गोर्खेकोट नजिक पर्ने बराङ्गदीमा हत्या भएको हो ।

  • भ्रष्टाचारमा संलग्नको आरोपमा जिल्ला इन्चार्जलाई कारबाही

    बारा, बैशाख २२ – एकीकृत नेकपा माओबादी भोजपूरा राज्य समितिले पार्टीका बारा इन्चार्जलाई कारवाही गरेको छ । बिहीबार राती सकिएको बैठकले जिल्ला इन्चार्ज हरिशरण भन्ने लाल किरणलाइ पदमुतm गरेको हो ।

  • कुलोको पानी भारतीयले लगेपछि विवाद

    विरगञ्ज, बैशाख २२ – पर्साको ठोरी गाविस हुँदै बग्ने ठुटे खोलाबाट बनाइएको कुलोको विषयमा ठोरी र भारतको भिखना ठोरीका बासिन्दाबीच तनाव भएको छ । सुक्खा मौसमका कारण भारतीय भूमीको कुलोमा पानी नआएपछि भिखना ठोरीका बासिन्दाले निर्मलबस्ती गाविसका किसानले प्रयोग गर्दै आएको कुलो भत्काएर भारततर्पm फर्काएपछि विवाद भएको हो ।

  • सवारी चालकलाई हरेक गल्तीमा छुट्टाछुट्टै कारबाही

    काठमाडौ, बैशाख २२ – नियम विपरीत गाडी चलाउनेमाथिको कारवाहीमा कडाई गर्ने क्रममा ट्राफिक प्रहरी महाशाखाले विभिन्न श्रेणी छुट्याई जरिवाना गर्न लागेको छ । ट्राफिक नियम विपरित पर्ने गाडी चलाउँदा मोबाईल फोनको प्रयोग, कालोसिसा, डिजिटल नम्बर प्लेट, सिटबेल्ट जस्ता गतिविधिलाई श्रेणी छुट्यार्ई चालकलाई कारवाही शुरु गरिएको महाशाखाले जनाएको छ ।

  • चट्याङले तीनजनाको ज्यान लियो

    धादिङ, बैशाख २२– चट्याङले लागेर धादिङको महादेवस्थान र सुनौलाबजारमा शुक्रवारराती तीनजनाको ज्यान गएको छ । महादेवस्थान १ भैंसेका तोकबहादुर गुरुङ र दीपबहादुर मगरको चट्याङले लागेर ज्यान गएको हो ।

  • चट्याङवाट २ विद्यार्थी वेहोस्

    आश गुरुङ/उज्यालो । लमजुङ, बैशाख २१ - लमजुङको तार्कुघाट गाविस ३ हर्राबोटमा विहीवार दिउँसो परेको चट्याङका कारण २ जना विद्यार्थी बेहोस् भएका छन् । रुद्र माध्यमिक विद्यालय कक्षा ८ मा पढ्ने १२ बर्षिया सविना मिया र १४ बर्षिया बिमला नेपाली बेहोस भएका हुन् ।

  • तालाबन्दी अवज्ञा गरेको भन्दै चार निजी विद्यालयमा तोडफोड

    चितवन, बैशाख २१ – तालाबन्दी अवज्ञा गरेको भन्दै विद्यार्थीले भरतपुरका चारवटा निजी विद्यालयमा तोडफोड गरेका छन् । शुल्क वृद्धिको विरोधमा लेखा शाखामा तालाबन्दी भएको अवस्थामा भर्ना कार्य जारी राखेको भन्दै विद्यार्थीले भरतपुरको अरोमा, मृगस्थली, वाल्मिकी र सिद्धार्थ स्कुलमा तोडफोड गरेका हुन् ।

  • दराजले च्यापिएर चार वर्षे वालकको मृत्यु

    राधाकृष्ण डुम्रे उज्यालो । स्याङजा, बैशाख २१ – विद्यालयको दराजले च्यापिएर चार वर्षे वालकले ज्यान गुमाएका छन् । स्याङ्जाको एलादी गाउँ विकास समितिको वडा नं. ६ रत्नेको हिमाली उच्च माविमा पूर्व प्राथमिक तहमा अध्ययनरत ४ वर्षीय कुशल गुरुङको दराजले च्यापिएर ज्यान गएको हो ।

  • हावाहुरीले कर्कटपाता उडाएपछि एक हप्तादेखि पढाइ ठप्प

    दाङ, बैशाख २१ –दाङको मानपुरमा रहेको दीपेन्द्र माध्यमिक विद्यालयको भवनको कर्कटपाता हावाहुरीले उडाएपछि विद्यालयमा एक हप्तादेखि पठनपाठन बन्द भएको छ । बैशाख १३ गतेको हावाहुरीले विद्यालयका पाँच वटा कक्षा कोठाको कर्कटपाता उडाएपछि बस्ने ठाउँको अभावमा पढाइ बन्द गर्नु परेको प्रधानाध्यापक हिमालप्रसाद अधिकारीले जानकारी दिनुभयो ।

  • 'अन्धो प्रेम'मा परेपछि ....

    चौतारा, वैशाख २१ - ‘प्रेम अन्धो हुन्छ’ भन्ने उक्तिलाई सिन्धुपाल्चोकमा भएको एक घटनाले चरितार्थ गरेको छ । अन्धो प्रेमकै कारण आफ्नी छोरीको भन्दा कम उमेरका एक दलित युवकसँग दोब्बरभन्दा बढी उमेरकी एक ब्राह्मण महिलाले परिवार त्यागेर हालै दोस्रो विवाह गरेकी छिन् । सिन्धुपाल्चोकको साँगाचोक गाविस–८ की ४० वर्षीया विमला पराजुलीले आफ्नी छोरीभन्दा पनि कम उमेरका फुल्पिङडाँडा गाविस–१ निवासी १७ वर्षीय रविन विकसँग दोस्रो विवाह गर्नुभएको हो ।

  • नक्कली सर्टिफिकेट पेश गरेर जागिर खाएपछि ...

    भरत खड्का/उज्यालो । उदयपुर, बैशाख २१ – नक्कली शैक्षिक योग्यताको प्रमाणपत्र पेश गरेर जागिर खाने उदयपुर सिमेण्ट उद्योग जलजलेका दुईजना अधिकृतलाई निलम्बित भएका छन् । अख्तियार दुरुपयोग अनुसन्धान आयोगले गरेको शैक्षिक योग्यता छानबीनका क्रममा उद्योगका छैठौं तहका अधिकृतहरु हेमकुमार दाहाल, तुलसीराम ढुंगानाको सर्टिफिकेट नक्कली फेला परेको हो । अख्तियारले दुवैलाई निलम्बन गरेको पत्र बैशाख १५ गते उद्योगमा पठाएको छ ।

  • पुरातात्विक सम्पदाको जिर्णोद्धार

    रमेश गिरी/उज्यालो । भक्तपुर, बैशाख २१– पुरातत्व विभाग स्मारक संरक्षण तथा दरबारको हेरचाह कार्यालय भक्तपुरले बिभिन्न सम्पदाहरुको जिर्णोद्धार सम्पन्न गरेको छ । जीर्ण बन्दै गएको सम्पदा संरक्षणका लागि कार्यालयले तीन लाख रुपँैयाको लागतमा यसवर्ष भक्तपुरको प्रसिद्ध तलेजुको बेको चोकको डबलीमा मर्मत एवं तेलिया इँटा छपाइ कार्य सम्पन्न गरेको कार्यालयकी प्रमुख अरुणा नकर्मीले बताउनुभयो ।

  • आगलागीमा ८ वटा घरगोठ जले आगलागीमा ८ वटा घरगोठ जले

    नेपालगञ्ज, बैशाख २१– बाँकेको कचनापुर गाविस ७ टिकुलीपुरमा बिहीबार भएको आगलागीबाट ८ वटा घरगोठ जलेका छन् । आगलागीबाट  रामबहादुर विक र पुर्णबहादुर कुसारीको घर र गोठ, खिमबहादुर विक र अम्मर बहादुर बुढाको घर जलेका छन् । यसैगरी कमारु केसी र हरी जैशीको गोठ पनि जलेका छन् ।

  • नुवाकोटमा ब्राम्हण क्षेत्रीको बन्द

    नुवाकोट, बैशाख २१– संयुक्त, क्षेत्री ब्राम्हण समाजले गरेको बन्दका कारण बिहीबार नुवाकोटको जनजीवन प्रभावित भएको छ । नयाँ संविधानमा जातीय आधारमा कसैलाई विभेद गर्न नहुने, भौगोलिक र वर्गीय आधारमा राज्य पुर्नसंरचना गर्नुपर्ने, पुस्तौदेखि वसोबास गर्दै आएका आदिवासी व्राम्हण, क्षेत्रीय, गिरी, सन्यासी, दशनामीलगायतलाई आदिवासी घोषणा गरिनुपर्ने लगायतका माग राख्दै बन्द आव्हान गरेको हो ।

  • आज विश्व प्रेस स्वतन्त्रता दिवश

    काठमाडौ, बैशाख २१– आज विश्व प्रेस स्वतन्त्रता दिवश, नेपालमा पनि बिभिन्न कार्यक्रम गरी मनाईंदैछ । दिवशको अवसरमा नेपाली पत्रकारहरुले यस वर्ष आफ्नो पेशागत अधिकारलाई जोड दिएका छन् । नेपाली पत्रकारहरुको छाता संगठन नेपाल पत्रकार महासंघले ‘प्रेस तथा अभिव्यक्ति स्वतन्त्रताको जगेर्ना र श्रमजीवि पत्रकारको हित’ भन्ने मुल नारा तय गरेको छ ।

  • १३ बरिष्ठ प्रहरी उपरीक्षकको सरुवा, १६ को पदस्थापन (सूचि सहित) १३ बरिष्ठ प्रहरी उपरीक्षकको सरुवा, १६ को पदस्थापन (सूचि सहित)

    काठमाडौं, बैशाख २० – सरकारले १३ बरिष्ठ प्रहरी उपरीक्षकको सरुवा गरेको छ भने १६ बरिष्ठ प्रहरी उपरीक्षकको पदस्थापन गरेको छ । गृह मन्त्रीस्तरीय निर्णयबाट सरुवा र पदस्थापनको निर्णय भएको नेपाल प्रहरीले जनाएको छ ।

  • पौडी खेल्न गएकी युवतीको डुबेर मृत्यु, एक बेपत्ता

    धनकुटा, बैशाख २० – तमोर नदीमा पौडी खेल्न गएका दुई युवती मध्ये एक जनाको नदीमा डुबेर मृत्यु भएको छ भने अर्का एक जनो बेपत्ता भएकी छन् । धनकुटा जिल्लाको आँखिसल्ला २ मा रहेको तमोर नदीमा पौडी खेल्ने गएकी आहाले ७ की १६ वर्षिय टिकादेवी विश्वकर्माको डुबेर मृत्यु भएको छ ।

  • अन्तर्राष्ट्रिय मिडियामा नेपाली डाक्टरको कथा अन्तर्राष्ट्रिय मिडियामा नेपाली डाक्टरको कथा

    काठमाडौं, बैशाख २० - नेपालका एक जना डाक्टरले वेलायती समाचार संस्था रोयटर्सको समाचारमा स्थान पाएका छन् । ती डाक्टर नेपाली सञ्चार माध्यममा सँधै छाउने प्रधानमन्त्री डाक्टर बाबुराम भट्टराई होइनन् । उनी त नेपाली सञ्चार माध्यममा कमै स्थान पाउने डाक्टर सन्दुक रुइत हुन् । ताप्लेजुङ्गको ओलाङ्चुङगोलामा जन्मिएका सन्दुक रुइत जसलाई काठमाडौंको तिलगंगा आँखा अस्पतालमा आँखाका विरामीको उपचार गर्न सँधै भ्याई नभ्याई हुन्छ । सन् २००६ मा पिस एण्ड इन्टरनेशनल अन्डरस्ट्याण्डिङ्ग विधामा म्यागसेस पुरस्कार पाएका डाक्टर रु...

  • बसले किचेर दक्षिणकालीमा एकजनाको मृत्यु

    काठमाडौं, बैशाख २० – बसले किचेर काठमाडौंको दक्षिणकालीमा एकजनाको ज्यान गएको छ । दक्षिणकालीबाट काठमाडौंका लागि छुटेको बा १ ख ५२ ५९  नम्बरको बसमा चढ्दा खसेकी फर्पिङ शेषनारणकी रोशनी केसीलाई बुधबार बिहान बसको पछाडीको चक्काले किचेको थियो ।

  • ढिलो आउने अनि हाजिर गरेर टाप कस्ने ?

    वीरगञ्ज, बैशाख २० – कामै नगरी हाजिरी मात्रै गर्ने प्रवृत्तिमा अंकुश लगाउन खोज्दा वीरगन्ज उपमहानगरपालिका कार्यालयका एक अधिकृत आफ्नै सहकर्मीबाट आलोचित भएका छन् । ढिलो आउने वा हाजिर गरेर टाप कस्ने वीरगन्ज उपमहानगरपालिका कार्यालयका कर्मचारीको हाजिरी पुस्तिकामा निमित्त प्रमुख शान्तबहादुर बस्नेतले रातो मसी लगाइ दिएपछि विवाद भएको हो ।

  • जनकपुरमा फेरी विस्फोट

    जनकपुर, बैशाख २० - जनकपुरको रामनन्द चोक नजिकै वुधवार फेरी विस्फोट भएको छ । रामनन्द चोक नजिकैबाट विस्फोटको आवाज आएपछि अहिले त्यस क्षेत्रका बासिन्दा त्रसित भएका छन् । प्रहरीले भने विस्फोटको आवाज आए पनि के विस्फोट भएको भन्ने खुल्न नसकेको जनाएको छ ।

  • जातीय राज्यको बिरोधमा मोटरसाइकल र्‍याली

    पोखरा, वैशाख २० – जातीय राज्यको विरोधमा पोखरामा वृहत मोटरसाईकल र्‍याली निकालिएको छ । ‘जातीय राज्य चाँहिदैन, देश टुक्र्याउन पाईदैन’ भन्ने नारा लगाउँदै पोखरा रंगशालाबाट निस्केको र्‍याली पोखरा नगर परिक्रमा पछि, रंगशालामा नै पुगेर सकिएको छ ।

  • विद्युत रोयल्टीका माग गर्दै चक्काजाम

    भीमलाल श्रेष्ठ/उज्यालो । गोरखा, बैशाख २० – विद्युत रोयल्टी नपाएपछि मस्र्याङ्गदी जलविद्युत आयोजनाबाट प्रभावित देउराली गाविसका वासिन्दाले गोरखा सदरमुकामको प्रवेशद्वारमा चक्काजाम गरेका छन् ।

  • जनकपुरका गम्भीर घाइतेलाई एयर एम्बुलेन्समा भारत लैजान प्रधानमन्त्रीको निर्देशन जनकपुरका गम्भीर घाइतेलाई एयर एम्बुलेन्समा भारत लैजान प्रधानमन्त्रीको निर्देशन

    काठमाडौ, बैशाख २०– प्रधानमन्त्री डा. बाबुराम भट्टराईले जनकपुरमा भएको विष्फोटमा घाईते भएकालाई राम्रो उपचारको व्यवस्था मिलाउन अस्पताल प्रशासनलाई निर्देशन दिनुभएको छ । शिक्षण अस्पताल महाराजगंजमा उपचार गराइरहेका घाइतेलाई बुधवार बिहान भेटेपछि प्रधानमन्त्रीले यस्तो निर्देशन दिनुभएको हो ।

  • लागू औषध तस्करीका नाइके पक्राउ

    विरगञ्ज, बैशाख २० – नेपाल र भारतमा लागू औषध तस्करी गर्ने समूहका दुई जना नाइकेलाई प्रहरीले पक्राउ गरेको छ । एक हप्तामा प्रहरीको बेग्ला बेग्लै टोलीले वीरगञ्ज र ग्रामीण क्षेत्रबाट उनीहरुलाई पक्राउ गरेको हो ।

  • हावाले ढालेको रुखले किचेर १ जनाको मृत्यू

    सुनसरी, बैशाख २० – मंगलवार साँझ आएको हावाहुरीले ढालेको रुखले किचेर सुनसरीको भरौलमा एकजनाको ज्यान गएको छ । दाउरा लिन जङ्गल गएका ६१ वर्षिय लिलाबहादुर राईको ज्यान गएको प्रहरीले जनाएको छ । हावाहुरीले बिभिन्न प्रहरी चौकी, विद्यालय, मस्जिद र कुखुरा फार्ममा पनि क्षति पुर्‍याएको छ ।

Skill Training
पछिल्ला समाचारहरु

मेरो पनि भन्नु छ

  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
  • विभिन्न ठाउँमा एनसेलको टावरमा आगजनि र तोडफोड भएको खबर सुनिन्छ । सञ्चारका माध्यममा यसरी तोडफोड गर्दै हिड्नेलाई कारवाही गर्न किन नसकेको ? अब जसले जे गरेपनि हुने तन्त्र आएको हो र ?

    यम सुवेदी
  • संघिय शासन व्यवस्थाको महत्वपूर्ण पक्ष नै सरकारलाई नागरिकको नजिक पु¥याउनु हो । यहाँ, त्यहाँ भन्दा पनि सबै नागरिकको सहज पहुँच हुने ठाउँमा प्रदेश सरकारले स्थायी राजधानी बनोस्, हामीलाई चाहिएको सहज पहुँच हो ।

    सुरभी क्षेत्री
सबै हेर्नुहोस

सोसल मिडिया