MENU

समाज

  • धारिलो हतियार प्रहार गरी युवकको हत्या

    काठमाडौं, असोज १५ — दाङमा शनिबार राती एक युवकको हत्या भएको छ । बिजौरी–७ बकुलाई भन्ने स्थानका ३१ वर्षिय भक्दल चौधरीको धारिलो हतियार प्रहार गरी हत्या भएको जिल्ला प्रहरी कार्यालयले जनाएको छ ।

  • छुट्टाछुट्टै दुर्घटनामा ६ जनाको ज्यान गयो

    काठमाडौं, असोज १५ — छुट्टाछुट्टै गाडी दुर्घटनामा परी उपत्यकामा शनिवार  ६ जनाको ज्यान गएको छ । ललितपूरको चापागाउँबाट गोटीखेलका लागि छुटेको ना १ ख ९७५७ नम्बरको ट्रक मानिखेल गाविसको कमराङमा दुर्घटना हुँदा चार जनाको ज्यान गएको छ । शनिबार दिउसो भएको दुर्घटनामा गोटीखेलका श्याम घलान, राजु घिमिरे, उत्सव तिमिल्सिना र बुखेलका देवी प्रसाद तिमिल्सिनाको ज्यान गएको प्रहरीले जनाएको छ ।

  • नेपाली हजयात्री कात्तिक १ देखि मक्का–मदिना जाने

    काठमाडौं, असोज १४ — नेपाली हजयात्री कात्तिक १ देखि हजका लागि साउदी अरबको मक्का–मदिना जाने भएका छन् । कात्तिक ७ सम्म सबै हजयात्री साउदी अरब गईसक्ने गृह मन्त्रालय मातहतको केन्द्रीय हज समितिले जनाएको छ ।

  • बेबारिसे गाडीमा रक्तचन्दन भेटियो

    भक्तपुर, असोज १४ — भक्तपुरको थिमीमा एक महिनाअघि बेवारिसे अवस्थामा फेला परेको टाटा मोबाईल गाडी भित्र रक्तचन्दन भेटिएको छ । एक महिनादेखि प्रहरीको नियन्त्रणमा रहेको गाडीबाट प्रहरीले शनिबार बिहान मात्रै रक्तचन्दन फेला पारेको हो ।

  • धादिङमा बस पल्टिँदा २० जना घाईते

    धादिङ, असोज १४ – धादिङको ज्यामरुङमा बस पल्टिँदा २० जना घाईते भएका छन । धादिङबेसीबाट आरुघाटका लागि छुटेको ना ३ ख ४७९ नम्बरको बस ज्यामरुङ हनुमान डाँडामा बिहान पल्टिएको हो ।

  • आज दशैँको चौँथो दिन, भगवति मन्दिरहरुमा भक्तजनको घुईँचो आज दशैँको चौँथो दिन, भगवति मन्दिरहरुमा भक्तजनको घुईँचो

    काठमाडौं, असोज १४ — शनिबार बडादशैँको चौँथो दिन अर्थात आश्विन शुक्ल चतुर्थी उपरान्त पञ्चमी तिथि । दशैँको चौँथो दिन नवदुर्गा अन्तरगत कुष्माण्डा र स्कन्दमाताको पुजा आराधना गरिन्छ । नवदुर्गाको पुजा गर्न आजपनि काठमाडौं उपत्यका लगायत देशका विभिन्न ठाउँका दुर्गा मन्दिर, शक्तिपिठ तथा कोतहरुमा भक्तजनहरुको मेला लागिरहेको छ ।

  • दशैँमा बाहिरिने यात्रुहरुको चापका कारण काठमाडौंमा ट्राफिक जाम

    काठमाडौं, असोज १४ — दशैँका लागि राजधानीबाट घर फर्किने यात्रुहरुको चापका कारण काठमाडौंमा ट्राफिक जामको समस्या बढेको छ । नयाँ बसपार्क देखि कलंकी सम्म पुग्नका लागि झण्डै दुई घण्टा लाग्ने भएकाले यात्रुहरु मर्कामा परेका छन् ।

  • आज अन्तर्राष्ट्रिय जेष्ठ नागरिक दिवस

    काठमाडौं, असोज १४ — २१ औ अन्तर्राष्ट्रिय जेष्ठ नागरिक दिवस शनिबार (आज) नेपालमा विभिन्न कार्यक्रम गरेर मनाईदैछ । यसवर्ष अन्तर्राष्ट्रिय जेष्ठ नागरिक दिवसको नारा ‘बुढौलीः अवसर र चुनौती’ भन्ने तय गरिएको छ ।

  • हराउँदैछ लिङ्गे पिङ खेल्ने संस्कृति हराउँदैछ लिङ्गे पिङ खेल्ने संस्कृति

    जाजरको्ट, असोज १३ —  केही बर्ष अघिसम्म दशैँ तिहार जस्ता चाडमा निकै उत्सुकताका साथ गाउँगाउँमा  खेलिने लिङगे पिङ्गको चलन जाजरकोटमा हराउदै गएको छ । विगतमा दशैंको घटस्थापना देखि लामो समय सम्म पनि  मनोरन्जनको साधनको रुपमा खेलिने लिङ्गे पिङ्ग नयाँ पुस्ताको वेवास्ताका कारण लोप हुन थालेको हो ।

  • भूकम्पले घर क्षति भएका घरपरिवारलाई राहत

    रसुवा, असोज १३ — रसुवा जिल्लामा असोज एक गते गएको भूकम्पमा परी घर क्षति भएका चार घरपरिवारले राहत पाएका छन् । जिल्ला दैविप्रकोप उद्धार कोष समिति रसुवाले शुक्रवार चार घरपरिवारलाई नियम अनुसार पाउने राहत रकम दिएको हो ।

  • छुट्टछुट्टै दुर्घटनामा भक्तपुरमा तीन जनाको ज्यान गयो

    काठमाडौं, असोज १३ — भक्तपुरमा भएका छुट्टछुट्टै दुर्घटनामा तीन जनाको ज्यान गएको छ । भक्तपुरको सुर्यविनायकमा रामेछाप बेथान घर भई सूर्यविनायक बस्दै आएका पदमबहादुर आलेमगर मृत अवस्थामा फेला परेको प्रहरीले जनाएको छ । त्यस्तै सिन्धुपाल्चोक चौतारा घरभई भक्तपुरमा बस्ने डेढ वर्षकी एलिशा तामाङको नालीमा डुबेर ज्यान गएको प्रहरीले जनाएको छ । यस्तै भक्तपुरको चाँगु गाविसमा शुक्रवार एक अधबैशे पुरुषको शव फेला परेको प्रहरीले जनाएको छ । उनको नाम खुल्न नसकेको र अनुशन्धान जारी रहेको भक्तपुर प्रहरीले बताएको ...

  • निगाले बाघको बच्चा मर्यो

    काठमाडौं, असोज १३ — पक्राउपछी जिल्ला वन कार्यालय तेह्रथुममा राखिएको लोपोन्मुख बन्यजन्तु निगाले बाघको बच्चा शुक्रवार मरेको छ । ताप्लेजुङ्गको फूलवारीबाट धरानतर्फ जादै गरेका दुई युवाको झोलाबाट गत असोज एक गते बरामद गरिएको निगालेको बच्चा जिल्ला वन कार्यालयमा राखिएको थियो ।

  • नक्कली नेपाली रुपैँया सहित भारतिय नागरिक पक्राउ

    काठमाडौं, असोज १३ — प्रहरीले नक्कली नेपाली रुपैँयासहित भारत पंजावका रोजित सिंहलाई काठमाडौंबाट पक्राउ गरेको छ । विहिवार दिउसो एक हजारको नक्कली नोट दुई थान र पाँच सयका नक्कली नोट २९ थान सहित सिंहलाई कोटेश्वरबाट पक्राउ गरिएको प्रहरीले जनाएको छ ।

  • दशैँमा पनि मानव अधिकार आयोग खुल्ने दशैँमा पनि मानव अधिकार आयोग खुल्ने

    काठमाडौं, असोज १३— राष्ट्रिय मानवअधिकार आयोगले दशै बिदाको अवधिमा हुन सक्ने मानवअधिकार हनन विरुद्धको उजुरी लिन र आवश्यकता अनुसार अनुगमन गर्ने दशैँमा पनि आयोग खुल्ला रहने जनाएको छ । दशैं बिदाका सबै दिन दिउँसो १२ देखि २ बजेसम्म आयोगको केन्द्रीय तथा क्षेत्रीय कार्यालयहरू खुला रहने भएका छन् ।

  • मोटरसाईकल दुर्घटनामा एक जनाको ज्यान गयो

    काठमाडौं, असोज १३ — काठमाडौंको लाजिम्पाटमा विहिवार राती भएको मोटरसाईकल दुर्घटनामा एक जनाको ज्यान गएको छ । राती लैनचौर चोकमा लाजिम्पाटबाट केशरमहल गईरहेको बा४०प ७८९८ नम्बरको मोटरसाईकल सडक डिभाईडरमा ठोकिई भएको दुर्घटनामा चालक ईचंगु–६ बस्ने २५ वर्षिय महेश महर्जनको ज्यान गएको प्रहरीले जनाएको छ ।

  • धार्मिक क्षेत्रमा कालो प्लास्टिक प्रयोगमा रोक लगाउने अभियान सुरु

    काठमाडौं, असोज १३— काठमाडौं महानगरपालिकाले सहरलाई कालो प्लास्टिकमुक्त बनाउने घोषणा अन्तरगत धार्मिक क्षेत्रहरुमा कालो प्लास्टिक प्रयोगमा रोक लगाउने अभियान सुरु गरेको छ । पहिलो चरणमा महानगरपालिका तथा मातहतका कार्यालयमा कालो प्लास्टिकको प्रयोग प्रतिबन्धित गरेको महानगरपालिकाले धार्मिक क्षेत्रलाई प्लास्टिक मुक्त बनाउने अभियान थालेको हो ।

  • भेनस क्यासिनोबाट २५ जना जुवाडे पक्राउ

    काठमाण्डौं, असोज १२, प्रहरीले काठमाण्डौंको लैनचौरमा रहेको क्यासिनो भेनसमा आज बेलुकी छापा मारेको छ । नेपालीहरुले पनि जुवा खेलिरहेको भन्ने गोप्य सुचनाको आधारमा क्यासिनोमा छापा मारि २५ जना जुवाडेलाई पक्राउ गरेको प्रहरीले जनाएको छ । पक्राउ परेकाहरुको सम्बन्धमा अनुसन्धान भइरहेको प्रहरीको भनाइ छ ।

  • दश बर्षअघि भागेका एक कैदी पक्राउ

    दमन राई/खोटाङ, असोज-१२, दश बर्षअघि जिल्ला कारागार शाखा खोटाङबाट भागेका एक कैदी पुन पक्राउ परेका छन् । जिल्ला कारागार शाखाको पर्खाल नाघेर २०५८ साल भदौ १४ गते कारागारबाट भागेका डम्बर्खुशिवालय-५ का सुवास भनिने सरोज राई उदयपुरको बेलटारबाट पक्राउ परेका जिल्ला प्रहरी कार्यालय खोटाङका प्रहरी निरिक्षक जनकलाल चौधरीले बताउनुभयो । राई २०५५ साल मंसिर १९ गते आफ्नै दाजु धनकुमार राईको ज्यान मारेको अभियोगमा जेल जीवन बिताईरहेका थिए । २०५८ सालमा कारागारको सुरक्षार्थ खटिएका प्रहरी आँखा छलेर कारागारको पर्खाल नाघे...

  • भूकम्पमा ज्यान गुमाएका राईको परिवारलाई राहत वितरण

    संखुवासभा, असोज १२ — भुकम्पमा परि ज्यान गुमाएका संखुवासभा नुमका प्रदिप राईको परिवारलाई १ लाख रुपैया“ राहत बितरण गरिएको छ ।  जिल्ला दैविप्रकोप उद्धार समितिका तर्फबाट प्रमुख जिल्ला अधिकारी कैलासनाथ खरेलले प्रदीपका बुवा लटबहादुर राईलाई राहत रकम हस्तान्तरण गर्नुभएको हो ।

  • २१ ग्यालेन घरेलु मदिरा सहित चारजना पक्राउ

    ललितपुर, असोज १२, ललितपुरको लगनखेलमा २१ ग्यालेन घरेलु मदिरा सहित चारजनालाई प्रहरीले पक्रेको छ । ना २ ख ४४६६ नम्वरको बसमा चेकजाँच गर्दा २१ ग्यालेन घरेलु मदिरा भेटिएको प्रहरीले जनाएको छ ।

  • बाजुराको सेरामा बस चल्यो, तिपाडामा ट्रयाक्टर

    बाजुरा, असोज १२— दशैँमा दैनिक उपभोग्य सामानको अभाव हुन नदिन बाजुराको सदरमुकामदेखि सेरा बगर सम्म बस र तिपाडा बजार सम्म ट्र्याक्टर सेवा सुचारु भएको छ ।

  • छुट्टाछुट्टै दुर्घटनामा दुई जनाको ज्यान गयो

    काठमाडौं, असोज १२ — अरनिको राजमार्ग अन्तर्गत भक्तपुरको थिमी चारदोबाटो र बालकुमारीमा भएका छुट्टाछुट्टै दुर्घटनामा दुई जनाको ज्यान गएकोे छ भने तीन जना घाईते भएका छन् । गठ्ठाघरबाट सूर्यविनायक तर्फ जादै गरेको बा ४८ प १८७३  नम्बरको मोटरसाईकल र बा ३८ प ३५१७ नम्बरको मोटरसाईकल एक आपसमा ठक्कर खाँदा मोटरसाईकल चालक लमजुङ्गका २६ वर्षिया माधवप्रसाद न्यौपानेको ज्यान गएको छ ।

  • दशैँका लागि काठमाडौंबाट बाहिरिनेको संख्या बढ्यो

    काठमाडौं,असोज १२ — दशैँ शुरु भएपछि काठमाडौंबाट बाहिरिने यात्रुको चाप बढ्न थालेको छ । वुधवार घटस्थापनापछि यात्रुहरु बाहिरिन थालेका हुन् । दशैंका बेला काठमाडौं भित्रने भन्दा बाहिरिने यात्रुको चाप बढी हुने गरेको छ ।

  • नगरकोटमा चंगा चेट प्रतियोगिता

    भक्तपुर, असोज ११ — नेपालीहरुको महान चाड दशैँको अवसरमा पर्यटन प्रवर्धन गर्ने उद्देश्यले नगरकोटमा वुधवारदेखि चंगा चेट प्रतियोगिता सुरु भएको छ । क्लब हिमालयनले आयेजना गरेको प्रतियोगिता तीन दिन सम्म चल्नेछ ।

  • बागलुङको पहिरो पीडितका लागि करिब तीन लाख राहत संकलन

    दिल शिरीष/ बागलुङ, असोज ११ — बागलुङको रेश गाविसमा कुलो मर्मत गर्ने क्रममा गत असोज पाँच गते पहिरोमा पुरिएर मृत्यु भएकाका परिवार र घाइतेहरुलाई राहत प्रदान गर्न गठित राहत संकलन समितिले २ लाख ८० हजार राहत संकलन गरेको छ ।

  • धनराज गिरीको उपन्यास अनन्त पाइलाको विमोचन धनराज गिरीको उपन्यास अनन्त पाइलाको विमोचन

    काठमाण्डौं, असोज ११ । उपन्यासकार धनराज गिरीको उपन्यास अनन्तपाइलाको आज विमोचन गरिएको छ । उज्यालो घर जावलाखेलमा भएको एक कार्यक्रममा कम्युनिकेशन कर्नरका कार्यकारी अध्यक्ष गोपाल गुरागाईं र प्राध्यापक डाक्टर गोबिन्दराज भट्टराईले संयुक्त रुपमा उपन्यास अनन्त पाइलाको विमोचन गर्नुभएको हो ।

  • आमाको वृद्धा भत्ता बुझेर फर्कदै गर्दा भिरबाट लडेर एकजनाको ज्यान गयो

    सल्यान, असोज ११ । गाविस कार्यालयबाट आमाको वृद्धा भत्ता बुझेर फर्कदै गर्दा सल्यानमा भिरबाट लडेर एकजनाको ज्यान गएको छ । हिवल्चा गाविस १ पैयाखर्कका ५९ वर्षीय दलबहादुर चलाउनेको भिरबाट लडेर आज ज्यान गएको प्रहरीले जनाएको छ ।

  • नेपाल शेयर मार्केट एण्ड फाइनान्सका पूर्व कार्यकारी अध्यक्ष श्रेष्ठ पक्राउ ।

    काठमाडौं, असोज ११ —नेपाल शेयर मार्केट एण्ड फाइनान्सका पूर्व कार्यकारी अध्यक्ष योगेन्द्र प्रसाद श्रेष्ठलाई प्रहरीले पक्रेको छ । श्रेष्ठले २ अर्व रुपैयाँ अनियमितता गरेको आरोप छ ।

  • आज सूचनाको हक सम्बन्धि अन्तर्राष्ट्रिय दिवस आज सूचनाको हक सम्बन्धि अन्तर्राष्ट्रिय दिवस

    काठमाडौं, असोज ११ — आज सेप्टेम्बर २८ अर्थात सूचनाको हक सम्बन्धि अन्तर्राष्ट्रिय दिवस । नागरिकको जान्न पाउने अधिकारको पक्षमा वकालत गर्दै बिभिन्न कार्यक्रम गरी नेपालमा पनि सूचनाको हक सम्बन्धि अन्तर्राष्ट्रिय दिवस मनाइँदैछ ।

  • माटोको ढिस्कोले पुरिँदा एक महिलाको ज्यान गयो

    उदयपुर, भदौ ११ — उदयपुरको त्रियुगा नगरपालीका १३ हाडेटारकी एक महिलाको वुधवार बिहान माटोको ढिस्कोले पुरिएर ज्यान गएको छ । दशैँमा घर पोत्ने माटो लिन गएकी ४५ बर्षीया शारदा भट्टराईको ढिस्कोले पुरीएर घटनास्थलमै मृत्यु भएको प्रहरीले जनाएको छ ।

  • आजबाट दशैँ सुरु आजबाट दशैँ सुरु

    काठमाडौं, असोज ११ — वुधवार देखि हिन्दु नेपालीको महान पर्व वडा दशैं शुरु भएको छ । आश्विन शुक्ल प्रतिपदाका दिन  आ–आफ्ना पूजाकोठा वा दशैँघरमा विधिपूर्वक दियो कलश र गणेशको पुजा गर्ने र माटोको पूर्ण घडामा गाइको गोबर राखी घाम नछिर्ने अँध्यारो कोठामा जौ वा मकै रोपेर जमरा राख्ने चलन छ ।

  • एयर अरेबियाको ‘गलत प्रचार’प्रति केन्द्रीय हज समितिको आपत्ति

    काठमाडौं, १० असोज — नेपाली हजयात्रीलाई साउदी अरब लैजान कतार एयरवेजसँग भएको सम्झौताबारे ‘एयर अरेबिया’ले गरेको गलत प्रचार प्रति केन्द्रीय हज समितिले आपत्ति जनाएको छ । एक जना हजयात्रीलाई काठमाडौंदेखि साउदी अरबको मक्कासम्म नौ सय अमेरिकी डलरमा लैजान आँफू तयार भएपनि एकहजार २५ डलरमा कतार एयरवेजसँग सम्झौता गरेको दाबी गर्दै एयर अरेबियाले प्रचारबाजी गरेपछि समितिले त्यसको खण्डन गरेको हो ।

  • तिवारीको हत्याका अभियुक्त विरुद्ध मुद्दा दर्ता गर्ने प्रहरीको प्रयास विफल

    विरगञ्ज, असोज १० — हिन्दू यूवा संघका संस्थापक अध्यक्ष काशीनाथ तिवारीको हत्यामा संलग्न रहेका विरुद्ध पर्सा जिल्ला अदालतमा मुद्दा दर्ता गर्ने प्रहरीको प्रयास असफल भएको छ । जिल्ला प्रहरी कार्यालय पर्साले भूमी सुधार तथा व्यवस्था मन्त्री प्रभु साह, उहाँका स्वकीय सचिव फिरोज भनिने शियाराम कुशवाहा र माओवादीका कार्यकर्ता अमन कुशवाहाविरुद्ध मुद्दा दर्ता गर्ने बताएको थियो ।   जिल्ला न्यायाधिवक्ता ओमप्रकाश अर्यालले मुद्दा सम्बन्धी फाइल फिर्ता गरिदिएपछि मुद्दा दर्ता गर्ने प्रहरीको भएको छ । अर्याल...

  • पोखरामा १३ वटा विरालोको बन्ध्याकरण

    पोखरा, असोज १० । पोखरामा मंगलवार १३ वटा विरालोको स्थायी बन्ध्याकरण गरिएको छ । हिमालयन एनिमल रेष्क्यु ट्रस्टले रेविज रोगको उल्मूलन तथा अनावश्यक विरालोको संख्या रोक्नका लागि भन्दै विरालोको निशुल्क बन्ध्याकरण गरेको हो ।

  • तेस्रो लिङ्गीले मागे नागरिकता र कण्डम तेस्रो लिङ्गीले मागे नागरिकता र कण्डम

    काठमाडौं, असोज १० — तेस्रो लिङ्गीहरुले पहिचानसिहतको नागरिकता र स्वस्थ्य जीवन यापनको लागि कण्डम र ‘लुब्रिकेन्ट्स’को माग गरेका छन् ।

  • नेपालको जनसंख्या २ करोड ६६ लाख नेपालको जनसंख्या २ करोड ६६ लाख

    काठमाडौं, असोज १० —  नेपालको जनसंख्या दुई करोड ६६ लाख २० हजार ८ शय ९ पुगेको छ । एघारौँ राष्टिय जनगणनाको प्रारम्भिक नतिजा अनुसार मुलुकको जनसंख्या २०५८ सालको भन्दा करिब ३५ लाखले बढेको छ ।

  • थापाको तस्विर प्रदर्शनी सकियो थापाको तस्विर प्रदर्शनी सकियो

    भक्तपुर, असोज १० । विश्व पर्यटन दिवसको अवसरमा भक्तपुरमा भएको तीनदिने एकल तस्विर प्रदर्शनी मंगलवार सकिएको छ ।

  • अहमदको हत्यामा संलग्नको स्केच सार्वजनिक अहमदको हत्यामा संलग्नको स्केच सार्वजनिक

    काठमाडौं, असोज १० — प्रहरीले इस्लामि संघ नेपालका महासचिव फैजान अहमदको हत्यामा संलग्न रहेकाहरुको स्केच सार्वजनिक गरेको छ । महानगरीय अपराध महाशाखाले दुई जना हत्याराको स्केच मंगलवार सार्वजनिक गरेको हो ।

  • घर भत्किँदा दुई जनाको ज्यान गयो

    काठमाडौं, असोज १० — ललितपुरमा घर भत्किँदा मंगलवार दुई जनाको ज्यान गएको छ । ललितपुर उप महानगरपालिका पिन्चे बहालमा दिल बहादुर महर्जनको तीन तले घर भत्किँदा भाडामा बस्ने मंगले थामीका छोराहरु १२ बर्षीय सुमन थामी र १४ बर्षीय सुजन थामीको ज्यान गएको महानगरीय प्रहरी प्रभाग बालकुमारीले जनाएको छ ।

  • मसल्स देखाएर तर्साउने ?

    माधव दुलाल/उज्यालो, काठमाण्डौं , असोज १० । मजदुरको पेट भोकै राखेर उनीहरुसँगै काम लिने व्यवसायीको नियतका कारण अहिले अनौपचारिक क्षेत्रमा पर्ने निर्माण क्षेत्रमा काम गर्ने कामदारको अभाव भएको छ । निर्माण क्षेत्रमा काम गर्ने श्रमिक विदेश गइरहेका छन् ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया