MENU
ujyaalo forign call inside

खेल

  • ए डिभिजन लिग : मनाङ संकटासँग बराबरीमा रोकियो

    काठमाडौं, मंसिर ५ - सहिद स्मारक ए डिभिजन लिग फूटबल प्रतियोगिता अन्तर्गत मंगलवार भएको दोश्रो खेलमा उपाधिको दावेदार मनाङ मर्स्याङ्दी क्लव संकटा क्लवसँग बराबरीमा रोकिएको छ । दशरथ रंगशालमा भएको खेलमा मनाङ संकटासँग १–१ को बराबरीमा रोकिएको हो । मनाङका लागि पहिलो हाफकोसातौ मिनेटमै निराजन मल्लले गोल गरि अग्रता दिलाएका थिए ।

  • ए डिभिजन लिग : पुलिस मध्यपुरसँग बराबरीमा रोकियो

    काठमाडौं, मंसिर ५ - सहिद स्मारक ए डिभिजन लिग फूटबल प्रतियोगितामा गत सालको विजेता नेपाल पुलिस क्लवलाई नव प्रवेशी मध्यपुर युथ एशोसिएसनले बराबरीमा रोकेको छ । दशरथ रंगशालामा सुरु भएको प्रतियोगिताको उदघाटन खेलमा पुलिस मध्यपुरसँग १–१ को बराबरीमा रोकिएको हो ।

  • १६ वर्षमुनीको इण्डो नेपाल क्रिकेट आजदेखि

    काठमाडौ, मंसिर ५ – काठमाडौमा मंगलबारदेखि १६ वर्षमुनीको इण्डो नेपाल ट्वान्टी–ट्वान्टी क्रिकेट प्रतियोगिता हुने भएको छ । बिहान नौ बजेपछि हुने उद्घाटन खेलमा पुल्चोक मैदानमा नेपालको जिसिए उच्च मावि र भारतको पंजाब पब्लिक स्कुल तथा भक्तपुर मैदानमा काठमाडौको राजन मेमोरियल र भारतको एबिभी कोलकाता भिड्नेछन् ।

  • ए डिभिजन लिग फूटवल प्रतियोगिता आजदेखि

    काठमाडौ, मंसिर ५– सहिद स्मारक ए डिभिजन लिग फूटबल प्रतियोगिता मंगलबारदेखि शुरु हुँदैछ । काठमाडौको दशरथ रंगशालामा दिउँसो साढे १२ बजे हुने उद्घाटन खेलमा गएको सालको विजेता नेपाल पुलिस क्लवले मध्यपुर युथ एशोसिएसनसँग खेल्नेछ ।

  • महिला राष्ट्रिय फुटवल लिगको तयारी तिव्र

    धनगढी, मंसिर ४ - मंसिरको अन्तिममा धनगढीमा सुरु हुने पहिलो राष्ट्रिय महिला लिग फुटवल प्रतियोगिताको तयारी तिव्र भएको छ । प्रतियागिता सञ्चालनका लागि सोमवार विभिन्न उप समितिहरु गठन गरिएका छन । धनगढीको क्षेत्रीय रंगशालामा भएको भेलाले क्षेत्रीय फुटवल संघका अध्यक्ष सुरेन्द्र शाहीको संयोजकत्वमा मुल आयोजक समिति गठन गरेको छ ।

  • पहिलो टेष्ट क्रिकेटमा भारतद्वारा इंग्ल्याण्ड पराजित

    मंसिर ३ - इंग्ल्याण्ड विरुद्धको पहिलो टेष्ट क्रिकेट भारतले ९ विकेटले जितेको छ । ७७ रनको सहज लक्ष्य भारतले १ विकेट गुमाएर भेट्टायो । फलोअनमा परेर दोश्रो इनिङ्गसको ब्याटिङ्ग गरेको इग्ल्याण्डले ४ सय ६ रन बनाएपछि भारतले सहज लक्ष्य पाएको थियो ।

  • इण्डो नेपाल ट्वान्टी–ट्वान्टी क्रिकेट मंगलवारदेखि

    काठमाडौं, मंसिर ३ - मंगलवारदेखि काठमाडौंमा १६ वर्ष मुनिको इण्डो नेपाल ट्वान्टी–ट्वान्टी क्रिकेट प्रतियोगिता हुने भएको छ ।  नेपालका ८ र भारतका ४ टिम सहभागि हुने प्रतियोगिताको विजेताले ८० हजार र उपविजेताले ४० हजार रुपैयाँ पुरस्कार पाउने छन् ।

  • पौडीवाज शिरिष गुरुङ्गको नयाँ राष्ट्रिय किर्तिमान

    काठमाडौं, मंसिर २ - दुवईमा जारी नवौं एशियाली पौडी च्याम्पियनशिपमा नेपाली पौडीवाज शिरिष गुरुङले नयाँ राष्ट्रिय किर्तिमान कायम गरेका छन् । दुवईबाट प्राप्त जानकारी अनुसार उनले १५ सय मिटर फ्रिस्टायलमा आफ्नै नाममा रहेको १९ मिनेट ४८ दशमलव १६ सेकेन्डको समयमा सुधार गर्दै १९ मिनट ०५ दशमलव ५ सेकेन्डका साथ नयाँ राष्ट्रिय किर्तिमान कायम गरेका हुन् ।

  • सहिद स्मारक लिग फुटबल खेल तालिका

    काठमाडौं, मंसिर १ - अखिल नेपाल फुटबल संघ एन्फाले मंगलवारदेखि काठमाडौंको दशरथ रंगशालामा सुरु हुने सहिद स्मारक ए डिभिजन लिग फुटबल प्रतियोगिताको खेल तालिका सार्वजनिक गरेको छ ।    शुक्रवार पत्रकार सम्मेलन गरी एन्फाले खेल तालिका सार्वजनिक गरेको हो । एन्फाले सार्वजनिक गरेको तालिका अनुसार पहिलो खेलमा गतवर्षको विजेता नेपाल पुलिस क्लवले मध्यपुर युथ एशोसिएसनसँग खेल्ने छ ।

  • ए डिभिजन लिग जित्नेले ७५ लाख रुपैयाँ पुरस्कार पाउने

    ललितपुर, मंसिर १ - मंगलवारदेखि काठमाडौंमा सुरु हुने सहिद स्मारक ए डिभिजन लिग फुटबल प्रतियोगिताको विजेताले ७५ लाख रुपैयाँ पुरस्कार पाउने भएको छ ।   अखिल नेपाल फुटबल संघ एन्फाले शुक्रवार खेल तालिका सार्वजनिक गर्दै विजेतालाई ७५ लाख रुपैयाँ पुरस्कार दिने औपचारिक घोषणा गरेको हो ।    १६ टिमविच हुने प्रतिस्पर्धाका शिर्ष ८ टिमबीच सुपर लिग गर्ने र सुपर लिगको विजेताले ७५ लाख रुपैयाँ पाउने एन्फाले जनाएको छ ।

  • दोश्रो एभरेष्ट ट्रेल रेश सुरु

    दोलखा, कात्तिक ३० - दोश्रो एभरेष्ट ट्रेल रेश दोलखाको जिरीबाट शुरु भएको छ । हाई अल्टीच्यूटमा हुने ६ दिन लामो १ सय ६० किलोमीटर दौडमा स्पेनका २६ र एक नेपाली गरी २७ धावकले भाग लिएका छन् ।

  • सोतोकानका खेलाडी अष्ट्रेलिया प्रस्थान

    काठमाडौं, कात्तिक ३० - अष्ट्रेलियाको सिड्नी ओलम्पिक पार्कमा हुने एघारौं सोतोकान (एसकेआइएफ)विश्व कराँते प्रतियोगितामा भाग लिनका लागिव नेपाली टोली बिहिवार अष्ट्रेलियातर्फ प्रस्थान गरेको छ । नेपाल सोतोकान कराँते महासंघका अध्यक्ष निवासगोपाल बैद्यको नेतृत्वमा त्यसतर्फ प्रस्थान गर्ने टोलीका खेलाडीमा ६५ केजीमा सत्रुधन मर्हजन र ७० केजीमा ओमनारायण श्रेष्ठ रहेका छन् ।

  • नवौँ एसियाली पौडी प्रतियोगिता सुरु हुँदै

    कात्तिक ३० - संयुक्त अरब इमिरेट्सको दुबईमा आजदेखि नवौँ एसियाली पौडी प्रतियोगिता शुरु हुदैछ । प्रतियोगितामा भाग लिन नेपाली टोली हिजो त्यसतर्फ गएको छ ।

  • एसियाली पौडीमा भाग लिन नेपाली टोली दुबई प्रस्थान

    काठमाडौं, कात्तिक २९ – संयुक्त अरब इमिरेट्सको दुबईमा शुक्रबारदेखि शुरु हुने ‘नवौँ एसियाली पौडी प्रतियोगिता–२०१२’ मा भाग लिन नेपाली टोली त्यसतर्फ प्रस्थान गरेको छ । मङ्सिर ४ गतेसम्म चल्ने प्रतियोगितामा शिशिर गुरुङ, मिराज प्रजापति, श्रेया धिताल र अदिति धितालले प्रतिस्पर्धा गर्नेछन् ।

  • कैदीबन्दीले हराए प्रहरीलाई

    पर्वत, कात्तिक २८ – दीपावलीका अवसरमा पर्वतमा भएको भलिबल प्रतियोगितामा कैदीबन्दीको समुहले प्रहरी टोलीलाई हराएको छ । जिल्ला प्रहरी कार्यालय पर्वतको टीमलाई कैदीबन्दी समुहले ३ – १ को सेटमा हराएको हो ।

  • दुवई जाने पौडी टोलीको विदाई

    काठमाडौं, कात्तिक २७ - मित्र राष्ट्र युएईको दुवईमा यही नोभेम्बर १५ देखि १९ तारिख सम्म आयोजना हुने “९औं एशियन पौडी प्रतियोगिता–२०१२”मा प्रतिस्पर्धा गर्न जाने ४ खेलाडी सहित ८ सदस्यीय टोलीलाई राष्ट्रिय खेलकुद परिषद्का सदस्य सचिव युवराज लामाले सोमबार विदाई गर्नुभएको छ । प्रतियोगितामा सहभागी हुन जाने टोलीमा खेलाडीहरुमा शिरिष गुरुङ, मिराज प्रजापती, श्रेया धिताल र अदिती धिताल रहेका छन् ।

  • स्वर्ण पदक जित्ने खेलाडीलाई नगद पुरस्कार वितरण

    काठमाडौं, कात्तिक २७ - राष्ट्रिय खेलकुद परिषद्ले पूर्व घोषणा गरिएको छैटौं राष्ट्रिय खेलकुद प्रतियोगितामा स्वर्ण पदक प्राप्त गर्ने खेलाडीहरुलाई सोमबार पुरस्कार रकम प्रदान गरेको छ । सुदूरपश्चिमाञ्चलको कैलाली र कञ्चनपुरमा २०६८ चैत्र १४ देखि २१ गतेसम्म आयोजना भएको विभिन्न ३२ खेलमा स्वर्ण पदक प्राप्त गर्न सफल खेलाडीहरुलाई प्रोत्साहन स्वरुप परिषदले व्यक्तिगत तर्फ १० हजार र टिमका खेलाडीलाई जनही ५ हजार प्रदान गर्ने निर्णय गरेको थियो ।

  • एसिसी कप ट्वान्टी ट्वान्टी क्रिकेटको तयारीमा नेपाली खेलाडी

    काठमाडौं, कात्तिक २७ – नेपाली क्रिकेट टोली मार्चमा नेपालमै हुने एसिसी कप ट्वान्टी ट्वान्टी क्रिकेटको तयारी रहेको छ । नेपाली टोलीका कप्तान पारस खड्काले तिहारमा पनि अफिसियल खेलहरु हुने र प्रशिक्षणहरु तीब्र पारिने बताए ।

  • पहिलो महिला लिग फुटबल धनगढीमा हुने

    ललितपुर, कात्तिक २६ - अखिल नेपाल फुटबल संघ एन्फाले पहिलो पटक आयोजना गर्न लागेको महिला लिग फुटबल कैलालीको धनगढीमा हुने भएको छ । एन्फाले आइतवार विज्ञप्ति निकाली धनगढीमा मंसिर ३० गतेदेखि पुस १४ गतेसम्म महिला लिग फुटबल आयोजना गर्ने जानकारी दिएको हो ।

  • गभर्नर्स गोल्ड कप : थ्री स्टार उपविजेता

    सिक्किम, कात्तिक २६ थ्री स्टार क्लवले सिक्किमको गान्तोकमा सम्पन्न ३३ औं गभर्नर्स गोल्डकप फुटबल प्रतियोगिताको उपविजेतामा चित्त बुझाएको छ । गान्तोकमा आइतवार भएको फाइनल खेलमा भारतको बोर्डर सेक्युरिटी फोर्स बिएसएफसँग टाइब्रेकरमा ३–० ले पराजित हुँदै थ्री स्टार उपविजेता भएको हो ।

  • इङ्लिश प्रिमियर लिगमा म्यान यु शीर्ष स्थानमा

    कात्तिक २६ – इङ्लिश प्रिमियर लिग फुटबलमा म्यानचेष्टर युनाइटेडले अग्रता कायम राखेको छ । शनिबार रातीको खेलमा एष्टन भिल्लालाई २ का विरुद्ध ३ गोलले हराउँदै म्यान यु २७ अंकका साथ शीर्ष स्थानमा कायम छ । २–० ले पछि परेको स्थिति उल्ट्याउँदै म्यान यु ले खेल जितेको हो ।

  • सफल पोखरा कप : को-को भए उत्कृष्ट ?

    पोखरा, कात्तिक २५ - सफल पोखरा कप फुटबल प्रतियोगितामा मच्छिन्द्र क्लवका बिशाल राई बी प्रतियोगिताकै सर्वोत्कृष्ट खेलाडी घोषित भएका छन् । उ नले ७५ हजार रुपैयाँ र एउटा मोबाइल सेट हात पारे ।

  • सफल पोखरा कप : मच्छिन्द्रलाई हराउँदै मनाङ्गले जित्यो उपाधि

    पोखरा, कात्तिक २५ - मनाङ मर्स्याङ्दी क्लबले सफल पोखरा कप अन्तर्राष्ट्रिय फुटबल प्रतियोगिताको उपाधि जितेको छ । पोखरा रंगशालामा शनिवार भएको फाइनलमा मच्छिन्द्र क्लबलाइ १–० ले हराउँदै मनाङले उपाधि जितेको हो । मनाङको यो सिजनमा लगातार दोस्रो उपाधि हो । मनाङले एक महिना अघि मात्र एनसेल कप फुटबलको उपाधि जितेको थियो ।

  • न्यु डायमण्ड स्पोर्टस् कप ब्याडमिन्टन सुरु

    काठमाडौं, कात्तिक २५ - न्यु डायमण्ड स्पोर्टस् क्लबको आयोजनामा संचालन भएको प्रथम न्यु डायमण्ड स्पोर्टस् कप खुला पुरुष डबल ब्याडमिन्टन प्रतियागितमा नैकापका रामहरि बस्नेत र गणेश खड्काको जोडी दोश्रो चरणमा प्रवेश गरेको छ । शनिवार भएको खेलमा यो जोडीले नैकापकै राजु श्रेष्ठ र प्रल्हाद कार्कीको जोडीलाई २–० ले हरायो ।

  • सफल कप : फाइनलमा मनाङ र मछिन्द्र भिड्दै

    पोखरा, कात्तिक २५ – सफल पोखरा कप अन्तर्राष्ट्रिय फूटबल प्रतियोगिताको उपाधिका लागि शनिबार मनाङ मर्स्याङ्दी र मच्छिन्द्र क्लब प्रतिस्पर्धा गर्दैछन् । एक महिनाअघि काठमाडौमा एनसेल कपको उपाधि जितेको मनाङ शनिबारको खेल पनि जितेर दोश्रो उपाधि उचाल्ने दाउमा छ भने मच्छिन्द्र मनाङलाई कडा टक्कर दिने योजनामा छ ।

  • थ्री स्टार गभर्नर्स गोल्डकप फुटबलको फाइनलमा

    काठमाडौं, कात्तिक २४ – थ्री स्टार क्लब सिक्किमको गान्तोकमा चलिरहेको ३३ औँ गभर्नर्स गोल्डकप फुटबलको फाइनलमा प्रवेश गरेको छ । गान्तोकको पाल्जोर रंगशालामा भएको खेलमा कोलकाताको भवानीपुर फूटबल क्लबलाई एकका विरुद्ध दुइ गोलले हराउँदै थ्री स्टार फाइनलमा प्रवेश गरेको हो ।

  • महिला डबल लिग भलिबलमा ९ टिम

    काठमाडौं, कात्तिक २३  - ढोरपाटन ‘ब्लु स्काइ कप’ टिभीएस महिला भलिबल डबल लिगको आठौं संस्करणमा ९ टिमले सहभागिता जनाउने भएका छन् । मंसिर १४ देखि २७ गतेसम्म हुने प्रतियोगितामा भारतका दुईसहित ९ टिमले प्रतिस्पर्धा गर्ने बिहीबार आयोजित पत्रकार सम्मेलनमा आयोजक ढोरपाटन स्पोर्टस् प्रशिक्षण क्लबका अध्यक्ष मनवीर छन्त्यालले जानकारी गराए ।

  • सफल पोखरा कप : हिमालयन शेर्पालाई हराउँदै मच्छिन्द्र फाइनलमा

    पोखरा, कात्तिक २३ - मच्छिन्द्र क्लव सफल पोखरा कप अन्तर्राष्ट्रिय फुटबल प्रतियोगिताको फाईनलमा प्रवेश गरेको छ । पोखरा रंगशालामा विहीवार भएको खेलमा हिमालयन शेर्पा क्लबलाई अतिरिक्त समयमा ३–१ ले हराउँदै मच्छिन्द्र फाइनलमा पुगेको हो । ७० औं मिनेटमा गणेश खड्काले गोल गर्दै अग्रता दिलाए पनि त्यसलाई जोगाउन नसक्दा हिमालयन शेर्पा पराजित भयो । कर्ण लिम्बुले ८५ औं मिनेटमा बराबरी गोल फर्काए ।

  • म्यान यू च्याम्पियन्स लिगको अन्तिम १६ मा

    कात्तिक २३ – इङ्लिश क्लब म्यानचेष्टर युनाइटेड च्याम्पियन्स लिग फुटबलको अन्तिम १६ मा पुगेको छ । बुधबार राती पोर्चुगलको क्लब ब्रागालाई ३–१ ले हराएर म्यान यू समूह बिजेता बन्दै नकआउट चरणमा पुगेको हो । म्यान यूको जीतमा रोविन भान पर्सी, वायन रुनी र जाभीएर हर्नान्डेजले एक÷एक गोल गरे ।

  • सफल कपमा मछिन्द्र र हिमालयन शेर्पा भिड्ने

    पोखरा, कात्तिक २३ – सफल पोखरा कप अन्तराष्ट्रिय फुटबल प्रतियोगिताको फाईनल प्रवेशका लागि बिहीबार मच्छिन्द्र क्लब र हिमालयन शेर्पा क्लब भिड्दैछन् । मच्छिन्द्रले भारतको कोलकाता ट्रष्ट पोर्ट क्लवलाई क्वाटरफाईनलमा ६–० को फराकिलो गोल अन्तरले हराउँदै सेमिफाइनल पुगेको हो ।

  • पाँचौं राष्ट्रिय खेलकुदको अनिमितता छानविन गर्न समिति गठन

    काठमाडौं, कात्तिक २२ काठमाडौंमा २०६५ साल चैत्र २४ देखि ३० गतेसम्म भएको पाँचौं राष्ट्रिय खेलकुदमा भएका अनियमिततालाई छानविन गर्न राष्ट्रिय खेलकुद परिषद् (राखेप) ले खेलकुद प्रतियोगिता तथा योजना विभागका प्रमुख कमल खनालको संयोजकत्वमा तीन सदस्यीय छानविन समिति गठन गरेको छ । समितिका सदस्यमा युवा तथा खेलकुद मन्त्रालयका प्रतिनिधि र राखेपका कानूनी सल्लाहकार गोपी भण्डारी हुनुहुन्छ ।

  • थ्रीस्टार क्लव गभनर्स गोल्डकपको सेमिफाइनलमा

    गान्तोक, कात्तिक २२ - थ्रीस्टार क्लव भारतको गान्तोकमा चलिरहेको ३३ औ गभनर्स गोल्डकप फुटवल प्रतियोगिताको सेमिफाईलन प्रबेश गरेको छ । गा न्तोकको पालिजोर स्टेडियममा वुधवार भएको खेलमा भारतको सिक्किम युनाईटेडलाई अतिरिक्त समयमा २–१ ले हराउँदै थ्रीस्टार क्लब सेमिफाइनलमा पुगेको हो ।

  • सफल पोखरा कप : एनआरटीलाई हराउँदै मनाङ फाइनलमा

    पोखरा, कात्तिक २२ - मनाङ मर्स्याङ्दी क्लव सफल पोखरा कप फुटवल प्रतियोगिताको फाइनलमा पुगेको छ । पोखरा रंगशालामा वुधवार भएको पहिलो सेमिफाईलन खेलमा न्युरोड टिम एनआरटीलाई १–० ले हराउँदै मनाङ उपाधि नजिकै पुगेको हो । मनाङलाई जिताउन खेलको एक मात्र गोल खेलको चौथो मिनेटमा सुजल श्रेष्ठले गरे ।

  • सफल कपमा मनाङ मर्स्याङ्दी र एनआरटी भिड्दै

    पोखरा, कात्तिक २२ – सफल पोखरा कप फूटवल प्रतियोगिता अन्तर्गत आजदेखि सेमिफाइनल चरणका खेलहरु शुरु हुँदैछन् । पहिलो सेमिफाइनल खेलमा दिउँसो २ वजेपछि मनाङ मर्स्याङ्दी र न्युरोड टीम एनआरटी प्रतिस्पर्धा गर्दैछन् । मनाङ सशस्त्र प्रहरीको एपिएफलाई र न्युरोड टिम भुटानको डु्रकपोल फूटवल क्लबलाई हराउँदै सेमिफाइनलमा पुगेका थिए ।

  • खेल संघको आर्थिक पक्षको छानविन प्रतिवेदन प्रधानमन्त्रीलाई

    काठमाडौं, कात्तिक २१ - विभिन्न राष्ट्रिय खेल संघहरुको आर्थिकलगायत विविध पक्षहरुको छानविन गर्न राष्ट्रिय खेलकुद परिषद् (राखेप) द्वारा गठित उच्चस्तरीय छानविन समितिले प्रधानमन्त्री डा. बाबुराम भट्टराईलाई मंगलबार सिंहदरबारस्थित प्रधानमन्त्री कार्यालयमा प्रतिवेदन बुझाएको छ । समितिका संयोजक एवं राखेप उपाध्यक्ष पिताम्बर तिम्सिनाले विभिन्न राष्ट्रिय खेल संघहरुको आर्थिकलगायत विविध पक्षहरुमा गरिएको अध्ययन, विश्लेषण तथा स्थलगत अनुगमनको अनुभव समेतलाई समेट्दै तयार पारिएको प्रतिवेदन प्रधानमन्त्रीलाई बुझाउनु भएको हो ।

  • सफल पोखरा कप : कोलकाता पोर्ट ट्रष्टलाई हराउँदै मच्छिन्द्र सेमिफाइनलमा

    पोखरा, कात्तिक २१ दीपक राईले ह्याट्रिक गरेपछि मच्छिन्द्र क्लव सफल पोखरा कप फुटवल प्रतियोगिताको सेमिफाइनलमा पुगेको छ । पोखरा रंगशालामा मंगलवार भएको अन्तिम क्वार्टरफाइनलमा भारतको कोलकाता पोर्ट ट्रष्ट क्लबलाई ६–० को फराकिलो अन्तरले हराउँदै मच्छिन्द्र सेमिफाइनलमा पुगेको हो ।

  • अर्घाखाँचीमा अन्तराष्ट्रिय रेस्लिङ हुने

    प्रेमनारायण आचार्य/उज्यालो अर्घाखाची, कात्तिक २१ – अर्घाखाँचीमा अन्तराष्ट्रिय रेसलिङ प्रतियोगिता हुने भएको छ । सदरमुकाम सन्धिखर्कमा रहेको टुँडिखेलमा आउँदो मंसीर १६ गते अस्ट्रेलियाका सुपरस्टार हार्टली ज्याको ज्याक्सन र नेपालका अन्तराष्ट्रिय रेस्लर भरतबहादुर विशुरालले प्रतिस्पर्धा गर्ने छन् ।

  • सफल कपमा मछिन्द्र र कोलकाता भिड्दै

    पोखरा, कात्तिक २१ – सफल पोखरा कप फुटवल प्रतियोगिताको अन्तिम क्वाटरफाइनल खेलमा मंगलबार मच्छिन्द्र क्लब र भारतको कोलकत्ता पोर्ट ट्रष्ट क्लबवीच प्रतिस्पर्धा हुँदैछ । मन्छिन्द्र क्लब नेपाल पुलिस क्लबलाई हराउँदै क्वाटरफाइनल प्रवेश गरेको हो भने कोलकाता बाइ पाएर सिधै क्वाटर फाइनल पुगेको हो ।

  • सफल पोखरा कप : हिमालयन शेर्पा सडेन डेथमा विजयी

    पोखरा, कात्तिक २० - हिमालयन शेर्पा क्लव सफल पोखरा कप फुटबल प्रतियोगिताको सेमिफाइनलमा पुगेको छ । पोखरा रंगशालामा सोमवार भएको खेलमा बंगलादेशको २३ वर्षमुनीको राष्ट्रिय टोलीलाई सडेन डेथमा हराउँदै हिमालयन शेर्पा क्लव सेमिफाइनलमा पुगेको हो ।

  • शारीरिक सुगठनमा सचितलाई स्वर्ण

    काठमाडौं, कात्तिक २० - भारतको लुधियानामा भएको नवौं दक्षिण एसियाली शारीरिक सुगठन प्रतियोगितामा नेपालका सचित प्रधानले स्वर्ण जितेका छन् । पुरुषको ६० केजीमा सचितले स्वर्ण जितेको नेपाल शारीरिक सुगठन तथा फिट्नेस संघका महासचिव दिनेश राजभण्डारीले जनाएका छन् ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया