MENU
ujyaalo forign call inside

खेल

  • एसियाली नेटबलमा भाग लिन कोलम्बो जाने टोलीको बिदाइ

    काठमाडौं, भदौं ५ - श्रीलंकाको कोलम्बोमा हुने आठौं एसियाली नेटबल च्याम्पियनसिपमा सहभागी हुने नेपाली महिला टोलीलाई नेपाल नेटबल संघले मंगलबार बिदाइ गरेको छ । १२ खेलाडीसहित १५ सदस्यीय टोली बिहीबार कोलम्बो प्रस्थान गर्दैछ ।

  • १९ वर्षमुनीको क्रिकेटमा नेपालले नामिबियालाई हरायो

    भदौ ५ – अष्ट्रेलियामा सञ्चालन भईरहेको १९ वर्षमुनिको आइसिसी विश्वकप क्रिकेटमा १३ औं स्थानको प्ले अफ सेमिफाइनलमा नामिविया विरुद्ध नेपाल ३९ रनले विजयी भएको छ । प्रतियोगितामा पहिलो जीत हात पार्ने क्रममा नेपालले नामिवियालाई हराएको हो ।

  • नामिबियालाई नेपालको २ सय २० रनको लक्ष्य

    भदौ ५ – १९ वर्षमुनिको आइसिसी विश्वकप क्रिकेटको प्लेट च्याम्पिनसिप अन्तर्गत १३ औं स्थानको प्लेअफ सेमिफाईनलमा नेपालले नामिबियालाई २ सय २० रनको लक्ष्य दिएको छ । अष्ट्रेलियाको ब्रिसबेनमा टस जितेर ब्याटिङ्ग रोजेको नेपालको शुरुवात कमजोर रहेपनि प्रदिप ऐरीले नटआउट ९८ रनको योगदान गरेपछि नेपालले पुरै ५० ओभर खेलेर ७ विकेटको क्षतिमा २ सय १९ रन बनायो ।

  • विश्व च्याम्पियनसिपका लागि बास्केटबल टोली ग्रिस जाँदै

    काठमाडौं, भदौ ४ - प्रथम थ्री वाइ थ्री पुरुष तथा महिला विश्व बास्केटबल च्याम्पियनसिपका लागि नेपाली टोली मंगलबार एथेन्सको राजधानी ग्रिस प्रस्थान गर्दैछ । समान ४–४ खेलाडी रहेको पुरुष र महिलासहित नेपाली टोली संख्या ९ सदस्यीय रहेको छ ।

  • दुर्घटनामा ज्यान गुमाउने खेलाडीका परिवारलाई एन्फाको राहत

    ललितपुर, भदौं ४ - अखिल नेपाल फुटबल संघ एन्फाले गाडी दुर्घटनामा ज्यान गुमाएका २ जना फुटबल खेलाडीका परिवारलाई जनही ५ लाख रुपैयाँ राहत प्रदान गर्ने भएको छ । साउन २३ गते धादिङ्गमा भएको बस दुर्घटनमा ज्यान गुमाउने एन्फा एकेडेमीका खेलाडी रञ्जन थापा र सागर परियारप्रति शोक व्यक्त गर्न सोमवार एन्फा कम्लेक्स सातदोबाटोमा भएको कार्यक्रममा एन्फा अध्यक्ष गणेश थापाले राहत प्रदान गर्ने घोषणा गरेका हुन् ।

  • दौडेर १४ अञ्चल ७५ जिल्लाको यात्रा

    काठमाडौ, भदौ ४ - जुम्ला बाइराका ३ घर भएका २२ वार्षिय कुलबहादुर शाहीले दौडेर १४ अन्चल, ७५ जिल्लाको भ्रमण गरेका छन् । लामो समयदेखिको अशान्तिबाट आक्रान्त भएका शाहीले मुलुकमा दिगो शान्ति कायम होस, कसैले पनि अब द्वन्द्वको पीडा झेल्न नपरोस भन्ने कामनाका साथ दौड यात्रा गरेका हुन ।

  • विश्वकप क्रिकेटको प्लेट च्याम्पियनिसीपमा नेपाल श्रीलङ्कासंग पराजित

    भदौ ४ – १९ वर्षमुनीको आइसिसी विश्वकप क्रिकेट प्रतियोगिताको प्लेट च्याम्पिनसिपको क्वाटर फाइनलमा नेपाल श्रीलंकासँग ८ विकेटले पराजित भएको छ । अष्ट्रेलियाको ब्रिसबेनमा नेपालले श्रीलंकालाई जितका लागि ८० रनको झिनो लक्ष्य दिएको थियो ।

  • यू-१९ विश्वकप क्रिकेट : दक्षिण अफ्रिका र अष्ट्रेलिया सेमिफाइनलमा

    भदौ ३ - अष्ट्रेलिया र दक्षिण अफ्रिका  यू-१९ विश्वकप क्रिकेटको सेमिफाईनल प्रवेश गरेका छन् । क्वार्टरफाईनलमा अष्टे«लियाले बंगलादेश र दक्षिण अफ्रिकाले ईङ्ल्याण्डलाई पराजित गर्‍यो । १ सय १ सय ७२ रनको लक्ष्य अष्ट्रेलियाले ४५ औं ओभरमा पुरा गर्‍यो । ३३ रन बनाउदा ४ विकेट लिएर अष्ट्रेलियालाई आच्छु आच्छु बनाए पनि बंगलादेशले हार टार्न सकेन ।

  • उसु टोली भियतनाम प्रस्थान

    काठमाडौं, भदौ २ - भियतनामको होचिमिन्हमा हुने आठौं एसियाली उसु च्याम्पियनसिपमा सहभागी हुन ७ खेलाडीसहित ८ सदस्यीय नेपाली टोली शनिबार त्यसतर्फ प्रस्थान गरेको छ । पुरुष खेलाडीमा सान्सौंतर्फ राजुकमार राईले ५२ केजी, युवराज गुरुङले ५६ केजी तथा थाउलोमा निराजन आले मगरले छान् छ्वान अलराउन्ड र राजु महर्जनले नान् छ्वान अलराउन्डमा प्रतिस्पर्धा गर्नेछन् ।

  • हरिओम बाँसवारीको प्रशिक्षकमा नियुक्त

    काठमाडौ, भदौ २ – ए डिभिजन फूलवल क्लब बाँसवारी क्लवले हरिओम श्रेष्ठलाई मुख्य प्रशिक्षकमा नियुक्त गरेको छ । क्लवले शनिवार विज्ञप्ति निकाली श्रेष्ठलाई आगामी लिग अर्थात चैत मसान्तसम्मका लागि क्लवको मुख्य प्रशिक्षकमा नियुक्त गरिएको जानकारी दिएको हो ।

  • इङ्गलिस प्रिमियर र स्पेनी लिग आजदेखि

    भदौ २ – फुटबलका दुई महत्वपूर्ण प्रतियोगिता इङ्गलिस प्रिमियर लिग र स्पेनी ला लिगाको नयाँ सिजन शनिवारदेखि शुरु हुँदैछ । प्रिमियर लिगमा शनिवार ७  वटा खेल हुनेछन् ।  हालै चेल्सीमा भित्रिएका मिडफिल्डर मार्को मारीनले नयाँ स्वरुपको चेल्सीले चालु सिजनमा उपाधि रक्षा गर्नेमा कुनै शंका नरहेको बताएका छन् ।

  • नेपाली क्रिकेट टोली प्रशिक्षणका लागि श्रीलंका प्रस्थान

    काठमाडौं, भदौ १ – आईसीसी विश्व क्रिकेट लिग डिभिजन ४ को तयारीमा रहेको नेपाली टोली आज प्रशिक्षणका लागि श्रीलंका गएको छ । कप्तान पारस खड्का सहितका खेलाडीहरु काठमाण्डुबाट भारतको नयाँ दिल्ली, बेंगलोर हुँदै श्रीलंका पुग्ने नेपाल क्रिकेट संघ क्यानले जनाएको छ ।

  • मैत्रीपुर्ण खेलमा हिमालयन शेर्पाद्वारा नेपाल आर्मी पराजित

    काठमाडौं, भदौ १ – हिमालयन शेर्पा क्लबले मैत्रीपुर्ण खेलमा नेपाल आर्मी क्लबलाई एकका विरुद्ध तीन गोलले हराएको छ । एनसेल कपको तयारीमा रहेका दुई क्बल बीच नेपाल आर्मीको फुटबल मैदान भद्रकालीमा भएको मैत्रीपुर्ण खेलमा हिमालयन शेर्पा क्लबका लागि गणेश खड्का, कुञ्जन गुरुङ्ग र जङ्ग्बु शेर्पाले गोल गरे भने आर्मीका लागि एक मात्र गोल सन्तोष नेपालीले गरे ।

  • सहारा एकेडेमीको भवन निर्माणका लागि बिदेशबाट नेपालीको सहयोग

    पोखरा, भदौ १ – पोखराको दोविल्लामा निर्माणाधिन सहारा एकेडेमीको भवन निर्माणका लागि हङ्कङ् र बेलायतमा बस्दै आएका नेपालीले २ लाख २१ हजार रुपैयाँ सहयोग गरेका छन् । सहयोग रकम सहारा क्लवका अध्यक्ष विक्रम थकालीलाई आज हस्तान्तरण गरिएको छ ।

  • प्रशिक्षणका लागि नेपाली क्रिकेट टोली श्रीलङ्का जाँदै

    काठमाडौ, भदौ १ – आईसीसी विश्व क्रिकेट लिग डिभिजन ४ को तयारीमा रहेको नेपाली टोली शुक्रवार प्रशिक्षणका लागि श्रीलंका जाँदैछ । बिहान १० बजे भारतको नयाँ दिल्ली हुँदै कप्तान पारस खड्का सहितका खेलाडीहरु श्रीलंका जाने नेपाल क्रिकेट संघ क्यानले जनाएको छ ।

  • नेपालको खेलकुद ढुङ्गे युगमा : सदस्य सचिव लामा

    भक्तपुर, साउन ३२ - राष्ट्रिय खेलकुद परिषद्का सदस्यसचिव युवराज लामाले नेपालको खेलकुद ढुङ्गे युगमा चलिरहेको बताउनुभएको छ । भक्तपुर जिल्ला खेलकुद विकास समितिले विहीवार आयोजना गरेको कार्यक्रममा उहाँले परिषद्बाट स्कुल, कलेज र विश्वविद्यालय केन्द्रित खेल कार्यक्रम ल्याउन लागिएको जानकारी दिनुभयो । खेल क्षेत्रलाई राजनीतिबाट अलग राख्न अनुरोध गर्दै उहाँले भन्नुभयो  “खेलाडी काँग्रेस, एमाले र माओवादीको हुन सक्दैन खेलाडीहरु राष्ट्रका सम्पत्ति हुन् ।” उहाँले भक्तपुरमा उसु एकेडेमी स्थापना ...

  • नेपाल १९ वर्षमुनीको विश्वकप क्रिकेटको तेश्रो खेलमा पनि पराजित

    साउन ३२ – नेपाल १९ वर्षमुनीको विश्वकप क्रिकेटको उपाधी होडबाट बाहिरिएको छ । समूह चरणको तेश्रो खेलमा इङ्गल्याण्डसंग १ सय २६ रनले हार ब्योहोरेपछि नेपाल प्रतियोगिताको अघिल्लो चरण प्रवेश गर्नबाट बञ्चित भयो ।

  • १९ वर्षमुनीको विश्वकप क्रिकेटमा नेपाल र इङ्गल्याण्ड भिड्दै

    साउन ३२ – १९ वर्षमुनिको विश्वकप क्रिकेटमा नेपाल इग्ल्याण्डवीचको खेल शुरु भएको छ । नेपाल विरुद्ध टस जितेर इङ्गल्याण्डले ब्याटिङ गरिरहेको छ । यसअघिका खेलमा नेपाल अष्टे«लिया र आयरल्याण्डसंग पराजित भएको छ । इङ्गल्याण्ड भने अष्ट्रेलियासंग पराजित भएपनि आयरल्याण्डलाई हराएको थियो ।

  • १९ वर्षमूनिको विश्वकप क्रिकेटको दोश्रो खेलमा पनि नेपाल पराजित

    साउन ३१ – अष्ट्रेलियामा भईरहेको १९ वर्ष मूनिको आईसीसी विश्वकप क्रिकेट अन्तर्गत आफ्नो दोश्रो खेलमा पनि नेपाल पराजित भएको छ । आयरल्याण्ड विरुद्ध बुधवार भएको खेलमा नेपाल १४ रनले पराजित भएको हो । १ सय ८६ रनको लक्ष्य पच्छ्याएको नेपाल ३ वल बाँकी छँदा १ सय ७१ रनमा समेटियो ।

  • १९ वर्षमूनिको विश्वकप क्रिकेटमा नेपाल र आयरल्याण्डवीचको खेल हुँदै

    साउन ३१ – अष्ट्रेलियामा भइरहेको १९ वर्षमूनिको आईसीसी विश्वकप क्रिकेटको आफ्नो दोश्रो खेलमा बुधवार नेपाल र आयरल्याण्ड भिड्दैछन् । टाउन्सभिल्लीमा टस जितेर आयरल्याण्डले ब्याटिङ रोजेको छ ।

  • विद्यालय खेलकुद विकास बोर्ड गठन हुने

    काठमाडौं, साउन ३० - राष्ट्रिय खेलकुद परिषद् (राखेप) ले विद्यालय खेलकुद विकास बोर्ड गठन गर्ने भएको छ । राखेप र प्याब्सनसंगका पदाधिकारी सम्मिलित बैठकले मंगलवार विकास बोर्ड गठन गर्ने निर्णय गरेको हो । राखेप सदस्य–सचिव एवं खेलकुद कलेज स्थापना कार्यदलका संयोजक युवराज लामाको अध्यक्ष्तामा बसेको बैठकमा कक्षा ११ र १२ मा उच्च माध्यमिक शिक्षा परिषद्ले स्वीकृत गरेको विज्ञान विषयको कक्षा सञ्चालन, नेपाल स्पोर्टस् कलेजको स्थापना र भावी रणनीतिका सम्बन्धमा छलफल भएको थियो ।

  • ओलम्पिक झण्डा रियो दि जेनिरियोमा पुर्‍याइयो

    साउन ३० – ओलम्पिक झण्डा ब्राजिलको राजधानी रियो दि जेनेरियो पु¥याइएको छ । रियो सन् २०१६ को ओलम्पिक आयोजना गर्ने शहर हो । शहर रियो दि जेनेरियोको मेयर एडवार्डो पेशले लण्डनबाट ओलम्पिक झण्डा लगेका हुन् ।

  • साफ महिला फुटबलको तयारीका लागि ३० खेलाडी छानिए

    काठमाडौं, साउन २९ - दोश्रो साफ महिला फुटबल च्याम्पियनसिपका लागि अखिल नेपाल फुटबल संघ एन्फाले दोश्रो चरणमा ३० जना खेलाडी छनौट गरेको छ । पहिलो चरणमा भएको प्रशिक्षणमा सहभागि ४६ जना खेलाडी मध्येबाट ३० जना खेलाडी छनौट गरिएको हो । दोश्रो चरणको छनौटमा परेका ३० जना खेलाडीलाई नेपाली राष्ट्रिय महिला फुटबल टीमका प्रशिक्षकद्वय किशोर केसी र कुमार कटुवालले प्रशिक्षण दिने एन्फाले जनाएको छ ।

  • लन्डन ओलम्पिक सकियो, अमेरिका शीर्ष स्थानमा (पदक तालिका सहित)

    साउन २९ – विशेष समारोहका साथ लण्डन ओलम्पिकको सोमबार समापन भएको छ । दुईहप्तासम्म बेलायतको राजधानी लण्डनमा चलेको ओलम्पिकको बिहान बेलायती गीत संगीत तथा परम्परातगत साँस्कृति झाँकी सहित समापन गरिएको हो ।

  • १९ वर्षमुनीको विश्वकप क्रिकेटमा नेपाल अष्ट्रेलियासंग पराजित

    साउन २९ – १९ वर्षमुनीको विश्वकप क्रिकेट अन्तर्गत सोमबार नेपाल अष्ट्रेलियासंग २१२ रनले पराजित भएको छ । जितका लागि २ सय ९५ रनको लक्ष्य पच्छ्याएको नेपाल २३ दशमलब ५ ओभरमा सबै विकेट गुमाएर ८२ रनमा समेटियो ।

  • धाविका विश्वरुपा वुढालाई सम्मान

    जुम्ला, साउन २८ - अन्तराष्ट्रिय यूवा दिवसको अवसरमा जुम्लामा यूवा खेलाडी विश्वरुपा वुढालाई सम्मान गरिएको छ ।  यूवा दिवसको अवसरमा राष्ट्रिय यूवा संस्था महासंघ शाखा जुम्ला र यूवा सरोकार मञ्चको आयोजनामा भएको कार्यक्रममा जुम्लामा जन्मिएर राष्ट्रिय स्तरमा पहिचान कायम राख्न सफल भएको भन्दै धावक विश्वरुपा वुढालाई सम्मान गरिएको हो ।

  • यू १९ विश्वकप क्रिकेट : वेष्ट इण्डिजद्वारा भारत पराजीत

    साउन २८ - अष्ट्रेलियामा चलिरहेको यू – १९ विश्वकप क्रिकेटमा भारत वेष्ट इण्डिजसँग पराजित भएको छ । १ सय ६७ रनको लक्ष्य वेष्ट इण्डिजले ४७ दशमलव १ ओभरमा ६ विकेट गुमाउँदै भेटाएपछि भारत ४ विकेटले पराजित भएको हो । भारतका हरमित सिंहले ३ विकेट लिए पनि टीमलाई जिताउन सकेनन् ।

  • नेहरु कपका लागि राष्ट्रिय फुटबल टीमको घोषणा

    ललितपुर, साउन २८ - भारतको राजधानी नयाँ दिल्लीमा भदौ ६ गतेदेखि सुरु हुने नेहरु कप फुटबल प्रतियोगिताका लागि अखिल नेपाल फुटबल संघ एन्फाले २१ सदस्यीय टोलीको घोषणा गरेको छ । एन्फा कम्लेक्स सातदोबाटोमा पत्रकार सम्मेलन गरी राष्ट्रिय टिमका मुख्य प्रशिक्षक कृष्ण थापाले टोलीको घोषणा गरेका हुन् ।

  • लण्डन ओलम्पिक आज सकिँदै, अमेरिका शीर्षस्थानमा

    साउन २८ – लण्डन ओलम्पिक आज सकिंदैछ । ओलम्पिकको १५ औं दिन सम्म पदक तालिकामा अमेरिकाले अग्रता कायम गरेको छ । ४४ स्वर्ण, २९ रजत र २९ कास्य सहित कुल १ सय २ पदकका साथ अमेरिका शीर्षस्थानमा छ ।

  • यू १९ क्रिकेट : अष्ट्रेलिया, बंगलादेश, पाकिस्तान र जिम्बाबे विजयी

    साउन २७ - आयोजक अष्ट्रेलियासहित बंगलादेश, पाकिस्तान, र जिम्बाब्वेले १९ वर्ष मूनिको आइसिसी विश्वकप क्रिकेटमा विजयी शुरुवात गरेका छन् । बंगलादेशले श्रीलंकालाई २५ रनले पराजित ग¥यो । पहिले ब्याटिङ गरी २ सय ४९ रन बनाएको बंगलादेशले श्रीलंकालाई २ सय २४ रनमा सीमित गर्‍यो । बंगलादेशका लागि अमिनुल हकले १ सय १ रन बनाए ।

  • अमेरिकी खेलाडीद्वारा ओलम्पिकमा २७ वर्ष पुरानो किर्तिमान भंग

    साउन २७ – अमेरिकाले महिला ४ गुणा १ सय मिटर रिले दौडमा २७ वर्ष पुरानो किर्तिमान भंग गरेको छ । चालु लण्डन ओलम्पिकमा अमेरिकी महिला टोलीले सन् १९८५ मा पूर्वी जर्मनीले बनाएको ४१ दशमलव ३७ सेकेन्डको रेकर्ड तोडेर ४० दशमलव ८२ सेकेन्डको नयाँ रेकर्ड राख्दै स्वर्ण पदक हात पारेको हो ।

  • ट्वान्टी–ट्वान्टी विश्वकप क्रिकेटका लागि यूवराज सिंह छनौट

    काठमाडौं, साउन २६ – क्यान्सरसँग संघर्ष गरेर फर्केका भारतीय क्रिकेटर यूवराज सिंह ट्वान्टी–ट्वान्टी विश्वकप क्रिकेटका लागि छनौट भएका छन् । सेप्टेम्बरमा श्रीलंकामा हुने ट्वान्टी–ट्वान्टी विश्वकपका लागि घोषणा भएको टीममा यूवराज सिंहलाई छानिएको छ ।

  • उपचाररत बक्सिङका राष्ट्रिय प्रशिक्षक श्रेष्ठलाई आर्थिक सहयोग

    काठमाडौं, साउन २६ – नशा सम्बन्धि रोगको उपचार गराइरहेका बक्सिङका राष्ट्रिय प्रशिक्षक कृष्णमान श्रेष्ठलाई नेपाल बक्सिङ सङ्घले आर्थिक सहयोग गरेको छ । मकाउमा रहेका नेपाली तथा बक्सिङ खेलाडीले सङ्कलन गरेर पठाएको २ लाख १९ हजार राष्ट्रिय खेलकुद परिषद्का सदस्य सचिव युवराज लामाले श्रेष्ठलाई हस्तान्तरण गर्नुभयो ।

  • लन्डन ओलम्पिकमा फेरि अमेरिका अगाडि

    साउन २६ – लण्डन ओलम्पिकको १४ औं दिन पदक तालिकामा अमेरिकाले चीनलाई पछि पारेको छ । अमेरिका ३९ स्वर्ण २५ रजत र २६ कास्यका साथ शीर्ष स्थानमा छ भने चीनले ३७ स्वर्ण, २४ रजत र १९ कास्य हात पारेको छ । २५ स्वर्ण १३ रजत र १४ कास्य सहित आयोजक बेलायत तेश्रो स्थानमा छ ।

  • लन्डन ओलम्पिकमा जमाइकाका धावकको नयाँ किर्तिमान

    साउन २६ – जमाइकाका धावक उसेन बोल्टले चालु लण्डन ओलम्पिकमा २ सय मिटर दौडमा पनि स्वर्ण पदक जित्दै नयाँ किर्तिमान कायम गरेका छन् ।  यसअघि उनले १ सय मिटरमा पनि स्वर्ण हात पारेका थिए ।

  • पौडीमा शिरिष गुरुङको नयाँ किर्तिमान

    काठमाडौं, साउन २५ - सत्रौं राष्ट्रिय तथा उमेरसमूह पौडी प्रतियोगिताको दोश्रो तथा अन्तिम दिन बिहीबार पुरुषको १ हजार ५ सय मिटर फ्रिस्टायलमा काठमाडौंका शिरिष गुरुङले नयाँ किर्तिमान बनाएका छन् । १४ वर्षिय शिरिषले निर्धारित दूरी पूरा गर्न १९ मिनेट ४८ दशमलव १६ सेकेन्ड समय लगाए ।

  • काठमाडौंमा अन्तराष्ट्रिय समलिंगी खेलकूद प्रतियोगिता हुने

    काठमाडौं, साउन २५ – नील हीरा समाज नेपालको आयोजनामा असोज २६, २७ र २८ गते पहिलो ब्लु डाइमण्ड अन्तराष्ट्रिय समलिंगी खेलकूद प्रतियोगिता २०१२ हुने भएको छ । काठमाडौंको दशरथ रंगशालामा हुने पहिलो अन्तराष्ट्रिय खेलकूद प्रतियोगितमा नेपाल सहित विश्वभरका यौनिक तथा लैगिक अल्पसंख्यक समूदायका सदस्य र यसका सहयोगीहरुको सहभागिता रहने छ ।

  • धादिङमा भएको दुर्घटनामा घाइते खेलाडीको निधन

    काठमाडौ, साउन २५ – धादिङमा मंगलवार भएको गाडी दुर्घटनामा घाईते भएका एन्फा एकेडेमीका खेलाडी सागर परियारको निधन भएको छ । परियारको काठमाडौको अन्नपूर्ण न्यूरो अस्पतालमा उपचारका क्रममा बिहीबार बिहान ज्यान गएको एन्फाका उपाध्यक्ष एंव प्रवक्ता ललितकृष्ण श्रेष्ठले बताउनुभयो ।

  • ओलम्पिकको पुरुष भलीवलमा अमेरिका बाहिरियो

    साउन २५ – डिफेन्डिङ च्याम्पियन अमेरिका लण्डन ओलम्पिकको पुरुष भलीवलमा क्याटर फाइनलबाटै बाहिरिएको छ । इटलीसंग पराजित हुँदै अमेरिका बाहिरिएको हो । महिला भलीवल टिम भने सेमिफाईनलमा पुगिसकेको छ । विच भलिबलतर्फ अमेरिकाले स्वर्ण पदक जितेको छ ।

  • फुटबल खेलाडी रञ्जन थापाको निधनप्रति एन्फाको समवेदना

    ललितपुर, साउन २४ - अखिल नेपाल फुटबल संघ एन्फाले  एन्फा एकेडेमीका खेलाडी रंजन थापाको धादि¨को सिम्लेमा मंगलवार भएको बस दुर्घटनामा परि निधन भएकोमा समवेदना प्रकट गरेको छ । एन्फाले वुधवार एक विज्ञप्ति निकाली समवेदना व्यक्त गरेको हो । एन्फाले निकालेको विज्ञप्तिमा २०५४ साल साउन २७ गते पोखरा, लामाचौरमा जन्मेका उदयमान युवा फुटबल खेलाडी रंजन थापाको असामहिक निधनले एउटा उदयमान युवा खेलाडी गुमाएको उल्लेख छ ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया