MENU
ujyaalo forign call inside

बातावरण-कृषि

  • भोकमरी पीडितका लागि कृषि कार्यक्रम

    जाजरकोट, साउन २७ – भोकमरी पीडित किसानका लागि संयुक्त राष्ट्र संघको आर्थिक  सहयोगमा जाजरकोटमा खाद्य तथा कृषि सम्वन्धि कार्यक्रम संचालन हुने भएको छ । खाद्य संकटको उच्च जोखिममा रहेका पजारु, अर्छानी, टालेगाउँ, मजकोट, जगतिपुर, रग्दा, भगवती, नायकवाडा र रोकायागाउँ गाविसमा खाद्यको पहुँच पुर्याउने  उदेश्यले कार्यक्रम संचालन गर्न लागिएको हो ।

  • पाँचथरमा दुई महिनादेखि फोहोर उठाइएन

    पाँचथर, साउन २६ – पाँचथरको फिदिम बजारको फोहोर २ महिनादेखि उठाइएको छैन । फोहोर नउठाएपछि स्थानीयबासिन्दामा रोगको संक्रमण फैलने त्रास बढेको छ । स्थानीय समुदाय र गाविसको सहयोगमा ८ वर्ष अघि फोहोर उठाउनका लागि खरिद गरिएको ट्याक्टर बिग्रिएपछि फोहोर उठ्न नसकेको हो ।

  • इकुडोलमा शौचालय बनाउन कडाइ

    ललितपुर, साउन २६ – ललितपुरको ईकुडोल गाविसले एक वर्ष भित्र गाविसलाई खुला दिशामुक्त क्षेत्र बनाउने अभियान सफल पार्न भन्दै शौचालय निर्माणको काममा कडाई गर्ने भएको छ । एक घर एक शौचालय अभियान अन्तर्गत साउन मसान्तसम्म शौचालय निर्माण शुरु गर्न गाविसले अपिल जारी गरेको छ ।

  • मनसुन पूर्ण सक्रिय हुन सकेन

    काठमाडौ, साउन २५ – यसपाली मनसुन पूर्ण रुपमा सक्रिय हुन सकेको छैन । सामान्यतः मनसुन प्रवेश गरेपछि देशैभरी सक्रिय हुनुपर्नेमा यसवर्ष त्यस्तो नदेखिएको मौसमविद्हरुले बताएका छन् । पूर्वी क्षेत्रमा सक्रिय हुँदा पश्चिमी क्षेत्रमा पानी नपर्ने र पश्चिमी क्षेत्रमा सक्रिया हुँदा पूर्वी क्षेत्रमा पानी नपर्ने भईरहेको छ ।

  • ४२ घार मौरी मरे

    चितवन, साउन २४ - चिनीको बोरामा भएको विशाक्त पदार्थका कारण चैनपुरका किसान सुरेश बस्नेतको ४२ घार मौरी मरेका छन् । फुल नफुल्ने मौसम भएकाले चिनीको चास्नी खुवाउने क्रममा विशाक्त पदार्थ खाएपछि मौरी मरेका हुन् । १ सय १० घार मौरी पालेका बस्नेतले अरु मौरीले पनि चास्नी खाएकाले ती मौरी पनि मर्न सक्ने बताउनुभयो ।

  • भू संरक्षण दिवशमा वृक्षारोपण

    धादिङ, साउन २४ – भू संरक्षण दिवसको अवसर पारेर बुधवार बिहान नेपाल पत्रकार महासंघ धादिङको भवन निर्माण स्थलको वरिपरी बृक्षारोपण गरिएको छ । जिल्ला भू संरक्षण कार्यालय धादिङ र नेपाल पत्रकार महासंघ जिल्ला शाखा धादिङले खयर, सिसौ, कपुर, बाँस लगायतका विभिन्न प्रजातीका २ सय वटा बिरुवा रोपेका छन् ।

  • शीतभण्डार नहुँदा आलुमा परनिर्भर

    काठमाडौ, साउन २४ – नेपालमा पर्याप्त शीतभण्डार नहुँदा सिजन नभएका बेला आलुका लागि अरु देशको भर पर्नुपर्ने बाध्यता छ । नीजि स्तरबाट संचालित सीमित संख्याका शीतभण्डारहरुमा प्रशस्त राख्ने ठाउँ नहुँदा सिजनमा निकै सस्तो हुने र सिजन नहुँदा निकै महंगोमा आलुको किनबेच हुन्छ ।

  • अछाममा ३० प्रतिशत खेत बाँझै

    अछाम, साउन २३ – साउन महिना वित्न लाग्दा पनि अछामका ३० प्रतिशत खेतहरु बाँझै छन् । रोपाँई गर्न पुग्नेगरी पानी नपरेका कारण आकाशे पानीका भरमा रोपाँई हुने खेतहरु बाँझै रहेको जिल्ला कृषि विकास कार्यालयले जनाएको छ ।

  • पहाड र तराइका वालीनालीमा शंखेकिरा प्रकोप

    काठमाडौ, साउन २३ – पछिल्ला वर्षहरुमा बालीनाली र तरकारी खेतीमा शंखेकिराको प्रकोप बढ्दै गएको किसानले बताएका छन् । नियन्त्रणको लागि जति प्रयास गर्दा पनि सफल हुन नसकेको किसानको गुनासो छ । खासगरी तराई र पहाडका केही क्षेत्रमा शंखेकिरा र चिप्लेकिराले किसानलाई दुःख दिने गरेको छ ।

  • रुकुम : तरकारी बिऊ उत्पादनको जिल्ला रुकुम : तरकारी बिऊ उत्पादनको जिल्ला

    आदर्श केसी/उज्यालो । रुकुम, साउन २२ – सशस्त्र द्वन्द्वको उद्गमथलो रुकुमले कृषि उत्पादनमा फड्को मारी तरकारीको विऊ निर्यात गर्ने जिल्लाको पहिचान बनाएको छ । जिल्लामा बर्षेनी लाखौ रुपैयाँको तरकारी र बीऊ उत्पादन भएपछि आम्दानी बढ्नुका साथै रुकुमलाई चिन्ने नयाँ पहिचान थपिएको हो ।

  • थाहा नभएको रोगले २१ भैंसी मरे

    अछाम, साउन २२– अछामको विनायकमा पहिचान नभएको रोगबाट २१ वटा भैंसी मरेका छन् । पाँचदिनदेखि फैलिएको रोगका कारण २१ वटा भैंसी मरेको स्थानीय पत्रकार चन्द्र थापाले जनाएका छन् । भैंसीमा खोक्ने, कान, आँखा, र घाँटी सुन्निने, पातलो दिशा गर्ने जस्ता लक्षण देखिने गरेको स्थानीय  लोक बहादुर कडायतले बताउनुभयो ।

  • गँड्यौले मल उत्पादन शुरु

    काठमाडौं, साउन २२ - हरेक वर्ष रासायनिक मलको अभाव बढ्दै गईरहेकाले यसको विकल्पमा ठूलो परिमाणमा गँड्यौले मल उत्पादन शुरु गरिएको छ । अहिले सम्म कौसी र करेसा बारीका लागि मात्रै गँड्यौले मल उत्पादन गरिंदै आएकोमा अब खेतबारीमा समेत प्रयोग हुने गरी ठूलो परिमाणमा उत्पादन गर्ने प्रयास भईरहेको यस क्षेत्रमा क्रियाशील ग्लोबल पिस एशोशिएसनले जनाएको छ ।

  • कृषिवन किसानका लागि उपयोगी

    काठमाडौं, साउन २२ - बारीको कान्लामा आधारित कृषिवन किसानका लागि उपयोगी बनेको विज्ञले बताएका छन् । १० वर्षदेखि शुरु भएको अनुसन्धान अहिले बिभिन्न ठाउँमा विस्तार गरिएको कृषि अनुसन्धान केन्द्रले जनाएको छ । राईखन्यू, नेवारो, भीमल, टाँकी, खरी, पट्मेरो, नेपियर, अम्रिसो, डेस्मोडियम, राइग्रास, पारा, मोलासेस, स्टाईलो प्रजातिका घाँस कान्लामा बढी सप्रने देखिएको नार्कका बरिष्ठ बैज्ञानिक डाक्टर टिपी बराकोटीले बताउनुभयो ।

  • आजदेखि मौसममा सुधार

    काठमाडौ, साउन २० – दुइ दिनसम्म लगातार पानी परेकोमा शनिवार भने बिहानैदेखि घाम लागेको छ । काठमाडौ सहित देशका धेरै ठाउँमा मौसममा सुधार आएको मौसम पुर्वानुमान महाशाखाले जनाएको छ । महाशाखाका मौसमविद् राजु प्रधानाङ्गका अनुसार पश्चिमका केही ठाउँमा हल्का वर्षा भएपनि अरु ठाउँमा पानी पर्ने सम्भावना कम छ ।

  • जुम्लामा सौचालय बनाउनेलाई परिचयपत्र

    जुम्ला, साउन १९ – जुम्लामा सरसफाई परिचयपत्र वितरण शुरु भएको छ । जुम्लाका धापा, पाण्डपगुफा र कनकासुन्दरी गाउँ बिकास समितिमा सरसफाइ परिचयपत्र वितरण शुरु भएको हो । सरसफाइलाई बढवा दिन परिचय पत्र वितरण गरिएको जिल्ला खानेपानी तथा सरसफाई डिभिजन कार्यालय जुम्लाले जनाएको छ ।

  • ८ हजार घ्यूकुमारीको विरुवा रोपियो

    स्याङजा, साउन १९ – स्याङ्जाको पेलाकोट गाविस ५ तारुखोलाको ११ रोपनीमा ८ हजार घ्यूकुमारीको विरुवा रोपिएको छ । जिल्ला वन कार्यालयले दिएको ८८ हजार रुपैँया आर्थिक सहयोग र एजिको नेपाल रेडियो वालिङको व्यवस्थापनमा घ्यूकुमारी रोपिएको हो ।

  • नेपाललाई अनारको उत्पादनमा अत्मनिर्भर बनाउने घोषणा

    काठमाडौं, साउन १८ - नेपाल अनार संघले अनार खेतीलाई गाउँ–गाउँसम्म पु¥याएर नेपाललाई अनारमा उत्पादनमा आत्मनिर्भर बनाउने घोषणा गरेको छ । नेपाल जस्तो कृषि प्रधान देशमा विदेशी अनारमा नेपाली उपभोक्ताहरु निर्भर हुनुपरेको अवस्था लज्जास्पद भएको भन्दै संघले अनार खेतीलाई अभियानको रुपमा लगि स्वदेशकै अनारबाट आत्मनिर्भर बनाएर नेपाललाई अनार खेतीको देशको रुपमा परिचत गराउने घोषणा गरेको हो ।

  • विपन्न वस्तीमा पक्की शौचालय

    एलबी थापा/उज्यालो । प्यूठान, साउन १७ – विजुवार ८, इन्द्रेडाँडाकी महेश्वरी नेपालीलाई अहिले दिसापिसाब गर्न बारीको कुना  र जंगलतिर जानु पर्दैन । कसैले देखिहाल्छन् की भन्ने डर पनि छैन । घर छेउमै शौचालय बनेपछि धेरै सजिलो भएको छ ।

  • उत्पादनको मुख्य सिजनमा चियाको बोटमा रोगको प्रकोप

    पाँचथर, साउन १७ –  पूर्वी पहाडी क्षेत्रमा खेती गरिँदै आएको अर्थोडक्स चियाको बोटमा नयाँ रोग देखिएको छ । चियाको तक्दा ३८३ प्रजातिमा नयाँ रोग देखिएपछि चियाको मुख्य सिजनमा चियाको मुना कुहिएको उत्पादन प्रभावित भएको छ ।

  • काठमाडौको फोहोर बोकेको गाडी सिसडोलका वासिन्दाले रोके

    काठमाडौ, साउन १६ – काठमाडौ महानगरपालिकाबाट फोहोर बोकेर सिसडोल पुगेको गाडीलाई स्थानीय बासिन्दाले रोकेका छन् । फोहोर लिएर गएको गाडीका चालकसित विवाद भएपछि स्थानीय बासिन्दाले गाडी रोकेको महानगरपालिकाका वातावरण महाशाखाका प्रमुख रविनमान श्रेष्ठले बताउनुभयो ।

  • पर्यटक पर्खदै बाजुराको बडिमालिका

    निमेन्द्र शाही/उज्यालो । बाजुरा, साउन १६ – बाजुराको धार्मिक तथा पर्यटकीय गन्तब्य बडिमालिकामा जनैपुर्णिमाको अघिल्लो दिन लाग्ने मेलाको रौनक बढेको छ । सदरमुकाम मार्तडीदेखि तीन दिन पैदल हिँडेपछि पुगिने बडिमालिकामा भगवतीको दर्शन गरे मनले चिताएको वरदान प्राप्त हुने जनविश्वास छ । हरेक वर्षको साउन र जेठमा बिशेष पूजाआजा हुने बेला तीर्थालु तथा पर्यटकहरु बडिमालिका पुग्ने गर्छन् ।

  • अझै ३५ प्रतिशत खेतमा रोपाँई बाँकी

    काठमाडौ, साउन १६ – राम्रोसँग पानी नपर्दा देशभर धानखेती हुने ६५ प्रतिशत क्षेत्रमा मात्र रोपाँई भएको छ । गएको वर्ष यही समयमा ८५ प्रतिशत रोपाँई भैसकेको थियो । उच्च पहाडमा ७७ प्रतिशत, पहाडमा ७५ प्रतिशत र तराईमा ५८ प्रतिशत रोपाँई भएको कृषि विकास मन्त्रालयले जनाएको छ ।

  • बिऊबाट तयार पारिएको अनारको विरुवा उपयुक्त

    काठमाडौ, साउन १५ – अनारको व्यवसायिक खेती गर्ने किसानलाई बीउबाट तयार पारिएको बिरुवा नरोप्न बिज्ञले सुझाब दिएका छन् । यस्ता बिरुवामा माऊ बोटको जस्तो गुण नहुने भएकाले राम्रो उत्पादन लिन नसकिने फलफूल विकास निर्देशनालयका कार्यकारी निर्देशक चुतराज गुरुङ्गले बताउनुभयो ।

  • विदेशमा माग बढेपछि किसानहरु कफी खेतीमा आकर्षित

    काठमाडौ, साउन १५ – अन्तर्राष्ट्रिय बजारमा माग बढेपछि किसान अर्गानिक चिया कफीको खेतीतर्र्फ आकर्षित भएका छन् । नेपालमा उत्पादन हुने चिया तथा कफी तेस्रो मुलुकमा बढी खपत हुने गरेकाले किसान अर्गानिक खेतीमा आकर्षित भएका हुन् ।

  • चराको अनुसन्धानमा राज्य गम्भीर नभएको गुनासो

    काठमाडौं, साउन १२ - नेपालमा क्रियाशिल पंक्षीविद्हरुले नेपालमा चराहरुको अनुसन्धानमा राज्य गम्भीर नभएको बताएका छन । शुक्रवारदेखि शुरु हुने नेपाल पंक्षीविद् संघको साधारण सभामा सहभागि हुन चितवन पुगेका देशभरका झण्डै ५० जना चरा विशेषज्ञहरुले सरकारले अनुसन्धानमा प्रभावकारी काम गर्न नसकेको बताएका छन । देशभर पाईने ८ सय ७१ प्रजातिका चराहरु मध्य १ सय ४९ प्रजातिका चराहरु संकटमा छन ।

  • तरकारीको भाऊ घट्न सकेन

    काठमाडौं, साउन १२ - वर्षे तरकारीको सिजन भईसक्दा पनि बजारमा तरकारीको भाउ घट्न सकेको छैन । उत्पादनस्थलबाट सस्तोमा तरकारी ल्याएपनि ढुवानी लागत र बर्खामा पानीले भिजेर तरकारीमा नोक्सानी ब्योहोर्नु पर्ने भएकाले भाउ घट्न नसकेको व्यापारीहरुको भनाई छ ।

  • गुल्मीमा नेपालकै पहिलो कफी अनुसन्धान केन्द्र स्थापना हुने

    गुल्मी, साउन ११ – गुल्मी जिल्लामा नेपालकै पहिलो कफी अनुसन्धान केन्द्र स्थापना हुने भएको छ । बलेटक्सार गाविस वडा नम्बर–१ भण्डारी डाडाँमा १ सय १ रोपनी क्षेत्रफलमा केन्द्र स्थापना हुने भएको हो ।

  • प्रभावकारी बन्दै छ किसानलाई ‘टोल फ्री’

    उमा के.सी./ उज्यालो । रामेछाप, साउन ११ – केही समय अघिसम्म खेतीपाति, तरकारी वा अन्य कृषिसँग सम्बन्धी ससाना गुनासा लिएर सदरमुकाम मन्थली जानुपर्ने रामेछापका किसान अब घरमै बसेर फोनमार्फत समाधान खोज्न सक्छन् । यस्ता जिज्ञासा समाधान गर्ने उद्देश्यले जिल्ला कृषि विकास कार्यलय रामेछापले सुरु गरेको टोल फ्री सेवाले यो सम्भव बनाएको हो ।

  • पर्वतमा अझै ३० प्रतिशत रोपाँई बाँकी

    दुर्गाप्रसाद शर्मा/उज्यालो । पर्वत, साउन ११– ढिलो गरी मनसुन शुरु भएकाले पर्वतमा अझै ३० प्रतिशत खेतमा रोपाँई हुन सकेको छैन । सिञ्चाईको सुविधा पुगेका ७० प्रतिशत खेतमा रोपाँई गरिसकिएको भएपनि आकासे पानीको भर पर्नुपर्ने र मकैवाली लगाएको खेतमा अझै रोपाँई हुन बाँकी रहेको कृषि कार्यालयले जनाएको छ । साउनको दोस्रो हप्तासम्म रोपाँई गर्न पुग्नेगरी पानी नआएकोमा किसानहरु चिन्तित छन् ।

  • सहकारीको मल बाटैमा लुटपाट

    नुवाकोट, साउन १० – नुवाकोटको पञ्चकन्या र कविलासका किसानलाई वितरणको लागि लैजान लागिएको मल नर्जामण्डपका युवाहरुले लुटपाट गरेका छन् । मंगलवारराति नर्जामण्डपको बाहुनबेंशीमा गोसाइँकुण्ड बहुउद्देश्यीय सहकारी संस्थाले मल गोदाम गर्दै गर्दा युवाहरुको समूहले मल लुटेर गाडीमा समेत तोडफोड गरेको छ ।

  • गाईले नब्याउँदै दूध दियो

    धनगढी, साउन ९ –धनगढी नगरपालिका ८ मा एउटा गाइले ब्यानुभन्दा दुई महिनाअघि नै दूध दिन थालेको छ । स्थानीय टेकनाथ अधिकारीले पालेको होलस्टेन जातको गाईले नब्याउँदै दूध दिन थालेको हो । गएको फागुनमा पशुसेवा कार्यालय कैलालीमा कृत्रिम गर्भाधान गराएको गाईले असार २७ गतेदेखि दूध दिन थालेकोले सबै आश्चर्यमा परेका अधिकारीले बताउनुभयो ।

  • साउन १५ भित्रै वर्षे फलफूल लगाउनु राम्रो

    काठमाडौ, साउन ९ – वर्षे फलफूलको व्यवसायिक खेती गर्ने किसानलाई यही महिनाको १५ भित्रमा बिरुवा लगाईसक्न विज्ञले सुझाब दिएका छन् । तराई र मध्यपहाडमा खेती हुने बर्षे फलफूलका बिरुवा हुर्काउन मनसुनको भर पर्नुपर्ने भएकाले छिटो लगाउन उपयुक्त हुने फलफुल बिकास निर्देशनालयका फलफुल बिकास अधिकृत द्रोणराज काफ्लेले बताउनुभयो ।

  • २५ जिल्लाका पशु प्रजनन केन्द्र सञ्चालन भएनन्

    पोखरा, साउन ८ – सरकारले दूध उत्पादन वृद्धि गर्न र स्थानीय गाईभैंसीको नश्ल सुधार गर्न तीन महिनाअघि स्थापना गरेको अधिकांश सामुदायिक पशु प्रजनन केन्द्र संचालनमा आउन सकेका छैनन् । राष्ट्रिय पशु नश्ल सुधार अभियान अन्तर्गत स्थापना भएका देशका २५ जिल्लाका अधिकांश सामुदायिक प्रजनन केन्द्र दक्ष जनशक्ति र उपकरणको अभावमा संचालनमा आउन नसकेका हुन् ।

  • एकैवर्षमा ५ हजार ३ सय हेक्टरमा फलफूल खेती

    विनोद चौलागाँई/उज्यालो । काठमाडौ, साउन ८ – आर्थिक बर्ष ०६८/६९ मा देशभर ५ हजार ३ सय हेक्टर क्षेत्रफलमा फलफूल खेती विस्तार भएको छ । फलफूल विकास निर्देशनालयका अनुसार २१ सय १४ हेक्टर क्षेत्रमा स्याउ, नास्पाती, आरु, किबी, ओखर लगायतका हिउँदे फलफूलको खेती हुने क्षेत्र थपिएको छ ।

  • फेरि मल अभाव हुने संभावना

    काठमाडौ, साउन ८ –किसानले अझै सहज रुपमा मल पाउन नसकेपनि कृषि सामग्री कम्पनीले भने हाललाई अभाव नरहेको दावी गरेको छ । धान गोडमेल गर्ने समयमा भने माग बढ्ने भएकाले अभाव हुने कम्पनीको भनाई छ । कम्पनीका अनुसार भारतबाट ल्याइएको १२ हजार ५ सय टन युरिया मलमध्ये धेरै जसो वितरण भईसकेकाले फेरि मलको अभाव हुन सक्नेछ ।

  • साउन दोश्रो हप्तासम्म मनसुन सक्रिय भएन

    काठमाडौ, साउन ८ – साउनको दोस्रो हप्ता शुरु भैसक्दा समेत मनसुन सक्रिय हुन सकेको छैन । दिनदिनैजसो पानी परेपनि मूल फुट्ने गरी पानी पर्न नसकेको जल तथा मौसम विज्ञान विभागले जनाएको छ । विभागका मौसमविद् विद्यारत्न शाक्यका अनुसार अहिले मध्य र पूर्वी क्षेत्रमा मात्र बढी वर्षा भैरहेको छ ।

  • ल्वाङ्घलेलमा व्यवसायिक आलमण्ड खेती गरिने

    पोखरा, साउन ७ – कास्कीको ल्वाङघलेल गाउँ विकास समितिमा व्यवसायिक रुपमा आलमण्ड अर्थात् चिनियाँ बदाम खेती हुने भएको छ । आलमण्ड स्टडी ग्रुपले परियोजना तयार पारेपछि ल्वाङ्घलेल वडा नम्बर ४ कोलेलीका किसानहरुले व्यबसायिक रुपमा चिनियाँ बदाम खेतीका लागि १ हजार रोपनी जग्गा उपलब्ध गराएका छन् ।

  • ४० प्रतिशत खेतमा मात्रै रोपाँई

    काठमाडौ, साउन ६ – देशभर झण्डै ४० प्रतिशतको हाराहारीमा मात्र रोपाँई भएको छ । कृषि विकास मन्त्रालयका प्रवक्ता डा. हरि दाहालका अनुसार साउन २ गतेसम्ममा ३७ प्रतिशत क्षेत्रमा रोपाँई भएको तथ्याङ्क आएको थियो । त्यसयता लगातार पानी परेकाले रोपाँईको क्रम बढेको उहाँले बताउनुभयो ।

  • त्रिशुली नदीबाट स्काभेटर हटाइने

    धादिङ, साउन ६ – त्रिशुली नदीको धादिङ खण्डमा गैर कानूनी ढंगबाट सञ्चालन गरिएको स्काभेटरहरु तत्काल हटाइने भएको छ । शुक्रवार बसेको जिल्ला अनुगमन समितिको बैठकले स्काभेटर हटाउने निर्णय गरेको हो ।

  • दार्चुलाको अपिनाम्पा संरक्षण क्षेत्र सबैभन्दा राम्रो

    काठमाडौ, साउन ५ – जनवारविद् तथा संरक्षणकर्मीले नेपालको हिमाली क्षेत्रमा अपिनाम्पा संरक्षण क्षेत्र प्राकृतिक हिसाबले सबैभन्दा राम्रो रहेको बताएका छन् । २०६६ साल मंसीर १९ गते कालापत्थरमा बसेको मन्त्री परिषद् बैठकले संरक्षण क्षेत्र घोषणा गरेपनि अहिलेसम्म खासै अध्ययन हुन सकेको थिएन ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया