MENU

अन्तर्राष्ट्रिय

  • सिरियाको शान्ति योजनामाथि विश्वास घट्दै

    जेठ २– साउदी अरबले सिरियामा शान्ति बहालीका लागि अघि सारिएको शान्ति योजनामाथिको विश्वास घट्दै गएको टिप्पणी गरेको छ । साउदीले युद्धबिराम पछि पनि सिरियामा हिंसा नरोकिएकाले शान्ति योजना अनुसार काम हुनेमा शंका उत्पन्न भएको बताएको छ ।

  • फ्रान्सका राष्ट्रपति सपथ लिदै

    जेठ २– फ्रान्सका नवनिर्वाचित राष्ट्रपति फ्रान्स्वाँ होल्याण्डले मंगलवार सपथ लिदै हुनुहुन्छ । सपथ ग्रहणपछि राष्ट्रपति होल्याण्डले अर्थतन्त्रलाई मजबुत बनाउने विषयमा जर्मनीका चान्सलर एन्गेला मर्केलसंग भेट गर्नू हुने बिबिसीले जनाएको छ ।

  • बेल्जियमका नेपाली जनजातिद्वारा जातीय पहिचान सहितको संघीयता माग

    सन्तोष न्यौपाने/उज्यालो । बेल्जियम, जेठ २– बेल्जियममा रहेका जनजातिहरुले नेपालमा जातीय पहिचानसहितको राज्य पुनर्संरचनाका लागि दबाव दिने भएका छन् । सोमबार सम्पन्न एक भेलामा उनीहरुले संयुक्त संघर्ष समितिको गठन समेत गरेका छन् ।

  • माओवादी र सुरक्षाकर्मीको भिडन्तमा ७ जनाको मृत्यू

    जेठ १ – भारतको छत्तिसगढमा आइतबारराती माओवादी बिद्रोही र सुरक्षाकर्मीबीचको भिडन्तमा कम्तिमा ६ सुरक्षाकर्मी सहित ७ जनाको ज्यान गएको छ । दन्तेबाडा जिल्लामा भएको हमलामा केन्द्रीय औद्योगिक सुरक्षा  बलका ६ जवान सहित सात जनाको ज्यान गएको भारतीय गृह मन्त्रालयले जनाएको छ ।

  • यौन सम्बन्धको उमेर तोक्ने गरी कानुन बनाउन लागेकोमा अदालतको आपत्ति

    बैशाख ३१ – भारतको दिल्ली अदालतले यौन सम्बन्धबारे उमेर तोक्ने गरी सरकारले कानून बनाउन लागेकोमा आपत्ति जनाएको छ । अदालतले यौन सम्बन्ध राख्ने उमेर १६ को सट्टा १८ बनाउन लागेकोमा सरकारको यो कदम क्रुर र समाजलाई पछाडि धकल्ने खालको भन्दै कानून बनाउनु अघि पूनर्विचार गर्न संसदलाई आग्रह गरेको छ ।

  • अफगानी वरिष्ठ शान्ति वार्ताकारको हत्या

    बैशाख ३१ – अफगानिस्तानमा एक जना वरिष्ठ शान्ति वार्ताकारको हत्या भएको छ । अफगान शान्ति परिषदका वरिष्ठ सदस्य अरसला रहमानीको काममा जाँदै गर्दा गोली हानेर हत्या गरिएको अफगान प्रहरीलाई उधृत गर्दै बिबिसीले जनाएको छ ।

  • वर्षा र आँधीबाट चीनमा ४० को मृत्यु

    बैशाख ३१ -  चीनमा भारी वर्षा र आँधीका कारण झण्डै ४० जनाको ज्यान गएको छ ।  १८ जना हराईरहेका छन् । उत्तर पश्चिमी चीनको गान्सु प्रान्तमा वर्षा र बाढीका कारण ३ लाख ५० हजार मानिस प्रभावित भएको र ३० हजार मानिस विस्थापीत भएको चिनियाँ सन्चारमाध्यमले जनाएका छन् ।

  • स्तनपानको तस्विर छापेपछि टाईम म्यागजिन विवादमा

    बैशाख ३० - अमेरिकाबाट प्रकाशित हुने पत्रिका टाईमले आफ्नो कभरमा छापेको तस्विरले विश्वव्यापी विवाद सिर्जना गरेको छ । तस्विरमा तीन वर्षीय बच्चालाई आमाले दुध चुसाउँदै गरेको देखाइएको छ । यो तस्विरको पक्ष र विपक्षमा आवाज उठिरहेको बीबीसीले जनाएको छ । केहीले यसको विरोध गरेको छन् भने केहीले समर्थन गरेका छन् ।

  • ओलम्पिकमा लाउड स्पिकर जस्तै हतियार राखिने

    बैशाख ३०– बेलायत सरकारले लण्डन ओलम्पिकका क्रममा ध्वनि हतियारको प्रयोग गर्ने भएको छ । लाउड स्पिकर जस्तै गरी राख्न सकिने यो हतियारको चर्को आवाजले आक्रमणकारीलाई पीडा हुने मात्र नभई कानको जाली नै फुटाउन सक्ने बीवीसीले जनाएको छ ।

  • चीन र जापान विश्वमै लोकप्रिय

    बैशाख ३०– वेलायती सञ्चार संस्था बिबिसीले गरेको एक सर्वेक्षणले २ एशियाली मुलुक चीन र जापान विश्वमै लोकप्रिय देशको सुचीमा रहेको देखाएको छ । सर्वेक्षणले युरोपेली संघको लोकप्रियता घट्दै गएको तर चीनको लोकप्रियता भने बढिरहेको देखाएको छ ।

  • ईस्लाम बिरुद्ध अमेरिकाको ‘खुला युद्ध’! ईस्लाम बिरुद्ध अमेरिकाको ‘खुला युद्ध’!

    बैशाख २९ – अमेरिकी सेनाले ईस्लाम विरुद्ध खुला युद्ध लड्ने गरी पाठ्यक्रम बनाएर सैनिकलाई पढाएको विषयमा नयाँ विवाद शुरु भएको छ । यो पाठ्यक्रममा अमेरिका ईस्लाम विरुद्ध युद्ध लडिरहेको र ईस्लामको पवित्र ठूलो तीर्थ स्थल मक्कामा समेत परमाणु हमला गर्न सक्ने विषयमा समेत विचार गर्न सक्ने उल्लेख छ ।

  • एक्ली छोरीलाई निशुल्क शिक्षा

    बैशाख २९– भारतको राजस्थान राज्यको जयपुर जिल्ला प्रशासनले एक्लो सन्तानका रुपमा रहेका बालिकालाई सरकारी विद्यालयमा आरक्षण दिने, शुल्क नलिने र अरु राहत प्रदान गर्ने भएको छ । कन्या भ्रुण हत्या जस्तो संवेदनशील मुद्दामा रोक्न यस्तो योजना अघि सारिएको अधिकारीहरुले बताएका छन् ।

  • सिरियामा बम विष्फोट, २९ जनाको मृत्यु

    बैशाख २८ – सिरियाको राजधानी दमास्कसमा बम विष्फोट हुँदा कम्तीमा २९ जनाको ज्यान गएको छ । राजधानी दमास्कसको दक्षिणमा पर्ने अल कजाज क्षेत्रमा भएका दुई वटा छुट्टा–छुट्टै विष्फोटमा अरु १ सय तीन जना घाईते भएका छन् ।

  • इन्डोनिसियामा हराएको विमान क्षतिग्रस्त भेटियो

    बैशाख २८– इन्डोनेशियामा बुधवारदेखि हराईरहेको रुसको सुखोई सुपरजेट विमान क्षतिग्रस्त अवस्थामा फेला परेको छ । खोजीका क्रममा बिहीबार बिहान इन्डोनेसियाको सालक पहाडमा एउटा निस्क्रिय ज्वालामुखी नजिक क्षतिग्रस्त अवस्थामा विमान फेला परेको अन्तर्राष्ट्रिय सञ्चारमाध्यमले जनाएका छन् ।

  • भारतमा गहुँ राख्न बोरा र गोदामको अभाव

    बैशाख २८– भारतमा गहुँको उत्पादन बढेपनि सुरक्षित भण्डारणका लागि बोरा र गोदामको अभाव भएपछि किसान मर्कामा परेका छन् । देशका ६ वटा प्रदेशमा अहिले बोरा र गोदामको अभाव भएको हो ।

  • वेल्जियमको निर्वाचनमा नेपाली उमेद्वार वेल्जियमको निर्वाचनमा नेपाली उमेद्वार

    सन्तोष न्यौपाने/उज्यालो । बेल्जियम, बैशाख २८– बेल्जियमको स्थानीय निर्वाचनमा नेपालीमूलका खडक केसी र कृष्णप्रसाद रेग्मी उमेद्वार चयन भएका छन । अगामी अक्टुवरको १४ तारिखमा हुने स्थानीय निर्वाचनमा उनीहरु बेल्जियमको ठूला दल मानिएका एनभीए र ‘ग्रिन पार्टी’ बाट चयन भएका हुन् ।

  • रुसी जेट विमान ईन्डोनेशियाबाट बेपत्ता रुसी जेट विमान ईन्डोनेशियाबाट बेपत्ता

    बैशाख २७ – रुसको एक विमान ईन्डोनेशियाको राजधानी जाकार्ताबाट वेपत्ता भएको छ । खोजी तथा उद्दार अधिकारीका अनुसार ४४ यात्रु बोकेको सुखोई सुपरजेट विमान हराएको हो । विमानमा कम्तीमा ८ जना रसियाली नागरिक सवार थिए ।

  • डिपार्टमेन्ट स्टोरको आगलागीमा ११ जनाको मृत्यू

    बैशाख २७– फिलिपिन्सको एउटा डिपार्टमेन्ट स्टोरमा आगलागी हुँदा ११ जनाको ज्यान गएको छ । अरु ७ जना हराईरहेका छन् । उत्तरी मिन्डानाओ टापुमा एउटा तीन तले पसलमा आगलागी भएको हो ।

  • शहरी वासिन्दामा एलर्जी र दमको समस्या बढ्दो

    बैशाख २७ – प्राकृतिक वातावरणको सम्पर्कमा नरहने शहरी क्षेत्रका बासिन्दामा एलर्जी र दमको समस्या बढ्दै गएको एक अनुसन्धानले देखाएको छ । फिनल्याण्डका वैज्ञानिकले गरेको अनुसन्धानमा मानव स्वास्थ्यका लागि लाभदायक मानिएका केही ब्याक्टेरिया शहरी क्षेत्रमा कम र ग्रामीण क्षेत्रमा बढी पाईएका थिए ।

  • यौनशक्ति बढाउन औषधि खान्थे हिटलर यौनशक्ति बढाउन औषधि खान्थे हिटलर

    बैशाख २६ – जर्मनीका पूर्व तानाशाह तथा नाजी पार्टीका नेता एडोल्फ हिटलरका बारेमा नयाँ तथ्य सार्वजनिक भएको छ । हिटलरले आफ्नो यौनशक्ति बढाउन यौनवर्द्धक औषधि खाने गरेको बिबिसीले जनाएको छ ।

  • अल जजिराको चीनमा रहेको कार्यालय बन्द

    बैशाख २६– अन्तर्राष्ट्रिय सञ्चारसंस्था अल जजिराले चीनको राजधानी बेईजिङ्गमा रहेको कार्यालय बन्द गरेको छ । आफ्ना संवाददाता मेलिस्सा चानको प्रेस र भिसा म्याद नथप्ने निर्णय चीनले गरेपछि बाध्य भएर कार्यालय बन्द गर्नुपरेको अल जजीराले जनाएको छ ।

  • फ्रान्सको राष्ट्रपतिमा सार्कोजी पराजित

    बैशाख २५– फ्रान्सको राष्ट्रपति चुनावमा समाजबादी नेता फ्र्याँकोईस होल्याड बिजयी हुनुभएको छ । कुल ५२ प्रतिशत भोट ल्याएका होल्याण्डले निकोलास सार्कोजीलाई हराउदै राष्ट्रपति बन्नुभएको हो ।

  • नागरिकलाई समुन्द्री तटमा जान पेरुको रोक

    बैशाख २४ – ठूलो संख्यामा डल्फिन, माछा र समुद्री पंक्षीहरु मृत फेला परेपछि दक्षिण अमेरिकी देश पेरुले आफ्ना नागरिकलाई समुद्री तटमा जान रोक लगाएको छ । समुद्री जीव मर्नुको कारण पत्ता नलागेकाले यस्तो निर्णय गरिएको त्यहाँको स्वास्थ्य मन्त्रालयले जनाएको छ ।

  • जापानले केही दिनका लागि आणविक भट्टी बन्द गर्ने जापानले केही दिनका लागि आणविक भट्टी बन्द गर्ने

    बैशाख २३ – जापानले केही दिनका लागि आफ्नो आणविक भट्टी बन्द गर्ने भएको छ । अहिले संचालन भइरहेको तोमारी प्लान्टको तेश्रो संयन्त्र जापानले मर्मतका लागि बन्द गर्ने भएको हो । यो निर्णय पछि पछिल्लो ४० वर्षमा जापान पहिलोपटक आणविक उर्जाविहिन हुने भएको छ ।

  • एसएमएस पठाएर माओवादीद्वारा भारत बन्दको आह्वान एसएमएस पठाएर माओवादीद्वारा भारत बन्दको आह्वान

    बैशाख २३ – भारतीय कम्युनिष्ट पार्टी (माओवादी)ले राष्ट्रिय आतंकवाद निरोधक केन्द्र (एनसिटीसी) स्थापनाको बिरोध गर्दै भारत बन्दको आह्वान गरेको छ । माओवादी प्रवक्ता अभयले बिबिसीलाई एसएमएस पठाएर मे १६ का दिन भारत बन्दको आह्वान गरेका हुन् ।

  • विद्यालयको खाजाघरमा जंक फुड र पेय पदार्थ प्रतिबन्ध

    बैशाख २३– भारतमा विद्यालयहरुमा सञ्चालित खाजा घरमा तयारी खाद्य पदार्थ अर्थात जंक फुड र कोकाकोला प्रकृतिका पेय पदार्थको बिक्रीमा रोक लगाईने भएको छ । स्कुले बालबालिकामा बढ्दो स्वास्थ्य समस्याप्रति ध्यान दिंदै स्वास्थ्य तथा परिवार कल्याण मन्त्रालयले विद्यालयहरुमा जंक फुड र कार्बोनेटेड पेय पदार्थमा प्रतिबन्ध लगाएको हो ।

  • यस्तो थियो ओबामालाई मार्ने लादेनको योजना यस्तो थियो ओबामालाई मार्ने लादेनको योजना

    बैशाख २२ – अलकायदाका नेता ओसामा बिन लादेनले अमेरिकी राष्ट्रपति बाराक ओबामा तथा अमेरिकी सेनाका जनरल डेबिड पेट्रियसको हत्या योजना बनाएको खुलासा भएको छ । अमेरिकी सेनाले जारी गरेको दस्तावेजका अनुसार लादेनले ओबामाको हत्या गर्न इलियास कश्मिरीलाई सुपारी दिएका थिए ।

  • अन्ना हजारे माथिको रिट भारतीय सर्वोच्च अदालतद्वारा खारेज अन्ना हजारे माथिको रिट भारतीय सर्वोच्च अदालतद्वारा खारेज

    बैशाख २२ – भारतीय सर्वोच्च अदालतले नागरिक अगुवा अन्ना हजारे र उनका सहयोगी विरुद्ध परेको रिट खारेज गरेको छ । हजारे र उनका सहयोगीमाथि गतवर्ष लोकपाल बिधेयकको विरोध गर्दा भारतीय राष्ट्रिय झण्डाको अपमान गरेको आरोप लागेको थियो ।

  • सूर्यको प्रकाशका कारण एशियाली विद्यार्थीमा आँखाको समस्या

    बैशाख २२– सूर्यको प्रकाशको कमीका कारण एशियाली देशहरुमा नजिकको वस्तु नदेख्ने समस्या बढिरहेको एक अध्ययनले देखाएको छ । अष्ट्रेलियाको नेशनल युनिभर्सिटीका वैज्ञानिकहरुले गरेको अध्ययनले एशियाली शहरका विद्यार्थीमा यस्तो समस्या देखाएको हो ।

  • रुसमा भएको विस्फोटमा ८ जनाको मृत्यू

    बैशाख २२– रुसको दागिस्तानमा भएको बिस्फोटमा कम्तीमा ८ जनाको ज्यान गएको छ । २० जना गम्भीर घाईते भएका  छन् । रुसी राजधानीको एक प्रहरी चौकीमा आक्रमण भएको अन्तर्राष्टिय संचार माध्यमले जनाएका छन । बिस्फोटको कारण पत्ता लागेको  छैन ।

  • अमेरिकी राष्ट्रपतिमा ओबामा र रोमनीबीच प्रतिस्पर्धा हुने संभावना

    बैशाख २१–अमेरिकामा आगामी नोबेम्बरमा हुने राष्ट्रपति चुनाबको लागि रिपब्लिकन पार्टीबाट उम्मेद्वारको सूचिमा रहेका न्युट गिंग्रिचले आफ्नो चुनाबी दौड अन्त्य गर्नुभएको छ । तर उहाँले आफ्नो पार्टीका संभावित उमेदवार मिट रोमनीलाई अहिलेसम्म खुल्ला समर्थन भने गर्नु भएको छैन् ।

  • अलकायदा बिरुद्धको कारवाही लक्ष्य नजिकः ओवामा अलकायदा बिरुद्धको कारवाही लक्ष्य नजिकः ओवामा

    बैशाख २० – अमेरिकी राष्ट्रपति बाराक ओबामले अतंकवादी संगठन अलकायदा विरुद्धको कारवाही लक्ष्य नजिकै पुगेको बताउनुभएको छ । अफगानिस्तानमा अमेरिकी नागरिकलाई संवोधन गर्दै ओबामाले आफूले चाँडै नै अफगानिस्तान युद्धको अन्त्य गर्ने प्रतिवद्धता जनाउनुभयो ।

  • तालिबानको बम आक्रमणमा नेपालीको मृत्यू

    बैशाख २०– अफगानिस्तानमा विद्रोही समूह तालिबानले बुधवार गरेको आत्मघाती आक्रमणमा एकजना नेपाली सुरक्षा गार्डको ज्यान गएको छ । जलालाबादमा भएको आक्रमणमा वेलायती सेनामा काम गर्ने नेपालीको ज्यान गएको अन्तरष्ट्रिय सञ्चार माध्यमले जनाएका छन् ।

  • अमेरिका र अफगानिस्तानवीच सामरिक सम्झौतामा हस्ताक्षर

    बैशाख २०– अमेरिका र अफगानिस्तानबीच महत्वपुर्ण सामरिक सम्झौतामा हस्ताक्षर भएको छ । आफ्नो अघोषित अफगान भ्रमणको लागि अचानक काबुल पुगेका अमेरिकी राष्ट्रपति बराक ओवामा र अफगान राष्ट्रपति हमिद कारजाईवीच सम्झौता पत्रमा हस्ताक्षर भएको छ ।

  • मलेसियामा श्रमिकको न्यूनतम पारिश्रमिक लागू

    बैशाख १९ – मलेसियामा सरकारले श्रमिकका लागि पहिलो पटक न्यूनतम पारिश्रमिक लागू गरेको छ । गरीब परिवारका समस्या मध्य नजर गर्दै सरकारले न्यूनतम पारिश्रमिक लागू गरेको बीबीसीले जनाएको छ ।

  • ब्रम्हपुत्र नदीमा डुंगा पल्टिँदा सयको मृत्यु, सय वेपत्ता

    बैशाख १९ - भारत असमको ढुबरी जिल्लामा ब्रम्हपुत्र नदीमा डुंगा पल्ंिटदा १ सय भन्दा बढी यात्रुको ज्यान गएको छ । १ सय भन्दा बढी हराईरहेका छन् । ज्यान गुमाउनेमा महिला र बालबालिका बढी छन् । ५० जना भन्दा बढी पौडिएर बाँच्न सफल भएका छन् ।

  • नाइजेरियाको प्रार्थना स्थलमा गरिएको आक्रमणमा २१ को मृत्यू

    बैशाख १८–  उत्तरी नाईजेरियामा बन्दुकधारीले ईसाई समुदायलाई लक्षित गरी गरेको आक्रमणमा कम्तिमा २१  जनाको ज्यान गएको छ । आक्रमणकारीले विभिन्न प्राथना स्थलमा आक्रमण गरेका अन्तर्राष्ट्रिय संचार माध्यमले जनाएका छन् ।

  • भारतीय जनता पार्टीका पूर्व अध्यक्षलाई ४ वर्ष कैद

    बैशाख १६– भारतको विशेष अदालतले भारतीय जनता पार्टीका पुर्व अध्यक्ष बंगारु लक्ष्मणलाई  भ्रष्टाचार मुद्दामा ४ बर्षको कैद र १ लाख रुपैया जरिवानाको फैसला सुनाएको छ । शुक्रवार सीवीआईको विशेष अदालतले लक्ष्मणलाई यो मुद्दामा दोषी ठहर गरेको थियो ।

  • चीनमा सरकार विरोधी कार्यकर्ता नजरबन्दबाट भागे

    बैशाख १६ - चीनमा आफ्नै घरमा नजरबन्दमा रहेका एक जना सरकार विरोधी कार्यकर्ता भागेका छन् । दृष्टिविहीन ४० वर्षिय चेन ग्वाङचेङले नजरबन्दबाट भागेर अमेरिकी दुतावासमा शरण लिएको बिबिसीले जनाएको छ । उहाँ सांगडोंग प्रान्तको डोंगशिगु शहरमा नजरबन्दमा हुनुहुन्थ्यो ।

  • पाकिस्तानी प्रधानमन्त्रीले पद नछाड्ने

    बैशाख १५– अदालतको अवहेलना मुद्दामा सर्वोच्व अदालतले दोषी ठहर गरेका पाकिस्तानका प्रधानमन्त्री यूसुफ रजा गिलानीले पद नछाड्ने बताउनुभएको छ । सर्वोच्च अदालतको फैसला पछि पहिलोपटक संसदलाई संबोधन गर्दै गिलानीले संसदले मात्रै आफूलाई हटाउन सक्ने भन्दै पद नछाड्ने बताउनुभएको हो ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया