MENU
Ncell Axiata
NIC Asia

अन्तर्राष्ट्रिय

  • अमेरिकी सैन्य एकेडेमीमा यौन दुर्ब्यबहार बढ्यो

    पुस ७ – अमेरिकाका सैन्य एकेडेमीमा यौन दुर्व्यवहार र उत्पीडनका घटना बढेको पाइएको छ । अमेरिकी रक्षा विभागले सार्वजनिक गरेको प्रतिवेदन अनुसार यो वर्ष सैन्य एकेडेमीहरुमा जवान र जुनियर अधिकारीमाथि यौन दुर्व्यवहार र हिंसाका घटना बढेको पाइएको हो । सन् २०११/१२ मा कुल ८० वटा यौन उत्पीडनका घटना भएका छन् । जुन अघिल्लो वर्ष भन्दा २३ प्रतिशत बढी रहेको रक्षा विभागको यौन उत्पीडन रोकथाम तथा उत्तरदायित्व सम्बन्धि कार्यालयले जनाएको छ । सैन्य एकेडेमीहरुमा अनिच्छित शारीरिक सम्पर्क, बलात्कार, यौनजन्य आक्रम...

  • चीनमा ४ करोड मानिसमा बाँझोपन

    पुस ६ – पछिल्लो समय चीनमा महिला र पुरुषहरुमा बाँझोपनको समस्या बढेको पाइएको छ । चाइना पपुलेशन एशोसिएशनका अनुसार चीनका ४ करोड भन्दा बढी महिला र पुरुषमा बाँझोपनको समस्या देखिएको छ । यो संख्या सन्तान उत्पादन गर्ने उमेरका महिला पुरुषको कुल संख्याको १२ दशमलव ५ प्रतिशत हो । २० वर्षअघि ३ प्रतिशत महिला पुरुषमा मात्रै त्यस्तो समस्या देखिएको एशोसिएशनको दावी छ । सन्तान उत्पादन गर्न योग्य उमेरमा लगातार असुरक्षित गर्भपतन गर्ने गरेकाले महिलामा प्रजनन समस्या बढेको विज्ञहरुले बताएका छन् । लगातार गर्भ...

  • शबलाई दुर्ब्यबहार गर्ने सैनिकलाई घटुवा

    पुस ६ – तालिवान विद्रोहीको शवमाथि दुव्र्यवहार गरेको आरोप लागेका अमेरिकी सैनिकमाथि तह घटुवाको कारबाही गरिएको छ । कोर्ट मार्शलपछि सर्जेन्ट जोसेफ च्याम्बिलनलाई तह घटुवाको सजायँ सुनाइएको अमेरिकी सेनाले जनाएको छ । यस्तै उनलाई गलत व्यवहार देखाएको आरोपमा ५ सय डलर जरिवाना समेत तिराइएको छ । विद्रोही लडाकुको शवमा पिसाब गरेको भिडियो सार्वजनिक भएपछि जोसेफलाई शुरुमा ३० दिनको जेल सजायँ सुनाईएको थियो । तर पछिल्लो फैसलापछि उनले जेल सजायँ भोग्नुनपर्ने भएको छ । जोसेफसंगै अरु तीन जनालाई यसअघि नै अनुश...

  • १६ अफगानीको हत्यामा संलग्न अमेरिकी सैनिकमाथि कोर्ट मार्शल हुने

    पुस ५ – अफगानिस्तानमा १६ जनाको हत्यामा संलग्न अमेरिकी सैनिक रोबर्ट बेल्समाथि कोर्ट मार्शल हुने भएको छ । अमेरिकी सेनाले बेल्सलाई कोर्ट मार्शलका लागि सिफारीस गरिएको र उनी दोषी ठहर भए मृत्युदण्ड पाउने बताएको हो । तर सेनाले बेल्समाथिको सुनुवाईको समय तोकेको छैन । अफगानिस्तानमा खटिएका बेला सेनाका सर्जेन्ट बेल्सले गएको मार्चमा अफगानिस्तानको कान्दाहार प्रान्तमा दुईवटा गाउँमा प्रवेश गरी गोली चलाउँदा १६ जनाको ज्यान गएको थियो भने ६ जना घाईते भएका थिए । बेल्सलाई १६ जनाको हत्या गरेको, ६ जनाको हत्...

  • महाप्रलयको भविष्यवाणी गर्ने एक हजार पक्राउ

    बेइजिङ, पुस ५ - विश्वका अन्य भागमा माया सभ्यताको महाप्रलयका विषयमा चर्चा चलिरहेको समयमा चीनमा पनि कम्प्युनिस्ट शासनप्रति लक्ष्यगरी महाप्रलयको हल्ला चलाउने इसाई समुदायका करिब एक हजार व्यक्तिलाई प्रहरीले पक्राउ गरेको समाचार सिसिटिभीले दिएको छ । इसाई धर्मबाट प्रभावित समूह ‘‘अलमाइटी गड’’ (सर्वशक्तिवान भगवान) ले यस प्रकारको महाप्रलयको हल्ला चलाएको आरोप लगाइएको छ । यस्तो हल्ला हाल प्राचीन माया सभ्यताको पात्रोसँग सम्बन्धित छ र चीनमा भविष्यवाणी गर्नेहरूले साम्यबादको रातो ड्रा...

  • अर्जेन्टिनाका पूर्वमन्त्रीलाई आजीवन कारावास

    पुस ५ – अर्जेन्टिनाको अदालतले पूर्वमन्त्री जेमी स्मार्टलाई मानवता विरुद्ध अपराध गरेको अभियोगमा आजीवन कारावासको सजायँ सुनाएको छ । सन् १९७६ देखि सन् १९८३ सम्मको सैन्य शासनकालमा विपक्षीलाई गैरकानूनी हिरासत केन्द्रमा यातना दिई हत्या गरेको अभियोगमा स्मार्टलाई आजीवन कारावासको सजायँ सुनाईएको हो । मानवता विरुद्धको अपराधमा सजायँ पाउने स्मार्ट पहिलो गैरसैनिक भएको अन्तर्राष्ट्रिय सञ्चारमाध्यमले जनाएका छन् । स्मार्ट सन् १९७६ देखि सन् १९७९ सम्म ब्यूनर्स आयर्स प्रान्तमा गृहमन्त्री हुनुहुन्थ्यो । ...

  • हत्यामा संलग्न अमेरिकी सैनिकमाथि कोर्ट मार्शल हुने

    पुस ५ – अफगानिस्तानमा १६ जनाको हत्यामा संलग्न अमेरिकी सैनिक रोबर्ट बेल्समाथि कोर्ट मार्शल हुने भएको छ । अमेरिकी सेनाले बेल्सलाई कोर्ट मार्शलका लागि सिफारिस गरिएको र उनी दोषी ठहर भए मृत्युदण्ड पाउने बताएको हो ।

  • बाराक ओबामा दोश्रो पटक टाइम वर्ष व्यक्ति बाराक ओबामा दोश्रो पटक टाइम वर्ष व्यक्ति

    पुस ४ – अमेरिकाको प्रतिष्ठित म्यागेजिन टाइमले अमेरिकी राष्ट्रपति बाराक ओबामालाई टाइम वर्ष व्यक्ति २०१२ घोषित गरेको छ । याहू कम्पनीकी सिइओ मरिसा मायर, इजिप्टका राष्ट्रपति मोहम्मद मोर्सी, एप्पलका सिइओ टिम कुक, अमेरिकी विदेश सचिव हिलारी क्लिन्टन लगायतका अन्य सात प्रतिष्पर्धीलाई उछिन्दै ओबामा टाइम वर्ष व्यक्ति घोषित हुनुभएको हो ।

  • हतियार संबन्धि कानुन संसोधन गर्न ओबामा सकारात्मक

    पुस ४ – अमेरिकी राष्ट्रपति बाराक ओबामाले हतियार राख्न पाउने कानुन संसोधनका लागि सकारात्मक देखिनुभएको छ । राष्ट्रपतिका प्रवक्ता जे कार्नीले डेमोक्रेटिक सांसदहरुले हतियारको स्वामित्व सम्बन्धि संसदमा प्रस्तुत गर्ने तयारी गरेको विधेयकको राष्ट्रपतिले समर्थन गर्नुभएको बताउनुभयो ।

  • १६ प्रतिशत मानिस कुनै धर्म पनि मान्दैनन्

    पुस ४ – विश्वका १६ प्रतिशत मानिसले कुनै धर्म नमान्ने एक अध्ययनले देखाएको छ । २ सय ३२ देशको जनगणनामा आधारित भएर छुट्टा छुट्टै ठाउँमा गरिएको अनुसन्धान अनुसार हरेक ६ जनामध्ये एक जनाले कुनैपनि धर्म नमान्ने पाइएको हो ।

  • विश्वभर पत्रकार हत्यामा उल्लेख्य वृद्धि

    पुस ४ – पछिल्लो एक वर्षमा विश्वभर समाचार संकलन र प्रशारण गरेकै कारणले हुने पत्रकार हत्यामा उल्लेख्य वृद्धि भएको छ । पत्रकारहरुको अन्तराष्ट्रिय संस्था रिपोर्टर्स विदआउट बोर्डर्सले बुधबार सार्वजनिक गरेको प्रतिवेदन अनुसार सन् २०११ को तुलनामा यो वर्ष पत्रकार हत्या ३३ प्रतिशतले बढेको छ ।

  • पोलियो विरुद्धको अभियानमा काम गरिरहेका ६ स्वयंसेवीको हत्या

    पुष ३ – पाकिस्तानमा पोलियो विरुद्धको अभियानमा काम गरिरहेका ६ जना स्वयंसेवी कार्यकर्ताको हत्या भएको छ । मारिनेमा पाँच जना महिला छन् । कराँचीका विभिन्न तीन ठाउँमा गरी पाँच जना र पेशावरमा एक जना गरी ६ जनास्वयंसेवी कार्यकर्ताको हत्या भएको हो ।

  • मानवीय सहायताका लागि सघाउन सिरिया सरकारसंग आग्रह

    पुस ३ – मानवीय सहायता सम्बन्धि राष्ट्रसंघीय प्रमुख भ्यालेरी आमोसले राहत वितरणका लागि तत्काल इन्धनको आपूर्ति गर्ने स्वीकृति दिन सिरियासंग आग्रह गर्नुभएको छ । उहाँले मानवीय संकट बढ्दै गएको तर्फ सिरियाली अधिकारीको ध्यानाकर्षण गराउँदै इन्धनको आपूर्ति र थप सहायता निकायको पीडितसम्म पहुँच पुर्‍याउन आग्रह गर्नुभएको हो ।

  • बंगलादेशमा नियोजित रुपमा आगलागी गराएको खुलासा

    पुस ३ – बंगलादेशको कपडा कारखानामा गएको महिना भएको आगलागी नियोजित भएको खुलासा भएको छ । आगलागीबारे छानवीन गर्न बनेको समितिले अनुसन्धानका क्रममा आगलागी नियोजित रहेको र आगलागीबाट जोगाउन कारखाना सञ्चालकले कुनै उपाय नअपनाएको फेला परेको दावी गरेको हो ।

  • किम जोङ इलको वार्षिकी, कोरियामा भब्य कार्यक्रम

    पुस २ – प्रमुख नेता किम जोङ–इलको वार्षिकीको अवसरमा उत्तर कोरियामा भव्य समारोह आयोजना गरिएको छ । नेता किम जोङ इलको गएको वर्ष सोमबारकै दिन निधन भएको थियो । उत्तर कोरियाले सफलतापूर्वक रकेट प्रक्षेपण गरेको खुसीयाली पनि मनाइरहेको अन्तराष्ट्रिय सञ्चार माध्यमले जनाएका छन् ।

  • हिमपहिरोमा परी ६ जना भारतीय सैनिकको ज्यान गयो

    पुस २ – सियाचिन ग्लासियर क्षेत्रमा हिमपहिरोमा परी ६ जना भारतीय सैनिकको ज्यान गएको छ । अर्का एकजना सैनिक हराइरहेका भारतीय सञ्चार माध्यमले जनाएका छन् । मौसमका कारण हरेक वर्ष सियाचिन ग्लासियरमा तैनाथ सैनिकको ज्यान जाने गरेको छ ।

  • जापानमा संसदीय चुनाव

    पुष १ – जापानमा संसदीय चुनाव भईरहेको छ । तल्लो सदन प्रतिनिधी सभाका ४ सय ८० सिटका लागि १ हजार ५ सय ४ जना उम्मेदवार छन् । जसमा सबैभन्दा धेरै मुख्य विपक्षी दल लिबरल डेमोक्रेटिक पार्टीका ३ सय ३८ जना र सत्तारुढ डेमोक्रेटिक पार्टी अफ जापानका २ सय ६७ जना चुनावी मैदानमा छन् ।

  • विद्यालयमा अन्धाधुन्ध गोली चलाउँदा २७ को ज्यान गयो

    मंसिर ३० – अमेरिकाको कनेक्टिकट राज्यमा एक प्राथमिक विद्यालयमा गोली चल्दा २७ जनाको ज्यान गएको छ । ज्यान जानेमा ५ देखि १० वर्ष उमेरका २० जना वालवालिका, ६ जना युवा र गोली चलाउने युवक रहेको प्रहरी अधिकारीहरुले बताएका छन् ।

  • वर्षा र हिमपातपछि भारतमा जनजीवन कष्टकर

    मंसिर ३० – वर्षा र हिमपातका कारण भारतको जम्मु काश्मिर, हिमाञ्चल प्रदेश र उत्तराखण्डको जनजीवन कष्टकर बनेको छ । हिउँ परेसंगै बिजुली र खानेपानीको आपूर्ति बन्द भएपछि त्यहाँका बासिन्दा मर्कामा परेका छन् । चिसोका कारण जम्मुमा दुईजनाको ज्यान गएको छ ।

  • रुसमा पत्रकारको हत्यामा संलग्नलाई ११ बर्षको जेल सजाय

    मंसिर २९ – रुसको एक अदालतले पत्रकारको हत्यामा संलग्न रहेको भन्दै एक जना पूर्व प्रहरी अधिकारीलाई ११ वर्षको जेल सजायँ सुनाएको छ । पत्रकार अन्ना पोल्टीकोभ्स्क्याको हत्यारालाई पेस्तोल उपलब्ध गराएकोमा दोषी ठहर गर्दै अदालतले पूर्व प्रहरी अधिकारी दिमित्री प्याभ्लिच्यान्कोभलाई ११ वर्षको जेल सहित झण्डै ८५ लाख रुपैयाँ जरिवानाको सजायँ सुनाएको बिबिसीले जनाएको छ ।

  • किम बन्लान् त टाइमको वर्ष व्यक्ति ? किम बन्लान् त टाइमको वर्ष व्यक्ति ?

    मंसिर २९ - अमेरिकी पत्रिका टाइमले वर्ष व्यक्ति चयन गर्न गरेको भोटिङ्गमा उत्तर कोरियाली युवा नेता किम जोन उनले सवैभन्दा धेरै भोट पाउनु भएको छ । इन्टरनेट भोटिङ्गमा किमले ५६ लाख भोट पाएको टाइमले जनाएको छ । यो दोश्रो स्थानमा रहेकाले पाएको भोटभन्दा दोब्बर बढी हो ।

  • उत्तर कोरियामा रकेट प्रक्षेपणको खुसियाली

    मंसिर २९ – रकेट प्रक्षेपण गरेकोमा अन्तर्राष्ट्रिय समुदायले कडा आलोचना गरिरहेको बेला उत्तर कोरियाले भने खुसीयाली मनाएको छ । गत बुधवार सफलता पूर्वक रकेट प्रक्षेपण गरेको खुसीयालीमा उत्तर कोरियाली नागरिकले राजधानी प्योङयाङमा भेला भएर शुक्रबार र्‍याली गरेका बिबिसीले जनाएको छ ।

  • भारतमा १८ लाख कर्मचारी आन्दोलनमा

    मंसिर २९ – पदोन्नतिमा आरक्षणको विषयलाई लिएर भारतको उत्तरप्रदेशका १८ लाख कर्मचारी आन्दोलनमा उत्रिएका छन् । आरक्षण सम्बन्धि संसोधित विधेयक राज्यसभामा पेश भएपछि यसको विरोधमा कर्मचारीले अनिश्चितकालीन हड्ताल शुरु गरेका छन् ।

  • रोग र चोटग्रस्त भएर बाँच्नुपर्ने अवस्था

    मंसिर २९ – विश्वभरका मानिसको आयु बढेसंगै लामो समय रोग ग्रस्त भएर बाँच्नुपर्ने अवस्था रहेको एक अध्ययनले देखाएको छ । रोगको विश्वव्यापी असरबारे गरिएको एक अध्ययन अनुसार सन् १९७० यता विश्वभरका महिला र पुरुषको बाँच्ने संभावना १० वर्ष बढेको छ तर उनीहरु धेरै समय चोट र रोगग्रस्त भएर बाँच्नुपर्ने अवस्था रहेको छ ।

  • नर्सको आत्महत्यापछि अष्ट्रेलियामा नक्कली कल प्रकरणको छानवीन सुरु

    मंसिर २८ – अष्ट्रेलियाले बेलायतकी युवराज्ञीको उपचार भएको लण्डन अस्पतालमा भएको नक्कली कल प्रकरणको औपचारिक छानवीन शुरु गरेको छ । सञ्चार तथा मिडिया प्राधिकरण एसिएमएले अस्पतालमा फोन गर्ने टुडे एफएमको लाइसेन्स लिने संस्थालाई केन्द्रीत गरी छानवीन शुरु गरेको हो ।

  • पूर्व प्रधानमन्त्रीसंग हत्या आरोपमा बयान लिइने

    मंसिर २८ – थाइल्याण्डका पूर्व प्रधानमन्त्री अभिजित भेज्जाजिभालाई हत्याको आरोपमा बयान लिइने भएको छ । सन् २०१० मा भएको सरकार विरोधी प्रदर्शनमा सेनाको गोली प्रहारबाट एक जना ट्याक्सी चालकको ज्यान गएको थियो ।

  • ‘पाकिस्तान सरकार मानव अधिकार हनन रोक्न असफल’

    मंसिर २८ – अधिकारवादी संस्था एमनेष्टी इन्टरनेशनलले पाकिस्तान सरकार देशको उत्तरपश्चिमी आदिवासी क्षेत्रमा मानवअधिकार हननका घटना रोक्न असफल देखिएको जनाएको छ । त्यस क्षेत्रका बासिन्दा तालिवान र सैनिक दुवैको निशानामा परेपनि त्यस्ता घटनाबारे सरकारले गम्भीरता नदेखाएको भन्दै एमनेष्टीले चिन्ता व्यक्त गरेको छ ।

  • उत्तरकोरियाद्वारा लामो दूरीको रकेट प्रक्षेपण

    मंसिर २७ – अन्तराष्ट्रिय चेतावनीलाई बेवास्ता गर्दै उत्तर कोरियाले पूर्वघोषित कार्यक्रम अनुसार लामो दूरीको रकेट प्रक्षेपण गरेको छ । स्थानीय समय अनुसार बुधबार बिहान १० बजे पश्चिमी तटीय क्षेत्रबाट रकेट प्रक्षेपण गरिएको हो ।

  • अमेरिका र युरोप भन्दा एशिया बढी शक्तिशाली बन्ने !

    मंसिर २६ – एशिया सन् २०३० सम्ममा अमेरिका र युरोप भन्दा बढी शक्तिशाली बन्न सक्ने देखिएको छ । अमेरिकी राष्ट्रिय गुप्तचर परिषदले जारी गरेको प्रतिवेदनमा बढ्दो जनसंख्याको आकार, कुल गार्हस्थ उत्पादन, सैन्य खर्च र प्रविधीमा भएको खर्चको अवस्था हेर्दा आउँदो सन् २०३० मा एशिया अमेरिका र युरोपभन्दा शक्तिशाली बन्न सक्ने अनुमान गरिएको हो ।

  • इजिप्टमा सैन्य शासनको त्रास

    मंसिर २५ – इजिप्टका राष्ट्रपति मोहम्मद मोर्सीले सुरक्षा संयन्त्र व्यवस्थित र बलियो बनाउन सेनालाई आदेश दिनुभएको छ । आफुले आह्वान गरेको जनमत संग्रहमा बाधा नपुगोस भन्दै राष्ट्रपति मोर्सीले सुरक्षा व्यवस्था मजबुत बनाउन सेनालाई आदेश दिनुभएको अन्तर्राष्ट्रिय सञ्चार माध्यमले जनाएका छन् ।

  • रङ्गशालामा हिंसा भड्किँदा ४० जना घाइते

    मंसिर २५ – भारतको कोलकतामा फुटबल खेल भइरहेका बेला हिंसा भड्किँदा ४० जना घाइते भएका छन् । घाइतेमध्ये २० जना प्रहरी छन् । आइतबार मोहन बगान र इष्ट बंगालबीच खेल भइरहेका बेला दर्शक उग्र भएपछि खेल समेत स्थगित गर्नुपरेको भारतीय सञ्चार माध्यमले जनाएका छन् ।

  • चीनमा औद्योगिक ब्यापार १० प्रतिशत वृद्धि

    मंसिर २५ – पछिल्लो समयमा चीनको अर्थब्यवस्थामा प्रगति भएको छ । चीन सरकारले सार्वजनिक गरेको तथ्याङ्कमा औद्योगिक व्यापार र खुद्रा व्यापार दुवै बृद्धि भएको उल्लेख गरिएको अन्तराष्ट्रिय सञ्चार माध्यमले जनाएका छन् ।

  • ईजिप्टका राष्ट्रपतिद्वारा अधिकार विस्तार गर्ने गरी जारी आदेश फिर्ता

    मंसिर २४ –ईजिप्टका राष्ट्रपति मोहम्मद मोर्सीले आफ्नो अधिकार विस्तार गर्ने गरी अघिल्लो महिना जारी गरेको आदेश फिर्ता लिनुभएको छ । आफ्नो कुनै पनि निर्णयलाई लिएर अदालतमा चुनौती दिन नपाउने गरी आदेश जारी गरेपछि राष्ट्रपति तानाशाह बन्न खोजेको भन्दै विपक्षीले आन्दोलन चर्काएका छन् ।

  • गर्भवती युवराज्ञीको जानकारी दिने नर्सको रहस्यमय मृत्यू

    मंसिर २३ – फर्जी फोन कलमा बेलायती युवराज्ञीको स्वास्थ्य अवस्थाबारे जानकारी दिने नर्सको रहस्यमय मृत्यू भएको छ । किङ एडवर्ड अस्पतालमा कार्यरत भारतीय मुलकी नर्स जैसिन्था सौल्दान्हा मृत अवस्थामा भेटिएको अन्तर्राष्ट्रिय संचार माध्यमले जनाएका छन् ।

  • श्रीलङ्कामा प्रधानन्यायाधीश दोषी ठहर

    मंसिर २३ – श्रीलंकामा संसदीय समितिले आचारसंहिता विपरित काम गरेको भन्दै प्रधानन्यायाधीश शिरानी बन्दरानायकेलाई दोषी ठहर गरेको छ । समितिले आर्थिक र पेशागत अनियमितता गरेको आरोप लगाएको छ ।

  • भारतमा महिला दुर्ब्यबहार रोक्न नयाँ कानुनको तयारी

    मंसिर २३ – भारतको पञ्जाब राज्य सरकारले महिलामाथि हुने दुर्ब्यवहार रोक्नका लागि नयाँ कानुन ल्याउने तयारी गरेको छ । दुर्व्यवहारमा परेका महिलालाई तत्कालै न्याय दिने गरी कानुन ल्याउने तयारी गरिएको प्रहरीले जनाएको छ ।

  • भारतमा खुद्रा व्यापारमा विदेशी लगानीको बाटो खुल्यो

    मंसिर २२ – भारतमा खुद्रा व्यापारमा विदेशी लगानीका लागि बाटो खुलेको छ । विदेशी लगानी भित्र्याउने सरकारको प्रस्ताव विरुद्ध विपक्षी भारतीय जनता पार्टी लगायतका दलले ल्याएको प्रस्ताव राज्य सभामा असफल भएपछि विदेशी लगानीको बाटो खुलेको छ ।

  • जापानमा शक्तिशाली भूकम्प, सुनामीको चेतावनी

    मंसिर २२ – जापानको उत्तरपूर्वी तटीय क्षेत्रमा शक्तिशाली भूकम्प गएको छ । अमेरिकी भूगर्भ विभागले भूकम्प ७.३ म्याग्निच्युड मापन गरेको छ । राजधानी टोकियोसम्म भूकम्पको झड्का महसुस गरिएको बिबिसीले जनाएको छ ।

  • आत्मघाती आक्रमणमा अफगानिस्तानका गुप्तचर प्रमुख घाइते

    मंसिर २२ – तालिवानी बिद्रोहीले गराएको आत्मघाती आक्रमणमा परी अफगानिस्तानका गुप्तचर विभागका प्रमुख घाइते भएका छन् । राजधानी काबुलमा भएको आक्रमणमा गुप्तचर विभागका प्रमुख असादुल्लाह खालिद घाईते भएको अन्तराष्ट्रिय सञ्चार माध्यमले जनाएका छन् ।

  • यस्ता छन् विश्वका सबैभन्दा 'शक्तिशाली' व्यक्ति

    मंसिर २१ – अमेरिकी पत्रिका फार्ब्सले सार्वजनिक गरेको पछिल्लो सर्वेक्षण अनुसार अमेरिकी राष्ट्रपति बाराक ओबामा यो वर्ष पनि विश्वकै सबैभन्दा शक्तिशाली व्यक्ति छानिनुभएको छ । जर्मन चान्सलर एञ्जेल मर्केला दोस्रो र रुसी राष्ट्रपति भ्लादिमीर पुटिन तेस्रो स्थानमा हुनुहुन्छ ।

Skill Training

मेरो पनि भन्नु छ

  • वर्षेनी करोडौं रकम फ्रिज भएर जान्छ । तर बर्खामा बाढीपहिरो र हिउँदमा शितलहरले सयौंको ज्यान लिन्छ । बेलाबेलामा राहतको घोषणा गरेर नागरिकको आँखामा छारो हाल्नुको साटो विपत पीडितका लागि सरकारले एउटा स्थायी कोष खडा गर्न किन नसकेको होला ।

    ​सन्तोष पराजुली
  • डाक्टर केसीले व्यक्तिगत आरोप लगाउनु गलत थियो होला तर उहाँले उठाएका मुद्दा शतप्रतिशत सहि छन् । असोजयताका फैसला हेर्दा धेरै भष्ट्राचारी उम्किएका छन् ।

    ​केसी अनिल
  • काठमाडौंको ट्राफिक जाम, धुँवाधुलो, अस्तब्यस्त फुटपाथको राम्रोसँग व्यवस्था होस । अब बन्ने नयाँ सरकारले सडकका ट्राफिक लाइट नयाँ हालेर छरपस्ट रहेका तार मिलाएर सडकमा थुपारिएको फोहोर, जताततै टाँगिएका विज्ञापनका पोस्टरहरु हटाए मात्रै काठमाडौँलाई देशको राजधानी भन्न सुहाउँछ ।

    ​कपिल ज्ञवाली
सबै हेर्नुहोस

सोसल मिडिया