MENU
Ncell Axiata

अन्तर्राष्ट्रिय

  • दक्षिणी सुडानमा हिंसा फैलाउन विदेशी हतियारको प्रयोग

    असार १४ – विदेशी हातहतियारको प्रयोगले दक्षिणी सुडानमा हिंसा फैलिएको एक अध्ययनले देखाएको छ । मानव अधिकार संगठन एम्नेष्टी ईन्टरनेशनलले सार्वजनिक गरेको प्रतिवेदन अनुसार संघर्षका क्रममा बिद्रोही समूहले चीनबाट र सुरक्षाफौजले युक्रेनबाट आधुनिक हातहतियार ल्याउने गरेका छन् ।

  • अमेरिकामा आगलागीले ३२ हजार विस्थापित

    असार १४ – अमेरिकाको कोलोराडोमा फैलिएको आगलागीका कारण ३२ हजार बासिन्दा विस्थापित भएका छन् ।  आगलागीले अरु ६ वटा राज्यमा पनि असर पुर्‍याएको बिबिसीले जनाएको छ । ६२ किलोमिटर क्षेत्रफलमा आगो फैलिएको त्यहाँ सरकारी अधिकारीहरुले बताएका छन् ।

  • भारतमा बेचिएका ४८ वंगलादेशीलाई घर फर्काइयो

    असार १३ – बंगलादेशबाट भारत ल्याई बेचिएका महिला तथा बालबालिकामध्ये ४८ जनालाई घर फकाईएको छ । ३ वर्षअघि अवैध ढंगले भारत ल्याइएका उनीहरुलाई एक गैरसरकारी संस्थाको पहलमा बंगाल सरकारलाई बुझाईएको भारतीय सञ्चार माध्यमले जनाएका छन् ।

  • क्रेडिट कार्डको गैरकानुनी ब्यापार गर्ने पक्राउ

    असार १३ – गैरकानुनी ढंगले क्रेडिट कार्डको व्यापार गर्ने २४ जना पक्राउ परेका छन् । पक्राउ पर्नेमा १३ राष्ट्रका नागरिक रहेको बिबिसीले जनाएको छ । नक्कली क्रेडिट कार्डको प्रयोग गरी उनीहरुले सामान किनबेच गर्ने गरेको सुराकी पाएपछि लामो समयको अनुसन्धान पछि उनीहरुलाई पक्राउ गर्न सफल भएको एफ बि आईले जनाएको छ ।

  • भारतीय राष्ट्रपतिको उम्मेद्वार प्रस्तावित मुखर्जीद्वारा पदबाट राजिनामा भारतीय राष्ट्रपतिको उम्मेद्वार प्रस्तावित मुखर्जीद्वारा पदबाट राजिनामा

    असार १२ – भारतको सत्तारुढ गठबन्धन (युपिए) बाट राष्ट्रपतिको उम्मेदवार प्रस्तावित भएपछि वित्त मन्त्री प्रणव मुखर्जीले पदबाट राजीनामा दिनुभएको छ । मंगलबार पत्रकार सम्मेलन गरी मुखर्जी पदबाट राजीनामा दिएको घोषणा गर्नुभएको हो ।

  • वस्ती स्थानान्तरणको विरोधमा हैटीमा प्रदर्शन

    असार १२ – विपन्न वस्ती स्थानान्तरण गर्ने सरकारी योजनाको विरोधमा हैटीको राजधानी पोर्ट औ प्रिन्समा प्रदर्शन भएको छ । बाढी नियन्त्रण परियोजना अन्तर्गत सरकारले वस्ती हटाउने योजना अघि सारेपछि प्रदर्शन भएको हो ।

  • बलात्कारको शिकार बनेकालाई आर्थिक सहायता दिइने

    असार १२ – बंगलादेश सरकारले सन् १९७१ मा स्वतन्त्रता संघर्षका क्रममा बलात्कारको शिकार बनेका महिलालाई आर्थिक सहायता दिने भएको छ । स्वतन्त्रता आन्दोलन मामिला हेर्ने मन्त्रालय संबन्धि संसदको स्थायी समितिले पीडित महिलालाई आर्थिक सहयोग गर्ने निर्णय गरेको हो ।

  • १ सय वर्ष बुढो कछुवा मर्‍यो

    असार ११ - दक्षिण अमेरिकाको इक्वाडोरमा रहेको गालापागोस राष्ट्रिय निकुञ्जको ठुलो कछुवा मरेको छ । त्यो ठुलो कछुवा गालापागोसमा पाइने पिन्टन प्रजातीको एक मात्र जिवित कछुवा थियो । एक सय वर्षको लोनसम नाम गरेको यो कछुवा अझै अर्को सय वर्षसम्म बाँच्न सक्ने संम्भावना भएको वैज्ञानिकहरुले जानकारी गराएका थिए । सोमवार बिहान मरेको कछुवाको पोष्टमार्टम गरेर मृत्युको कारण खोजिने छ ।

  • मुम्बई हमलामा संलग्न रहेको आरोपमा १ जना पक्राउ

    असार ११ - चार वर्षअघि मुम्बईमा भएको आक्रमणमा संलग्न रहेको आरोपमा भारतीय प्रहरीले एक जनालाई पक्राउ गरेको छ । अबु हमजा भनिने रियासत अलीलाई नयाँ दिल्लीको विमानस्थलबाट पक्राउ गरिएको भारतीय सञ्चार माध्यमले जनाएका छन् । उनलाई अदालतमा पेश गरी अनुसन्धानका लागि १५ दिन थुनामा राख्ने अनुमति प्रहरीले लिईसकेको छ ।

  • यूरोपको आर्थिक संकटको असर विकासोन्मुख देशमा

    असार ११ – यूरोपेली मुलुकमा देखिएको आर्थिक संकटले विकासोन्मुख देशको विकासमा असर परेको एक अध्ययनले देखाएको छ । आर्थिक मन्दीले गर्दा विकास निर्माणका योजनाको खर्च कटौती भएकाले गरीब देशको अवस्था नाजुक बन्दै गएको र ती देशहरुमा सहयोग रकम पनि घट्दै गएको तथ्याङ्कले देखाएको छ ।

  • इजिप्टमा राजनीतिक सुधार ल्याउने नवनिर्वाचित राष्ट्रपतिको प्रतिवद्धता

    असार ११ – इजिप्टका नव निर्वाचित राष्ट्रपति मोहमद मोर्सीले राष्ट्रिय एकताका लागि आफुले चुनाव जितेको बताउनु भएको छ । उहाँले चुनाव जितेपछि पहिलो पटक स्थानिय टेलिभिजन मार्फत जनतालाई सम्बोधन गर्दै अब ईजिप्टमा क्रान्ति सुरु हुने बताउनुभएको बिबिसीले जनाएको छ ।

  • प्रहरीले सत्ता परिवर्तन गर्न खोजेको बोलिभिया सरकारको आरोप प्रहरीले सत्ता परिवर्तन गर्न खोजेको बोलिभिया सरकारको आरोप

    असार १० – ल्याटिन अमेरिकी देश बोलिभियामा हड्तालमा उत्रिएका प्रहरी अधिकारीहरुले सत्ता परिवर्तनको प्रयास गरेको त्यहाँको सरकारले बताएको छ । सन्चारमन्त्री आमान्दा डेभिल्लाले प्रहरी अधिकारीहरुले आन्दोलनको आडमा हतियार जम्मा गरिरहेको र सत्ता परिवर्तनको पृष्ठभूमि तयार पारेको दावी गर्नुभयो ।

  • अष्ट्रेलियामा हिन्दुको संख्या बढ्दै

    असार ९ - अष्ट्रेलियाको जनगणना अनुसार त्यहाँ हिन्दुहरुको सङ्ख्यामा तिब्र रुपमा बृद्धी भएको छ । १९८६ को तुलनामा सन् २००६ सम्ममा अस्ट्रेलियामा हिन्दुको सङ्ख्यामा सात गुणाले वृद्धी भएको थियो भने बौद्ध धर्मालम्बीको सङ्ख्यामा पाँच प्रतिशतले । हिन्दुको जनसङ्ख्या बढ्ने क्रम अझै जारी रहेको नयाँ जनगणनाले देखाएको छ ।   

  • मन्त्रीहरुले नै लैजान्छन् अनुदानको ग्याँस

    असार ९ – भारतमा सरकारले विपन्न वर्गका लागि अनुदानमा दिंदै आएको ग्याँस सिलिन्डर उच्च पदस्थ व्यक्तिहरुले प्रयोग गर्दै आएको खुलासा भएको छ । पेट्रोलियम मन्त्रालयले खाना पकाउने ग्यासको प्रयोगमा पारदर्शिता सम्बन्धि नयाँ व्यवस्था शुरु गरेसंगै यस्तो खुलासा भएको हो ।

  • नाइजेरियाका रक्षामन्त्री र सुरक्षा सल्लाहकार बर्खास्त

    असार ९ – उत्तरी क्षेत्रमा बढ्दो तनावका बीच नाईजेरियाका राष्ट्रपति गुडलक जोनाथनले रक्षामन्त्री र राष्ट्रिय सुरक्षा सल्लाहकारलाई बर्खास्त गर्नुभएको छ । रक्षामन्त्री बेलो मोहम्मद र सुरक्षा सल्लाहकार ओवोये एजाजीलाई पदबाट हटाईएको हो ।

  • तालिवानी विद्रोहीद्वारा होटलमा आक्रमण

    असार ८ – तालिबान विद्रोहीले अफगानिस्तानको राजधानी काबुल नजिक रहेको एक होटलमा आक्रमण गरेको छ । विद्रोही र सुरक्षाकर्मीबीच गोली भएको गोली हानाहानमा २ जनाको ज्यान गएको छ ।

  • पाकिस्तान आफु विरुद्ध खनिएको अमेरिकाको आरोप

    असार ८ – पाकिस्तानले नाटकीय ढंगले आफ्नो काममा अवरोध पुर्‍याइरहेको अमेरिकाले आरोप लगाएको छ । आफु सम्बद्ध नेटो सेनाको आक्रमणमा २४ पाकिस्तानी सुरक्षाकर्मीको ज्यान गएपछि पाकिस्तानले अमेरिका विरुद्धको आन्दोलन थालेको अधिकारीहरुले बताएका छन् ।

  • हात्तीको आक्रमणबाट २ वर्षमा १ सय ३९ ले ज्यान गुमाए

    असार ८ – भारतको पश्चिम बंगालमा २ वर्षको अवधिमा हात्तीको आक्रमणमा परी १ सय ३९ जनाको ज्यान गएको छ । हात्तीको आक्रमणमा परि धेरै जसो ग्रामीण क्षेत्रका मानिसको ज्यान जाने गरेको छ ।

  • विश्वकै पहिलो टेस्ट ट्यूव बच्चाकी आमाको निधन विश्वकै पहिलो टेस्ट ट्यूव बच्चाकी आमाको निधन

    असार ७ – विश्वमै पहिलो पटक टेस्ट ट्यूवबाट बच्चा जन्माउने बेलायती महिलाको निधन भएको छ । ब्रिस्टलमा बस्दै आएकी लेस्ली ब्राउनको ६४ वर्षको उमेरमा निधन भएको हो । ब्राउनले सन् १९७८ को २२ जुलाईमा टेस्ट ट्यूवबाट छोरी जन्माएकी थिइन् ।

  • पाकिस्तानमा प्रधानमन्त्रीमा प्रस्तावित शहाबुद्धीन विरुद्ध पक्राउ पूर्जि जारी पाकिस्तानमा प्रधानमन्त्रीमा प्रस्तावित शहाबुद्धीन विरुद्ध पक्राउ पूर्जि जारी

    असार ७ – नयाँ प्रधानमन्त्रीका लागि प्रस्ताव गरिएका पाकिस्तान पिपुल्स पार्टीका नेता मखुदम शहाबुद्धीन विरुद्ध पक्राउ पूर्जि जारी गरिएको छ । नशालु पदार्थसँग जोडिएको मुद्दामा रावलपिण्डी अदालतले शहाबुद्धीन विरुद्ध पक्राउ पूर्जि जारी गरेको हो ।

  • नयाँदिल्लीलाई मट्टितेलमुक्त शहर बनाइने

    असार ७ – भारतले राजधानी नयाँदिल्लीलाई मट्टितेल मुक्त शहर बनाउने योजना अघि सारेको छ । योजना अन्तर्गत मट्टितेलको प्रयोग रोक्नका लागि साढे ३ लाख भन्दा बढी गरिब परिवारलाई सित्तैमा ग्यास र चुलो दिईनेछ । दिल्ली सरकारको योजनालाई मन्त्रीपरिषदले बुधवार स्वीकृति दिएको छ ।

  • आदिवासीको गुटको संघर्षमा ज्यान गुमाउने सय नाघे

    असार ७ – लिबियाका विभिन्न आदिवासी गुटबीच भएको पछिल्लो संघर्षमा १ सय ५ जनाको ज्यान गएको सरकारले पुष्टि गरेको छ । संघर्षमा ५ सय भन्दा बढी घाईते भएका छन् । जिन्तान, मिज्दाह र शेगायगा शहरमा तीन वटा आदिवासी गुटबीच झण्डै एक हप्ता संघर्ष चर्किएको थियो ।

  • तनाबले इजिप्टमा राष्ट्रपति निर्वाचनको नतिजा रोकियो

    असार ७ – चुनावी प्रतिस्पर्धालाई लिएर बढ्दो तनावका बीच ईजिप्टको निर्वाचन आयोगले राष्ट्रपति निर्वाचनको नतिजा तत्कालका लागि रोकेको छ । यसअघि निर्वाचन परिणाम बिहीबार घोषणा गर्ने तय भएको थियो ।

  • इक्वेडरमा शरण मागे विकिलिक्स संस्थापक असान्जले इक्वेडरमा शरण मागे विकिलिक्स संस्थापक असान्जले

    असार ६ – इराक तथा अफगान युद्धमा अमेरिकाले गरेका अमानविय गतिविधिका गोप्य दस्तावेज सार्वजनिक गर्ने विकिलिक्सका संस्थापक जुलियन असान्जले इक्वेडरसँग शरण मागेका छन् । स्वीडेनमा सुपुर्दगी गर्ने फैसलाबिरुद्ध दायर मुद्दा हारेपछि असान्जले शरण मागेका हुन् ।

  • इरानमाथिको प्रतिबन्ध कडा बनाउने फ्रान्सको चेतावनी

    असार ६ – फ्रान्सले विवादास्पद परमाणु कार्यक्रमबारे गम्भीरतापूर्वक छलफल गर्न तयार नभएसम्म इरानमाथिको प्रतिबन्धमा कडाई गर्नुपर्नेमा जोड दिएको छ । फ्रान्सका विदेशमन्त्री लाउरेनट फाबियुसले पूर्व सहमति अनुसार युरोपेली संघले आउने जुलाई १ देखि ईरानबाट तेलको आयात रोक्नुपर्ने बताउनुभयो ।

  • हाइटीमा गैरआवासीयलाई दोहोरो नागरिकता दिइने

    असार ६ – हाइटीमा गैरआवासीय नागरिकलाई दोहोरो नागरिकताको सुविधा दिने प्रावधान सहितको नयाँ संविधान जारी भएको छ । संसोधित नयाँ संविधान अनुसार विदेशमा रहेका २० लाख नागरिकले दोहोरो नागरिकतासंगै मतदानको अधिकार, जग्गाको स्वामित्व र सार्वजनिक कार्यालय सञ्चालनको अधिकार पाउने छन् ।

  • अदालतको आदेशपछि पाकिस्तानको मन्त्रीपरिषद् भंग

    असार ६ – पाकिस्तानको सर्वोच्च अदालतले प्रधानमन्त्री युसुफ रजा गिलानीलाई पदमा बस्न अयोग्य घोषित गरेपछि मन्त्रीपरिषद् भंग भएको छ । अदालतको आदेश अनुसार निर्वाचन आयोगले गिलानी अयोग्य भएको सूचना जारी गरेलगत्तै प्रधानमन्त्री पदबाट हटेपछि मन्त्रीपरिषद् स्वतः खारेज भएको हो ।

  • पाकिस्तानी प्रधानमन्त्री गिलानी अयोग्य घोषित पाकिस्तानी प्रधानमन्त्री गिलानी अयोग्य घोषित

    असार ५ – पाकिस्तानको सर्वोच्च अदालतले प्रधानमन्त्री युसुफ रजा गिलानीलाई पदमा बस्न अयोग्य घोषित गरेको  छ । अदालतको अवहेलना सम्बन्धी मुद्दामा सर्वोच्च अदातलले गिलानी अब पदमा बस्न नसक्ने फैसला गरेको हो ।

  • आफ्नै छोरीमाथि यौन दुब्र्यबहार गर्ने पक्राउ

    असार ५ – आफ्नै छोरीमाथि यौन दुव्र्यवहार गरेको आरोपमा फ्रान्सेली वाणिज्य दुतावासका एक उच्च अधिकारीलाई भारतको बेंगलोर प्रहरीले पक्राउ गरेको छ । फ्रान्सले यौन दुव्र्यवहारको आरोप लागेका आफ्ना कर्मचारीलाई कुनै किसिमको कुटनैतिक संरक्षण नदिने बताएको भोलिपल्टै भारतीय प्रहरीले वाणिज्य दुतावासका उपप्रमुख पास्कल माजुरियरलाई पक्राउ गरेको हो ।

  • भारतमा स्कुल वस सञ्चालनमा कडाई

    असार ५ – भारतको बालअधिकार संरक्षण आयोगले स्कुल बस सञ्चालनका लागि नियममा कडाई शुरु गरेको छ । आयोगले स्कुल बसमा स्कुलको नाम र नम्बर अनिवार्य लेख्नुपर्ने, प्राथमिक उपचारका सामान र आगो निभाउने यन्त्र अनिवार्य हुनुपर्ने गरी सर्वोच्च अदालतले तयार गरेको आचार संहिता पालना भए नभएको अनुगमन तीव्र पारेको छ ।

  • आदिवासीलाई बजेट दिन अमेरिकी सरकारलाई अदालतको आदेश

    असार ५ – अमेरिकाको सर्वोच्च अदालतले मुल आदिवासीले सञ्चालन गरेका कार्यक्रम तथा योजनाको खर्चका लागि रकम उपलब्ध गराउन सरकारलाई आदेश दिएको छ । संघीय कानुन अनुसार शिक्षा, वातावरण संरक्षण र सुरक्षा व्यवस्थाका लागि सरकारले आदिवासीलाई रकम उपलब्ध गराउनुपर्ने हुन्छ ।

  • आत्मघाती बम विस्फोटमा १५ जनाको ज्यान गयो

    असार ५ – इराकको बाकुवा शहरमा भएको आत्मघाती बम आक्रमणमा कम्तीमा पनि १५ जनाको ज्यान गएको छ । ४० जना घाइते भएका छन् । उत्तरी बगदादमा शिया समुदायका जातीय संगठनका प्रमुखको अन्त्येष्टि कार्यक्रममा आत्मघाती हमला भएको बिबिसीले जनाएको छ ।

  • कलामले राष्ट्रपतिको चुनाव नलड्ने

    असार ४ - भारतका पूर्व राष्ट्रपति एपीजे अब्दूल कलाम आजादले राष्ट्रपति चुनाव नलड्ने घोषणा गर्नुभएको छ । केही दलको प्रस्ताव र समर्थन रहेपनि आजादले चुनाव नलड्ने घोषणा गर्नुभएको हो । भारतीय जनता पार्टीका नेता लालकृष्ण आडवानीसँगको वार्तापछि आजादले चुनाव नलडने घोषणा गर्नुभएका हो । ममता बेनर्जी लगायतका दलले चुनाव लड्न आग्रह गरेपनि आफ्नो अन्तरआत्माले अहिलेको राजनीतिक परिस्थितिमा चुनाव नलड्न भनेको कलामले बताउनुभएको छ ।

  • अष्ट्रेलियाको पत्रिकाले १९ सय कर्मचारी कटौती गर्ने

    असार ४ – अष्ट्रेलियाको एक सञ्चार माध्यम फायर बक्सले ३ वर्ष भित्रमा १ हजार ९ सय कर्मचारी कटौती गर्ने घोषणा गरेको छ । फायर बक्सले आफ्नो दुई वटा चर्चित पत्रिका पनि परिमार्जन गरी निकाल्ने बताएको बिबिसीले जनाएको छ ।

  • विद्युत आपुर्ति घटाउन ७ बजेनै पसल बन्द

    असार ४ – भारतको उत्तर प्रदेशमा विद्युत आपुर्ति घट्दै गएपछि त्यहाँको सरकारले आउने १५ दिनसम्म बेलुकी ७ बजेपछि सबै पसल बन्द गर्न आदेश दिएको छ । विद्युत खपत कम गर्नका लागि राज्य सरकारले बिजुलीबाट सञ्चालित डण्डीका कलकारखाना पनि निश्चित समय भित्र बन्द गर्न आदेश दिएको भारतीय सञ्चार माध्यमहरुले जनाएका छन् ।

  • इरानको परमाणु कार्यक्रम बन्द गराउन शक्ति राष्ट्रवीच छलफल हुँदै

    असार ४ – इरानको विवादास्पद परमाणु कार्यक्रमका बारेमा शक्ति राष्ट्रहरुबीच सोमबार तेस्रो चरणको छलफल हुँदैछ । रुसको राजधानी मस्कोमा हुने छलफलमा शक्ति राष्ट्रहरुले इरानमा भइरहेको परमाणु संयन्त्र बन्द गराउने विषयलाई जोड दिने अन्तराष्ट्रिय सञ्चार माध्यमले जनाएका छन् ।

  • बम आक्रमणमा ३६ जनाको ज्यान गयो

    असार ४ – नाइजेरियामा भएको भीषण बम आक्रमणमा कम्तीमा ३६ जनाको ज्यान गएको छ । कयौँ घाइते भएका छन् । उत्तरी नाइजेरियाको कादुना राज्यमा रहेका ३ भन्दा बढी चर्चमा बिद्रोही समूह बोको हरामले बम आक्रमण गरेको अधिकारीहरुले बताएका छन् ।

  • भारतमा विपक्षीले राष्ट्रपति उम्मेदवार चयन गर्न सकेनन्

    असार ३ - भारतमा सत्तारुढ गठबन्धन युपिएले राष्ट्रपतिका उम्मेद्वारको चयन गरेको २ दिन बितिसक्दा पनि विपक्षी गठबन्धन एनडीएले भने अझै उम्मेदवार चयन गर्न सकेका छैन । राष्ट्रपतिका उम्मेदवारको चयन गर्न आइतवार बसेको विपक्षी गठबन्धनको बैठक बिना निष्कर्ष सकिएको छ । गठबन्धनको सहयोगी दल शिवसेना बैठकमा नगएपछि एनडिएले राष्ट्रपतिको उम्मेद्वार चयन गर्न नसकेको भारतीय सञ्चार माध्यमले जनाएका छन् ।

  • टर्कीको बन्दी गृहमा आगलागी, १३ कैदीको मृत्यु

    असार ३ – टर्कीको एक बन्दी गृहमा भएको आगलागिमा परि १३ जना कैदीको ज्यान गएको छ । कयौँ घाइते भएका छन् । टर्कीको दक्षिण पूर्वी सानलीउर्फा शहरमा रहेको बन्दी गृहमा कैदीहरुबीच झगडा भएको र कसैले जानी जानी आगो लगाएको हुन सक्ने प्रहरीले जनाएको छ ।

  • अबैध रुपमा अमेरिका बस्नेलाई तत्काल फिर्ता नपठाइने

    असार २ – अमेरिकी राष्ट्रपति बाराक ओबामाले बाल्यअवस्थामा अमेरिकामा गएर काम गरिरहेका अवैध आप्रवासी कामदारलाई फिर्ता पठाउने काम तत्काल रोकिने घोषणा गर्नुभएको छ । उहाँले उचित फैसला गर्नु जरुरी रहेको भन्दै प्रतिभावान युवा वर्गलाई देशबाट बाहिर निकाल्नुको कुनै अर्थ नरहेको बताउनुभएको छ ।

Joktantra
पछिल्ला समाचारहरु

मेरो पनि भन्नु छ

  • मलेसियाका ५२ सहित ६२ वटा कम्पनीमा नेपाली कामदार नपठाउने निर्णय धेरै राम्रो लागेको छ । मलेसियाका कम्पनीले कामदारमाथि गर्ने दुव्र्यवहार र हेलचेक्र्याईले धेरै नेपालीको ज्यान गएको छ । उनीहरुको यस्तो मनोमानीका बारेमा सरकारले बेलैमा ध्यान दिन जरुरी छ ।

    ​बालाराम बि.क.
  • उम्मेदवार छान्ने विषयमा विवाद हुँदा सिरहा कांग्रेस कार्यकर्ताबिच कुटाकुट हुँदा १० जना घाइते भएको खबरले कांग्रेस गुटैगुट भएको पार्टी हो भन्ने पुष्टि गर्छ । पार्टी सभापति शेरबहादुर देउवाको गुट, रामचन्द्र पौडेल पक्षको गुट, भ्रष्टाचार गरेर जेल बसिसकेका खुमबहादुर खड्काको गुट । हिजो अस्ति गुट मात्रै भन्थे आज त गुटको झगडा नै भएछ ।

    सौहार्द
  • निर्वाचनमा सत्ता दुरुपयोग कसरी हुन्छ भन्ने कुरा पछिल्लो पटक भरतपुर १९ को सन्दर्भमा विकसित घटनाक्रमले प्रष्ट पारेको छ ।

    ​जयकृष्ण दुलाल
सबै हेर्नुहोस

सोसल मिडिया