MENU
ujyaalo forign call inside

अन्तर्राष्ट्रिय

  • उत्तरकोरियामा मानबअधिकार हननको राष्ट्रसंघले छानबीन गर्ने

    चैत ९ – संयुक्त राष्ट्रसंघीय मानवअधिकार परिषदले उत्तर कोरियामा भएको मानवअधिकार हननको छानबीन गर्ने भएको छ । उत्तर कोरियामा मानवअधिकार उल्लंघन भएको ठहर गर्दै सदस्य राष्ट्रहरुले छानबीनप्रति समर्थन जनाएपछि परिषदले तीन सदस्यीय आयोग बनाई छानबीन गर्ने भएको हो ।

  • ब्राजिल : नियामक निकाय गर्भपतनमा लचिलो

    चैत ९ – ब्राजिलको मेडिकल नियामक निकायले गर्भपतनलाई कानुनी मान्यता दिनुपर्ने पक्षमा पहिलोपल्ट समर्थन जनाएको छ । गर्भपतन सम्बन्धि कानूनमा सुधारबारे संसदमा विवाद चलिरहँदा संघीय चिकित्सा परिषदले १२ हप्तासम्मको गर्भपतनलाई कानूनी मान्यता दिनुपर्ने प्रावधान राख्न माग गरेको छ ।

  • हत्या आरोपी सैनिकलाई भारत पठाउन इटली सहमत

    चैत ९ – भारतीय माझीको हत्या आरोप लागेका आफ्ना दुई जना सैनिकलाई भारत पठाउन इटली सरकार सहमत भएको छ । ती दुई सैनिकको मानवअधिकार रक्षा र उनीहरु प्रति गलत व्यवहार नगरिने आश्वासन पाएकाले उनीहरुलाई भारत पठाउन तयार रहेको इटलीको विदेश मन्त्रालयले जनाएको छ ।

  • धर्मपुत्रसंबन्धी नीतिप्रति अष्ट्रेलिया सरकारको क्षमायाचना

    चैत ८ – अष्ट्रेलिया सरकारले बलपूर्वक धर्मपुत्र धर्मपुत्री ग्रहण सम्बन्धि नीतिका कारण परेको असरका लागि नागरिकसंग औपचारिक रुपमा माफी मागेको छ । अष्ट्रेलियन प्रधानमन्त्री जुलिया गिलार्डले सरकारी नीतिका कारण आम नागरिकले वर्षौंदेखि पीडा भोग्न बाध्य हुनुपरेको भन्दै माफी माग्नुभएको हो ।

  • बंगलादेशका राष्ट्रपतिको निधन बंगलादेशका राष्ट्रपतिको निधन

    चैत ७ – बंगलादेशका राष्ट्रपति जिल्लुर रहमानको निधन भएको छ । मृगौला र स्वासप्रश्वासको समस्याबाट ग्रसित ८४ वर्षिय रहमानको सिंगापुरको एक अस्पतालमा उपचारका क्रममा निधन भएको त्यहाँको प्रहरीलाई उद्धृत गर्दै समाचार संस्था एपीले जनाएको छ ।

  • भारत घुम्न आएकी पर्यटकमाथि बलात्कारको प्रयास

    नयाँ दिल्ली, चैत ७ - भारतमा शृङ्खलाबद्ध रुपमा भइरहेका बलात्कारका घटनाको अर्को शिकार मङ्गलबार राति एक बेलायती महिला बनेकी छिन् । आग्राको एक होटलमा बसेकी ती महिलामाथि मध्यराति बलात्कारको प्रयास भएपछि होटलको कौसीबाट हाम फालेर बच्न सफल भएकी थिइन् ।

  • ओबामा इजरायल र प्यालेष्टायनको भ्रमणमा जाँदै

    चैत ७ – अमेरिकी राष्ट्रपति बाराक ओबामाले बुधबारदेखि इजरायल र प्यालेष्टाइनको भ्रमण गर्दै हुनुहुन्छ । अमेरिकी राष्ट्रपतिका रुपमा ओबामाको इजरायलमा पहिलो भ्रमण हो । इजरायल र प्यालेष्टाइन क्षेत्रमा भइरहेको प्रदर्शनका कारण कडा सुरक्षाका बीच ओबामा इजरायल पुग्ने कार्यक्रम छ ।

  • साउदीमा जासुसी आरोपमा १८ जना पक्राउ

    चैत ७ – साउदी अरबले जासुसीको आरोपमा १८ जनालाई पक्राउ गरेको छ । पक्राउ पर्नेमा एक जना इरानी, एक जना लेबनानी र १६ जना साउदी नागरिक रहेका साउदी गृहमन्त्रालयले जनाएको छ । उनीहरु गुप्तचर निकायका लागि जासूसी गर्ने गिरोहमा संलग्न रहेको मन्त्रालयको दावी छ ।

  • महाराष्ट्रमा बस दुर्घटना, ३७ को ज्यान गयो

    चैत ६ – भारत महाराष्ट्रको रत्नागिरीमा मंगलबार बिहान बस दुर्घटना हुँदा ३७ जनाको ज्यान गएको छ । १८ जना घाइते भएका छन् । गोवाबाट मुम्बईका लागि छुटेको बस रत्नागिरीमा पुलको रेलिङ्ग भत्काउँदै नदिमा खसेको भारतीय सञ्चारमाध्यमले जनाएका छन् ।

  • भारत र इटलीको संबन्ध चिसिँदै

    चैत ६ – इटलीले आफ्नो राजदूतलाई देश छोड्न रोक लगाएर भारतले कुटनीतिक सुविधा सम्बन्धि अन्तर्राष्ट्रिय कानून उल्लंघन गरेको आरोप लगाएको छ । भारतको सर्वोच्च अदालतले सोमबार इटलीका राजदूत ड्यानियल म्यानसिनीले कुटनीतिक मर्यादा गुमाएको भन्दै भारत छोड्न लगाएको प्रतिबन्ध कायम राखेपछि इटलीको प्रतिक्रिया आएको हो ।

  • यौन हिंसा पीडित महिलाको अन्तर्वार्ता लिएकोमा जेल परेका पत्रकार रिहा

    चैत ५ - यौन हिंसा पीडित महिलाको अन्तर्वार्ता लिएको आरोपमा जेल सजाए सुनाईएका एक पत्रकारलाई सोमालियाको सर्वोच्च अदालतले रिहा गरेको छ । २७ वर्षिय अब्दाईजीज अबदिनुर ईब्राहिमलाई बलात्कार पीडित महिलाको अन्तवार्ता लिएको भन्दै जेल सजाय सुनाईएको थियो ।

  • पाकिस्तानमा निर्वाचित जनप्रतिनिधिले ५ वर्ष सरकार चलाएर किर्तिमान राखे

    चैत ४ - पाकिस्तानमा पहिलो पटक जननिर्वाचित प्रतिनिधिले पाँच वर्ष सरकार चलाएका छन् । पाँच वर्षे कार्यकाल पूरा गरेसंगै पाकिस्तानी संसद भंग भएको छ । सरकारले पूर्ण कार्यकाल पूरा गरेपछि संसद भंग गर्नुपर्ने संवैधानिक प्रावधान अनुसार मध्यरातिदेखि संसद भंग भएको हो ।

  • सिरियाका एक सैनिक जनरलद्वारा विद्रोहीलाई साथ दिने घोषणा

    चैत ४ – सिरियाका एक जना सैनिक जनरलले विद्रोहीलाई साथ दिने घोषणा गर्दै देश छोडेका छन् । सरकारी सेनाको नैतिकता र मनोबल खस्केको भन्दै जनरल मोहम्मद एज अल दिन खलौफले सरकारको साथ छोडेको अन्तर्राष्ट्रिय सञ्चारमाध्यमले जनाएका छन् ।

  • राष्ट्रसंघद्वारा अमेरिकाको कडा आलोचना

    चैत ३ – राष्ट्रसंघले पाकिस्तानको सार्वभौमसत्ता माथि हस्तक्षेप गरेको भन्दै अमेरिकाको कडा आलोचना गरेको छ । अमेरिकाले पाकिस्तानको सहमति नलिइ ग्रामीण क्षेत्रमा मानवरहित विमानबाट आक्रमण गरेर अमेरिकाले सार्वभौम मुलुकमाथि हस्तक्षेप गरेको ठहर गरेको हो ।

  • बाल यौन दुराचार अपराध हैन भनेपछि पादरी विवादमा

    चैत ३ - बाल यौन दुराचारलाई अपराध नभई रोगको अवस्था भन्ने धारणा सार्वजनिक गरेपछि दक्षिण अफ्रिकाका क्याथोलिक चर्चका पादरी बिवादमा तानिएका छन् । पादरी विल्फ्रिड फक्स नापिएरले बाल यौन दुराचारलाई आपराधिक अवस्था नभई मानिसमा हुने समस्याको अवस्था भनेपछि आलोचना भएको छ ।

  • अमेरिकाले मिसाईल रक्षा प्रणालीलाई थप बलियो बनाउने

    चैत ३ - उत्तर कोरियाबाट सुरक्षा खतरा बढेको भन्दै अमेरिकाले मिसाईल रक्षा प्रणालीलाई थप बलियो बनाउने तयारी गरेको छ । अमेरिकी रक्षामन्त्री चक हेगेलले कोरियाबाट उत्पन्न हुनसक्ने खतराको सामना गर्नका लागि देशको पश्चिमी तटमा मिसाईल सुरक्षा बलियो बनाउने घोषणा गर्नुभएको हो ।

  • सिरियामा राष्ट्रपतिविरुद्धको आन्दोलन २ वर्ष पूरा

    चैत २ – सिरियामा राष्ट्रपति बसर अल असद विरुद्ध आन्दोलन शुरु भएको शुक्रबार दुईवर्ष पूरा भएको छ । सन् २०११ को मार्च १५ तारिखमा सिरियामा देशव्यापी आन्दोलन शुरु भएको थियो र पहिलो पल्ट दक्षिणी शहर डार्रामा प्रदर्शनकारी पक्राउ परेका थिए ।

  • लि केकियाङ चीनका नयाँ प्रधानमन्त्री

    चैत २ – चीनको नयाँ प्रधानमन्त्रीमा लि केकियाङ चयन हुनुभएको छ । चिनियाँ पिपुल्स कंग्रेसले लि लाई नयाँ प्रधानमन्त्रीका रुपमा चयन गरेको हो । चिनियाँ कम्यूनिष्ट पार्टीका दोश्रो नम्बरका नेता लि ले वर्तमान प्रधानमन्त्री बेन जियाबाओलाई प्रतिस्थापन गर्नुहुनेछ ।

  • सि जिनपिङ चीनको नयाँ राष्ट्रपति चयन सि जिनपिङ चीनको नयाँ राष्ट्रपति चयन

    चैत १ – चिनियाँ कम्यूनिष्ट पार्टीका महासचिव सि जिनपिङ चीनको नयाँ राष्ट्रपतिमा चयन हुनुभएको छ । हरेक १० वर्षमा हुने सत्ता हस्तान्तरण प्रक्रिया अनुसार सिलाई संसदले नयाँ राष्ट्रपति र केन्द्रीय सैन्य आयोगका प्रमुखका रुपमा चयन गरेको हो । सी गएको नोभेम्बरमा कम्यूनिष्ट पार्टीको महासचिवमा चयन हुनुभएको थियो ।

  • क्याथोलिक चर्चको पोपमा अर्जेन्टिनी नागरिक

    चैत १ – क्याथोलिक क्यालोलिक चर्चको पोपमा अर्जेन्टिनाका कार्डिनल जोर्ज मारियो बेरगोगलियो चुनिनुभएको छ । गएको फागुनमा पोप बेनिडिक्ट १६ औं ले स्वास्थ्य खराब भएका कारण जिम्मेवारी सम्हाल्न असफल भएको भन्दै पदबाट राजीनामा दिनुभएको थियो ।

  • ‘सिरियामा सशस्त्र समहूमा वालभर्ती बढ्यो’

    फागुन ३० – वालअधिकारको क्षेत्रमा क्रियाशिल संस्था सेभ द चिल्ड्रेनले सिरियामा संघर्षरत सरकारी सेना र विद्रोही दुवै पक्षले वालवालिकालाई लडाईमा प्रयोग गर्ने क्रम बढेको भन्दै चिन्ता व्यक्त गरेको छ ।

  • अमेरिकाद्वारा उत्तर कोरियामाथि थप प्रतिबन्धको घोषणा

    फागुन २९ – अमेरिकाले उत्तर कोरियामाथि थप प्रतिबन्धको घोषणा गरेको छ । परमाणु परीक्षणका विरुद्धमा राष्ट्रसंघले उत्तर कोरियामाथि प्रतिबन्ध थप गरेपछि उत्पन्न तनावकाबीच अमेरिकाले थप प्रतिबन्धको घोषणा गरेको हो ।

  • हत्याका आरोपी सैनिकलाई इटलीले भारत नपठाउने

    फागुन २९ – इटलीले हत्याको आरोपमा भारतमा मुद्दा खेपिरहेका आफ्ना दुई जना सैनिकलाई भारत नपठाइने जनाएको छ । उनीहरुमाथि आफ्नै देशमा मुद्दा चलाउने भन्दै इटलीको विदेश मन्त्रालयले यसबारेमा भारतलाई जानकारी गराइसकिएको जनाएको छ ।

  • फकल्याण्ड टापुका धेरै नागरिक वेलायतको पक्षमा

    फागुन २९ – फकल्याण्ड टापुका नागरिकले बेलायतको अधिनस्थ क्षेत्रमा रहने पक्षमा मतदान गरेका छन् । २ हजार ९ सय जनसंख्यामा १ हजार ६ सय ७२ जना बेलायती नागरिक रहेको र उनीहरुमध्ये ९० प्रतिशत मतदानमा भाग लिन योग्य भएकाले पनि बेलायती पक्षमा नतिजा आएको हो ।

  • जापानमा भूकम्प र सुनामीको सम्झना

    फागुन २८ – जापानले विनाशकारी भूकम्प र सुनामीको सम्झनामा कार्यक्रम गरेको छ । समारोहमा भूकम्प र सुनामीमा परी ज्यान गुमाउनेहरुको सम्झनामा एक मिनेट मौन धारण गरिएको थियो । राजधानी टोकियो लगायत अरु ठाउँमा विभिन्न कार्यक्रम भएका अन्तराष्ट्रिय सञ्चार माध्यमले जनाएका छन् ।

  • वलात्कारका मुख्य अभियुक्तले आत्महत्या गरे

    फागुन २८ – भारतको नयाँ दिल्लीमा ३ महिना अघि भएको सामुहिक वलात्कार घटनाका मुख्य अभियुक्तले सोमबार विहान जेलभित्रै आत्महत्या गरेका छन् । मुख्य अभियुक्त रामसिंहले तिहाड जेलमा झुण्डिएर आत्महत्या गरेका हुन् ।

  • नाइजेरियामा विद्रोहीले बन्धक बनाएका विदेशीको हत्या आशंका

    फागुन २८ – नाइजेरियाको इस्लामिक उग्रवादी समूहले बन्धक बनाएका ७ जना विदेशी नागरिकको हत्या गरेको दाबी गरेको छ । बन्धक विदेशी नागरिकलाई आफुले हत्या गरेको खबर विद्रोहीले अनलाइनमा प्रकाशित गरेको स्थानीय सञ्चारमाध्यमले जनाएका छन् ।

  • ‘अमेरिका र तालिवान लडाकूबीच दिनहुँ गोप्य वार्ता’

    फागुन २७ – अफगानिस्तानका राष्ट्रपति हमिद कारजाइले अमेरिका र तालिवान लडाकूबीच गोप्य रुपमा दिनहुँ वार्ता भैरहेको बताउनुभएको छ । तालिवानले एकातिर सर्वसाधारणको हत्या गर्ने र अर्कोतिर आफूले दुश्मन भनेको अमेरिकासँग खाडी मुलुकमा वार्ता गरिरहेको कारजाइले बताएको अन्तर्राष्ट्रिय संचार माध्यमले जनाएका छन् ।

  • सू की एनएलडीको अध्यक्षमा पुन निर्वाचित

    फागुन २७ - प्रजातन्त्रवादी नेतृ आङ्ग सान सू की म्यानमारको विपक्षी दल नेशनल लिग फर डेमोक्रेसी एनएलडीको अध्यक्षमा पुनः निर्वाचित हुनुभएको छ । पार्टीको राष्ट्रिय महाधिवेशनले उहाँलाई अध्यक्षका रुपमा चयन गरेको बिबिसीले जनाएको छ । १५ सदस्यीय कार्यसमितिमा सूकी सहित ४ जना महिला सदस्य छन् ।

  • भेनेजुयलमा १४ अप्रिलमा चुनाव हुने

    फागुन २७ - भेनेजुयलामा नयाँ राष्ट्रपति चयनका लागि १४ अप्रिलमा चुनाव हुने भएको छ । निकोलस मडुरोले कार्यबाहक राष्ट्रपतिको जिम्मेवारी सम्हाले लगत्तै राष्ट्रिय चुनाव आयोगले नयाँ चुनावको घोषणा गरेको हो ।

  • विरोधमा वावजुद पाकिस्तानी प्रधानमन्त्रीद्वारा भारतको भ्रमण

    फागुन २६ - विरोध प्रदर्शनका बाबजुद पाकिस्तानी प्रधानमन्त्री राजा परवेज असरफले एक दिने भारत भ्रमण पुरा गरी स्वदेश फर्कनुभएको छ । भारत भ्रमणमा आएका उहाँले विरोधका बावजुद अजमेर दरगाहमा प्रार्थना गर्नुभएको छ । एक दिने निजी भ्रमणका क्रममा भारतको जयपुर आएका प्रधानमन्त्री असरफलाई भारतीय विदेश मन्त्री सलमान खुर्शीदले स्वागत गर्नु भएको थियो ।

  • बलात्कारबाट ज्यान गुमाउने भारतीय युवतीलाई अमेरिकी पुरस्कार

    फागुन २६ - अमेरिकाले भारतको राजधानी दिल्लीमा सामूहिक बलात्कारमा परेकी २३ वर्षिया युवतीलाई मरणोपरान्त ईन्टरनेशनल वुमन अफ करेज पुरस्कार प्रदान गरेको छ । अमेरिकी विदेश मन्त्री जोन केरीले उनको बहादुरीको सम्मान गर्दै मरणोपरान्त ईन्टरनेशनल वुमन अफ करेज पुरस्कारबाट सम्मान गरेको बताउनु भएको छ ।

  • अफगानिस्तानको रक्षा मन्त्रालय बाहिर बम विष्फोट

    फागुन २६ – अफगानिस्तानको रक्षा मन्त्रालय बाहिर भएको बम विष्फोटमा ३ जनाको ज्यान गएको छ । ६ जना घाइते भएका छन् । मध्य काबुलमा रहेको रक्षामन्त्रालय बाहिर आत्मघाती बम विष्फोट भएको अन्तर्राष्ट्रिय सञ्चारमाध्यमले जनाएका छन् ।

  • ‘गैंडा चोरी शिकारको नयाँ रेकर्ड बन्न सक्छ’

    फागुन २६ – दक्षिण अफ्रिकी अधिकारीहरुले गैंडाको चोरी शिकार यो वर्ष उच्च विन्दुमा पुग्ने चेतावनी दिएका छन् । थाइल्याण्डको बैङ्ककमा चलिरहेको साइटिस सम्मेलनमा दक्षिण अफ्रिकी अधिकारीहरुले सन् २०१३ को शुरुवाती दुई महिनामै १ सय ४६ वटा गैंडा मारिइसकेकाले तत्काल यसलाई रोक्न कदम नचालिए नयाँ रेकर्ड बन्न सक्ने चेतावनी दिएका हुन् ।

  • भेनेजुयलामा उपराष्ट्रपतिलाई कार्यबाहक

    फागुन २६ – भेनेजुयलाका पूर्व उपराष्ट्रपति निकोलास मडुरोले कार्यवाहक राष्ट्रपतिको सपथ लिनुभएको छ । राष्ट्रपति ह्यूगो चाभेजको अन्तिम संस्कार लगत्तै मडुरोले सपथ लिनुभएको हो । सपथ समारोहपछि बोल्दै मडुरोले देशले समाजबादको बाटो पच्छ्याउने बताउनुभयो ।

  • उत्तरद्वारा दक्षिण कोरिया विरुद्धका सबै अनाक्रमण सम्झौता खारेज

    फागुन २५ – उत्तर कोरियाले दक्षिण कोरियासँग भएका सबैखाले अनाक्रमण सम्झौता समाप्त भएको घोषणा गरेको छ । राष्ट्रसंघ सुरक्षा परिषदले उत्तरकोरिया विरुद्ध थप नयाँ प्रतिबन्ध लगाउने निर्णय गरे लगत्तै उत्तरले दक्षिण कोरियासँगका सबै अनाक्रमण सम्झौता रद्द भएको घोषणा गरेको हो ।

  • उत्तरकोरिया विरुद्ध सुरक्षा परिषद्को प्रतिबन्ध

    फागुन २५ – संयूक्त राष्ट्रसंघ सुरक्षा परिषदले उत्तरकोरिया विरुद्ध प्रतिबन्ध घोषणा गरेको छ । गएको महिना उत्तर कोरियाले गरेको तेश्रो परमाणु परीक्षणका कारण सुरक्षा परिषदले प्रतिबन्धको घोषणा गरेको हो । उत्तर कोरियाका कुटनीतिज्ञ र सैनिक सम्बद्ध कम्पनीहरुलाई निशाना बनाइएको प्रतिबन्ध अनुसार नगद स्थानान्तरण, भ्रमण र बिलासिताका सामानको कारोबारमा रोक लगाइएको छ ।

  • खाद्यान्न वितरणमा पनि महिलामाथि हिंसा

    फागुन २५ – खाद्य तथा नागरिक अधिकार सम्बन्धि विभिन्न अन्तर्राष्ट्रिय संस्थाहरुले खाद्य सुरक्षा, लैङ्गिक विभेद र हिंसाबीचको सम्बन्धलाई ध्यानमा राखेर काम गर्न विश्व समुदायलाई आग्रह गरेका छन् ।

  • सिरियामा विद्रोहीद्वारा अपहरित २१ जना रिहाइको माग

    फागुन २४ – फिलिपिन्सले सिरियामा विद्रोहीको अपहरणमा परेका आफ्ना २१ जना नागरिकलाई तत्काल मुक्त गर्न माग गरेको छ । उनीहरु सिरिया र इजरायलबीच सन् १९६७ मा भएको युद्धबिरामको अनुगमनमा खटिएका पर्यवेक्षक रहेको भन्दै फिलिपिन्सले तत्काल मुक्त गर्न आग्रह गरेको हो ।

  • युद्धमा हराएका सैनिक ३३ वर्षपछि भेटिए

    फागुन २३ – तत्कालिन सोभियत संघको सहयोगमा भएको अफगान युद्धका क्रममा हराएका एक सैनिक ३३ वर्षपछि जिवितै फेला परेका छन् । युद्धका बेला घाइते भई हराएका सैनिक अफगानिस्तानको पश्चिमी प्रान्त हेरातमा फेला परेका हुन् ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया