MENU
Ncell Axiata
sagun

अन्तर्राष्ट्रिय

  • इराकका लागि सिरियाली राजदुतद्वारा राजीनामा

    असार २८ – इराकका लागि सिरियाका राजदुत नवाफ फारेसले पदबाट राजीनामाको घोषणा गर्नुभएको छ । अल जजिरा टेलिभिजन र फेसबुक मार्फत वक्तव्य जारी गरी फारेसले राजदुत र सत्तारुढ बाथ पार्टीको सदस्यबाट राजीनामा दिएको सार्वजनिक गर्दै नागरिक क्रान्तिलाई साथ दिने घोषणा गर्नुभएको छ ।

  • पेरुमा वाल मजदुर घटाउन नयाँ शिक्षा योजना

    असार २८ – पेरु सरकारले बाल मजदुरहरुको प्रयोग घटाउन र उनीहरुको अवस्था सुधार गर्न नयाँ शिक्षा योजना लागु गर्ने भएको छ । अमेरिकाको सहयोगमा देशका तीन वटा अति गरिब क्षेत्रका बालबालिकाको शिक्षामा पहुँच पुर्‍याउने गरी योजना लागू गर्न लागिएको हो ।

  • अमेरिकी विदेशमन्त्री लाओसको भ्रमणमा

    असार २७ – अमेरिकी विदेश मन्त्री हिलारी क्लिन्टन दक्षिण पूर्वी एसियाली देश लाओसको भ्रमणमा जानुभएको छ । ५७ वर्ष पछि पहिलो पटक अमेरिकी विदेशमन्त्रीका रुपमा क्लिन्टन कम्युनिष्ट देश लाओस पुग्नु भएको हो ।

  • सिंगापुरमा मृत्युदण्डको प्राबधान परिवर्तनको तयारी

    असार २६ – सिंगापुरले लागूपदार्थ ओसारपसार र हत्याका मुद्दामा दिंदै आएको अनिवार्य मृत्युदण्डको प्रावधानमा परिवर्तनको तयारी गरेको छ । मृत्युदण्ड सम्बन्धि प्रावधान परिवर्तनको प्रस्तावमा नियोजित हत्या भएको पुष्टि भएको अवस्थामा मात्रै अनिवार्य मृत्युदण्डको व्यवस्था लागू हुने उल्लेख गरिएको छ ।

  • बाढीमा ज्यान गुमाएकाको सम्झनामा रुसमा शोक दिवश

    असार २५ – रुसमा बाढीका कारण ज्यान गुमाएकाहरुको सम्झनामा सोमबार एक दिन शोक दिवस घोषणा गरिएको छ । दक्षिणी क्रास्नोदर क्षेत्रमा बाढीका कारण १ सय ७० भन्दा धेरैले ज्यान गुमाएका छन् ।

  • बन्दुकधारीको आक्रमणबाट ७ सैनिकको ज्यान गयो

    असार २५ – पाकिस्तानमा बन्धुकधारीको आक्रमणमा परि ७ सैनिक मारिएका छन् । अरु ५ जना घाईते भएका छन् । राजधानी ईस्लामाबादको दक्षिणपूर्वी क्षेत्रमा रहेको वजीराबाद शहरमा रहेको सेनाको एउटा शिविर छेउमा बन्धुधारीले आक्रमण गरेको अन्तराष्ट्रिय सञ्चार माध्यमले जनाएका छन् ।

  • अमेरिकामा लू को प्रकोप फैलियो

    असार २५ – अमेरिकामा पछिल्ला केही दिनमा अप्रत्याशित रुपमा लू को प्रकोप फैलँदै गएको अधिकारीहरुले बताएका छन् । अधिकारीहरुका अनुसार लू लागेर अमेरिकामा ४० जना भन्दा बढीको ज्यान गईसकेको छ ।

  • सहयोग जारी राख्न दातृराष्ट्रसँग अफगानी राष्ट्रपतिको आग्रह सहयोग जारी राख्न दातृराष्ट्रसँग अफगानी राष्ट्रपतिको आग्रह

    असार २४ – अफगानिस्तानका राष्ट्रपति हामिद कारजाईले सहयोगलाई निरन्तरता दिन अन्तर्राष्ट्रिय दातासंग आग्रह गर्नुभएको छ । तालिबानको पतन पछि हासिल भएको राजनीतिक र आर्थिक उपलब्धीको रक्षाका लागि अन्तर्राष्ट्रिय सहयोग अत्यावश्यक हुने भन्दै कारजाईले यस्तो आग्रह गर्नुभएको हो ।

  • बाढीमा परी कम्तीमा ७८ जनाको ज्यान

    असार २३ – दक्षिण रुसमा बाढीमा परी कम्तीमा ७८ जनाको ज्यान गएको छ । क्रान्सोदार प्रान्तमा भीषण वर्षापछिको ठूलो बाढीले जनधनको क्षति गरेको बिबिसीले जनाएको छ ।

  • अफगानिस्तानलाई मुख्य गैर नेटो सहयोगीको मान्यता

    असार २३ – अमेरिकाले अफगानिस्तानलाई मुख्य गैर नेटो सहयोगीको मान्यता दिने घोषणा गरेको छ । आकस्मिक रुपमा अफगानिस्तान पुगेकी अमेरिकी विदेशमन्त्री हिलारी क्लिन्टनले त्यहाँका राष्ट्रपति हामिद कारजाईसंगको भेटपछि यस्तो घोषणा गर्नुभएको हो ।

  • लिबियामा ५० वर्षपछि राष्ट्रिय चुनाब हुँदै

    असार २३ – राजनीतिक अस्थिरता र हिंसाका बीच लिबियामा ५० वर्ष पछि पहिलो पटक स्वतन्त्र राष्ट्रिय चुनाव हुँदैछ । गद्धाफी शासन अन्त्यको झण्डै १ बर्षपछि चुनाव हुन लागेको हो । २ सय संविधानसभा सदस्यका लागि तीन हजार ७ सय उम्मेदवार चुनावी मैदानमा छन् ।

  • अमेरिकाले ड्रोन आक्रमण नरोकेकोमा पाकिस्तानको आपत्ति

    असार २३ – लगातारको विरोधका बाबजुद अमेरिकी सेनाले ड्रोन आक्रमण नरोकेकोमा पाकिस्तानले आपत्ति जनाएको छ । उत्तरपश्चिमी आदिवासी इलाकामा अमेरिकी ड्रोन आक्रमणमा १२ जना शंकास्पद विद्रोहीको ज्यान गएपछि पाकिस्तानको यस्तो प्रतिक्रिया आएको हो ।

  • जापानमा आणविक संकट मानव सिर्जित

    असार २१ – जापानको फुकुशिमा आणविक केन्द्रमा उत्पन्न संकटबारे छानबीन गर्न गठित संसदीय समितिले आणविक संकट मानव सिर्जित भएको बताएको छ । भुकम्प र सुनामीपछि आणविक केन्द्रमा उत्पन्न संकटका बारेमा पूर्वानुमान गर्न र रोक्न सकिने तथा यसको प्रभाव कम गर्न सकिने अवस्था हुँदा हुँदै पनि काम हुन नसकेको समितिको प्रतिवेदनमा उल्लेख छ ।

  • ट्युनिशियामा सेन्सरसीपको विरोध गर्दै राजीनामा

    असार २१ – ट्युनिशियामा मिडियाको पुनर्संरचनाका लागि गठन गरिएको आयोगले सरकारी सेन्सरशीपको विरोध गर्दै राजीनामा दिएको छ । आयोगका प्रमुख प्रमुख कामेल लाबिदीले सरकारी रवैयाका कारण काम जारी राख्न नसकिने अवस्थामा पुगेको बताउनुभएको छ ।

  • श्रीलङ्कामा वन जोगाउने योजना

    असार २१ – श्रीलंकाले राष्ट्रिय वन र स्थानीय बनस्पति जोगाउनका लागि नयाँ योजना लागू गर्ने भएको छ । योजना अन्तर्गत सबै गाउँमा बन विस्तार गरिने छ भने वनबाट फाईदा लिंदै स्थानीय बनस्पतिको रक्षाका लागि स्थानिय बासिन्दालाई सचेत गराईने छ ।

  • ६ हजार सैनिकमाथि लगाइएको मुद्दा रोक्न बंगलादेशसंग माग

    असार २१ – मानवअधिकारवादी संगठन ह्युमन राईटस् वाचले बंगलादेशमा सन् २००९ मा भएको सीमा सुरक्षा बलको विद्रोहका क्रममा पक्राउ परेका ६ हजार सैनिक माथि लगाईएको सामुहिक मुद्दा रोक्न माग गरेको छ । संस्थाले पक्राउ परेकाहरुलाई यातना दिईएको समेत आरोप लगाएको छ ।

  • फ्रान्समा समलिङ्गी जोडीलाई विहे गर्ने अनुमति

    असार २० – फ्रान्समा समलिङ्गी जोडीले बिहे गर्न र धर्मपुत्र धर्मपुत्री पाल्न अनुमति पाउने भएका छन् । संसदलाई सम्बोधन गर्दै प्रधानमन्त्री जीन मार्कले सन् २०१३ को पहिलो ६ महिना भित्र सबै जोडीले बिना भेदभाव बिहे गर्न र बालबालिकालाई छोराछोरी बनाएर पाल्न अनुमति पाउने बताउनुभएको हो ।

  • आतंकवाद अन्त्यको विषयमा भारत र पाकिस्तानवीच बैठक हुँदै

    असार २० – आतंकवाद अन्त्यका विषयमा छलफल गर्न भारत र पाकिस्तानबीच बुधवार विदेश सचिव स्तरीय बैठक भारतको राजधानी नयाँ दिल्लीमा हुँदैछ । आतंकवाद अन्त्यका विषयमा बैठकमा छलफल हुने बताईएपनि मुम्बई आक्रमणमा पाकिस्तानी आतंकवादीको संलग्नतालाई भारतले मुख्य मुद्दा बनाउने तयारी गरेको भारतीय सञ्चारमाध्यमले जनाएका छन् ।

  • नेटो सेनाको लागि बाटो खुलाउन पाकिस्तान सहमत

    असार २० – अफगानिस्तानमा कार्यरत नेटो सेनाका लागि आवश्यक सामाग्री ओसारपसार गर्ने बाटो खुला गर्न पाकिस्तान सहमत भएको छ । नेटो सेनाको आक्रमणमा आफ्ना २४ जना सैनिकको ज्यान गएपछि पाकिस्तानले गएको नोभेम्बरदेखि नेटोको आपूर्ति मार्ग बन्द गरिदिएको थियो ।

  • इराकमा श्रृंखलावद्ध बम विष्फोट, ३२ जनाको ज्यान गयो, ६० जना घाईते

    असार १९ – इराकमा आज भएका श्रृखलावद्ध बम विस्फोटमा परी कम्तिमा पनि ३२ जनाको ज्यान गएको छ । विस्फोटमा अरु  ६० जना घाइते भएका छन् ।

  • अनियमितता गर्ने औषधि कम्पनीलाई ३ अर्ब डलर जरिवाना

    असार १९ – औषधिमा अनियमितता गर्ने एक बेलायती औषधि कम्पनीले ३ अर्ब डलरको जरिवाना तिर्ने भएको छ । ग्यालेक्स स्मिथक्लाइन कम्पनीले औषधिको परिक्षण नै नगरी विना जानकारी बजारमा औषधि बेचेको ठहरिएपछि ठूलो रकम जरिवाना तिर्न लागेको हो ।

  • गैरकानुनी हतियारले अशान्ति फैलियो : राष्ट्रसंघ

    असार १८ – गैरकानुनी ढंगले बिक्री भैरहेका हतियारका कारण विश्वमा अशान्ति फैलँदै गएको भन्दै सयुक्त राष्ट्रसंघले चिन्ता व्यक्त गरेको छ । कानुन विपरीत भैरहेका हतियारको खरिद बिक्रिले आतंकवाद र सशस्त्र द्वन्द्व फैलाइरहेको भन्दै यसको नियन्त्रणका लागि राष्ट्रसंघले बाध्यकारी सन्धि ल्याउने गृहकार्य गरिरहेको छ ।

  • भारतीय प्रधानमन्त्री बाढी प्रभावित आसाम जाँदै

    असार १८ – बाढी प्रभावित क्षेत्रको अवलोकन गर्न भारतीय प्रधानमन्त्री मनमोहन सिंह र कांग्रेस आईकी नेतृ सोनिया गान्धी सोमबार आसाम जाँदै हुनुहुन्छ । भिषण बाढीसंगै आएको पहिरोमा परी भारतको आसाममा ७५ भन्दा बढीको ज्यान गइसकेको भारतीय सञ्चार माध्यमले जनाएका छन् ।

  • अफगानिस्तानमा ३ नेटो सैनिकको ज्यान गयो

    असार १८ – अफगानिस्तानको दक्षिणी क्षेत्रमा प्रहरीको पोशाक लगाएको बन्दुकधारीको आक्रमणबाट ३ जना नेटो सैनिकको ज्यान गएको छ । नेटोका अनुसार बन्धुकधारी प्रहरी हो वा होईन भन्नेबारे अनुसन्धान भईरहेको छ ।

  • 'पदबाट नहटेसम्म राष्ट्रपतिमाथि मुद्दा चलाउन असम्भव' 'पदबाट नहटेसम्म राष्ट्रपतिमाथि मुद्दा चलाउन असम्भव'

    असार १७ – पाकिस्तानका नयाँ प्रधानमन्त्री राजा परवेज अशरफले राष्ट्रपति आसिफ अलि जरदारी पदमा रहँदा सम्म उहाँमाथि मुद्धा चलाउन नसक्ने स्पष्ट पार्नुभएको छ । स्वीटजरल्याण्डका अधिकारीसँग राष्ट्रपति विरुद्धको भ्रष्टाचारको मामिलामा फेरी जाँच गर्न आग्रह गर्ने या नगर्ने विषयमा जानकारी दिन सर्वोच्च अदालतले दुई हप्ताको समय दिए लगत्तै प्रधानमन्त्रीको भनाई आएको हो ।

  • ऋण रोकेकोमा बंगलादेशद्वारा विश्वबैङ्कको आलोचना

    असार १६ – भ्रष्टाचार भएको भन्दै ठूलो परियोजनाको ऋण सहयोग रोकेकोमा बंगलादेशले विश्व बैंकको आलोचना गरेको छ । बंगलादेशका सञ्चार मन्त्री अबिदुल कादरले विश्व बैंकले हतारमा ऋण सहयोग रोक्ने निर्णय गरेको बताउनुभयो ।

  • चीनमा भूइँचालो

    असार १६ – काजकिस्तानको सीमावर्ती चीनमा ६ दशमबल ३ रेक्टर स्केलको भूकम्प गएको छ । अमेरिकी भूगर्भ सर्वेक्षणका अनुसार भूकम्पमा अहिलेसम्म दश जना घाईते भएका छन् । सरकारी समाचार एजेन्सी सिन्ह्वाका अनुसार भूकम्पको केन्द्रविन्दु शेन्जेई प्रान्तदेखि झण्डै १ सय ४१ किलोमिटर टाढा रहेको छ ।

  • भ्रष्टाचारका कारण बंगलादेशमा विश्व बैंकको ऋण सहयोग रोकियो

    असार १६ – विश्व बैंकले भ्रष्टाचार भएपछि बंगलादेशमा ठूलो परियोजनामा दिने भनिएको ऋण सहयोग रोकेको छ । बंगलादेशकै सबैभन्दा ठूलो पुल बनाउने परियोजनामा सहयोग गर्न नसक्ने जानकारी बैकले दिईसकेको छ ।

  • चीनियाँ यानको सफल अन्तरिक्ष यात्रा

    असार १५– ३ जना यात्री सहित अन्तरिक्षका लागि प्रस्थान गरेको चीनियाँ यान १३ दिनपछि पृथ्वीमा फर्किएको छ । यान शुक्रवार मंगोलियाको मध्यभागमा अवतरण गरेको हो । अवतरणको दृष्य टेलिभिजनले प्रत्यक्ष प्रसारण गरेका थिए ।

  • अमेरिकाले चीनमाथिको बित्तिय प्रतिबन्ध ६ महिनाका लागि हटायो

    असार १५ – ईरानबाट तेल आयात गर्नका लागि अमेरिकाले चीनमाथि लगाएको बित्तिय प्रतिबन्ध ६ महिनाका लागि हटाएको छ । ईरानबाट तेल आयातमा चीनले धेरे कटौती गरेकाले वित्तिय प्रतिबन्ध अस्थाई रुपमा हटाइएको अमेरिकी भनाई छ ।

  • दक्षिणी सुडानमा हिंसा फैलाउन विदेशी हतियारको प्रयोग

    असार १४ – विदेशी हातहतियारको प्रयोगले दक्षिणी सुडानमा हिंसा फैलिएको एक अध्ययनले देखाएको छ । मानव अधिकार संगठन एम्नेष्टी ईन्टरनेशनलले सार्वजनिक गरेको प्रतिवेदन अनुसार संघर्षका क्रममा बिद्रोही समूहले चीनबाट र सुरक्षाफौजले युक्रेनबाट आधुनिक हातहतियार ल्याउने गरेका छन् ।

  • अमेरिकामा आगलागीले ३२ हजार विस्थापित

    असार १४ – अमेरिकाको कोलोराडोमा फैलिएको आगलागीका कारण ३२ हजार बासिन्दा विस्थापित भएका छन् ।  आगलागीले अरु ६ वटा राज्यमा पनि असर पुर्‍याएको बिबिसीले जनाएको छ । ६२ किलोमिटर क्षेत्रफलमा आगो फैलिएको त्यहाँ सरकारी अधिकारीहरुले बताएका छन् ।

  • भारतमा बेचिएका ४८ वंगलादेशीलाई घर फर्काइयो

    असार १३ – बंगलादेशबाट भारत ल्याई बेचिएका महिला तथा बालबालिकामध्ये ४८ जनालाई घर फकाईएको छ । ३ वर्षअघि अवैध ढंगले भारत ल्याइएका उनीहरुलाई एक गैरसरकारी संस्थाको पहलमा बंगाल सरकारलाई बुझाईएको भारतीय सञ्चार माध्यमले जनाएका छन् ।

  • क्रेडिट कार्डको गैरकानुनी ब्यापार गर्ने पक्राउ

    असार १३ – गैरकानुनी ढंगले क्रेडिट कार्डको व्यापार गर्ने २४ जना पक्राउ परेका छन् । पक्राउ पर्नेमा १३ राष्ट्रका नागरिक रहेको बिबिसीले जनाएको छ । नक्कली क्रेडिट कार्डको प्रयोग गरी उनीहरुले सामान किनबेच गर्ने गरेको सुराकी पाएपछि लामो समयको अनुसन्धान पछि उनीहरुलाई पक्राउ गर्न सफल भएको एफ बि आईले जनाएको छ ।

  • भारतीय राष्ट्रपतिको उम्मेद्वार प्रस्तावित मुखर्जीद्वारा पदबाट राजिनामा भारतीय राष्ट्रपतिको उम्मेद्वार प्रस्तावित मुखर्जीद्वारा पदबाट राजिनामा

    असार १२ – भारतको सत्तारुढ गठबन्धन (युपिए) बाट राष्ट्रपतिको उम्मेदवार प्रस्तावित भएपछि वित्त मन्त्री प्रणव मुखर्जीले पदबाट राजीनामा दिनुभएको छ । मंगलबार पत्रकार सम्मेलन गरी मुखर्जी पदबाट राजीनामा दिएको घोषणा गर्नुभएको हो ।

  • वस्ती स्थानान्तरणको विरोधमा हैटीमा प्रदर्शन

    असार १२ – विपन्न वस्ती स्थानान्तरण गर्ने सरकारी योजनाको विरोधमा हैटीको राजधानी पोर्ट औ प्रिन्समा प्रदर्शन भएको छ । बाढी नियन्त्रण परियोजना अन्तर्गत सरकारले वस्ती हटाउने योजना अघि सारेपछि प्रदर्शन भएको हो ।

  • बलात्कारको शिकार बनेकालाई आर्थिक सहायता दिइने

    असार १२ – बंगलादेश सरकारले सन् १९७१ मा स्वतन्त्रता संघर्षका क्रममा बलात्कारको शिकार बनेका महिलालाई आर्थिक सहायता दिने भएको छ । स्वतन्त्रता आन्दोलन मामिला हेर्ने मन्त्रालय संबन्धि संसदको स्थायी समितिले पीडित महिलालाई आर्थिक सहयोग गर्ने निर्णय गरेको हो ।

  • १ सय वर्ष बुढो कछुवा मर्‍यो

    असार ११ - दक्षिण अमेरिकाको इक्वाडोरमा रहेको गालापागोस राष्ट्रिय निकुञ्जको ठुलो कछुवा मरेको छ । त्यो ठुलो कछुवा गालापागोसमा पाइने पिन्टन प्रजातीको एक मात्र जिवित कछुवा थियो । एक सय वर्षको लोनसम नाम गरेको यो कछुवा अझै अर्को सय वर्षसम्म बाँच्न सक्ने संम्भावना भएको वैज्ञानिकहरुले जानकारी गराएका थिए । सोमवार बिहान मरेको कछुवाको पोष्टमार्टम गरेर मृत्युको कारण खोजिने छ ।

  • मुम्बई हमलामा संलग्न रहेको आरोपमा १ जना पक्राउ

    असार ११ - चार वर्षअघि मुम्बईमा भएको आक्रमणमा संलग्न रहेको आरोपमा भारतीय प्रहरीले एक जनालाई पक्राउ गरेको छ । अबु हमजा भनिने रियासत अलीलाई नयाँ दिल्लीको विमानस्थलबाट पक्राउ गरिएको भारतीय सञ्चार माध्यमले जनाएका छन् । उनलाई अदालतमा पेश गरी अनुसन्धानका लागि १५ दिन थुनामा राख्ने अनुमति प्रहरीले लिईसकेको छ ।

  • यूरोपको आर्थिक संकटको असर विकासोन्मुख देशमा

    असार ११ – यूरोपेली मुलुकमा देखिएको आर्थिक संकटले विकासोन्मुख देशको विकासमा असर परेको एक अध्ययनले देखाएको छ । आर्थिक मन्दीले गर्दा विकास निर्माणका योजनाको खर्च कटौती भएकाले गरीब देशको अवस्था नाजुक बन्दै गएको र ती देशहरुमा सहयोग रकम पनि घट्दै गएको तथ्याङ्कले देखाएको छ ।

Joktantra
पछिल्ला समाचारहरु

मेरो पनि भन्नु छ

  • हिमालदेखि तराईसम्म चुनाव लागेको छ । चुनाव पछि विकास होस् । युवालाई स्वदेशमै रोजगारको अवसर मिलोस् ।

    ​अर्जुन भट्टराई
  • आसन्न चुनावका लागि मतदाता शिक्षामा खटिएका कर्मचारीले मतदातालाई फलानो पार्टीलाई यसरी भोट हालेर जिताउनुस् भन्दै हिडेको पनि देखे । यसरी मतदातालाई प्रभावित गर्न मिल्छ र ?

    ​मुकुन्द काफ्ले
  • निर्वाचन अयोगले साहसका साथ ६ जान कर्मचारीको काज रद्ध गरेको सुन्दा धेरै खुसी लाग्यो । यसरी नै आचारसंहिता उल्लंघन गर्नेलाई कसैको दबाबमा नपरी दृढताका साथ आफ्नो कानुन अनुसार काम गर्नु पर्छ । अझ काज रद्ध मात्रै होइन, आचारसंहिता उल्लंघन गर्ने सरकार, राजनीतिक दल र संघ संस्थालाई कारवाही गर्ने आँट पनि गर्नु पर्छ ।

    ​पदम गुरुङ
सबै हेर्नुहोस

सोसल मिडिया