MENU

अन्तर्राष्ट्रिय

  • फिलिपिन्समा आँधीः झण्डै दुई सय जनाको मृत्यु

    मंसिर २० – फिलिपिन्समा शक्तिशाली आँधीमा परी ज्यान गुमाउनेको संख्या झण्डै दुई सय पुगेको छ । मिन्डानाओ टापुमा मंगलबार बिहान आएको बोफा नामक समुद्री आँधीको प्रभाव क्षेत्र ठूलो रहेकाले हताहतीको संख्या अझै धेरै हुनसक्ने अधिकारीहरुले बताएका छन् ।

  • अमेरिकी सिनेटद्वारा अपाङ्गता संबन्धि महासन्धी खारेज

    मंसिर २० – अमेरिकी माथिल्लो सदन सिनेटले अपाङ्गता अधिकार सम्बन्धि राष्ट्रसंघीय महासन्धी खारेज गरेको छ । महासन्धी पारित गर्नका लागि दुई तिहाई बहुमत आवश्यक रहेकोमा ३८ जना रिपब्लिक सांसदले विपक्षमा मतदान गरेका थिए ।

  • आइसियूमा अक्सिजन बन्द हुँदा ४ विरामीको ज्यान गयो

    मंसिर २० – भारतको नयाँदिल्लीमा रहेको एक ट्रमा सेन्टरमा अक्सिजन दिने क्रममा भएको त्रुटीका कारण ४ जना बिरामीको ज्यान गएको छ । आइसियूमा भर्ना गरिएका बिरामीलाई दिइएको अक्सिजनको आपूर्ति बन्द भएपछि उनीहरुको ज्यान गएको हो ।

  • दक्षिणी फिलिपिन्समा समुद्री आँधी, जनजीवन अस्तब्यस्त

    मंसिर १९ – दक्षिणी फिलिपिन्समा बोफा नामक समुद्री आँधीका कारण जनजीवन अस्तव्यस्त भएको छ । बाढीपहिरोको जोखिम बढेपछि ४० हजार भन्दा बढी मानिसलाई सुरक्षित ठाउँमा बनाईएका शिविरमा सारिएको छ ।

  • सिरियाली राष्ट्रपतिलाई ओबामाको चेतावनी

    मंसिर १९ – अमेरिकी राष्ट्रपति बाराक ओबामाले सिरियाली राष्ट्रपति बसर अल असदलाई नागरिक विरुद्ध रासायनिक हतियार प्रयोग गरे गम्भीर परिणाम भोग्नुपर्ने चेतावनी दिनुभएको छ । परमाणु अप्रसार सम्बन्धि कार्यक्रमलाई सम्बोधन गर्दै ओबामाले सिरियालाई विश्वले निगरानी गरिरहेको भन्दै रासायनिक हतियारको प्रयोग गरे त्यो कुनै हालतमा स्वीकार्य नहुने बताउनुभयो ।

  • ईजिप्टमा जनमत संग्रहको घोषणा

    मंसिर १७ – ईजिप्टका राष्ट्रपति मोहम्मद मुर्सीले देशको नयाँ संविधानको मस्यौदामाथि जनमत संग्रहको घोषणा गर्नू भएको छ । उहाँले आउँदा १५ डिसेम्बरमा हुने जनमत संग्रहमा सबैलाई भाग लिन आह्वान गर्नूभएको अन्तराष्ट्रिय सञ्चार माध्यमले जनाएका छन् ।

  • इजरायल र प्यालेष्टाइनवीच फेरि द्वन्द्व

    मंसिर १६ – लामो संघर्षपछि युद्धविराम गरेका इजरायल र प्यालेस्टाइनबीचको शान्तिवार्ता प्रभावित हुने सम्भावना बढेको छ । आफुले कब्जा जमाएको जेरुसेलम र पश्चिमी तटमा इजरायलले यहुदी बस्ती निर्माण गर्न थालेपछि शान्ति वार्तामा असर पुग्ने सम्भावना बढेको हो ।

  • कश्मीरमा हिमपहिरो, १८ जना बेपत्ता

    मंसिर १६ – कश्मीरमा हिमपहिरोमा परी आठजना पाकिस्तानी सैनिक सहित १८ जना हराइरहेका छन् । खराब मौसम र भौगोलिक जटिलताका कारण उनीहरुको खोजीकार्यमा समस्या भएको अन्तराष्ट्रिय सञ्चारमाध्यमले जनाएका छन् ।

  • अमेरिकी तल्लो सदनमा इडिभीको विपक्षमा बहुमत

    मंसिर १६ – अमेरिकाको तल्लो सदन हाउस अफ रिप्रजेन्टेटिभमा इडिभी भिषा बन्द गर्ने विषयमा मतदान भएको छ । शुक्रबार राती भएको मतदानको पक्षमा २ सय ४५ र विपक्षमा १ सय ३९ मत परेको वाशिङ्गटन पोष्टले जनाएको छ ।

  • भारतका पूर्व प्रधानमन्त्री गुजरालको निधन भारतका पूर्व प्रधानमन्त्री गुजरालको निधन

    मंसिर १५ – भारतीय पूर्व प्रधानमन्त्री इन्द्र कुमार गुजरालको निधन भएको छ । गुजरालको ९२ वर्षको उमेरमा हरियाणाको मेदान्त अस्पतालमा निधन भएको हो । फोक्सोमा संक्रमण भएपछि उहाँलाई केही दिनदेखि उपचारका लागि अस्पताल भर्ना गरिएको थियो ।

  • प्यालेष्टाइनलाई राष्ट्रसंघको पर्यवेक्षक राष्ट्रको मान्यता

    मंसिर १५ – संयुक्त राष्ट्रसंघले प्यालेष्टाइनलाई गैर सदस्य पर्यवेक्षक राष्ट्रको मान्यता दिएको छ । राष्ट्रसंघको महासभाले बिहीबार राती प्यालेष्टाइनलाई गैरसदस्य पर्यवेक्षकको मान्यता दिएपछि देशभर खुसी उत्सव मनाइएको अन्तराष्ट्रिय संचार माध्यमले जनाएका छन् ।

  • रुसको राजधानीमा भीषण हिमपात

    मंसिर १५ – रुसको राजधानी मस्कोमा भीषण हिमपात भएको छ । हिमपातका कारण जनजीवन कष्टकर बनेको छ । रुसमा पछिल्लो ५० वर्षको रेकर्ड तोड्दै सबैभन्दा बढी हिमपात भएको अन्तर्राष्ट्रिय सञ्चारमाध्यमले जनाएका छन् । हिमपातका कारण त्यहाँको ७० भन्दा बढी हवाई उडान स्थगित गरिएको छ ।

  • १७ प्रतिशत महिला कार्यक्षेत्रमै यौन दुर्ब्यबहारको शिकार

    मंसिर १४ – भारतका १७ प्रतिशत कामकाजी महिला यौन हिंसामा पर्ने गरेको एक अध्ययनले देखाएको छ । भारतको दिल्ली, मुम्बई, बेंगलोर, लखनउ, चेन्नई, कोलकोता लगायतका ठाउँमा गरिएको अध्ययनबाट १७ प्रतिशत महिला कार्यक्षेत्रमा यौन दुर्व्यवहारमा पर्ने गरेको पाइएको हो ।

  • जी न्यूजका सम्पादकहरुमाथि कडा कारबाहीको माग

    मंसिर १४ – प्रेस काउन्सील अफ इन्डियाले घुस प्रकरणमा पक्राउ परेका भारतीय जी न्यूजका दुई जना वरिष्ठ पत्रकार दोषी ठहर भए टेलिभिजनको लाइसेन्स नै खारेज गर्न सरकारसित माग गरेको छ । प्रेस काउसिन्ल अफ इन्डियाका अध्यक्ष जस्टिस मार्कण्डेय काटजूले यस्ता पत्रकारका कारण पत्रकारिता क्षेत्र दुर्गन्धित भएकाले उनीहरु विरुद्ध कारबाही हुनुपर्ने बताउनुभएको हो ।

  • यौन दुर्ब्यबहारमा परेका सैनिकसंग अष्ट्रेलिया सरकारले माफी माग्यो

    मंसिर १२ – अष्ट्रेलिया सरकारले यौन दुर्ब्यबहारमा परेका सैनिकसंग माफी मागेको छ । अध्ययनमा उनीहरु दुर्ब्यबहारको शिकार भएको तथ्य फेला परेपछि सरकारले माफी मागेको हो । रक्षामन्त्री स्टीफन स्मिथले आफ्नै सहकर्मीबाट यौन दुव्यर्वहार हुनु गलत भएको भन्दै आफुलाई यो स्वीकार्य नहुने बताउनुभएको छ ।

  • जर्मनीमा गोष्ठी चलिरहँदा आगलागी, १४ को ज्यान गयो

    मंसिर १२ – जर्मनीको दक्षिण पश्चिमी टीटीसी– न्यूउजटाड शहरमा चलिरहेको कार्यशाला गोष्ठीमा आगलागी हुँदा १४ जनाको ज्यान गएको छ । अरु ८ जना घाईते भएका छन् । असाहाय मानिसका लागि सञ्चालन गरिएको कार्यशाला गोष्ठीमा आगलागी भएको हो ।

  • खोकीको औषधिले १३ को मृत्यु

    मंसिर ११ - पाकिस्तानको लाहोर सहरमा खोकीको औषधि (रातो झोल) खाँदा कम्तीमा पनि १३ जनाको ज्यान गएको समाचार प्राप्त भएको छ ।      खोकीको सो औषधि धेरै सेवन गरको र यसमा विषादी समेत मिसाइएको पाइएको पनि समाचारमा उल्लेख छ ।

  • वेलायतमा भीषण वर्षा र हावाहुरी, जनजीवन कष्टकर

    मंसिर ११ – भीषण वर्षा र हाहाहुरीका कारण बेलायतको जनजीवन कष्टकर बन्दै गएको छ । हावाहुरी र बाढीले २ जनाको ज्यान गएको छ भने ८ सय भन्दा बढी घरमा क्षति पुगेको छ । क्याम्ब्रिजशेयरमा कार दुर्घटना हुँदा एक जना र रुख ढल्दा थिचिएर एक महिलाको ज्यान गएको स्थानीय प्रहरीले जनाएका छन् ।

  • कपडा कारखानामा आगलागी, कम्तीमा एकसय २० को मृत्यु कपडा कारखानामा आगलागी, कम्तीमा एकसय २० को मृत्यु

    मंसिर १० – बंगलादेशको एक कपडा कारखानामा भएको आगलागीमा कम्तीमा एकसय २० जनाको ज्यान गएको छ । अशुलिया जिल्लामा रहेको कारखानामा आगलागी भएको हो । विद्युत सर्ट भएर आगलागी भएको हुन सक्ने अनुमान गरिएको छ ।

  • राष्ट्रपतिले संवैधानिक शक्ति हत्याएपछि इजिप्टमा विरोध प्रदर्शन

    मंसिर १० – इजिप्टमा राष्ट्रपति मोहम्मद मुर्सीले संवैधानिक शक्ति आफ्नो हातमा लिएपछि व्यापक विरोध प्रदर्शन भईरहेको छ । कुनै कानुन र अदालत आफ्नो आदेश विरुद्ध जान नपाउने गरी राष्ट्रपतिले सबै अधिकार हातमा लिएपछि ईजिप्टका न्यायाधीसहरुले राष्ट्रव्यापी हड्तालको आह्वान गरेका छन् ।

  • पाकिस्तानका मुख्य सहरमा मोबाईल फोन प्रतिबन्धित

    मंसिर ९ – सरकारले पाकिस्तानका मुख्य सहरमा मोबाईल फोन सेवामा प्रतिबन्ध लगाइएको छ । शिया समूदायले मुहरम मनाईरहेका बेला उनीहरुमाथि आक्रमण हुन सक्ने भन्दै सरकारले मोबाईल फोन सेवामा प्रतिबन्ध लगाएको हो ।

  • बेलायतमा धेरै वालवालिका यौनशोषणमा परेको खुलासा

    मंसिर ९ – बेलायतमा हरेक वर्ष हजारौ वालवालिका यौन शोषणमा पर्ने गरेको एक अध्ययनले देखाएको छ । गएको वर्षको अक्टोबरसम्म २ हजार ४ सय ९ जना वालवालिका यौन शोषणमा परेको अध्ययनले देखाएको छ ।

  • हिंसात्मक घटना र युद्धमा पत्रकार निशानामा

    मंसिर ९ – हिंसात्मक घटना र युद्धमा पत्रकारलाई लक्षित गरी आक्रमण बढ्दै गएको एक अध्ययनले देखाएको छ । अध्ययनका अनुसार यो वर्ष विश्वका विभिन्न देशमा भएका बिस्फोटका घटना र युद्धमा पत्रकारलाई निशाना बनाईएको छ ।

  • पाकिस्तानमा मुख्य शहरहरुमा मोवाइल प्रतिबन्ध

    मंसिर ९ – पाकिस्तान सरकारले मुख्य मुख्य शहरमा मोबाइल फोन सेवामा प्रतिबन्ध लगाएको छ । शिया समुदायले मुहर्रम मनाईरहेका बेला उनीहरुमाथि आक्रमण हुन सक्ने भन्दै मोबाइल फोन सेवामा प्रतिबन्ध लगाइएको अधिकारीहरुले बताएका छन्  ।

  • उत्तर प्रदेशमा किसानको ५० हजारसम्म ऋण मिनाह

    मंसिर ८ – भारतको उत्तर प्रदेश सरकारले सहकारी ग्रामीण विकास बैङ्कबाट ५० हजार रुपैयाँसम्म ऋण लिने किसानको ऋण मिनाहको घोषणा गरेको छ । सरकारको यो निर्णयले ७ लाख २० हजार किसानलाई राहत मिल्ने मूख्य मन्त्री अखिलेश यादवले बताउनुभएको छ ।

  • इजिप्टमा राष्ट्रपतिको आदेशप्रति विपक्षी रुष्ट

    मंसिर ८ – इजिप्टका राष्ट्रपति मोहम्मद मुर्सीले घोषणा गरेको नयाँ आदेश विरुद्ध विपक्षीहरुले आन्दोलन गर्ने भएका छन् । उनीहरुले राष्ट्रपति मुर्सीको आदेश विरुद्ध जनबिद्रोहको आह्वान गरेका छन् । राष्ट्रपति मुर्सीले कसैले पनि चुनौती दिने नसक्ने गरी आदेश जारी गरेपछि विपक्षी रुष्ट भएका हुन् ।

  • ईजरायल र प्यालेस्टाईनबीच युद्ध बिराम

    मंसिर ७ – एकहप्तादेखि चलेको संघर्षकाबीच ईजरायल र प्यालेस्टाईनले युद्धबिराम घोषणा गरेका छन् । दुई देशबीच एक अर्कालाई लक्षित गरी हवाई आक्रमण र रकेट प्रहार नगर्ने सहमति भएको अन्तर्राष्ट्रिय सञ्चार माध्यमले जनाएका छन् ।

  • जति बलियो मांसपेशी त्यति लामो आयु

    मंसिर ६ - युवा अवस्थामा तपाइँको मांसपेशी कतिको वलियो छ भन्ने कुराले तपार्इँको आयु पनि निर्धारण गर्न सक्छ । यदी तपाईं केटा हुनुहुन्छ भने त यो सम्भावना अझ बढी हुन्छ । २४ वर्ष लगाएर स्वीडेनका अनुसन्धानकर्ताहरुले गरेको अनुसन्धानले यो तथ्य सार्वजनिक गरेको  हो ।

  • अल जजिरा टिभीको कार्यालयमा आक्रमण

    मंसिर ६ – इजिप्टको कायरोमा रहेको अल जजिरा टेलिभिजनको कार्यालयमा आक्रमण भएको छ । नचिनेका आक्रमणकारीले कायरोको तहरिरमा रहेको टेलिभिजनको कार्यालमा तोडफोड गरी आगजनी गरेको अन्तर्राष्ट्रिय समाचार संस्था एएफपीले जनाएको छ ।

  • मुम्बई आक्रमणका दोषी कसाबलाई फाँसी मुम्बई आक्रमणका दोषी कसाबलाई फाँसी

    मंसिर ६ – मुम्बई आक्रमणमा दोषी ठहर पाकिस्तानी नागरिक अजमल कसाबलाई फाँसी दिइएको छ । भारत महाराष्ट्रका गृहमन्त्री आरआर पाटिलले कसाबलाई फाँसी दिएको पुष्टी गर्नुभएको बिबिसीले जनाएको छ । कसाबलाई भारत पुनेको यरवडा कारागारमा बुधबार बिहानसाढे ७ बजे फाँसी दिइएको टाइम्स अफ इन्डियाले जनाएको छ ।

  • सिरियामा इस्लामिक समूहको भिडियो सार्वजनिक

    मंसिर ५ – सिरियाका इस्लामिक समूहले पश्चिमा राष्ट्र समर्थित विपक्षी संगठनलाई अस्विकार गर्ने बताएको छ । इन्टरनेटमा सार्वजनिक गरेको भिडियोमा इस्लामिक समूहले सिरियाको एलेप्पो शहरलाई इस्लामिक राज्य बनाउन चाहेको बताएको अन्तर्राष्ट्रिय सञ्चार माध्यमले जनाएका छन् ।

  • महात्मा गान्धीको पत्र लिलामीमा राखिने

    मंसिर ४ – महात्मा गान्धीको दुईवटा पत्र लिलामीमा राखिने भएको छ । आउँदो महिना लण्डनमा महात्मा गान्धीद्वारा लिखित दुई वटा पत्र लिलामीका लागि राखिने भारतीय सञ्चार माध्यमहरुले जनाएका छन् ।

  • ओबामा पहिलो पटक म्यान्मार भ्रमणमा

    मंसिर ४ – अमेरिकी राष्ट्रपति बाराक ओबामाले म्यान्मार भ्रमण गर्नु भएको छ । राष्ट्रपति पदमा दोश्रो कार्यकालका लागि निर्वाचित भएपछि भएको ओबामको यो म्यान्मर भ्रमणलाई ऐतिहासिक भ्रमणको संज्ञा दिईएको छ ।

  • फोहोरको डस्वीनमा ५ वालवालिका मृत फेला

    मंसिर ४ – चीनको दक्षिणी पश्चिमी प्रान्त गुईझौउमा फोहोर फाल्ने डस्बीनमा ५ जना सडक वालवालिका मृत अवस्थामा फेला परेका छन् । चिसोबाट बच्नका लागि ती वालवालिकाले आगो बालेको र कार्बन मोनोअक्साईड ग्याँसका कारण उनीहरुको ज्यान गएको चिनियाँ सञ्चार माध्यमले जनाएका छन् ।

  • बाल ठाकरेको राजकीय सम्मानका साथ अन्त्येष्टि

    मंसिर ३ - भारतीय हिन्दुवादी दल शिव सेनाका अध्यक्ष बाल ठाकरेको राजकीय सम्मानका साथ अन्त्येष्टि गरिएको छ । उहाँको मुम्बईको शिवाजी पार्कमा आइतवार बेलुकी राजकीय सम्मानका साथ अन्त्येष्टि गरिएको हो । अत्येष्टिअघि ठाकरेको पार्थिव शरिरलाई शिवाजी पार्कमा नै श्रदाञ्जलीका लागि राखिएको थियो ।

  • समलिंगी विवाहलाई वैधानिकता दिएको बिरोधमा फ्रान्समा प्रदर्शन समलिंगी विवाहलाई वैधानिकता दिएको बिरोधमा फ्रान्समा प्रदर्शन

    मंसिर ३ – सरकारले समलिंगी विवाहलाई वैधानिकता दिएको विरोधमा फ्रान्समा हजारौँ नागरिक आन्दोलनमा उत्रिएका छन् । समंलिगी र तेस्रो लिंगी जोडीलाई वैधानिकता दिएपछि प्रदर्शनकारीहरुले पेरिसका सडकहरुमा नारा जुलुस गरिरहेका छन् ।

  • शिव सेनाका प्रमुख बाल ठाकरेको निधन

    मंसिर २  - भारतीय हिन्दु कट्टरपन्थी दल शिव सेनाका अध्यक्ष बाल ठाकरेको ८६ वर्षको उमेरमा निधन भएको छ । केहीदिनदेखि अस्वस्थ रहेका ठाकरेको हृदयघातका कारण आफ्नै निवास मातोश्रीमा शनिवार दिउँसो निधन भएको हो ।

  • इजरायलमा रकेट आक्रमणपछि गाजापट्टिमा तनाब

    मंसिर २ – इजरायलमा रकेट आक्रमण भएपछि गाजापट्टीमा तनाव बढेको छ । तनाव बढ्दै गएपछि इजरायलले ७५ हजार अतिरिक्त सेनालाई तयार रहन निर्देशन दिएको छ । जेरुसलेममा इजरायलका सांसदहरुलाई लक्षित गरी प्यालेस्टाइनले रकेट आक्रमण गरेपछि इजरायलले ठूलो मात्रामा अतिरिक्त सैनिकलाई तयार रहन निर्देशन दिएको बिबिसिले जनाएको छ ।

  • अमेरिकामा महिला सेनामाथि दुर्व्यवहार हुने गरेको तथ्य सार्वजनिक

    मंसिर १ – अमेरिकामा सेनाको प्रशिक्षण केन्द्रमा रहेका महिला सेनामाथि दुर्व्यवहार हुने गरेको तथ्य सार्वजनिक भएको छ । प्रशिक्षणमा रहेका धेरै महिलामाथि यौन दुव्यर्वहार हुने गरेको अन्तराष्ट्रिय सञ्चार माध्यमले जनाएका छन् ।

  • सी जीन पिङ चीनका नयाँ नेता सी जीन पिङ चीनका नयाँ नेता

    कात्तिक ३० - अबको दश वर्ष चीनको नेतृत्व सी जीन पिङले गर्नुहुने भएको छ । चिनीयाँ कम्यूनिष्ट पार्टीको १८ औं महाधिवेशनले उपराष्ट्रपति जिन पिङलाइ चिनियाँ कम्युनिष्ट पार्टीको महासचिव बनाएको हो ।

Skill Training
पछिल्ला समाचारहरु

मेरो पनि भन्नु छ

  • केपी शर्मा ओलीले नेपालमा अब कसैले पनि मागेर खानुनपर्ने भनेको सुन्दा खुसी लाग्यो तर बोलीले होइन काम गरेर यो कुरा प्रमाणित गर्नुहोस् । यहाँ बोल्ने त धेरै आए तर विदेश गएका युवालाई नेपाल फर्काउन कसैले केही पनि गरेका छैनन् । पहिले काम गर्नुहोस अनि बल्ल भाषण गर्नुहोला ।

    ​सुरज
  • नेपालको सर्वोच्च पद राष्ट्रपती सहित धेरै उच्च पदमा महिला नै छन् । पढेलेखेका महिलाको कमि पनि छैन । तर महिला हेपिने र बलात्कृत हुने घटना भने घटेका छैनन् । होटलमा कार्यक्रम गरेर र सडकमा ¥याली निकाल्दैमा महिलाको सम्मान हुन्न । गाउँ गाउँमा समानता पु¥याउनुपर्छ ।

    ​केशव दाहाल
  • खाडीबाट म नेपाल मै गरिखान्छु भनेर फर्किने दिन कहिले आउला ? चुनाव सकिएपछि त देशमा गरिखाने वातावरण बन्छ भन्थे । हामी यहाँ पसिना बगाइरहेका छौ ।

    ​अनन्त भट्टराई
सबै हेर्नुहोस

सोसल मिडिया