MENU
Ncell Axiata
USAID

समाचार

  • सिक्किम युनाइटेडलाई हराउँदै आयोजक सफल पोखरा कप फुटबलको सेमिफाइनलमा

    पोखरा, कात्तिक २९ - आयोजक पोखरा ११ सफल पोखरा कप फुटबल प्रतियोगिताको सेमिफाइनलमा पुगेको छ । पोखरा रंगशालामा आज भएको खेलमा भारतको सिक्किम युनाइटेडलाई तीन एकले हराउँदै पोखरा सेमिफाइनलमा पुगेको हो । पोखरालाई जिताउन उत्तम गुरुङ्गले ६९ औं र ८१ औं मिनेटमा गरी २ गोल गरे ।

  • चीनका प्रधानमन्त्री पुष ५ गते नेपाल आउने चीनका प्रधानमन्त्री पुष ५ गते नेपाल आउने

    काठमाण्डौं, कात्तिक २९ - चीनका प्रधानमन्त्री बेन जियाबाओ एक महिना पछि नेपाल भ्रमणमा आउनु हुने भएको छ । प्रधानमन्त्री बाबुराम भट्टराईले बालुवाटारमा पत्रकारलाई चिनीयाँ समकक्षीले पुष ५ देखि ७ गतेसम्म नेपाल भ्रमण गर्ने जानकारी दिनुभएको हो ।  त्यस्तै भारतका प्रधानमन्त्री पनि छिटै आउने प्रधानमन्त्रीले बताउनुभयो ।

  • सोल्टी होटलको १० लाख २० हजार कित्ता शेयर बिक्री सोल्टी होटलको १० लाख २० हजार कित्ता शेयर बिक्री

    काठमाण्डौं, कात्तिक २९ - सोल्टी होटल लिमिटेडको १० लाख भन्दा धेरै कित्ता शेयर किनबेच भएपछि नेपाल धितो पत्र बजार नेपाल स्टक एक्सचेन्जको कारोवार रकम बढेको छ । हिजो १४ सय ५७ कारोबारबाट ८४ कम्पनीका १ लाख १२ हजार ५ सय २७ कित्ता शेयर २ करोड १० लाख ९८ हजार ७ सय ६ रुपैयामा किनबेच भएको थियो ।

  • शान्ति स्थापनाको कामना गर्दै राष्ट्रपति हलेसी महादेवमा शान्ति स्थापनाको कामना गर्दै राष्ट्रपति हलेसी महादेवमा

    दमन राई/उज्यालो, खोटाङ, कात्तिक २९ -  राष्ट्रपति डाक्टर रामबरण यादवले खोटाङको हलेसीस्थित महादेबसँग देशमा शान्ति स्थापनाको कामना गर्नु भएको छ । दर्शन गर्नका लागि मंगलवार खोटाङको महादेबस्थान पुगेका राष्ट्रपति यादवले महादेब र मारातीका गुम्बाको दर्शन गर्दै मुलुकमा देखिइरहेका बर्तमान राजनैतिक गतिरोधहरु अन्त्याको कामना गर्नु भएको हो ।

  • समाजकल्याण परिषद्का तीन जना पदाधिकारीलाई निलम्बनमा

    काठमाण्डौं, कात्तिक २९ - सरकारले अनियमितताको आरोप लागेका समाजकल्याण परिषद्का तीन जना पदाधिकारीलाई निलम्बन गरेको छ । मन्त्रिपरिषदको विहान बसेको बैठकले उपाध्यक्ष दाताराम खनाल, कोषाध्यक्ष रत्नबहादुर गाहामगर र सदस्य सचिव छेवाङ नाम्गेल लामालाई निलम्बन गरेको हो ।

  • प्रथम एभरेष्ट ट्रेल रेश सुरु प्रथम एभरेष्ट ट्रेल रेश सुरु

    दोलखा, कार्तिक २९ - एडभेन्चर डट कम र अन्नपूर्ण ट्रेक्स एण्ड एक्सपिडिसनको आयोजनमा मंगलबारदेखि एभरेष्ट ट्रेल रेश सुरु भएको छ । दोलखाको जिरीबाट सुरु भएको रेश छ दिन सम्म चल्ने छ । प्रतियोगिताको पहिलोदिन जिरीबाट २०.८ किमी टाढा रामेछापको भण्डारमा गएर अन्त्य हुन्छ भने दोश्रो दिन भण्डारबाट २६.७ किमी टाढा टङकुर, तेश्रो दिन ३० किमी खरिखोला, चौथो दिन ३२.५किमी मञ्जु, पाँचौं दिन १८.५ किमी खुमजुङ र अन्तिम दिन २१.८ किमी गरी कुल १५० किमीको दूरी पार गर्दै लुक्लामा गएर रेशको अन्त्य हुनेछ  ।

  • बस र ट्रक ठोक्किँदा ३० जना घाइते

    पाल्पा, कात्तिक २९ - सिद्धार्थ राजमार्ग अन्र्तगत पाल्पाको मदनपोखरामा बस र ट्रक एक आपसमा ठोक्किँदा ३० जना घाइते भएका छन् । भ्रमण सिध्याएर बिद्यार्थी लिएर पोखराबाट सुर्खेत जाँदै गरेको ना.४ .ख ३८२७ नम्बरको बस र बुटवलबाट तानसेनतर्फ जाँदै गरेको लु.१.ख ५१७३ नम्बरको ट्रक ठोक्किएका थिए ।

  • समायोजन प्रक्रियाबाट पूर्ण रुपमा अलग हुन लडाकुलाई वैद्यको अपिल समायोजन प्रक्रियाबाट पूर्ण रुपमा अलग हुन लडाकुलाई वैद्यको अपिल

    काठमाण्डौं, कात्तिक २९ – एकीकृत नेकपा माओवादीको मोहन वैद्य पक्षले सेना समायोजन प्रक्रियाबाट पूर्ण रुपमा अलग हुन माओवादी लडाकूलाई अपील गरेको छ । लडाकूको वर्गीकरण शुरु हुन ठीक एक दिनअघि मंगलवार वरिष्ठ उपाध्यक्ष मोहन वैद्य र महासचिव रामबहादुर बहादुर थापाले संयुक्त वक्तव्य निकालेर सेना समायोजन सम्बन्धी सम्झौता आत्मसमर्पणवादी भन्दै समायोजनमा नजान लडाकूलाई अपील गर्नुभएको हो । सेना समायोजन सम्बन्धी सम्झौताले जनसेनाका लागि अपमानजनक र शान्ति विरोध भएको वक्तव्यमा उल्लेख छ । तर वैद्य र बादलले निक...

  • शान्ति र संविधान अघि बढाउन बाध्य भएर मन्त्रिपरिषद ठूलो बनाउनु पर्‍यो : प्रधानमन्त्री शान्ति र संविधान अघि बढाउन बाध्य भएर मन्त्रिपरिषद ठूलो बनाउनु पर्‍यो : प्रधानमन्त्री

    दीपेन्द्र कुँवर/उज्यालो । काठमाण्डौं, कात्तिक २९ – प्रधानमन्त्री डाक्टर बाबुराम भट्टराईले शान्ति र संविधान अघि बढाउन बाध्य भएर मन्त्रिपरिषद ठूलो बनाउनु परेको स्पष्टिकरण दिनुभएको छ । ‘यो बाध्यात्मक परिस्थितिको उपज हो ।’ ४९ सदस्यीय मन्त्रिपरिषद बनाएपछि चर्को आलोचना खेपिरहेका प्रधानमन्त्री भट्टराईले बालुवाटारमा पत्रकारसित भन्नुभयो  ‘काँग्रेस र एमाले सरकारमा नआउने अनि आफ्नै भित्रबाट सरकार गिराउने कुरा आएपछि शान्ति र संविधानको लक्ष्य पूरा गर्न बाध्य भएर गठबन्धनको चाहना पूरा गर्नुपर्‍यो ।&rsquo

  • शिक्षा सेवा आयोगको अध्यक्षमा उदयराज सोती नियुक्त

    काठमाण्डौं, कात्तिक २९ - बैठकले शिक्षा सेवा आयोगको अध्यक्षमा उदयराज सोतीलाई नियुक्त गरेको छ । बैठकले नेपाली सेनाका सहायक रथी रामकृष्ण अधिकारी र राजेन्द्र क्षेत्रीलाइ उपरथीमा बढुवा गरेको छ भने सहायक रथी ध्रुब बहादुर शाह र श्याम सुन्दर शर्माको पदावधि तीन वर्ष थप गरेको छ ।

  • खुल्ला प्रतिस्पर्धाबाटै प्राधिकरणको कार्यकारी निर्देशक नियुक्त हुने

    सेञ्छेलुङ लिम्बु/उज्यालो । काठमाण्डौं, कात्तिक २८ - सरकारले खुल्ला प्रतिस्पर्धाबाट नेपाल विद्युत प्राधिकरणको कार्यकारी निर्देशक नियुक्त गर्ने भएको छ । यसअघि खुल्ला प्रतिस्पर्धाबाट नियुक्त कार्यकारी निर्देशक दीपेन्द्रनाथ शर्माले राजीनामा दिएपछि रिक्त पदमा सरकारले नयाँ कार्यकारी निर्देशक नियुक्त गर्न लागेको हो ।

  • अपाङ्ग र घाईते लडाकूलाई प्याकेज बनाएर राहत दिने

    हिम विष्ट/उज्यालो । काठमाण्डौं, कात्तिक २८ - सरकारले शिविरमा रहेका माओवादी अपाङ्ग र घाईते लडाकूलाई प्याकेज बनाएर राहत दिने भएको छ । सेना समायोजन विशेष समितिको बैठकले घाईते र अपाङ्ग लडाकूको सम्बोधन हुने गरी प्याकेज बनाउने निर्णय गरेको हो ।

  • ७ गतेभित्रै लडाकूको वर्गीकरण गरिसक्ने

    हिम विष्ट/उज्यालो । काठमाण्डौं, कात्तिक २८ - सेना समायोजन विशेष समितिले मंसिर ७ गतेभित्रै लडाकूको वर्गीकरण गर्ने गरी काम शुरु गर्ने निर्णय गरेको छ । विशेष समितिको बैठकले लडाकू वर्गीकरणका लागि पर्सि टोली पठाउनेछ । मंसिर ७ गते भित्र काम सक्ने गरी काम शुरु हुने बैठक पछि विशेष समितिका सदस्य रामशरण महतले जानकारी दिनुभयो ।

  • पार्टीलाई नयाँ एमाले बनाउन खोजियो : वैद्य पार्टीलाई नयाँ एमाले बनाउन खोजियो : वैद्य

    दीपेन्द्र कुँवर/उज्यालो । काठमाण्डौं, कात्तिक २८ - एकीकृत नेकपा माओवादीका वरिष्ठ उपाध्यक्ष मोहन वैद्य किरणले अध्यक्ष प्रचण्डले पार्टीलाई नयाँ एमाले बनाउन खोजेको आरोप लगाउनुभएको छ । केन्द्रीय समिति बैठकमा वैद्यले पार्टीलाई दक्षिणपन्थी बनाउन खोजेको भन्दै प्रचण्डको कडा आलोचना गर्नुभयो । ‘पार्टीलाई नयाँ एमाले बनाउने हो कि ? माओवादी नै राख्ने हो ?’ केन्द्रीय कमिटी बैठकमा वैद्यले बोलेको कुरा उधृत् गर्दै एक केन्द्रीय सदस्यले भने– पार्टीलाई दक्षिणपन्थी बनाउन थालिएको छ ।&rsquo

  • सहसचिव र प्रजिअ गरी १६ जनाको काज सरुवा(सूचिसहित)

    सुफल काफ्ले/उज्यालो | काठमाण्डौं, कात्तिक २८ - गृहमन्त्रालयले सहसचिव र प्रमुख जिल्ला अधिकारीहरुको जिम्मेवारी हेरफेर गरेको छ । उपप्रधानमन्त्री तथा गृहमन्त्री विजयकुमार गच्छदारले सहसचिव स्तरका १६ जना अधिकारीको काज सरुवा गर्नुभएको हो । अध्यागमन विभागका महानिर्देशक जन्मजय रेग्मीलाई गृहमन्त्रालयको सहसचिव एवंम प्रवक्ता बनाईएको छ भने गृहमन्त्रालयका सुधिरकुमार शाहलाई अध्यागमन विभागका महानिर्देशक बनाइएको छ ।

  • नेपाल सुब्रतो मुखर्जी कप फुटबलको फाइनलमा

    नयाँ दिल्ली, कात्तिक २८ - नेपाल भारतको नयाँ दिल्लीमा चलिरहेको ५२ औं सुब्रतो मुखर्जी कप फुटबल प्रतियोगिताको फाइनलमा पुगेको छ । प्रतियोगिताको १४ वर्ष मुनिको उमेर समुहमा नेपालको प्रतिनिधित्व गरेको  बुटबल एलिट इङ्गलिस स्कुल  बुटवल भारतको मेघालय टिमलाई टाईब्रेकरमा दुई एकले विजयी हुँदै फाइनलमा पुगेको हो ।

  • बेल्जियममा उभौलीको रमझम (फोटो फिचर) बेल्जियममा उभौलीको रमझम (फोटो फिचर)

    बेल्जियम, कात्तिक २८ — बेल्जियमका नेपालीहरुले आन्तरपेन शहरमा जम्मा भएर हर्षोल्लासपूर्वक उभौली पर्व मनाएका छन् ।  देशबाट टाढा पश्चिमी यूरोपको बेल्जियम पुगेका नेपालीले एकै ठाउँमा जम्मा भएर आइतबार राती आफ्नो देश र संस्कृति सम्झे ।

  • आरसिटी सफल पोखरा कप फुटबलको क्वाटरफाइनल बाटै बाहिरियो

    पोखर, कात्तिक २८ - रानीपोखरी कर्नर टीम आरसिटी पोखरामा चलिरहेको सफल पोखरा कप फुटबल प्रतियोगिताको क्वाटरफाईनलबाटै बाहिरिएको छ । पोखरा रंगशालामा आज भएको खेलमा बंगलादेशको एसजे धनमुण्डी क्लवसँग टाइब्रेकरमा तीन शुन्यले पराजित हुँदै आरसिटी बाहिरिएको हो । यसअघि निर्धारित ९० र त्यसपछि थपिएको २० मिनेटको समयमा दुवै टिमले गोल गर्न नसकेपछि खेलको निर्णयबाट टाइब्रेकरबाट गरिएको थियो ।

  • कुन मन्त्रीसँग कति सम्पत्ति कुन मन्त्रीसँग कति सम्पत्ति

    काठमाडौं, कात्तिक २८ — सूचना तथा सञ्चार मन्त्रालयले पाँच मन्त्रीहरुको सम्पत्ति विवरण सार्वजनिक गरेको छ । विभिन्न मन्त्रीहरुले प्रधानमन्त्री तथा मन्त्रिपरिषद्को कार्यालयमा पेस गरेको सम्पत्ति विवरण मन्त्रालयले सोमबार सार्वजनिक गरेको हो ।

  • सात बूँदे सहमति कार्यान्वयन गरेर अघि बढ्ने ३ दलको निर्णय

    काठमाण्डौं, कात्तिक २८ - तीन दलका शीर्ष नेताको बैठकले सात बूँदे सहमति कार्यान्वयन गरेर अघि बढ्ने निर्णय गरेको छ । प्रधानमन्त्री कार्यालय सिंहदरबारमा बसेको बैठकले केही दिन दलहरुबीच तीक्तता देखिएपनि साँत बुँदे सहमति कार्यान्वयन गर्ने र अहिले केहीबेरमा सेना समायोजन विशेष समितिको बैठक बसेर शान्ति प्रकृया अघि बढाउने निर्णय गरेको हो ।

  • सात बुँदे कार्यान्वन नगरे शान्ति र संविधान असम्भव सात बुँदे कार्यान्वन नगरे शान्ति र संविधान असम्भव

    धर्वेन्द्र झा/उज्यालो । जनकपुरधाम, कात्तिक २८ — नेपाली काङ्ग्रेसका वरिष्ठ नेता तथा पुर्व प्रधानमन्त्री शेरबहादुर देउवाले मङ्सिर १४ गते पनि संविधानको मस्यौदा नआउने ठोकुवा गर्नुभएको छ । प्रेस युनियन धनुषाले मंगलबार जनकपुरमा गरेको पत्रकार सम्मेलनमा बोल्दै नेता देउवाले तीन दलबीच भएको सात बुँदे सहमति कार्यान्वयनमा आलटाल भएको भन्दै शान्ति र संविधान अनिश्चित बन्दै गएको बताउनुभयो ।

  • 'माओवादीमा विचार र कार्यदिशामै विवाद' 'माओवादीमा विचार र कार्यदिशामै विवाद'

    हिम विष्ट/उज्यालो | काठमाण्डौं, कात्तिक २८ - एकीकृत नेकपा माओवादीका अध्यक्ष पुष्पकमल दाहाल प्रचण्ड र वरिष्ठ उपाध्यक्ष मोहन वैद्य किरणले पार्टीमा विचार र कार्यदिशामै विवाद भैरहेको बताउनुभएको छ । पार्टी केन्द्रीय समिति बैठकमा प्रचण्डले अहिलेको विवाद कुनै सामान्य घटनामा आधारित नभई राजनीतिक लाईन र कार्यदिशाको विवाद भएको बताउनुभयो ।

  • नियमविपरित इट्टाभट्टा सञ्चालन अनुमति दिएपछि स्थानीको बिरोध

    कपिल कोईराला/उज्यालो । काभ्रे, कात्तिक २८ — काभ्रेको महादेवस्थान गाविसमा आफुहरुकोे सहमति विपरीत राजनैतिक दल र गाविस सचिवले इट्टा भट्टा सञ्चालन गर्न अनुमति दिएको भन्दै स्थानीयले जिल्ला प्रशासन कार्यालय काभ्रेमा निवेदन दिएका छन । स्थानीय बासिन्दाको स्वास्थ्यमा खेलबाड गरि इट्टा भट्टा सञ्चालन गर्न लागेको भन्दै महादेवस्थान इन्द्रावती वातावरण सरोकार संरक्षण समितिको अगुवाईमा प्रशासनमा निवेदन दिएका हुन ।

  • नेपाल कहाँ छ फिफालाई थाहा छैन ?

    काठमाण्डौं, कात्तिक २८ - फुटबलको सर्वोच्च संस्था अन्तर्राष्ट्रिय फुटबल महासंघ फिफामा विश्वका २ सय ८ वटा देश सदस्य छन् । नेपाल पनि फिफाको सदस्य राष्ट्र हो । तर फिफाले अहिलेसम्म नेपाल कहाँ पर्छ भन्ने थाहा पाएको रहनेछ । तपाईलाई पत्यार लागेन ?

  • तरुनी फकाउने गीत सुन्छुः जनकवि केशरी धर्मराज थापा तरुनी फकाउने गीत सुन्छुः जनकवि केशरी धर्मराज थापा

    ldquo;हरियो डाँडा माथि हलो जोत्ने साथी.....” यहि गीतको परिचय काफी हुन्छ जनकवि केशरी धर्मराज थापाका लागि । पहिलो झ्याउरे भाका संकलकका रुपमा चिनिने लोक गायक थापा गीत संकलनका लागि देशैभर चहार्नुभएको छ । काठमाडौंमा बसेर बुढ्यौली काटिरहेका थापासँग उज्यालो सहकर्मी सूर्यकुमार क्षेत्रीले गरेको कुराकानी ।

  • मृत भेटिएका आमा छोराको हत्या भएको खुलासा मृत भेटिएका आमा छोराको हत्या भएको खुलासा

    दिल शिरीष/ उज्यालो । बागलुङ, कात्तिक २८ — बागलुङको अधिकारीचौरमा मृत अवस्थामा भेटिएका दुई आमा छोराको हत्या भएको खुलासा भएको छ । कात्तिक २२ गते साँझ मृत अवस्थामा भेटिएका अधिकारी चौर ४ का २५ बर्षिया मिना भण्डारी र उनका साढे २ बर्षिय छोरा एञ्जल भण्डारीको स्थानीय दुई युवाले खुकुरी र काठको बिँड प्रहार गरी हत्या गरेको प्रहरीले जनाएको छ ।

  • कार्यदलले शासकीय स्वरुप र निर्वाचन प्रणालीबारेको प्रतिवेदन बुझायो

    काठमाडौं, कात्तिक २८ — संवैधानिक समितिको विवाद समाधान उपसमितिले राज्यको शासकीय स्वरुप र निर्वाचन प्रणालीबारे सुझाव लिन बनाएको कार्यदलले आफ्नो प्रतिवेदन बुझाएको छ । उपसमितीको सोमबारु बिहान बसेको बैठकमा कार्यदलका संयोजक रहेका सभाषद लक्ष्मणलाल कर्णले सुझाव सहितको अध्ययन प्रतिवेदन बुझाउनु भएको हो ।

  • राष्ट्रपति र प्रधानमन्त्रीबीच सात बुँदे सहमतिको कार्यान्वयनका विषयमा छलफल राष्ट्रपति र प्रधानमन्त्रीबीच सात बुँदे सहमतिको कार्यान्वयनका विषयमा छलफल

    काठमाडौं, कात्तिक २८ — राष्ट्रपति डा. रामवरण यादव र प्रधानमन्त्री डा. बाबुराम भट्टराईबीच सात बुँदे सहमतिको कार्यान्वयनका विषयमा छलफल भएको छ । राष्ट्रपतिलाई भेट्न प्रधानमन्त्री भट्टराई सोमबार बिहान राष्ट्रपति निवास शितल निवास पुग्नु भएको थियो ।

  • आज विश्व मधुमेह दिवस आज विश्व मधुमेह दिवस

    काठमाडौं, कात्तिक २८ — आज विश्व मधुमेह दिवस । नेपालमा पनि विभिन्न कार्यक्रम गरी मनाईंदैछ । विश्व मधुमेह संस्था र विश्व स्वास्थ्य संगठनको घोषणा अनुरुप सन् १९९१ देखि यो दिवस मनाउन थालिएको हो ।

  • माओवादी केन्द्रीय समिति बैठक आजदेखि माओवादी केन्द्रीय समिति बैठक आजदेखि

    काठमाडौं, कात्तिक २८ — पटक पटक स्थगित हुँदै आएको एकीकृत नेकपा माओवादीको केन्द्रीय समिति बैठक आजदेखि सुरु हुँदैछ । पार्टी मुख्यालय पेरिसडाँडा कोटेश्वरमा दिउँसो १२ का लागि निर्धारित बैठकमा पार्टी भित्रको विवादका विषयमा छलफल हुने कार्यक्रम छ ।

  • भाउ बढाउने चर्चासँगै बजारमा खाना पकाउने ग्यासको अभाव भाउ बढाउने चर्चासँगै बजारमा खाना पकाउने ग्यासको अभाव

    काठमाडौं, कात्तिक २८ — सरकारले खाना पकाउने ग्यासको भाउ बढाउने चर्चा गरेसँगै व्यापारीहरुले लुकाएका कारण बजारमा ग्यासको अभाव भएको छ । अहिले सबै जसो ब्राण्डका ग्यासको अभाब भएको छ ।

  • प्रमुख तीन दलको बैठक बस्दै

    काठमाडौं, कात्तिक २८ — सातबुँदे सहमतिको कार्यान्वयनका विषयमा छलफल गर्न मुख्य तीन दलको बैठक आज बस्दैछ । दिउँसो तीन बजे एकीकृत नेकपा माओवादी, नेपाली काँग्रेस र नेकपा एमालेको बैठक बस्ने तय भएको छ ।

  • पोखरा कप फुटबलमा आरसीटी र बंगलादेशको एसजे धनमुण्डी क्लब भिड्दै

    पोखरा, कात्तिक २८ — पोखरामा चलिरहेको सफल पोखरा कप फुटबल प्रतियोगिताको तेश्रो क्वाटरफाईनल खेलमा आज रानीपोखरी कर्नर टीम आरसीटी र बंगलादेशको एसजे धनमुण्डी क्लवबीच प्रतिस्पर्धा हुँदैछ । आरसिटीले नेपाल पुलिस क्लबलाई हराएर क्वाटर फाईनल पुगेको हो भने बंगलादेशी टोली सिधै क्वाटर फाईनल पुगेको हो ।

  • राष्ट्रपति र प्रधानमन्त्री भेटवार्ता गर्दै राष्ट्रपति र प्रधानमन्त्री भेटवार्ता गर्दै

    काठमाडौं, कात्तिक २८ — समसामयिक राजनीतिक अवस्थाका विषयमा छलफल गर्न राष्ट्रपति डा. रामवरण यादव र प्रधानमन्त्री डा. बाबुराम भट्टराईबीच आज भेटवार्ता हुँदैछ । राष्ट्रपतिलाई भेट्न प्रधानमन्त्री भट्टराई अहिले केहीबेरमा शितल निवास जाने कार्यक्रम तय भएको छ ।

  • गच्छदारले भाइ भनेपछि ....... गच्छदारले भाइ भनेपछि .......

    काठमाण्डौं, कात्तिक २७ - उपप्रधानमन्त्री एवं गृहमन्त्री विजयकुमार गच्छदारले संसदको राज्य व्यवस्था समितिको बैठकमा सभाषदहरुलाई भाइ भनेर संवोधन गर्नुभएको छ  । संसद र समितिका बैठकहरुमा सभाषदलाई माननीय भनेर संवोधन गर्ने परम्परा छ । दाइभाइ भनेर संवोधन गर्नु संसदमा अपमान मानिन्छ ।

  • ढुङ्गेल प्रकणबारे कोइरालालाई सम्झाउने प्रधानमन्त्रीको प्रयास ढुङ्गेल प्रकणबारे कोइरालालाई सम्झाउने प्रधानमन्त्रीको प्रयास

    काठमाण्डौं, कात्तिक २७ - प्रधानमन्त्री डा.बाबुराम भट्टराईले ओखलढुंगाका माओवादी सभासद् बालकृष्ण ढुङ्गेल बिरुद्धको मुद्दा राजनीतिक भएको भन्दै विरोध नगर्न काँग्रेस सभापति कोइरालालाई आग्रह गर्नुभएको छ । आइतवार बेलुकी कोइराला निवास पुगेका प्रधानमन्त्री भट्टराईले राजनीतिक मुद्दा भएकै कारण सरकारले माफीका लागि राष्ट्रपतिलाई सिफारिस गरेको स्पष्टोक्ति दिनुभएको छ ।

  • नेपाल ५२ औं सुब्रतो मुखर्जी कप फुटबलको सेमिफाइनलमा

    नयाँ दिल्ली, कात्तिक २७ -  नेपाल भारतको नयाँ दिल्लीमा चलिरहेको ५२ औं सुब्रतो मुखर्जी कप फुटबल प्रतियोगिता २०११ को सेमिफाइनलमा पुगेको छ । नेपालको प्रतिनिधित्व गरेको बुटबल ईलिट इङ्गलिस स्कुल, बुटवलले आज भएको क्वाटरफाईनलमा मिजोरम टिमलाई ट्राईब्रेकमा ५–४ ले हरायो ।

  • प्रधानमन्त्रीद्वारा मन्त्रिपरिषदमा ४ सदस्य थप, इतिहासकै ठूलो सरकार (कार्य विभाजनसहित) प्रधानमन्त्रीद्वारा मन्त्रिपरिषदमा ४ सदस्य थप, इतिहासकै ठूलो सरकार (कार्य विभाजनसहित)

    काठमाडौ, कार्तिक २७  - प्रधानमन्त्री डा.बाबुराम भट्टराईले आज सातौ पटक मन्त्रीपरिषद विस्तार गरी अहिलेसम्मकै ठूलो ४९ सदस्यीय बनाउनु भएको छ ।  यसअघि शेरबहादुर देउवाले ४८ सदस्यीय मन्त्री परिषद गठन गर्नुभएको थियो । प्रधानमन्त्री डाक्टर बाबुराम भट्टराईले सातौ पटक आइतवार ४ जना राज्यमन्त्रीलाई सपथ गराएपछि अहिलेको मन्त्रीपरिषद इतिहासकै सबैभन्दा ठुलो मन्त्रीपरिषद बनेको हो ।

  • अमेरिका भ्रमण निक्कै सफलः प्रचण्ड अमेरिका भ्रमण निक्कै सफलः प्रचण्ड

    काठमाडौं, कात्तिक २७ — नेपालको शान्ति प्रक्रिया र लुम्बिनीको विकासमा संयुक्त राष्ट्रसंघको सहयोग जुटाउन अमेरिका पुगेका एकीकृत नेकपा माओवादीका अध्यक्ष पुष्पकमल दाहाल ‘प्रचण्ड’ले आफ्नो भ्रमण निक्कै सफल रहेको बताउनु भएको छ । अमेरिका भ्रमणबाट फर्के लगत्तै त्रिभुवन अन्तराष्ट्रिय विमानस्थलमा पत्रकार सम्मेलन गरी अध्यक्ष प्रचण्डले लुम्बिनीको विकासका सन्दर्भमा भ्रमण सफल रहेको बताउनुभयो ।

  • हिमालयन सेर्पा सफल पोखरा कप फुटबलको सेमिफाइनलमा

    पोखरा कात्तिक २७ - हिमालयन सेर्पा क्लव सफल पोखरा कप फुटबल प्रतियोगिताको सेमिफाइनलमा पुगेको छ । पोखरा रंगशालामा दिपक राईले गरेको एक मात्र गोलमा मद्दतमा भारत कोलकाताको साउथर्न स्पोटर्स क्लबलाई १–० ले हराउँदै हिमालयन सेर्पा सेमिफाइनलनमा पुगेको हो ।

USAID
पछिल्ला समाचारहरु

मेरो पनि भन्नु छ

  • पार्टीको लाइन भन्दा पनि पक्ष विपक्षी नभनी नागरिकको लाइन अनुसार काम गर्नुस् । यसैमा तपाईं अनि गाउँ र नगरको भविष्य उज्यालो हुनेछ ।

    ​निर्मल मैनाली
  • काठमाडौँ र मधेश भन्दा पहिला हामी सबै नेपाली हौ । राम्रो काम गर्ने पूर्वको मान्छेलाई पश्चिमले साथ र सहयोग दिन्छ । हिमालले तराईकोलाई सहयोग र समर्थन दिन्छ । यो तपाईको प्रयासले समाजमा नयाँं उत्साह र नकारात्मकको राजनीतिकलाई केही सम्म धुने काम गरेको छ ।

    ​विष्णु भुसाल
  • चीनको ‘वान वेल्ट वान रोड’ अवधारणामा नेपालले हस्ताक्षर गरेको खबर सुनेर खुसी लाग्यो । भारतले सम्झौता नगर्न दबाब दिईरहेको बेला नेपालले सम्झौता गरेको खबर सुन्दा खुशी लाग्यो, अब कार्यान्वयन पनि छिट्टै होस् ।

    राज बजगाई
सबै हेर्नुहोस

सोसल मिडिया