MENU
Ncell Axiata

समाचार

  • धारिलो हतियार प्रहार गरी बृद्धको हत्या

    नुवाकोट, भदौ १७ - धारिलो हतियार प्रहार गरी नुवाकोटको देउरालीका एक बृद्धको हत्या भएको छ ।     देउराली–९, गोगनेका ८८ बर्षिय बहादुरसिंह तामाङको शनिवार राती उहाँकै घरमा अपरिचित मानिसले धारिलो हतियारले घाँटी रेटेर हत्या गरेको जिल्ला प्रहरी कार्यालय नुवाकोटले जनाएको छ । घाँटी रेटिएपछि गम्भीर घाइते भएका तामाङलाई उपचारको लागि जिल्ला अस्पताल त्रिशूली ल्याउने क्रममा बाटोमा नै ज्यान गएको हो ।

  • हतियारधारी समुहको आक्रमणमा दम्पत्ती घाइते

    पाँचथर, भदौ १७ - अनुहारमा कालो मोसो दलेर आएका हतियारधारी समुहले शनिवार पाँचथर सुभाङ ९ का एक दम्पत्तीलाई आक्रमण गरेका छन् । सुभाङ ९ का गोपिकृष्ण संग्रौला र उहाँकी श्रीमती मायादेवी आक्रमणमा परी घाईते हुनु भएको हो ।

  • डोटीमा भाईरल ज्वरोको प्रकोप

    बिमल बिष्ट/उज्यालो । डोटी, भदौ १७ - एक हप्ताअघिदेखी डोटीमा फैलिएको भाईरलज्वरोका कारण सयौ स्थानियवासिन्दा विरामी भएका छन् । अस्पताल, निजी क्लिनिक तथा स्थानीय स्वास्थ्य चौकीमा उपचार गराउन आउने बिरामीको घुईचो लाग्ने गरेको छ ।

  • आक्रमणको डरले पलायन भएका भारतीय कार्यथलोमा फर्किन थाले

    भदौ १७ - आक्रमणको डरका कारण दक्षिणी भारतबाट घर फर्किएका पूर्वोत्तर क्षेत्रका विद्यार्थी तथा कामदार कार्यथलोमा फर्किन थालेका छन् । उनीहरुलाई फर्काउन शनिवार गुवाहाटीदेखि बेंगलोर सम्म विशेष रेल सेवा सन्चालन गरिएको भारतीय सन्चारमाध्यमले जनाएका छन् । घरबाट फर्किएका मानिसको सुरक्षा लगायत व्यवस्था अनुगमनका लागि असम सरकारका दुई मन्त्री नै खटिएका थिए ।

  • बोडीका थप दुईवटा जात उत्कृष्ट

    काठमाडौं, भदौ १७ बोडीका थप दुईवटा जात उत्कृष्ट देखिएका छन् । यी जात केही वर्षभित्रै सिफारिस हुने नेपाल कृषि अनुसन्धान परिषद नार्क अन्तर्गतको कोसेबाली अनुसन्धान कार्यक्रमले जनाएको छ । कार्यक्रमका बरिष्ठ बैज्ञानिक धनबहादुर घर्तीका अनुसार हरियोकोसा र दाल दुवैका लागि यी जात उत्कृष्ट देखिएका छन् ।

  • ६ प्रदेश वनाउने सहमति भएको कोइरालाको खुलासा ६ प्रदेश वनाउने सहमति भएको कोइरालाको खुलासा

    बुटवल, भदौ १७ - नेपाली कांग्रेसकी नेतृ सुजाता कोइरालाले ६ प्रदेश वनाउने विषयमा राजनीतिक दलहरुबीच सहमति भएको खुलासा गर्नुभएको छ । प्रेस युनियन रुपन्देहीले बिहान वुटवलमा गरेको पत्रकार सम्मेलनमा उहाँले नया प्रदेशको नामाकरण जातिय आधारमा नभएर बहुपहिचानका आधारमा हुने बताउनुभयो । नेतृ कोइरालाले कांग्रेस संघियता विरोधी नभएको भन्दै जनजातिबीच लडाईं गराएर राष्ट्रलाई विखण्ड गराउने पक्षमा कांग्रेस नरहेको बताउनुभयो ।

  • अन्नपूर्ण चक्रीय पदमार्गमा पहिरो

    लम्जुङ्ग, भदौ १७ - अन्नपूर्ण चक्रीय पदमार्गका विभिन्न ठाउँहरुमा बाढी पहिरो जाने क्रम बढेको छ । बाढी पहिरोका कारण पदमार्गका बाटो भत्कीएर हिँडडुल गर्न समेत मुस्कील भएको छ ।  लमजुङ सदरमुकाम वेसीशहरदेखि मनाङ सदरमुकाम चामेसम्मका एकदर्जन भन्दा बढी ठाउँमा पहिरोले बाटो बगाएको छ ।

  • वेलायती पुरुषले गाडी र तलब बारे बढाई चढाई गर्छन : अध्ययन

    भदौ १७ - बेलायतका ५५ प्रतिशत पुरुषले आफ्नो तलब र गाडीबारे बढाई चढाई गरेर बोल्ने गरेको एक अध्ययनले देखाएको छ । देशका विभिन्न क्षेत्रमा गरिएको सर्वेक्षणले हरेक पाँच जनामा एक जनाले पुराना साथीहरुलाई तलब र गाडीका बारेमा झुटो जानकारी दिने गरेको देखाएको छ । सर्वेक्षणमा सहभागी २१ प्रतिशत बेलायती पुरुषले स्कुल या कलेजका पुराना साथी भेट भएको अवस्थामा झुटो बोल्ने गरेको स्वीकारेका छन् ।

  • कांग्रेस र माओवादीको छुट्टा छुट्टै बैठक बस्दै कांग्रेस र माओवादीको छुट्टा छुट्टै बैठक बस्दै

    काठमाडौं, भदौ १७ - नेपाली कांग्रेस केन्द्रीय कार्यसमितिको बैठक बस्दैछ । बिहान ११ बजेपछि पार्टी कार्यालय सानेपामा बस्ने बैठकमा पछिल्लो राजनीतिक अवस्थाबारे छलफल हुने प्रवक्ता दिलेन्द्र प्रसाद बडूले जानकारी दिनुभयो । कांग्रेसमा नयाँ चुनाव या संविधानसभा पुनस्र्थापना के भन्नेबारे नेताहरुको दुईथरी विचार छ ।

  • काठमाडौंमा रात्री बसको रुट र तालिका व्यवस्थित नहुँदा समस्या

    काठमाडौं, भदौ १७ - काठमाडौं उपत्यकामा रात्री बस सन्चालन हुन थालेको १६ दिन भैसक्दा समेत पनि रुट र समय तालिका अझै व्यवस्थित हुन सकेको छैन । महानगरपालिकाकाले यात्रुलाई सहज हुने गरी बसको रुट, स्टप र गाडी पुग्ने र रोकिने समय तोकिने बताएपनि अझै काम शुरु हुन नसक्दा यात्रु समस्यामा परेका छन् । जसले गर्दा रात्री बस चढ्नेको संख्या पनि बढ्न सकेको छैन ।

  • विश्व नम्बर १ फेडेर युएस ओपन टेनिसको चौथो चरणमा

    भदौ १७ - विश्व नम्बर १ रोजर फेडेरर युएस ओपन टेनिसको चौथो चरणमा प्रवेश गरेका छन् । स्वीस फेडेररले स्पेनी फर्नान्डो भर्डेस्कोलाई ६–३, ६–४ र ६–४ ले पराजित गर्दै अन्तिम १६ मा स्थान सुरक्षित गरेका हुन् । यस्तै तेश्रो वरियताका एन्डी मर्रे पनि स्पेनी फेलिसियानो लोपेजलाई हराउँदै चौथो चरणमा प्रवेश गरे ।

  • मुख्य ३ दलको बैठक बस्दै

    काठमाडौं, भदौ १७ - राजनीतिक सहमति जुटाउन प्रयासरत मुख्य तीन दलको बैठक आइतवार पनि बस्दैछ । केही दिन निरन्तर छलफल गरेर टुंगोमा पुगिने नेताहरुले बताएका छन् । शनिवारको बैठकमा एकीकृत नेकपा माओवादीले सहमतिका लागि जनमत संग्रहमा समेत जान सक्ने गरी ३ वटा विकल्प पेश गरेको छ ।

  • छुट्टा छुट्टै दुर्घटनामा २ को मृत्यु

    काठमाडौं, भदौ १७ - काठमाडौं र ललितपुरमा शनिवार राती भएका छुट्टा छुट्टै दुर्घटनामा २ जनाको ज्यान गएको छ । १ जना गम्भिर घाईते भएका छन् । काठमाडौंको कालिमाटीमा नम्बर नखुलेको मोटरसाईकलले बा १७ प १२ ८४ नम्बरको स्कुटरलाई ठक्कर दिदा गम्भिर घाईते भएका स्युचाटारका २८ वर्षीय निरज गौतमको उपचारका क्रममा काठमाडौं अस्पतालमा ज्यान गएको प्रहरीले जनाएको छ ।

  • अव वन्ने सरकारको नेतृत्व पौडेलले गर्ने : कोइराला अव वन्ने सरकारको नेतृत्व पौडेलले गर्ने : कोइराला

    कपिलवस्तु, १६ भाद्र - नेपाली कांग्रेसकी नेतृ सुजाता कोईरालाले राजनैतिक सहमतिका आधारमा अबको सरकारको नेतृत्व नेपाली कांग्रेसले गर्ने र काँग्रेसको तर्फबाट रामचन्द्र पौडेलको नेतृत्वमा सरकार गठन हुने दावी गर्नुभएको छ । नेपाली कांग्रेस मोतीपुर गाउं सम्मेलनमा बोल्दै नेतृ कोईरालाले दलीय सहमतिका आधारमा प्रधानमन्त्री वाबुराम भट्राईले सकारबाट चांडै नै राजीनामा गर्ने समेत बताउनुभयो । उहाँले सहमतिको बिकल्प नभएको बताउनुभयो ।

  • चट्याङ्बाट एक जनाको ज्यान गयो

    नवलपरासी, भदौ १६ - नवलपरासीको सुनवलमा शनिवार दिउँसो परेको चट्याङ्बाट एक जना बालकको ज्यान गएको छ ।  तुरिया खोलामा  गएका  सुनवल २ का १० बर्षीय प्रितम सार्कीको ज्यान गएको सुनवल प्रहरीले जनाएको छ ।

  • discussion between Top leaders of 3 parties

    KATHMANDU, SEPT 1 - Top leaders of three major parties fail to make headway on their talks that aims to address the constitutional deadlock after the Constituent Assembly’s dissolution in May 27.

  • चराले पनि गर्छन मृत्युपछिको संस्कार ! चराले पनि गर्छन मृत्युपछिको संस्कार !

    काठमाडौं, भदौ १६ - जब कोही मान्छेको मृत्यु हुन्छ  तब उसका आफन्त र वरिपरिका मान्छेहरुले उसको अन्त्येष्टि गर्छन र दुख व्यक्त गर्न विभिन्न संस्कार पनि गर्छन् । मानिसको संस्कारमा पर्ने यो महत्वपूर्ण काम जनावरमा पनि हुन्छ भनेर बारम्बार चर्चा हुने गर्छन । कमिलाले पनि आफ्ना मरेको साथीलाई बोकेर लाने गरेको हामीले देखेका पनि छौं । चरामा पनि यो गुण हुन सक्ने विज्ञहरुले धेरै अघिदेखि नै अड्कल काटेका पनि हुन् । अड्कलसँगै यस्ता घटना बेला बेलामा देखिएको छ ।

  • सैनिक र प्याथफाईन्डर अन्तर विद्यालय फुटबलको फाइनलमा

    काठमाडौं, भदौ १६ - अन्तर विद्यालय राष्ट्रिय छात्र-छात्रा फुटबल प्रतियोगिता –२०६९ अन्तिम चरण अन्तर्गत छात्रतर्फ सैनिक आवसीय महाविद्यालय भक्तपुर र प्याथफाईन्डर स्कुल काठमाडौं फाइनलमा पुगेका छन् । शनिवार भएको पहिलो सेमिफाईनल खेलमा सैनिक आवसीय महाविद्यालय भक्तपुरले सैनिक आवासीय महाविद्यालय पोखरालाई २–० गोलले पराजित गदै फाईनलमा प्रवेश गरेको हो । सैनिकका लागि दुवै गोल संसार गुरुङ्गले ३८ र ६० औं मिनेटमा गरेका थिए ।

  • हतियार बोकेका चारजना पक्राउ

    इलाम, भदौ १६ दक्षिणी इलामको बाँझोबाट प्रहरीले हतियारसहित चार जनालाई पक्राउ गरेको छ । बाँझो–२ का मौसम लावती, तुरुहाङ्ग लिम्बू, रत्नबहादुर नेम्बाङ्ग र सागर भनिने टीकाराम लावतीलाई प्रहरीले शनिवार पक्रेको हो । उनीहरुलाई भरुवा बन्दुकसहित हिंडिरेका अवस्थामा बाँझो २ स्थित झिल्केखोलाबाट पक्राउ गरेको प्रहरीले जनाएको छ ।

  • तमोर खोलामा यूवा वेपत्ता

    तेह्रथुम, भदौ १६ - पाँचथर स्याबरुम्बा ६ का गौरीवहादुर न्यौपाने तमोर खोलामा डुबेर बेपक्ता भएका छन । तमोर खोलाको लुम्बूघाटमा पानी खाने क्रममा ५३ बर्षिय न्यौपाने डुवेर बेपत्ता भएको प्रहरीले जनाएको छ । तेह्रथुम म्याङ्लुङ्गको शुक्रबारे हटियाबाट केरा बचेर घर फर्कने क्रममा तिर्खा लागेपछी पानी खान लम्बुघाट नजिकै खोलमा गएका न्यौपाने डुबेर बेपत्ता भएको जिल्ला प्रहरी कार्यालयले जनाएको छ ।

  • मलेसिया एयरलाइन्सद्वारा नेपालमा उडान सुरु

    काठमाडौं, भदौ १६ - मलेसिया एयरलाइन्सले नेपालमा शनिवारदेखि आफ्नो नियमित उडान शुरु गरेको छ । मलेसियाका यातायात उपमन्त्री दातो अब्दुल रहिम बक्रीको नेतृत्वमा एयरलाइन्सको पहिलो विमान त्रिभुवन अन्तर्राष्ट्रिय विमानस्थलमा अवतरण गर्दा संस्कृति, पर्यटन तथा नागरिक उड्डयन मन्त्रालयका सचिव यज्ञप्रसाद गौतमलगायत नेपाली टोलीले  स्वागत गरेको छ ।

  • ट्रकले किचेर बृद्धको मृत्यु

    ताप्लेजुङ, भदौ १६ - ताप्लेजुङको सदरमुकाम तोक्मे क्षेत्रमा ट्रकले किचेर एक जनाको ज्यान गएको छ ।  जिल्ला प्रहरी कार्यालय ताप्लेजुङका अनुसार फुङलिङ ८ निवासी ६० वर्षिया शान्ति प्राङदेन (लिम्बु) को ट्रकले किचेर मृत्यु भएको हो ।

  • बहुपहिचानका आधारमा संघीयतामा जान माओवादी तयार बहुपहिचानका आधारमा संघीयतामा जान माओवादी तयार

    काठमाडौं, भदौ १६ - एकीकृत नेकपा माओवादीले बहुपहिचानका आधारमा संघीयतामा जान तयार रहेको बताएको छ । एकीकृत नेकपा माओवादीका प्रवक्ता अग्नि सापकोटाले पार्टी कार्यालयमा पत्रकार सम्मेलन गरी माओवादी संघीयतामा एकल जातीय नभई वहुपहिचानलाई आधार बनाउन तयार रहेको बताउनुभएको हो ।

  • बैंकको जस्तो कारोवार गर्ने सहकारीलाई कारवाही गरिने

    काठमाडौं, भदौ १६ - अर्थ मन्त्रालयले बैंककै समानान्तर हुने गरी स्थापना भै गलत कारोबार गरिरहेका सहकारीलाई कडा कारवाही गर्ने जनाएको छ । बैंकको समान्तर कारोवार गर्ने उद्देश्यले स्थापना भएका केहि बचत तथा ऋण सहकारी संस्थाले गलत काम गरिरहेको सूचना आइरहेकाले अब त्यस्ता सहकारीमाथि कारवाही अघि बढाउने अर्थ सचिव कृष्णहरी बास्कोटाले बताउनुभयो ।

  • स्याङ्जामा भाइरल ज्वरोको प्रकोप

    राधाकृष्ण डुम्रे/उज्यालो । स्याङजा, भदौ १६ - स्याङ्जामा भाईरल ज्वरको प्रकोप वढेको छ । निबुवार्खक कृष्णगण्डकी, पिडिखोला, गुल्मीको हर्मीचौरलगायतका आधा दर्जन गाविसमा भाइरल ज्वरोको प्रकोप बढेको हो । भाइरल ज्वरोको प्रकोप बढेपछि ति गाविसका विद्यालयहरु पनि बन्द हुने अवस्थामा पुगेका छन् ।

  • गाजासहित १ यूवा पक्राउ

    बारा, भदौ १६ - बारा प्रहरीले गाजासहित एक यूवालाई पक्राउ गरेको छ । अमलेखगन्ज प्रहरी चौकीले एक क्विन्टल गाजा सहित मकवानपुरको छतिवन गाविस वडा नम्बर ९ घर भएका १५ वर्षका धनबहादुर वाईवालाई शनिवार बिहान पक्राउ गरेको हो  ।

  • काँग्रेसको नेतृत्वमा राष्ट्रिय सरकार बनेपछि सहमति बन्ने : कोइराला काँग्रेसको नेतृत्वमा राष्ट्रिय सरकार बनेपछि सहमति बन्ने : कोइराला

    काठमाडौं, भदौ १६ - नेपाली कांग्रेसका सभापति सुशील कोइरालाले राष्ट्रिय सहमतिको सरकार नबनेसम्म एकअर्काप्रति अविश्वास कायमै रहने बताउनुभएको छ । विगतमा अनुभवले दलहरुवीच आशंका र अविश्वासको अवस्था कायमै रहेकाले सहमतिको सरकार बनेपछि मात्रै त्यो सम्बन्ध सकिने र थप सहमतिका लागि अग्रसर हुन सकिने कोइरालाको भनाई छ ।

  • चट्याङ लागेर एकै परिवारका २ महिलाको मृत्य

    इटहरी, भदौ १६ - सुनसरी जिल्लाको भरौल गाविस ६ मा शनिवार विहान परेको चट्याङ लागेर एक परिवारका २ जना महिलाको ज्यान गएको छ । चट्याङ लागेर एक गम्भीर अवस्थामा वीपी कोईराला स्वास्थ्य विज्ञान प्रतिष्ठान धरानमा उपचार भई रहेको प्रहरीले वताएको छ । विपी प्रतिष्ठान प्रहरी युनिटका अनुसार चटङ्याङमा परि २६ वर्षीया लक्ष्मीखड्का र १८ वर्षीया गङ्गा खड्काको ज्यान गएको हो ।

  • शैलेन्द्रले हँसाए धादिङका बासिन्दालाई शैलेन्द्रले हँसाए धादिङका बासिन्दालाई

    धादिङ, भदौ  १६ - पुराना पुस्ताहरु माझ निकै परिचित भएपनि नयां पुस्ताले भने काँचको पर्दामा मात्र देख्ने गरेको चर्चित हांस्यव्यङ्गयकार शैलेन्द्र सिम्खडालाई नजिकैवाट भेट्न पाउँदा र सिम्खडाका प्रस्तुति हेर्न पाउंदा धादिङवासी निकै खुसी देखिए ।

  • देशभरमा कति भए पत्रकार र पत्रपत्रिका ?

    काठमाडौँ, भदौ १६ - सूचना विभागले हालसम्म १६ हजार ४ सय ४८ जनालाई पत्रकार परिचयपत्र (प्रेस पास) उपलब्ध गराएको छ । गएको असार मसान्तसम्ममा यसरी पत्रकार परिचय प्राप्त गर्ने महिलाको सङ्ख्या एक हजार १ सय ३८ रहेको छ । त्यसैगरी, कुल दर्ता भएको पत्रपत्रिकाको सङ्ख्या छ हजार १ सय ५० पुगेको छ । गएको आर्थिक वर्षमा मात्रै ७ सय १३ वटा पत्रपत्रिका सूचना विभागमा दर्ता गरिएको थियो ।

  • राप्रपा नेपालद्वारा एकीकरणको जिम्मा अध्यक्षलाई राप्रपा नेपालद्वारा एकीकरणको जिम्मा अध्यक्षलाई

    ललितपुर, भदौ १६ - राप्रपा नेपालले पार्टी एकीकरणको जिम्मा पार्टी अध्यक्ष कमल थापालाई दिएको छ । जावलाखेलमा २ दिन सम्म चलेको केन्द्रिय समितिको बैठकले राजपा र राप्रपासँग हुने एकिकरणको सम्पुर्ण जिम्मा अध्यक्ष थापालाइ दिने निर्णय गरेको हो । बैठकले पार्टी एकीकरण गर्दा सबैधानिक राजत्रन्त्र, हिन्दु राष्ट्र र राष्ट्रिय अखण्डता स्थापित गर्ने बिषयमा अडिक हुने निर्णय गरेको प्रचार बिभाग प्रमुख राजाराम श्रेष्ठले जानकारी दिनुभयो ।

  • सहमतिको विकल्प छैन : सापकोटा

    काभ्रे, भदौ १६ - एकीकृत नेकपा माओवादीका प्रवत्ता अग्नीप्रसाद सापकोटाले नेपाली राजनीतिमा सहमतिको विकल्प नभएको बताउनुभएको छ । उहाँले सहमति नगरी एउटै पार्टीले सरकार समेत चलाउन नसक्ने बताउँदै सबै दल एक जुट भएर समस्याको समाधान गर्नुपर्ने बताउनुभयो ।

  • प्यूठान उद्योगी वाणिज्य संघको अध्यक्षमा भण्डारी

    प्यूठान, भदौ १६ - यूठान उद्योग वाणिज्य संघको आठौं अधिवेशबाट माधवराज भण्डारी अध्यक्षमा निर्वाचित हुनु भएको छ । उहाँ यसअघि प्रथम उपाध्यक्ष हुनुहुन्थ्यो । अध्यक्ष पदका लागि शुक्रवार दिउँसो भएको चुनावमा भण्डारीले प्रतिद्वन्द्वी हिम केसीलाई पछि पार्नुभयो । भण्डारीले ४ सय ३ मत प्राप्त गर्नुभएको थियो भने प्रतिद्वन्द्वी हिम केसीले २ सय ३५ मत प्राप्त गर्नुभएको थियो ।

  • ८ वर्षअघि इराकमा मारिएकाको परिवारमा अझै पीडा ८ वर्षअघि इराकमा मारिएकाको परिवारमा अझै पीडा

    भीमलाल श्रेष्ठ/ उज्यालो । गोरखा, भदौ १६ - भदौ १६ गते आउने वित्तिकै गोरखा वक्राङ गाउँ विकास समिति ५ की ७१ वर्षीय भक्तिमाया थापामगरका आँखा रसाउँछन् । विदेश गएर पैसा कमाउँछु र छिट्टै घर फर्कन्छु भनेर गएको छोरा गुमाएको ८ वर्ष भइसक्यो । तर पनि उहाँको यो पीडा आलै छ । भक्तीमायाका छोरा जीतबहादुरसहित १२ जना नेपालीको इराकमा आतङ्ककारी समूहले अपहरणपछि हत्या गरेको खबर उहाँले भदौ १६ गते पाउनु भएको थियो । “गाउँमा टिभी थिएन पहिला छोरा बन्धक भयो भन्ने खबर सुने । त्यो दिन मैले रेडियो खोलेको थिईन । छोरालाई ...

  • नेपालमा संघीयता आवश्यक रहेको भारतीय राजदुतको भनाई

    विराटनगर, भदौ १६ - नेपालका लागि भारतीय राजदूत जयन्त प्रसादले नेपालमा सङ्घीयता आवश्यक रहेको बताउनुभएको छ । शनिवार बिराटनगरमा भएको कार्यक्रममा उहाले नेपालको समृद्धि एवम् समानुपातिक विकासका लागि सङ्घीयता आवश्यक रहेको बताउनुभयो । भारतमा पनि सुरु अवस्थामा सङ्घीयता कायम गर्दा अप्ठ्यारो परेको स्मरण गर्दै सङ्घीतालाई गलत रुपमा लिन नहुने बताउनुभयो ।

  • एम्बुलेन्स संचालन र २४ घण्टे स्वास्थ्य सेवाका लागि महायज्ञ गरिने

    भक्तपुर, भदौ १६ - भक्तपुरका पाँच गाविसले गाउँमा एम्बुलेन्स चलाउन र उपस्वाथ्य चौकीमा २४ सै घण्टा स्वास्थ्य सेवा प्रवाह गर्नका लागि महायज्ञको आयोजना गर्ने भएका छन् । भक्तपुरको दधिकोट गाविस वडा नं. ८ र ९ चित्रपुरमा आज श्रीमद् भागवत सप्ताह ज्ञान महायज्ञ मूल समारोह समितिले आयोजना गरेको बृहत भेला तथा पत्रकार सम्मेलनमा यसबारे जानकारी दिदै सप्ताहबाट ५० लाख रुपैया संकलन गर्ने लक्ष्य राखेको समितिका अध्यक्ष रामशरण प्रजापतिले बताउनुभयो ।

  • छुरा प्रहार गरी श्रीमतीको हत्या

    पाँचथर, भदौ १६ -  पाँचथर रानीटार ५ घर भई फिदिम डेरा गरी वस्ने एक ब्यक्तिले आफनै श्रीमतीको छुरा प्रहार गरी हत्या गरेका छन् । फिदिमको शिक्षालाइनमा होटल गरी बस्ने ३८ वर्षिय दिपक भनिने मान बहादुर तामाङले श्रीमती २८ वर्षिय कमला तामाङलाई छुरा प्रहार गरी हत्या गरेका हुन् ।

  • इरान भ्रमण अत्यन्तै सफल : प्रधानमन्त्री इरान भ्रमण अत्यन्तै सफल : प्रधानमन्त्री

    तेहरान, भदौ १६ - प्रधानमन्त्री डा बाबुराम भट्टराईले आफ्नो नेतृत्वको प्रतिनिधिमण्डलले गरेको इरान भ्रमण अत्यन्तै सफल भएको बताउनुभएको छ ।  तेहरानस्थित होटेल स्तेगाहलमा पत्रकारसित कुरा गर्दै प्रधानमन्त्री भट्टराईले असंलग्न आन्दोलनको महत्व आजको दुनियाँमा अझै बढ्दै गएको र त्यसले एकदमै सकारात्मक प्रभाव पारेकाले यसको महत्व र सान्दर्भिकता अझ बढेको बताउनुभयो ।

  • गाविस कार्यालयको बम सेनाद्वारा डिस्पोज

    भोजपुर, भदौ १६ भोजपुरको घोडेटारस्थित रानिवास गाउँ विका समितिको कार्यालय भवनमा भुमिगत किराँत जनवादी वर्कस पार्टी (साङ्केनमा समूह) ले राखेको प्रेसर कुकर बम नेपाली सेनाको टोलीले शनिवार विहान डिस्पोज गरेको छ । धनकुटाको हिलेस्थित २ नम्बर बाहिनीबाट आएको बम डिस्पोजल टोलीले सो बमलाई डिस्पोज गरेको हो ।

  • ३ दलको छलफल सकारात्मक दिशातिर उन्मुख : प्रचण्ड ३ दलको छलफल सकारात्मक दिशातिर उन्मुख : प्रचण्ड

    जनकपुरधाम, भदौ १६ - एकीकृत नेकपा माओवादीका अध्यक्ष पुष्पकमल दाहाल ‘प्रचण्ड’ले राजनीतिक निकासको लागि प्रमुख तीन दलबीच भएको छलफल सकारात्मक दिशातर्फ उन्मुख रहेको बताउनु भएको छ । शनिवार बिहान तीन दलको बैठक सकेर पार्टीको मिथिला राज्य समिति स्तरीय कार्यकर्ता प्रशिक्षण कार्यक्रममा सहभागी हुन जनकपुर पुगेका प्रचण्डले पत्रकारसितको कुराकानीमा यस्तो बताउनुभएको हो ।

Joktantra
पछिल्ला समाचारहरु

मेरो पनि भन्नु छ

  • मलेसियाका ५२ सहित ६२ वटा कम्पनीमा नेपाली कामदार नपठाउने निर्णय धेरै राम्रो लागेको छ । मलेसियाका कम्पनीले कामदारमाथि गर्ने दुव्र्यवहार र हेलचेक्र्याईले धेरै नेपालीको ज्यान गएको छ । उनीहरुको यस्तो मनोमानीका बारेमा सरकारले बेलैमा ध्यान दिन जरुरी छ ।

    ​बालाराम बि.क.
  • उम्मेदवार छान्ने विषयमा विवाद हुँदा सिरहा कांग्रेस कार्यकर्ताबिच कुटाकुट हुँदा १० जना घाइते भएको खबरले कांग्रेस गुटैगुट भएको पार्टी हो भन्ने पुष्टि गर्छ । पार्टी सभापति शेरबहादुर देउवाको गुट, रामचन्द्र पौडेल पक्षको गुट, भ्रष्टाचार गरेर जेल बसिसकेका खुमबहादुर खड्काको गुट । हिजो अस्ति गुट मात्रै भन्थे आज त गुटको झगडा नै भएछ ।

    सौहार्द
  • निर्वाचनमा सत्ता दुरुपयोग कसरी हुन्छ भन्ने कुरा पछिल्लो पटक भरतपुर १९ को सन्दर्भमा विकसित घटनाक्रमले प्रष्ट पारेको छ ।

    ​जयकृष्ण दुलाल
सबै हेर्नुहोस

सोसल मिडिया