MENU
Ncell Axiata
USAID

समाचार

  • जेठ १४ मा संविधान बन्दैन : थापा जेठ १४ मा संविधान बन्दैन : थापा

    काठमाडौँ, १९ चैत - राप्रपा नेपालका अध्यक्ष कमल थापाले राजनीतिक दलहरु आ–आफ्नो अडानमा यथावत रहेकाले जेठ १४ भित्र नयाँ संविधान बन्न सक्ने अवस्था नरहेको बताउनुभएको छ । राप्रपा नेपाल काठमाडौँ जिल्ला स्तरीय प्रशिक्षण कार्यक्रमलाई सम्बोधन गर्दै उहाँले देशको अखण्डता बचाउन सबै राजनीतिक दलले आफ्ना त्रुटी र कमजोरी सच्याई अगाडि बढ्नु पर्ने बताउनुभयो ।

  • ‘चितवनको संघर्ष संघीयता र मधेश बिरोधी हैन’

    चितवन, चैत १९ – चितवनका ६ राजनीतिक दलले चितवनमा चलिरहेको संघर्ष संघीयता र मधेश बिरोधी नभएको स्पष्ट पारेका छन् । शनिबार मधेशी मोर्चाले काठमाडौंमा गरेको सभामा चितवनमा चलेको आन्दोलनलाई मधेश टुक्राउने षडयन्त्र भनि गरिएको टिप्पणी पछि चितवनका राजनीतिकदलको स्पष्टीकरण आएको हो ।

  • अन्तिम अवस्थामा पुगेकी गर्भवतिलाई चन्दाले बचायो

    आदर्श केसी/.उज्यालो । रुकुम, चैत १९ -  बच्चा जन्माउने क्रममा पहिला नै बच्चाका हात बाहिर निस्किएपछि समस्यामा परेकी रुकुमकी एक महिलालाई थप उपचारका लागि नेपालगञ्ज लगिएको छ । चन्दा उठाएर रकम संकलन गरी जहाज चार्टर गरेर थप उपचारका लागि झुला ९ की २१ बर्षिया कमला चन्दलाई नेपालगञ्ज लगिएको हो ।

  • जातीय संघियता असम्भव : कोइराला जातीय संघियता असम्भव : कोइराला

    उदयपुर, चैत १९ - नेपाली कांग्रेसका सभापति सुशिल कोईरालाले नेपालमा जातीय संघियता असम्भव भएको बताउनुभएको छ । पे्रस युनियन उदयपुरले आइतवार गरेको पत्रकार भेटघाटमा सभापति कोइरालाले नेपालको कुनैपनि भेगमा कुनै जातिको बहुमत नभएकोले जातिय संघियता बनाउदा त्यहाका अन्य जातीले बिद्रोह गर्न सक्ने भएकाले जातका आधारमा संघियतामा जान नहुने तर्क गर्नुभयो ।

  • अप्रिल फूलका हेडलाइन अप्रिल फूलका हेडलाइन

    काठमाडौं, चैत १९ – एकीकृत नेकपा माओवादीका उपाध्यक्ष मोहन वैद्यले राजनीतिबाट सन्यास घोषणा गरेको खबर कतै देखिहाल्नुभयो विश्वास गर्नुहुन्छ ? नगर्न पनि सक्नुहुन्छ तर यसले तपाईँलाई सोच्न भने वाध्य गराउँछ ।

  • दुई हप्ताअघि हराएका बालक अझै भेटिएनन्

    दमन राई/उज्यालो । खोटाङ, चैत्र–१९, खोटाङमा दुई हप्ता अघिदेखि बेपत्ता भएका बालक अझै भेटिएका छन् । गत चैत्र २ गतेदेखि बाकाचोल–१ का शिबबहादुर राईका १४ वर्षिय छोरा सुजन राई बेपत्ता भएका हुन् । गाउँमा पैसा चोरी गरेको आरोप लगाएपछि दुःखित बनेका बालक राई अचानक बेपत्ता बनेको आफन्तले बताएका छन् ।

  • सुनको भाऊ बढ्यो

    काठमाडौं, चैत १९ - हप्ताको पहिलो दिन आइतवार सुनको भाउ दुईसय रुपैंया बढेको छ भने चाँदी ५ रुपैंयाले घटेको छ । सुन आइतवार तोलाको ५४ हजार दुई सय रुपैंयामा कारोबार भैरहेको नेपाल सुनचाँदी व्यवसायी संघले जनाएको छ ।

  • निमन्त्रण कार्डमा बेहुला र बेहुलीको जन्ममिति राख्नु पर्ने

    चैत १९ - भारत राजस्थानको भरतपुर जिल्लामा विवाहको निमन्त्रणा कार्डमा अनिवार्य रुपमा बेहुला बेहुलीको जन्ममिति राख्नुपर्ने नियम लगाईएको छ । प्रशासनले बालबिवाह रोक्नका लागि भन्दै निमन्त्रणा कार्डमा जन्ममिति उल्लेख गर्न निर्देशन दिएको हो ।

  • म्यान्मारमा मतदान चल्दै

    चैत १९ - म्यानमारमा संसदीय उपचुनाव अन्तर्गत आइतवार मतदान भईरहेको छ । सैन्य समर्थन प्राप्त सरकार सत्तामा पुगेको झण्डै दुई वर्षपछि चुनाव भएको हो ।  संसदको ४५ सिटका लागि प्रजातन्त्रवादी नेतृ आङ्ग सान सुकी सहित १७ दलका १ सय ७६ र आठ जना स्वतन्त्र उम्मेदवार चुनावी मैदानमा छन् ।

  • घरको छतबाट खसेर प्रहरी जवानको मृत्यु

    सर्लाही, चैत १९ - घरको छतबाट खसेर सर्लाहीमा एकजना प्रहरीको ज्यान गएको छ । बरहथवामा दरबन्दी भै इलाका प्रहरी कार्यालय हरकटुवामा कार्यरत असई युगबहादुर रानाको आइतवार बिहान ज्यान गएको हो ।

  • ३ दलको बैठक ४ बजे

    काठमाडौं, चैत १९ - मुख्य तीन राजनीतिक दलको बैठक आइतवार पनि बस्दैछ । दिउँसो ४ बजे शान्ति मन्त्रालयमा बस्ने बैठकमा सत्य निरुपण तथा मेलमिलाप आयोग गठनको कामलाई तत्काल अघि बढाउनेबारे छलफल हुने नेताहरुले बताएका छन् । शनिवारको बैठकले सत्य निरुपण तथा मेलमिलाप आयोग गठन सम्बन्धी विधेयकमा सहमति गरी अन्तिम मस्यौदा बनाउन कानुन मन्त्रालयलाई जिम्मेवारी दिएको थियो ।

  • नयाँ ऐनका लागि उद्योगी व्यवसायीसँग सुझाब लिने काम अन्तिम चरणमा

    काठमाडौं, चैत १९ - उद्योग मन्त्रालयले नयाँ औद्योगिक ब्यवसाय ऐनको मस्यौदा तयार गर्न क्षेत्रियस्तरका उद्योगी ब्यवसायीसँग राय सुझाब लिने काम अन्तिम चरणमा पुगेको जनाएको छ । स्थानीयस्तरका व्यवसायीका राय सुझाब लिने र औद्योगिक नीति २०६७ लाई कार्यान्वयनमा ल्याउन सहज बनाउने उद्देश्य अनुरुप मन्त्रालयले चैतको पहिलो सातादेखि ५ वटै क्षेत्रका स्थानीय ब्यवसायीसँग छलफल सुरु गरेको हो ।

  • सेना समायोजन विशेष समितिको बैठक विना निष्कर्ष

    काठमाडौं, चैत १९ - यसै महिना भित्र सेना समायोजनको काम सक्नेगरी प्रकृयागत निर्णय लिन बसेको सेना समायोजन विशेष समितिको बैठक विना निष्कर्ष सकिएको छ । समितिको सचिवालय नयाँबानेश्वरमा आइतवार बिहान बसेको बैठक बुँदागत रुपमा छलफल गर्नुपर्ने भएको तर समय अभाव भएका कारण सोमवारसम्मका लागि स्थगित गरिएको समिति सदस्य एवं अर्थमन्त्री वर्षमान पुन अनन्तले बताउनुभयो ।

  • फोहोर मैला व्यवस्थापनका लागि बायो ग्याँस प्लान्ट बनाईने

    काठमाडौं, चैत १९ - फोहोरमैला व्यवस्थापनको लागि सरकारी कार्यालय रहेका बिभिन्न पाँच ठाउँमा बायो ग्याँस प्लान्ट स्थापना गरिने भएको छ । फोहोर मैला व्यवस्थापन प्राविधिक सहयोग केन्द्रको सहयोगमा पशुपति क्षेत्र विकास कोष, सिंहदरबार, राष्ट्रपति कार्यालय, मन्त्री निवास तथा दाङको तुलसीपुर नगरपालिकामा बायो ग्याँस प्लान्ट स्थापना गर्न लागिएको हो । केन्द्रका सहायक प्रबन्धक टोपाराम आचार्यले ती ठाउँहरुमा बायो ग्याँस प्लाण्ट स्थापनाको लागि प्रस्ताव गरिसकिएको जानकारी दिनुभयो ।

  • आगलागीमा १५ लाख क्षति आगलागीमा १५ लाख क्षति

    सिद्धराज राई/ उज्यालो । धनकुटा चैत  १८ – तेह्रथुमको पञ्चकन्य गाविसमा शनिबार विहान भएको आगलागीमा ३ घर जल्दा १५ लाख बराबरको क्षति भएको छ ।  आगलागीमा पञ्चकन्य गाविस ४ का खडकबहादुर कार्कीको २ वटा घरगोठ र डिवि कार्कीको १ घरगोठ जलेको स्थानीय घुजिन्द्र कार्कीले बताउनुभयो ।

  • एमालेको नेतृत्वमा मात्र मुलुक अघि बढ्न सक्छः पोखरेल एमालेको नेतृत्वमा मात्र मुलुक अघि बढ्न सक्छः पोखरेल

    बिराटनगर, चैत १८ – नेकपा एमालेका सचिव तथा पूर्व सञ्चारमन्त्री शंकर पोखरेलले नेकपा एमालेको नेतृत्वमा मात्र मुखुक अघि बढ्न सक्ने बताउनुभएको छ । शनिबार यूवा संघ मोरङको आठौं सम्मेलनको बिराटनगरमा उद्घाटन गर्दै सचिव पोखरेलले एमालेको बिचारबाट मात्र मुलुक यहाँ आएको चर्चा गर्दै अझैपनि एमालेको विचार नै मुलुकका लागि नेतृत्वदायी हुने बताउनुभयो ।

  • बिराट गोल्डकपः पुलिसलाई हराउँदै हिमालयन शेर्पा सेमिफाइनलमा

    बिराटनगर, चैत १८ – यति हिमालयन शेर्पा क्लब रमपम बिराट गोल्डकपको सेमिफाइनलमा प्रबेश गरेको छ । बिराटनगरमा शनिबारदेखि शुरु भएको प्रतियोगिताको उद्घाटन खेलमा नेपाल पुलिस क्लबलाई १ शुन्यले हराउँदै यति हिमालयन शेर्पा क्लब सेमिफाइनलमा प्रबेश गरेको हो ।

  • लिम्बुवान राज्य सुनिश्चितताका लागि संघर्ष समितिको घोषणा लिम्बुवान राज्य सुनिश्चितताका लागि संघर्ष समितिको घोषणा

    सेन्छेलुङ लिम्बु/ उज्यालो । काठमाडौं, चैत १८ – एकीकृत नेकपा माओवादी, नेपाली कांग्रेस, नेकपा एमाले लगायत दलका नेता तथा सभासद्हरुले लिम्बुवान राज्य सुनिश्चितताका लागि संघर्ष समितिको घोषणा गरेका छन् । नेकपा एमालेका पोलिटब्यूरो सदस्य विजय सुब्बाको संयोजकत्वमा ललितपूरमा शनिबार संघीयता कार्यान्वयन लिम्बूवान संघर्ष समितिको घोषणा भएको हो ।

  • संघीयतामा जाँदा बुद्धि पुर्‍याउन राष्ट्रपतिको सुझाव संघीयतामा जाँदा बुद्धि पुर्‍याउन राष्ट्रपतिको सुझाव

    काठमाडौं, चैत १८ – राष्ट्रपति डा. रामबरण यादवले संघीय प्रदेश निर्माण गर्दा बुद्धि पुर्याएर काम गर्नु दलहरुलाई सुझाव दिनुभएको छ । मुलुकको अखण्डतामा असर नपर्ने गरि संघीयतामा जानुपर्ने भन्दै राष्ट्रपति यादवले राष्ट्रिय एकतामा आँच नआउने गरी संघीय प्रदेशहरु निर्माण गर्नुपर्ने बताउनुभयो ।

  • आर्थिक सामाजिक रुपान्तरणका लागि कृषि क्षेत्रमा लगानी

    काठमाडौं, चैत १८ – नेपाल राष्ट्र बैंकका गभर्नर डाक्टर युवराज खतिवडाले देशको आर्थिक सामाजिक रुपाणन्तरणको लागि सरकारले कृषि क्षेत्रमा लगानी गर्नपर्ने बताउनु भएको छ । सिरहाको गोलबजारमा शनिबार भएको कार्यक्रममा गभर्नर खतिवडाले आउँदो बजेटमा पशुपालनका किसानलाई आकर्षित गर्न विशेष योजना ल्याउने तयारी गरिरहेको जानकारी दिनुभयो ।

  • संघीयता बिनाको संविधान अमान्यः मधेसी मोर्चा संघीयता बिनाको संविधान अमान्यः मधेसी मोर्चा

    काठमाडौं, चैत १८ – मधेसी नेताहरुले संघीयता बिनाको संविधान आफूहरुलाई मान्य नहुने चेतावनी दिएका छन् । संघीयता र विगतमा आफूसित भएको सहमति कार्यान्वयनका लागि दबाब दिन शनिबार काठमाडौंको खुलामञ्चमा आमसभा गरेर संयुक्त लोकतान्त्रिक मधेशी मोर्चामा आवद्ध मधेशी नेताहरुले यस्तो चेतावनी दिएका हुन् ।

  • खराव मौसमले सेनाको हेलिकप्टरको आकस्मिक  अवतरण खराव मौसमले सेनाको हेलिकप्टरको आकस्मिक अवतरण

    एलबी थापा/ उज्यालो । प्यूठान, चैत १८ – प्रतिकुल मौसमका कारण नेपाली सेनाको हेलिकप्टर प्यूठानमा आकस्मिक अवतरण गरेको छ । काठमाडौबाट बिरामी लिन अछाम जाँदै गरेको हेलिकप्टर शनिबार पौने ५ बजे प्यूठानमा अवतरण गरेको हो ।

  • बुढासुब्बा गोल्डकपको उपाधि थ्रीस्टारलाई

    धरान, चैत १८ - थ्रीस्टार क्लवले १४ औं बुढासुब्बा गोल्डकप फुटबल प्रतियोगिताको उपाधि जितेको छ । एन्फा टेक्निकल सेन्टर धरानमा शनिवार भएको खेलमा चिरप्रतिद्वन्द्वी मनाङ मर्स्याङ्दी क्लवलाई १–० ले हराउँदै थ्रीस्टार कलवले चौथो पटक उपाधि जितेको हो ।

  • विदेशबाट एकै दिन २ वटा शब आएपछि गाउँ नै शोकमा विदेशबाट एकै दिन २ वटा शब आएपछि गाउँ नै शोकमा

    दुर्गाप्रसाद शर्मा/ उज्यालो । पर्वत, चैत १८ - धन कमाउन बिदेश गएकाहरु चैतै दशैंमै भएपनि घर फर्कलान र चाडबाट मनाउँला भन्ने आशामा हेरेर बसिरहेका पर्वतको शालिजा गाविसका बासिन्दा एकै दिन २ वटा शब आए पछि शोकमा डुबेका छन् । रोजगारीका लागि बहराईन पुगेका पर्वतको शालिजा गाबिस–६ का बेलबहादुर चोचाङ्गी र कुलप्रसाद फकामीको शब चैते दशैंकै एक दिन अघि शुक्रवार राती घरआई पुगेको हो । शनिवारै दाहासंस्कार उहाँहरु  दुवै जनाको ड्युटीबाट डेरामा फर्किने क्रममा सडक दुर्घटनामा परि ज्यान गएको थियो । उनीहरु सँगै...

  • प्रेमलाई विवाहमा परिणत गर्न प्रहरीको शरण

    सुनसरी, चैत १८ - प्रेम सम्बन्धलाई विवाहमा परिणत गर्नका लागि सुनसरीका एक जोडी प्रहरीको शरणमा पुगेका छन् । सुनसरीको अमाहिवेला गाविस ७ का २२ वर्षिय अभिनारायण सरदार र २० वर्षिया रविना खातुन आफूहरुको प्रेम सम्बन्धलाई परिवारले तोड्न खोजेपछि प्रहरीको शरणमा पुग्नु भएको हो । केटा पक्षले रविनालाई घर भित्र्याउन तयार भएपछि अन्तरजातीय विवाह गर्न नदिने अडान केटी पक्षले लिएपछि उहाँहरु सुरक्षा माग्दै अमाहिवेला प्रहरी चौकीको शरणमा पुग्नु भएको थियो ।

  • श्रम पत्रकारहरु संगठित

    काठमाडौं, चैत १८ - विभिन्न संचार माध्यममा रहेर श्रम क्षेत्रमा कलम चलाइरहेका पत्रकारहरुको भेलाले शनिवार नेपाल श्रम पत्रकार संघ नेल्जा तदर्थ समिति गठन गरेको छ । काठमाडौंमा भएको श्रम पत्रकारको भेलावाट आर्थिक अभियान दैनिकका रामराजा श्रेष्ठको अध्यक्षतामा ११ सदस्यीय तदर्थ समिति गठन भएको हो ।

  • ट्रायथलन अध्यक्षमा पुन निर्विरोध

    ललितपुर, चैत १८ - नेपाल ट्रायथलन संघको अध्यक्षमा गणेशमान पुन शनिबार निर्विरोध निर्वाचित हुनुभएको छ । पाटनको आदर्श कन्या निकेतनमा भएको संघको तेश्रो साधारणसभाले पुनको अध्यक्षतामा १५ सदस्यीय केन्द्रीय कार्यसमिति समेत निर्विरोध चयन गर्‍यो ।

  • पूर्व राजाद्वारा पूजा अर्चना पूर्व राजाद्वारा पूजा अर्चना

    धनगढी, चैत १८ - पूर्व राजा ज्ञानेन्द्र शाहले धनगढीमा रहेको नैनादेबी भगवती मन्दिर र लक्ष्मीनारायण मन्दिरमा शनिवार पूजा अर्चना गर्नुभएको छ । दिउसो सवा १२ बजेतिर नैनादेबी भगवती मन्दिर पुगेका पूर्वराजाको जिल्ला प्रशासन कार्यालय नजिकैबाट सर्वसाधारणले स्वागत गरेका थिए । राजा आउ देश बचाउको नारा लगाउदै समथर्कहरुले उहाँलाई पुष्पगुच्छा दिएर स्वागत गरेका थिए ।

  • इरानसँग तेल खरिद नगर्न अरु राष्ट्रलाई अमेरिकाको धम्की इरानसँग तेल खरिद नगर्न अरु राष्ट्रलाई अमेरिकाको धम्की

    चैत १८ – अमेरिकाले ईरानसित तेल खरिद नगर्न अरुलाई राष्ट्रलाई धम्की दिएको छ । अमेरिकी राष्ट्रपति बाराक ओबामाले तीन महिना भित्र ईरानबाट भैरहेको तेल निर्यातमा भारी कटौती गर्न वा ठूलो प्रतिबन्धको सामनाका लागि तयार रहन धम्की दिएको बिबिसीले  जनाएको छ ।

  • प्रहरीले प्रयोग गरेको चोरीको मोटरसाइकल युवा संघले समात्यो

    बारा , चैत १८ – नेकपा एमालेको भातृसंगठन युवा संघ बाराले प्रहरीले प्रयोग गरेको चोरीको मोटसाइकल नियन्त्रणमा लिएर जिल्ला प्रहरी कार्यालयमा बुझाएको छ । युवा संघका कार्यकर्ताले शनिबार बिहान कलैयाको भरतचोकबाट प्रहरी सवार चोरीको भारतीय मोटरसाइकल नियन्त्रणमा लिएर जिल्ला प्रहरी कार्यालयमा बुझाएका हुन ।

  • कास्कीका छुट्टाछुट्टै स्थानमा भएका दुर्घटनामा ३३ जना घाईते

    पोखरा, चैत्र १८ – कास्कीका दुई छुट्टाछुट्टै ठाउँमा भएका सवारी दुर्घटनमा ३३ जना घाईते भएका छन् । कास्कीको लुम्लेमा शनिबार बिहान बस पल्टिँदा ३० जना र हेम्जामा एम्बुलेन्स र मोटरसाईकल ठोक्किँदा ३ यात्रु घाइते भएका हुन् ।

  • बम विस्फोटबाट बैतडीमा २ को मृत्यु

    बैतडी, चैत १८ - बैतडीको कटौजपानी–२ मा शनिवार विहान बम विष्फोट हुँदा २ जनाको ज्यान गएको छ । अर्का एक जना घाइते भएका छन् । विस्फोटबाट कटौजपानी–२, बडिया बस्ने ५० वर्षीय दानसिंह भाट र उहाँकी श्रीमती ४३ वर्षीया लालमती भाटको ज्यान गएको स्थानीय मानबहादुर भाटले बताउनुभयो ।

  • सञ्चार संस्थाले शान्ति र संविधानका लागि दबाब दिने

    काठमाडौ, चैत १८ – संचार सम्बन्धी विभिन्न संस्थाले शान्ति र संविधानका लागि दबावमूलक कार्यक्रम गर्ने भएका छन् । काठमाडौमा पत्रकार पत्रकार सम्मेलन गरी नेपाल पत्रकार महासंघ, नेपाल मिडिया सोसाईटी, टेलिभिजन ब्रोडकास्टर्स नेपाल, सामुदायिक रेडियो प्रसारक संघ, ब्रोडकास्टर्स एसोसिएसन नेपाल र काठमाडौ उपत्यका एफ एम रेडियो प्रसारक  मञ्चले संयुक्त रुपमा दबाव अभियान चलाउने घोषणा गरेका हुन् ।

  • नेविसंघको विवाद मिलाउने जिम्मा तीन नेतालाई

    काठमाडौ चैत १८ – नेपाली कांग्रेसले नेविसंघ भित्रको विवाद समाधान गर्ने जिम्मा तीन जना नेतालाइ दिएको छ । सभापति सुशील कोइरालाको निवास महाराजगञ्जमा शनिवार बसेको अनौपचारिक बैठकले विवाद समाधान गर्ने जिम्मा उपसभापति रामचन्द्र पौडेल, महामन्त्रीहरु प्रकाशमान सिंह र कृष्णप्रसाद सिटौललाई दिएको बैठकपछि केन्द्रीय सदस्य मिनेन्द्र रिजालले जानकारी दिनुभयो ।

  • माओवादी र कांग्रेसका कारण शान्ति प्रक्रियामा ढिलाई : पोखरेल माओवादी र कांग्रेसका कारण शान्ति प्रक्रियामा ढिलाई : पोखरेल

    विराटनगर चैत १८ – नेकपा एमालेका सचिव शंकर पोखरेलले माओबादी र कांग्रेसको अनावश्यक अडानका कारण शान्ति र संबिधान निर्माण प्रक्रियाले गतिलिन नसकेको बताउनुभएको छ ।

  • आगलागीबाट २ लाख बराबरको क्षती

    दाङ, चैत १८ दाङमा एक घर र गोठमा आगलागि हुँदा झण्डै दुई लाख रुपैयाँ बराबरको धनमाल जलेर नष्ट भएको छ । हलवार गाबिस— ७ मा रहेको भिमबहादुर खड्काको घर गोठमा आज अगलागी भएको हो । बिहान घरका बालबालीकाले आगो खेलाउदा घरमा आगलागी भएको र झण्डै २ लाख रुपैयाँ बराबरको क्षती भएको पीडित परिवारले जानकारी दिएका छन् । आगलागी बाट घरमा रहेको अन्नपात, लत्ताकपडा सबै जलेर नष्ट भएको छ ।

  • १५ वटा नगरपालिकामा फोहोरमैला ब्यवस्थापनको गुरुयोजना निर्माण

    काठमाडौ, चैत १८ – फोहोरमैला व्यवस्थापनको लागि विभिन्न १५ वटा नगरपालिकामा गुरुयोजना बनाइएको छ । स्थानीय विकास मन्त्रालय अन्तर्गतको फोहोर मैला व्यवस्थापन प्राविधिक सहयोग कन्द्रले यूएन ह्याविटाटको सहकार्यमा धुलिखेल, भीमदत्त, धनगढी, टीकापुर, विरेन्द्रनगर, तुलसीपुर, तानसेन, जनकपुर, धनकुटा, दमक, इलाम लगायत १५ वटा नगरपालिकामा फोहोर मैला व्यवस्थापनको लागि तयारी शुरु भएको हो ।

  • फूल खेतीको ग्ल्यामर फूल खेतीको ग्ल्यामर

    विनोद ढकाल/उज्यालो । काठमाडौं, चैत १८ – ४२ वर्षअघि फूल खेती शुरु गर्दा धरानका सुमत र मिरा राईलाई धेरैको हाँसोको पात्र बनाएका थिए । ‘खुर्सानी लाए त खान पाइन्छ फूल खेती गरेर के हुन्छ ? भनेर जिस्क्याउँथे’ त्यतिबेलाको तितो अनुभव सम्झदै मिराले भन्नुभयो ‘अहिले तिनै मानिसहरु कौशीभरि गमलामा फूल सजाउन थालेका छन् ।’

  • सत्य निरुपण आयोग संबन्धि विधेयक भोली बन्ने

    काठमाडौ, चैत १८ – गर्ने सत्य निरुपण तथा मेलमिलाप आयोग गठन सम्बन्धी विधेयकलाई अन्तिम रुप दिन मुख्य तीन दलले कानुन मन्त्रालयलाई जिम्मेवारी दिएका छन् । दलहरुबीच शनिवार भएको सहमति, विधायन समितिको उपसमितिले तयार पारेको प्रतिवेदनलाई संयुक्त रुपमा राखेर अन्तिम मस्यौदा बनाउन कानुन मन्त्रालयलाई जिम्मा दिइएको माओवादी नेता खिमलाल देवकोटाले बताउनुभयो ।

  • खोटाङमा दुध अभाव

    दमन राई/उज्यालो । खोटाङ, चैत १८ – खोटाङकको सदरमुकाम दिक्तेलमा पहिलोपल्ट स्थापना भएको डेरीमा दुधको अभाव भएको छ । हिउँदको याममा गाईभैंसीले थोरै दुध दिने भएकाले डेरीमा दुध अभाव भएको हो । डेरीले संकलन गरेको दुध विहान दुई घण्टामा नै सकिन्छ ।

USAID
पछिल्ला समाचारहरु

मेरो पनि भन्नु छ

  • सरकारले मेचीदेखि महाकालीसम्म रेल चलाउने भन्थ्यो । कहिले बन्छ रेल्वे अनि कहिले गुड्छ रेल ?

    ​प्रिती चौधरी
  • श्रीमान श्रीमतीबिचको झगडामा चासो देखाउने मानव अधिकारवादी संस्था ११ वर्षे बालिका बलात्कृत भएर गर्भवती हुँदा समाजबाट बहिस्कृत भइ घरबाट निकालिँदा पनि किन बेखबर छ ? त्यसैले यस्ता संस्थाले तत्काल पहल गरुन् ।

    ​गोपाल अधिकारी
  • हाम्रो देशमा वर्षमा हजारौं इन्जिनियरहरु उत्पादन हुन्छन्, तैपनि देशको राजधानीकै बाटोको अवस्था नाजुक छ । यो दोष कसलाई दिने सरकार कि विश्वविद्यालयलाई ?

    ​सरिता भण्डारी
सबै हेर्नुहोस

सोसल मिडिया