MENU
Ncell Axiata

समाचार

  • सुनचाँदीको भाउ बढ्यो

    काठमाडौ, बैशाख १५– सुनचाँदीको भाउ बढेको छ । बिहीबार ५५ हजार रुपैया तोलामा किनबेच भएको सुन शुक्रवार दुई सय रुपैया बढेर ५५ हजार २ सय रुपैयामा किनबेच भइरहेको नेपाल सुनचाँदी व्यवसायी संघले जनाएको छ । त्यस्तै चाँदी पनि बिहीबारको भाउमा ५ रुपैया बढेर १ हजार ८० रुपैयामा किनबेच भइरहेको छ ।

  • पूर्व लडाकुको राष्ट्रिय सम्मलेन शुरु

    काठमाडौ, बैशाख १५– एकीकृत नेकपा माओवादीका पूर्व लडाकूहरुको पहिलो राष्ट्रिय सम्मेलन शुक्रवार शुरु भएको छ । ललितपुरको वालकुमारी खन्ना गार्मेन्टमा शुरु सम्मेलनमा माअ‍ोवादी अध्यक्ष पुष्पकमल दाहाल प्रचण्ड, उपाध्यक्ष एवं प्रधानमन्त्री डाक्टर वावुराम भट्टराईले सम्वोधन गर्ने कार्यक्रम छ ।

  • जिप दुर्घटनामा १ जनाको मृत्यु

    देब पचभैया/उज्यालो । पाल्पा, बैशाख १५ - पाल्पाको बौघापोखराथोक गाबिसको जोर्तेमा जिप दुर्घटना हुँदा १ जनाको ज्यान गएको छ । बुटवलबाट गुल्मीको दरलिङ्गका लागि छुटेको ग १ ज ४७२५ नम्बरको जिप सडकबाट २० मिटर तल खसेर दुर्घटना हुँदा अरु १६ जना घाइते भएका छन् ।

  • १० प्रदेशको विरोधमा सुदुरपश्चिम बन्द

    धनगढी, बैशाख १५ - अखण्ड सुदूरपश्चिमको माग गर्दै आएका बिभिन्न संघ संगठनले गरेको बन्दका कारण सुदूरपश्चिमको जनजीवन कष्टकर बनेको छ । बन्दका कारण विहानैदेखि सुदुरपश्चिममा गाडी चलेका छैनन् भने बजार, कलकारखाना तथा विद्यालय पनि बन्द छन् ।

  • ग्रामिण भेगमा सौर्य उर्जाको प्रयोग बढ्दै

    नवलपरासी, बैशाख १५ - नवलपरासीको ग्रामीण भेगमा सौर्य उर्जाको प्रयोग बढ्दै गएको छ । बिद्युत नपुगेका ग्रामीण भेगमा सौर्य उर्जाबाट बल्ने टुकीको प्रयोग गर्नेहरुको संख्या बढेको हो । जिल्लाका कोटथर, डाँडाँझेरी, भारतीपुर, जौबारी, नरम, रकुवा, डेढगाँउ, अर्खला, रुचाङ्ग, राकाचुली, रतनपुर, हुप्सेकोट र धौबादी लगायत गाबिसमा सौर्य उर्जाको प्रयोग बढेको छ ।

  • घोडाबाट लडेर बालकको मृत्यु

    बागलुङ, बैशाख १५ - बागलुङको बोबाङ गाविसमा घोडाबाट लडेर एक बालकको ज्यान गएको छ । बोबाङ ९ ढोरपाटनबाट आमासंगै घोडा चडेर बोबाङ ७ मा रहेको घरतर्फ फर्कँदै गरेका ५ बर्षीय विनोद विकको बिहिबार बेलुकी घटनास्थलमै ज्यान गएको हो ।

  • राष्ट्रिय क्रिकेटको उपाधि जित्ने बैतडीका खेलाडी सम्मानित

    काठमाडौं, बैशाख १५ - १९ वर्ष मुनिको राष्ट्रिय क्रिकेटको उपाधि विजेता क्षेत्र नम्बर ६ बैतडीका खेलाडीलाई गार्निस स्कूल अफ हस्पिटालिटी म्यानेजम्यान्टले नगद सहित सम्मान गरेको छ । काठमाडौंका धापासीमा रहेको गार्निस स्कूल अफ हस्पिटालिटी म्यानेजम्यान्टका अध्यक्ष शेर चन्दले बैतडीलाई ५० हजार रुपैयाँ प्रदान गर्नुभयो ।

  • बजेट रकमान्तर नगर्न अख्तियारले दिएको निर्देशनप्रति सरकारको आपत्ति

    सूर्यकुमार क्षेत्री/उज्यालो । काठमाडौं, बैशाख १५ - अख्तियार दुरुपयोग अनुसन्धान आयोगले बजेट रकमान्तर नगर्न दिएको निर्देशनप्रति सरकारले आपत्ति जनाएको छ । बिहान बसेको मन्त्रिपरिषद बैठकले मन्त्रालयको क्षेत्राधिकार भित्र पर्ने विषयमा अख्तियारले अनाबश्यक हस्तक्षेप गरेको ठहर गरेको हो । अख्तियारले दिएको निर्देशन कानुनसम्मत नभएको र सचेत गराउनुको साटो निर्देशन नै दिएकोबारे अख्तियारका अधिकारीहरुसंग छलफल गर्ने निर्णय भएको पर्यटन मन्त्री लोकेन्द्र विष्ट मगरले जानकारी दिनुभयो ।

  • बिन लादेनका परिवारलाई साउदी अरव पठाइयो

    बैशाख १५ - पाकिस्तानले आतंकबादी संगठन अल कायदाका पुर्व प्रमुख ओसामा विन लादेनका परिवारलाई साउदी अरव पठाएको छ । अधिकारीहरुलाई उद्धृत गर्दै बिबिसीले जनाएअनुसार लादेनका ३ जना पत्नी र ११ जना छोराछोरीलाई साउदी अरव पठाइएको हो । कडा सुरक्षाकाबीच उनीहरुलाई एउटा मिनी बसमा राखेर इस्लामाबाद अन्तराष्ट्रिय विमानस्थल हुदै विशेष विमान मार्फत साउदी अरव लगिएको हो ।

  • सहमति जुटाउन दलहरुको बैठक आज पनि

    काठमाडौं, बैशाख १५ - संविधान निर्माणका विवादित विषयमा सहमति जुटाउन दलहरु शुक्रवार पनि छलफलमा जुट्दैछन् । बैठक दिउँसो २ बजे संविधानसभा भवन नयाँ बानेश्वरमा बस्ने छ । विहीवारको बैठकमा माओवादीले राज्य पुनर्संरचनामा १० प्रदेशको नयाँ प्रस्ताव गरेपछि दलहरुबीचको दूरी बढेको छ । कांग्रेस र एमालेले माओवादी हात्तिवनमा भएको सहमतिबाट पछाडी हटेको आरोप लगाएका छन् ।

  • डाँकाको आक्रमणमा चार जना घाइते

    जनार्दन पोखरेल/उज्यालो । महोत्तरी, बैशाख १५ - महोत्तरीको किसाननगरमा डाँकासँगको प्रतिकारमा ४ जना घाइते भएका छन् । घाइते मध्ये एक जनाको अवस्था चिन्ताजनक छ । किसाननगर ४ प्रेमनगरका रामविलासमहतोको घरमा विहीवार राती १२ बजे  हतियार सहित आएका डाँकाको आक्रमणमा परि रामविलासकी श्रीमती ४५ बर्षिया रामपरिदेवी, छोरा २२ बर्षका प्रदिप, बुहारी २१ बर्षिया संगिता र छिमेकी १७ बर्षका मुकेश महतो घाइते भएका प्रहरीले जनाएको छ ।

  • विद्यार्थी भर्ना गर्न घरदैलो अभियान सुरु

    काठमाडौं, बैशाख १५ - विद्यार्थी भर्ना अभियान अन्तर्गत शुक्रवारदेखि घरदैलो तथा अभिभावक जागरण कार्यक्रम शुरु भएको छ । विहीवारसम्म विद्यालय पुगेका बालबालिकालाई भर्ना गरिएको र शुक्रवारदेखि घरदैलो अभियान शुरु भएको शिक्षा विभागले जनाएको छ । विद्यालय नआएका तर प्राथमिक शिक्षाको लागि उमेर पुगेका बालबालिकालाई भर्नाको लागि बैशाखभर घरदैलो अभियान चलाउन लागिएको हो ।

  • एमाले केन्द्रीय कमिटि बैठक बस्दै एमाले केन्द्रीय कमिटि बैठक बस्दै

    काठमाडौं, बैशाख १५ - नेकपा एमालेको केन्द्रीय कमिटी बैठक शुक्रवार बस्दैछ । राज्य पुनर्संरचनाबारे माओवादीले ल्याएको नयाँ प्रस्ताव र समसामयिक अरु विषयमा छलफल गर्न एमालेले केन्द्रीय कमिटी बैठक बोलाएको हो । बिहान १० बजेपछि पार्टी कार्यालय बल्खुमा बस्ने बैठकमा निर्वाचन प्रणाली र न्याय प्रणालीका विषयमा पनि छलफल हुने पार्टीका प्रचार विभाग प्रमुख प्रदिप ज्ञवालीले जानकारी दिनुभयो ।

  • तीनकुनेमा भएको दुर्घटनामा १ को मृत्यु

    काठमाडौं, बैशाख १५ -  गैरीगाउँ तीनकुनेमा विहीवार राती भएको दुर्घटनामा एक जनाको ज्यान गएको छ । नम्बर नखुलेको भाडाको ट्रिपरले बा १८ प ५४८९ नम्बरको मोटरसाईकललाई ठक्कर दिँदा मोटर साइकल चालक सिन्धुपाल्चोक बाह्रबिसेका दावा शेर्पाको ज्यान गएको प्रहरीले जनाएको छ । ट्रिपरको ठक्करबाट गम्भीर घाइते भएका शेर्पाको कान्तिपुर अस्पतालमा उपचारका क्रममा ज्यान गएको हो ।

  • आइपिएल क्रिकेट : डेक्कन चाजर्सको पहिलो जित

    बैशाख १५ - इण्डियन प्रिमियर लिग आइपिएल क्रिकेटमा हैदरावाद डेक्कन चाजर्सले पहिलो जित दर्ता गरेको छ । जारी प्रतियोगितामा सातौ खेलमा जित दर्ता गरेको डेक्कन चाजर्सले विहीवार रातीको खेलमा पुर्णे वारियर्सलाई १८ रनले हरायो । बर्षाका कारण स्थगित भएको कोलकाता नाइट राईडर्ससँगको खेलबाट १ अंक बटुलेको डेक्कनको विहीवार रातीको जितसँगै ३ अंक भएको छ ।

  • संघीय ब्यवस्थापिका सानो बनाउन माग गर्दै हस्ताक्षर

    काठमाडौ, बैशाख १४– नेकपा एमालेका सभासहरुले कार्यकारी अधिकार बाँडफाँड नगर्न र संघीय व्यवस्थापिकाको आकार सानो बनाउन माग गर्दै हस्ताक्षर संकलन गरेका छन् । बिहीबार बेलुकीसम्म ४५ जना एमाले सभासदहरुले हस्ताक्षर गरेका छन् ।

  • एकै दिनमा २७ करोडको शेयर किनबेच

    काठमाडौ, बैशाख १४–नेपाल स्टक एक्स्चेन्जमा बिहीबार एकै दिन २७ करोड भन्दा धेरैको शेयर किनबेच भएको छ । केहिदिन यता निरन्तर उकालो लागेको शेयर बजारमा बिहीबार एकै दिन यति ठूलो कारोवार भएको हो ।

  • पुलिस ब्रिटिश गोर्खाकपको फाइनलमा

    काठमाडौ, बैशाख १४– नेपाल पुलिस क्लव बृटिश गोर्खा कप फुटवलको फाइनल प्रवेश गरेको छ । दशरथ रंगशालामा बिहीबार मनाङ्ग मस्र्याङ्गदीलाई १ शुन्यले पाखा लगाउदै पुलिसले थ्रीस्टारसंगको भेट पक्का गरेको हो ।

  • जन्ती वस दुर्घटनामा ४ जनाको ज्यान गयो

    विमल विष्ट/उज्यालो । डोटी, बैशाख १४– डोटीमा जन्ती बोकेको जीप दुर्घटना हुँदा ४ जनाको ज्यान गएको छ । दुर्घटनामा ५ जना घाइते भएका छन् । दुर्घटनामा डोटी रानागाउ ६ का १४ बर्षीय सिद्ध कठायत, दुर्गामाण्डौ ५ का ५५ बर्षीय गोरे धुली र ५० बर्षीय पालसिंह खड्का र सात्फरी गाविसका २२ बर्षिय अमर बमको ज्यान गएको प्रहरीले जनाएको छ ।

  • रकमान्तर नगर्न अख्तियारको निर्देशन

    काठमाडौ, बैशाख १४– अख्तियार दुरुपयोग अनुसन्धान आयोगले राष्ट्रिय गौरब र पहिलो प्राथमिकताका योजना बाहेकका योजनाको रकम रकमान्तर नगर्न सरकारलाई निर्देशन दिएको छ । बजेटमा नपरेका र स्वीकृत नभएका योजनामा पनि रकम विनियोजन गरिएको उजुरी परेपछि अख्तियारले यस्तो काम रोक्न सरकारलाई निर्देशन दिएको हो ।

  • घाटा रकमको ब्यवस्थापमा सरकार गम्भीर भएन : आयल निगम

    काठमाडौ, बैशाख १४– पेट्रोलियम पदार्थ बेच्दा भएको घाटा रकमको ब्यवस्थापनमा सरकार गम्भीर नहुँदा समस्या भएको नेपाल आयल निगमले जनाएको छ । पेट्रोलियम पदार्थ बेचे वापत निगमलाई महिनाको एक अर्ब ५६ करोड रुपैंया घाटा छ । यसमा थप २५ करोड रुपैंया भ्याटमा तिर्नुपर्छ ।

  • अबैधानिक नागरिकता वितरणमा सरकारी कर्मचारीकै मिलेमतो

    पोखरा, बैशाख १४– सरकारी कर्मचारीको मिलोमतोमा कास्कीमा झुटा बिबरण पेश गरी ५ जनाले अबैधानिक रुपमा नागरिकता लिएको भेटिएको छ । पोखरा उपमहानगरपालिका वडा नम्वर २ का सचिव रवि जमरकट्टेलले नक्कली कागजपत्रको आधारमा सक्कली नागरिकता दिनका लागि सिफारिश गरेपछि, प्रशासनले बैशाख ५ गते नागरिकता जारी गरेको पाइएको हो ।

  • अदुवाको मुल्य बढेपछि बिक्री शुरु अदुवाको मुल्य बढेपछि बिक्री शुरु

    भरत ईङ्नाम/उज्यालो । तेह्रथुम, बैशाख १४– तेह्रथुममा यस हप्तादेखि अदुवाको मूल्यमा सुधार आएको छ । सदरमुकाम म्याङ्लुङ्गमा प्रतिकिलो ७ रुपैयाँ रहेको अदुवाको मूल्य बढेर १२ रुपैयाँ पुगेपछि किसानहरु खुशी भएका छन् । भाउ थोरै हुँदा किनबेच हुन छाडेको अदुवाको किनवेच पनि शुरु भएको छ ।

  • महिला स्वास्थ्य स्वयं सेविकाहरु आन्दोलनमा

    पर्वत, बैशाख १४– विभिन्न माग राख्दै पर्वतको ग्रामीण क्षेत्रमा कार्यरत महिला स्वयंसेविका आन्दोलनमा उत्रिएका छन् । गाउँमा बसेर स्वाथ्य संबन्धि काम गर्दै आएपनि आफूहरुलाई राज्यले दिने सेवा सुविधाबाट बञ्चित गराएको भन्दै स्वयंसेविका आन्दोलनमा उत्रिएका हुन् ।

  • पाल्पामा दालचिनी महोत्सव

    देब पचभैया/पाल्पा, बैशाख १४– पाल्पाको दोभान गाबिस बेरुवा गाउमा बैशाख १८ गते हुने दालचिनी महोत्सवको तयारी पुरा भएको छ । ‘ऋणमुक्त गाउ“को शान, दालचिनीको महत्व र पहिचान’ भन्ने नारा साकार पार्न महोत्सव गर्न लागिएको हो ।

  • माओवादीद्वारा १० प्रदेशको प्रस्ताब

    वोमलाल गिरी/उज्यालो । काठमाडौ, बैशाख १४– एकीकृत नेकपा माओवादीले नामाङ्कन र सीमाङ्कन सहित १० प्रदेशको प्रस्ताव गरेपछि दलहरुबीचको दुरी बढेको छ । बिहीबार भएको छलफलमा माओवादीले संघीय संरचनाको नयाँ प्रस्ताव गरेपछि कांग्रेस र एमालेले माओवादी हात्तिवनमा भएको सहमतिबाट पछाडि हटेको आरोप लगाएका छन् ।

  • किसानलाई दिने अनुदानमा अनियमितता

    बारा, बैशाख १४– जिल्ला कृषि विकास कार्यालय बाराले मिसन प्याज खेती अन्तर्गत किसानलाई दिने अनुदानमा अनियमितता भएको किसानले बताएका छन् । कृषि विकास कार्यालयले रकम लेनदेनको आधारमा प्रक्रिया नपुर्याएका किसान समुहलाई अनुदान उपलब्ध गराएको छ ।

  • सुर्खेतमा काठ निकासीमा रोक

    सुर्खेत, बैशाख १४– सुर्खेतका सामुदायिक बनले काठ निकासीमा रोक लगाएका छन् । बीरेन्द्रनगरमा भेला गरी सुर्खेत उपत्यकाका ३१ वटा सामुदायिक वनले काठको निकासीमा रोक लगाउने निर्णय गरेको सामुदायिक बन उपभोक्ता महासंघ सुर्खेतका अध्यक्ष चन्द्रप्रसाद थानीले जानकारी दिनुभयो ।

  • सुदुरपश्चिमका माओवादी सभासद्ले खप्तड मागे

    काठमाडौ, बैशाख १४ – एकीकृत नेकपा माओवादीका सुदूरपश्चिमका सभासद्ले संविधानसभाको राज्यपुनर्संरचना समितिले सिफारिस गरेको पहाडी र हिमाली भूगोलको खप्तड प्रदेश नै कायम गरिनुपर्ने माग गरेका छन् ।

  • १९ वर्षमुनीको राष्ट्रिय क्रिकेटको उपाधि बैतडीलाई

    काठमाडौ, बैशाख १४– १९ वर्षमुनीको राष्ट्रिय क्रिकेटको उपाधि क्षेत्र नबर ६ बैतडीले जितेको छ । बिहीबार भएको फाइनल खेलमा क्षेत्र नंबर २ विरगञ्जलाई ४ विकेटले हराउँदै बैतडीले २५ हजार रुपैयाँ  जितेको हो ।

  • ‘मापसे’ चेकिङ्गले दुर्घटनामा कमी

    विद्रोही गिरी/उज्यालो । नवलपरासी, बैशाख १४ –मादक पदार्थ सेवन (मापसे) गरेर सवारी साधन चलाउनेलाई ट्राफिक प्रहरीले कारबाही गर्न थालेपछि सवारी दुर्घटना घटेको छ । दिनहुँजसो दुर्घटना हुने नवलपरासीको सडकमा ट्राफिकले कारबाही थालेको एक हप्तामा कुनैपनि दुर्घटना भएको छैन ।

  • १४ करोडको लागतमा कृषि फारम

    उदयपुर, बैशाख १४– १४ करोडको लागतमा उदयपुरको त्रियुगा नगरपालिका १३ खाटमन्दिरमा कृषि फाराम निर्माण गर्न थालिएको छ । ७ रोपनी क्षेत्रफलमा बंगुर, गाई, बाख्रा, माछा, मौरी, स्थानीयजातका कुखुरा पालिने फारमका सञ्चालक विष्णु खतिवडाले जानकारी दिनुभयो ।

  • ‘जलवायु परिवर्तनले गाउँलाई धेरै प्रभाव पारिसकेछ’ ‘जलवायु परिवर्तनले गाउँलाई धेरै प्रभाव पारिसकेछ’

    विनोद ढकाल/उज्यालो । काठमाडौ, बैशाख १४– हिमाली क्षेत्रमा जलवायु परिवर्तनको असर देखा पर्न थालेको कुरा केही वर्षदेखि चर्चा हुदै आएको छ । तर सगरमाथाका किर्तिमानी आरोही आप्पा शेर्पाले आफैले भोगेर आउनुभयो ।

  • शान्ति प्रक्रिया करिब करिब टुंगियो : प्रधानमन्त्री शान्ति प्रक्रिया करिब करिब टुंगियो : प्रधानमन्त्री

    प्रधानमन्त्री डाक्टर बावुराम भट्टराईले शान्ति प्रक्रिया टुंगिइसकेको बताउनुभएको छ । किर्तिपुरमा बिहीबार गणतन्त्र स्तम्भको शिलन्यास गर्दै प्रधानमन्त्रीले अव शान्ति प्रक्रियाका प्राविधिक पक्षहरु मात्र टुंग्याउन बाँकी रहेको स्पष्ट पार्नुभयो ।

  • प्रत्यक्ष निर्वाचित राष्ट्रपति घातक : गजुरेल प्रत्यक्ष निर्वाचित राष्ट्रपति घातक : गजुरेल

    काठमाडौ, बैशाख १४– एकीकृत नेकपा माओवादीका सचिव सीपी गजुरेलले प्रत्यक्ष निर्वाचित राष्ट्रपति मुलुकका लागि घातक हुने बताउनुभएको छ । शासकीय स्वरुपमा प्रमुख दलहरुवीच ‘मिश्रित प्रणाली’बारे छलफल चलिरहेको बेला गजुरेलले राष्ट्रपति पनि व्यवस्थापिका संसदकै मातहत हुनुपर्ने बताउनुभयो ।

  • नेपाली नागरिकता लिने ४ तिब्बती पक्राउ

    पोखरा, बैशाख १४ – जिल्ला प्रशासन कार्यालय कास्कीले पाँच जना तिव्वती शरणार्थीलाई नेपाली नागरिकता दिएको खुलासा भएको छ । प्रहरीले झुटो विवरण पेश गरी नागरिकता लिने ४ जना तिब्बतीलाई बिहीबार पक्रेको छ ।

  • कार्यकारी अधिकार बाँडफाँड नगर्न माग गर्दै हस्ताक्षर अभियान

    काठमाडौ, बैशाख १४ – नेकपा एमालेका सभासहरुले कार्यकारी अधिकार बाँडफाँड नगर्न र संघीय व्यवस्थापिकाको आकार सानो बनाउन माग गर्दै हस्ताक्षर अभियान सुरु गरेका छन् । बिहीबार विहान बसेको सभासदहरुको बैठकले  नेतृत्वलाई दबाव दिन हस्तक्षर संकलन गर्ने निर्णय गरेको हो ।

  • पूरै गाउँले  लालपुर्जाबिहीन पूरै गाउँले लालपुर्जाबिहीन

    आश गुरुङ/लमजुङ बैशाख, १४ – मनाङको धारापानी गाउँ विकास समिति वडा नम्बर १ मा रहेको ताल गाउँका ७० घरमा रहेका बासिन्दा लालपूर्जा बिहीन छन् ।  लालपूर्जा पाउन पटक पटक प्रयास भएपनि मद्दद्धा मामिलाका कारण समस्या भएको हो ।

  • बाग्मती किनारको जग्गा ओगट्नेलाई राहत वितरण शुरु

    काठमाडौ, बैशाख १४ – काठमाडौ बागमती नदी किनाराको जग्गा ओगटेर बसेकालाई हटाउन निर्धारण गरिएको राहत रकम बिहीबारदेखि वितरण हुँदैछ । किनारामा बसेकाहरुले प्रति परिवार १५ हजार रुपैंया राहत रकम पाउने छन् ।

  • पाँच हजार लिटर घरेलु मदिरा नष्ट

    नवलपरासी, बैशाख  १४ –बिभिन्न गाउँबाट बरामद गरेको पाँच हजार लिटर घरेलु मदिरा इलाका प्रहरी कार्यालय गैंडाकोटले नष्ट गरेको छ । गैडाकोट, मुकुन्दपुर र रतनपुर गाविसबाट बरामद गरेको घरेलु मदिरा नष्ट गरिएको प्रहरी निरीक्षक डिल्लिनारायण पाण्डेले जानकारी दिनुभयो ।

Joktantra
पछिल्ला समाचारहरु

मेरो पनि भन्नु छ

  • मलेसियाका ५२ सहित ६२ वटा कम्पनीमा नेपाली कामदार नपठाउने निर्णय धेरै राम्रो लागेको छ । मलेसियाका कम्पनीले कामदारमाथि गर्ने दुव्र्यवहार र हेलचेक्र्याईले धेरै नेपालीको ज्यान गएको छ । उनीहरुको यस्तो मनोमानीका बारेमा सरकारले बेलैमा ध्यान दिन जरुरी छ ।

    ​बालाराम बि.क.
  • उम्मेदवार छान्ने विषयमा विवाद हुँदा सिरहा कांग्रेस कार्यकर्ताबिच कुटाकुट हुँदा १० जना घाइते भएको खबरले कांग्रेस गुटैगुट भएको पार्टी हो भन्ने पुष्टि गर्छ । पार्टी सभापति शेरबहादुर देउवाको गुट, रामचन्द्र पौडेल पक्षको गुट, भ्रष्टाचार गरेर जेल बसिसकेका खुमबहादुर खड्काको गुट । हिजो अस्ति गुट मात्रै भन्थे आज त गुटको झगडा नै भएछ ।

    सौहार्द
  • निर्वाचनमा सत्ता दुरुपयोग कसरी हुन्छ भन्ने कुरा पछिल्लो पटक भरतपुर १९ को सन्दर्भमा विकसित घटनाक्रमले प्रष्ट पारेको छ ।

    ​जयकृष्ण दुलाल
सबै हेर्नुहोस

सोसल मिडिया